燕萍越南餐廳 (已結業)

牛油雞翼, 最愛以前駱克道新景. 自從新景無左之後, 去到其他越南舖, 都會再要牛油雞翼, 不過尋尋覓覓, 始終都找未找回那份水準.今日偶然在銅鑼灣蹓躂, 見到燕萍, 今晚還未想到如何著落, 便與女友前往晚飯.去到是七時許, 客人不少, 但都不用等位, 見到老闆同老闆娘都在舖內招呼客人. 我們叫了牛肉粒炒紅飯, 蒜蓉包, 蒸粉包, 當然少不了牛油雞翼.牛肉粒炒紅飯我就覺得不錯, 飯很香, 夠熱, 牛肉粒有點硬, 但很惹味, 不錯. 但略嫌份量少一點.蒜蓉包是女友所愛, 外觀可見蒜蓉不少, 但卻不夠熱, 所以又是不夠香, 打了個折扣.蒸粉包沒多大印象, 加了魚露, 一口一個搞掂.最後來牛油雞翼, 沒有伴碟的四隻雞翼, 很大期望.但一咬口, 眉頭一皺, 為求中肯, 沒有講出我的感覺.到女友吃時, 我問她感覺如何, 她說麻麻地.牛油雞翼要夠香, 就要夠熱, 但吃下那幾隻就熱度就只是一般. 所以難談得上香, 同時個人覺得粉很厚, 咬下去已喧賓奪主, 蓋過了雞翼的味道.那份牛油雞翼雖然不算難食, 但好食就怎樣也談不上, 比不上意蘆, 明珠, 個人覺得更比不上當年的新景.過後看回門外報導, 再回家

前言：因為之前．．．屋企發生左Ｄ事，所以就暫停食我最愛既牛肉一段日子。就連上次我同男朋友去呢間舖食晚飯，都唔可以叫任何有牛既野．．．＞＜”但．．．．．．今晚終於有機會喇！！！！！今晚我同男朋友又黎呢度食飯，就叫左我男朋友極力推介既牛柳粒紅飯！呢個飯真係好好味呀！！！！！！！我地除左叫呢個飯之外，仲叫左三絲湯河同埋好好味既牛油雞亦～＜三絲湯河＞味道ｏｋ啦～　清清地咁～　算唔錯啦～＜牛油雞亦＞呢個都好好味呀～～　雖然好油．．．但真係好好味！！另外我地都叫左飲品．．．但我都唔記得叫左咩喇～　＞＜””

三絲湯檬- 好少料, D檬粉碎濕濕.牛柳粒紅飯- D飯落得太多茄汁, 酸死人咩!豬肉蝦凍檬卷- 塊皮好"UN", 入面D餡好淡, 超級唔好食!

尋日五點半去完SOGO，ＨＯＮＥＹ因為早食ＬＵＮＣＨ　所以嗌肚餓。一場黎到ＣＢ，佢提議不如去燕萍啦。咁早去到燕萍當然唔使等位啦。睇下餐牌，咦！！原來有ＳＥＴ喎，小食，主食同埋飲品三樣野加埋都係＄４２蚊。而且種類繁多，冇話限住得幾款食物，即刻點菜！我要左炸蝦餅、炸春卷撈檬同埋椰汁三色冰。ＨＯＮＥＹ要左青檸忌廉同埋咖喱牛腩飯炸軟殼蟹。本來以為份量會好少，點知一Ｄ都唔少，食得我地好飽。不過最失敗就係唔記得睇下有冇牛油雞亦向個ＬＩＳＴ度，下次再食的時間留意下吧。最後要提一提大家，我所講呢個ＳＥＴ係要星期一至五，下午六點前先有架。唔岩時間就要散叫或者食二、三、四人餐喇。

今日同男朋友去佢推介既越南餐廳食晚飯。佢極力推介呢度既牛油雞亦。我地食既野如下：沙爹炸扎肉飯＝個汁做得幾好，但係個扎肉就麻麻地～炸春卷撈檬＝呢個就一般啦，撈埋ｄ越南醋食都唔係話好好味，係因為個醋唔夠酸！～牛油雞亦（４件）＝呢樣係最遲先０黎！但亦都係最好食既！不過好多油呀！！放０係雞亦下面既吸油紙成張都索晒油‧‧‧不過真係好好食，好入味，因為我真第一次食，所以我一隻就咁食，另一隻就落青檸汁食，睇０下呢兩個味道有咩分別。其實就咁食都已經好好味，雖然真係好多油！但個味道好好！不過個脆漿係咪厚左少少呢？？而落左青檸汁既雞亦，個感覺就冇頭先就咁食０個隻咁油膩、咁滯。總括來說，各有各好～飲品：椰汁三色冰＝我覺得呢個普通、不過不失咁啦！但好似細杯左ｄ喎～唔係好記得個名，係似係叫啡奶＝呢個幾好味！係要等佢慢慢蒸餾好喇！再將啡奶搞勻，跟住就倒入個滿冰既杯度。我飲左少少，覺得呢個咖啡味幾重，幾好飲！＊點解我個標題會係寫左”千年道行一朝喪”？？係因為我ｋｅｅｐ　ｆｉｔ　ｋｅｅｐ左好耐，好少食ｄ咁油膩既野，今次個雞亦雖然係好好食，但真係好多油，我仲要食左兩隻ｔｉｍ～　‧‧‧咪又要肥番！？？真係千年道行一朝喪．

