爆丼丼 (已結業)

因為落大雨既關係，平時大排長龍的爆丼丼，今日終可一試☺️餐廳坐位不算多，但款式很多，除了貼出來的人氣丼，餐牌上還有其他丼以供選擇還有刺身壽司小食麵應有盡有，小朋友都可以一齊食☺️蟹籽沙律—-青瓜蟹柳絲幼細，蟹籽沙津醬均勻地沾滿一絲絲上👍🏻青瓜爽脆口感十足安格斯牛肉鵝肝丼——超卓鵝肝正常夠厚身，牛肉嫩滑肉汁香味濃郁，好好味，超推介👍🏻極上魚生丼—-三文魚鮮味油香帶子大大件鮮甜油甘魚油香味濃海膽新鮮，色澤金黃最好味就係牡丹蝦有兩隻，新鮮爽口甜肥美真係名副其實爆丼丼價錢合理，有質素cp 值高值得再幫襯既一間😍😍

上次渣車經過已經見到好多人排隊，所以今日諗住早D 食，5點9已到，因餐廳6點先開門，之後陸陸續續已經有人排隊啦，餐廳6點準時開門，6點半已經全場滿坐。睇到好幾款都好想食，我地點了3款，每人一款，所有丼丼都會送麵豉湯，或另加5蚊轉飲汽水。極上魚生丼$148嘩，好大件魚生，係厚切魚生，睇餐牌已經比牡丹蝦吸引，真係好大隻呀，第一次食咁大隻既牡丹蝦，蝦身呈半透明狀，蝦鮮甜美味，刺身全部厚切，三文魚腩肉質嫩滑，好肥美，油甘魚肉質比較爽口，海膽甘甜，帶子鮮嫩滑溜，好新鮮，而且啖啖肉，真係好大碗，我一碗都食唔晒。粒粒魚生丼$72有幾款魚生，蟹籽，玉子粒，三文魚粒，油甘魚粒，希靈魚粒，粒粒都大粒，刺身好新鮮，用料十足，堆到成座山咁高，撈埋豉油，wasibi 食，真係好好味，飯亦不得不讚，醋味剛剛好，黏糯濕潤。博多叉燒拉麵（$58）先嚐一口湯，湯底味道濃郁，不會太油膩或過鹹，有3片叉燒，滑嫩而不肥膩，薄厚適中，而麵質彈牙。大件夾低食，以餐真係好滿足，我地7點鐘食完，門口大排長龍，所以想食就要早少少去啦！

甫坐下，店員已經送來三杯熱茶，杯茶已經好香。店內很多特色爆丼，但簡單午餐，點了粒粒魚生丼$58, 送罐裝飲品。餐牌也有很多平民價的飯麵，一定揀到食乜。滿滿的魚生粒粒，仲有爆多的芥辣山，用的是扮竹盤的膠碗，份量不小。食粒粒魚生飯最開心就是有很多魚生種類，青瓜粒，玉子粒，三文魚粒，吞拿魚粒，䲞魚粒，鱆紅魚粒和飛魚粒，超多款，一個餐也可以食很多款式的魚生，而且飛魚籽撈著醋飯，食的時候卜卜卜,很過癮，和食壽司感覺不同。而且偶爾食到特別的魚生，那種食完都唔知乜野魚生的驚喜，也叫人回味。另一欣賞就是店家的細心，除了茶及紙巾外，就是醬油瓶，開初也不知為何有大小之分，但食丼飯時當你想吃醬油，就要這小口的瓶了，小口不會倒太多入丼飯中，不會變醬油撈飯，容易控制。大口就是用醬油碟蘸刺身用，食完對服務及食物都很滿意。

丼丼大腕抵食,價錢合理,材料好新鮮,食晒d 飯都仲有送剩,平時食晒d 送都唔夠料送飯。d 蝦刺身好好味,三文魚厚切又夠肥 超正環境簡單順眼,冷氣夠凍 夏天最怕餐廳唔夠凍！

今日嚟到荃灣經過一間壽司店，大熱天時行到熱熱地見到壽司店真係特別開胃，一於就入去坐吓啦。內裏座位都算寬闊，坐得幾舒服。而且冷氣又夠涼。叫咗個咖喱吉列豬扒飯，日式咖喱唔會覺得好辣，而且味道偏甜好好入口，至於吉列豬扒方面，即叫即製，新鮮炸起，而且啲粉唔會好厚，但係豬扒就好厚肉喎，肉質鬆軟，而且豬扒又唔會炸得好乾身十分之juicy，外脆內軟，飯嘅份量好多，而且價錢好實惠，估唔到喺呢度會搵到一間咁有水準嘅日式店。

荃灣新開左間丼飯專門店，每次經過都大排長龍，今日早放工，兩個人經過見到人唔算多，唔使諗難得機會即刻排隊入去試吓先等咗大概5分鐘就有位，期間睇吓佢門口嘅海報發現比出邊平，期待蟹子沙律份量算多，而且蟹子鋪滿沙律上面，幾開胃丼飯我哋選擇咗安格斯牛肉鵝肝，分量果然同海報一樣，鋪滿晒係飯上面，牛肉好淋身，有牛味，鵝肝嘅油份好香，飯算大碗，一個人應該食唔晒我就另外叫左佢嘅招牌四重爆丼，刺身份量超級多，特別鍾意佢嘅海膽，差唔多有半版海膽係上面，好creamy 好濃，超級正

星期六晚市7點幾嚟到爆丼丼, 餐廳接近滿座, 人氣非常旺。雖然呢度最出名係丼, 但除左丼之外仲有串燒, 壽司等其他選擇, 不過見隔離檯個飯份量都唔細, 我同朋友一人點一個就夠曬啦。跟餐送麵豉湯, +$5 可轉汽水。呢個丼認真丼如其名, 成個飯滿佈三文魚籽, 爆滿程度係令你完全無從入手, 一舀落去三文魚籽馬上滿到瀉。魚籽粒粒飽滿, 食落微微偏鹹, 配白飯唔加調味料都絕對無問題。丼中仲有拖羅蓉 、帆立貝、吞拿魚、三文魚, 夠曬豐盛。安格斯肥牛油脂豐富, 融入飯中, 配上醬汁調味偏重, 但十分惹味。兩大片厚切鵝肝, 極之肥美, 入口油香四溢, 食完已經再無空間叫其他嘢啦。

朋友住荃灣話近期有間丼飯店好有人氣，於是睇完戲就跟佢過黎食LUNCH。四色魚生丼。有三文魚／劍魚腩／海膽／油甘魚。全部魚生都厚切鋪滿個飯碗。三文魚幾肥美油脂充足。海膽甘甜奶滑，可惜就少左啲。劍魚腩都軟腍嘅但就比三文魚口感再有咬口多點，而且好鮮，！丼飯就算落少啲醬油都好夠味，因為醋飯酸味調較得不錯，單單配上魚生已夠滋味。爆丼丼：有甜蝦／三文魚／玉子／希靈魚／蟹籽蟹柳／劍魚腩及吞拿，分量十足。材料同樣新鮮但就更豐富，蟹籽撈勻醋飯增加口感同味道。本身唔太好希靈魚但呢度嘅味道又唔太酸，清清地都唔錯。雖然丼飯量唔算大碗但魚生嘅量搭夠，食完都好夠飽了。跟餐會送汽水但最後都飲唔晒。

2018.06.09 😊【多到滿瀉爆丼飯】食在荃灣踏入6月份 天氣保持著酷熱一時落雨 一時出大太陽小妹簡直就連吃飯的心情也沒有🤢只想來點不一樣的星期六來到荃灣區逛街從街坊口中得知一間人氣丼飯小店😛日本料理正中我們下懷 立刻決定一試小店裝潢以居酒屋為題當日還未到晚市時段已經出現人龍 看來深受一眾街坊歡迎除了主打的丼飯外 亦有售各式刺生及壽司而我們則選擇了2道人氣爆登之選火山爆丼 $168一上桌真的有如其名 滿滿的一碗 有如火山爆發般🌋街坊價錢就可以享用多到溢出的魚生丼飯相信這就是吸引到一眾食客排隊都要堅持光顧都決心火山爆丼包括了拖羅蓉、帆立貝、吞拿魚、三文魚、三文魚籽🐟帆立貝清甜 刺生層屠疊交小山丘上推滿了金黃清透的三文魚籽數量之多 有密集恐懼症的朋友應該會起雞皮吧咬下去幾乎每啖都嚐到三文魚籽的油香🤭加上塔尖的拖羅蓉及其他魚生 感覺豐富四重爆丼 $188友人是個海膽狂迷 未踏入店鋪已經指明要一嚐這道四重爆丼除了必備的爆量海膽外 還有拖羅蓉、帆立貝、三文魚金黃燦爛的海膽整齊排列在碗裡 有如在海灘曬太陽🍣在相照食先過後 先為咀巴送上一整口海膽口感陣陣膏香 大滿足然後將丼飯裡各式刺生加上入口溶

行經去荃灣，行經河貝街，上openrice見到呢間食日本刺身丼的爆丼屋，諗住去試下，店舖唔難找，係天佑小學附近，好易找，入到去，唔駛等位就入得，入去叫左個極尚海鮮丼(内有蝦x2+三文魚腩x2+海胆+凡立貝x2等)及雜錦海鮮丼(三文魚+凡立貝x2+蝦+左口魚等)。刺身味道唔差，但可惜服務差，由入門口開始侍應個個黑口黑面。而且又唔講原來個刺身川丼包一碗面豉湯。但+5元叫氣水就冇湯送。服務可以改善會好D。

平日嘅晏晝去左呢間專食魚生飯嘅爆丼丼，鋪面唔太多人，可以唔洗等位，而且野食嗌完都好快到一坐低就𥄫下招牌菜係乜，留意返，午市同晚市嘅價係唔同，我食嘅時候就做緊特價，減左幾廿蚊㗎~意外收獲賺左除左啲爆丼，仲有拉麵同小食、刺身、壽司嗌。嗌完之後見到兩位師傅即刻整，我地勁快就有得食！招牌呢個確實係嗌左三個丼入面最好味嘅。海膽鮮甜，冇伏味！有時喺出面會食到啲唔新鮮嘅，會勁大陣腥臭味，呢個丼嘅海膽完全冇呢個問題，佢嘅口感同味道配白飯食，真係好配。鵝肝安格斯牛呢個就啱晒唔食魚生嘅朋友仔。牛肉係有醬汁一齊煮嘅，醬汁令個白飯唔晒咁寡。鵝肝略嫌煎得唔夠香口了，但同樣地，佢嘅質感味度同海膽一樣，配飯好好味。三色丼用嘅材料冇話好特別，雖然佢每種魚只有一塊，但佢每一塊都好厚，啖啖肉提提大家，每個爆丼多魚生之餘都好 多 飯！非飯桶朋友們記得留意下，免得浪費其他嘅沙律同小菜都係不錯的。沙律份量價錢其實好抵食！小食方面十分推薦南瓜薯餅，真係足料南瓜整總體黎講性格比都滿意，如果去食，重點推介佢幾款招牌，食落特別啲又深刻啲。

又到食飯時間，同同事經過荃灣呢間爆丼丼，見到門面好似好吸引，就吸引左我地入去啦。門面可以見到好多特色丼飯🍱而且價錢實惠，睇到我地流曬口水開放式廚房可以俾人睇到師傅製作嘅過程。行到熱熱地，飲反個冰凍汽水就最好不過啦。叫左個四色丼，份量大得驚人，好似就快滿瀉甘。裹面有三文魚，油甘魚，劍魚腩，仲有海膽，珍珠米方面又唔會好酸，魚生好新鮮，爽口鮮甜，充滿魚油，而且又夠厚身，果然係啖啖肉。最緊要嘅就梗係有我最鍾意食嘅海膽啦新鮮又甘甜，真係好抵食啊。甜蝦好大隻，爽口鮮甜，又厚肉，齒頰留香。教我如何可以不愛他。玉子小卷，係師傅即叫即製架，一啖一粒，係我最愛芝麻雞翼，即叫即炸，香脆可口，又唔乾身，仲有芝麻令到個雞翼好香，食兩隻簡直唔夠喉呀

今晚收工去咗荃灣同朋友買嘢經過附近，見到有間爆丼丼就決定入去睇下究竟有幾爆，門口都幾多人喺度等緊，好彩我哋嚟嘅時候啱啱好有位，估唔到呢度舖頭細細都吸引咗咁多人每人有一客麵豉湯材料都算幾豐富裏面嘅豆腐香滑，不過湯嘅味道整體有少少偏咸$48厚切四片三文魚肥美又大舊好抵食黑豹墨汁拉麵 $88好濃郁既墨汁，不過有啲偏咸，豚肉嫩滑好味，麵質中等，不太硬亦不太林四重爆丼 $158餐廳既招牌菜之一賣相都已經好爆，超級多海膽，仲有魚子，吞拿魚拖羅&大大粒帶子依個價錢食到咁多野，真係超值，而且夠新鮮，唔怪得咁多人叫黎食

又係荃灣啦，今日一收工就去搵嘢食。男朋友話想食魚生，所以去就近嘅爆丼丼。八點幾都幾滿場。見到幾正咁，就決定係佢啦。啲位唔算迫，都算坐幾舒服。不過我地冇叫到最貴，只係叫左極上魚生丼同火焰魚生丼，感覺已經好豐富。但係都叫左份小食， 日式煎餃。坐底冇耐就有味噌湯飲啦。正正常常啦！個人都唔算好。重點來了！超大份量嘅火焰魚生丼$98，真係就爆，雖然佢個碗算細，但啲魚生份量真係好多，而且件件都好厚！咁嘅價錢真係好抵食。魚生新鮮，啖啖肉，正！極上魚生丼。有海膽同大虎蝦！正正正？而且帶子好鮮甜同有四粒呀！！食到一半已經爆肚，好飽啦。。。好滿足不過最好食竟然係佢日式煎餃子，皮脆唔會粉。內面仲保留有肉汁。好好食！而且一啲都會感覺濟！推！重點佢只需28蚊！邊到嘅日本餐廳食得到？

真係冇乜野唔中意食，好多野都中意食，刺身又係其中一個死穴！所以自從香港都有爆丼之後，成日都心思思想去食，不過價錢真係唔算平，所以都唔會成日去食，但荃灣有幾間平價爆丼，約埋朋友特登入荃灣食再行下街，今次試下呢間「爆丼丼」餐廳裝修比較親民啲，食物選擇唔算好多，但係樣樣都好吸引！！！四重爆丼　　$188 (有優惠價$138)四重包括：爆量海膽、拖羅蓉、帆立貝、三文魚籽。其實餐牌上冇寫有優惠，係啲阿姐講先知，唔知靜係做午市定係晚市都有優惠。實物比圖片矮左少少，但都可以話有驚喜，出面食個丼可以要$200以上，呢到平1/3，但都唔差！海膽係北海道馬糞海膽，唔會腥，帶微甜，拖羅蓉容易入口，帆立貝頗嫰，亦新鮮，三文魚籽拎黎撈飯一流！爆丼丼　　$88包括三文魚、劍魚腩、油甘魚、吞拿魚、希靈魚、甜蝦、蟹柳、蟹籽。每款都係一塊，同樣地丼比較矮，但各款刺身取回分數，特別係希靈魚，入口超鮮甜！比平時食果啲甜好多，而三文魚、劍魚腩、吞拿魚都好厚切，油甘魚相對上遜色少少，比較”鞋”口，甜蝦、蟹柳、蟹籽都屬正正常常。埋單每人都係$100，但食到爆丼！都真係幾抵食，重點係頗新鮮！雖然對我黎講遠左少少，但間唔時想食既時候