看了Openrice這個飲食網站接近一個月了，這個網站真的很實用，從這裡得知各食家的心水推介，還有佩服一班熱心寫食評的食家們，令大家可以分享他們的飲食心得，所以我也嘗試寫小第第一篇的飲食體驗。2005年5月4日(星期三) 下午7時30分第一次光顧燕萍，不用等位，坐低看完餐牌才知道要自己寫紙落單的，我們叫了牛油雞翼，生熟牛肉河，豬頸肉撈檬和咸青檸梳打，上卓速度都幾快，以下是我的食後感。1. 牛油雞翼4隻($30): 熱辣辣，幾香脆，沒有油淋淋，但不覺得有牛油味，反而有濃烈的蒜味，本人不吃蒜也吃了兩隻，果然沒有介紹錯。2. 細生熟牛肉湯河($24): 河粉多，牛肉份量略少，可能叫了細碗，湯底也不錯。3. 豬頸肉撈檬($40): 豬頸肉至少有10片，配凍檬好正。4. 咸青檸梳打($17): 名副其實，好咸。洗手間地方不大，男女各一格，洗手在外面。

有一晚9:30pm 一個人去食, 坐低左, 我問佢地有冇o的套餐畀一個人的...個侍應竟然畀左個二人, 四人, 六人的menu 我睇, 我問有冇畀一個人的, 佢答我:「冇喎, 係得呢o的咋喎」最後我叫左個咖喱烤肉飯+ 綠豆冰飯係凍既, 汁係凍既, 肉係焦既, 綠豆冰既綠豆就好似"砵仔糕" 咁, 埋單$50自己真係笨, 銅鑼灣咁多食肆, 係要入去一間咁不知所謂既食, 抵死.

年廿九行完花市之後就o黎呢度醫肚。一坐落就叫左必食的牛油雞翼。今次試左個牛粒紅飯。上次o係清亭見到有人食呢個飯, 被佢的賣相吸引住。牛粒紅飯就係d飯好似加番茄汁炒過咁, d牛肉粒又"淋"又入味, 呢個飯真係幾開胃! 仲叫左個金邊湯粉, 但就好似唔夠味。最後叫左個龍眼冰解渴。

琴日試左個下午茶餐, 包兩隻牛油雞亦及兩件蒜蓉多士, 連一杯飲品. 牛油雞亦夠香脆, 粉漿唔算好厚, 件多士都好脆, 但好鬼油. 我叫左杯鴛鴦, 都幾滑, 但啡味唔多夠, 似奶茶多少少. 成個餐$26, 都ok, 不過超級熱氣呀

20041018 7.30pm兩個人，早o黎有位o吾洗等。我大慨半年無o黎過啦。食o左乜-*牛油雞翼(4隻) - 熱氣就預o左。不過個皮好厚，同埋無乜牛油味lor。牛油雞翼無牛油味，well, well, well......*椒絲腐乳通菜- o吾辣，無乜味，通菜甚至係o吾熱o架添wor。*蓮葉海鮮飯- 係無味又無乜海鮮o既炒飯。*炸雞伴椰汁糯米團- 唯一幾好食o既，因為無乜人會叫，新鮮做，最遲上卓。飯團甜甜地幾好味，外皮脆卜卜。不過件雞都係炸定o吾熱o架lor。*凍檸七要彈- o的o野食上桌速度快到呢......果頭落完order 果頭o的o野食就上，整定曬，o甘樣o的o野點會好食呢?早知去隔離食清亭。埋單total $17X.

今晚同男友食。一坐落就即刻order牛油雞翼, 然後先慢慢睇menu叫其他野食。個牛油雞翼要等好耐,d staff 話係因為要即叫即炸wor。牛油雞翼: 食落唔覺油, 好香蒜頭味, 脆而香, 好正!咖哩黃鱔湯粉: 唔好食, d咖哩辣過頭,蓋過左黃鱔的鮮味。燕平炒金邊粉: 材料有蝦仁、雞絲、芽菜等等。炒得幾香,又唔油, ok.

今日試左呢間算出名的越南菜館, 食左佢既招牌菜牛油雞亦($30/4隻), 咸魚炒芥蘭($42)同咖哩粉絲軟殼蟹煲($58跟白飯).碟牛油雞亦一拿埋來時, 聽到隔離2張台d人話好香, 但我自己又唔覺香=.= , 食落好熱, 但我又唔覺好好味, 食一隻已經夠, 因為很熱氣.比較鐘意佢個咸魚炒芥蘭, 因為d咸魚係切到好似蓉咁去炒, 每一條芥蘭都有咸魚的香味.咖哩粉絲軟殼蟹煲一般般, 因為好似辣左d, 蟹好似冇咩味咁...不過唔知點解有2塊豬紅...

食完佢d 招牌野, e.g. 牛油翼, garlic bread, 食完就知佢幾勁味精!

琴晚同男友0係度食dinner,我要生牛粉,細碗我,23蚊.佢要三絲撈檬,27蚊,再叫個香辣牛油雞翼,30蚊4隻.同埋一杯越南什果冰,19蚊.個生牛粉几好食,d湯都夠味,而個三絲撈檬就一般而已.牛油雞翼不嬲都好食,不過油0左少少.而個什果冰都几得意,唔會好甜,而且好多水果,有大樹菠蘿,又有荔枝,都几得意.琴晚都8點几先食,舖頭8成滿,食得都舒服,唔錯呢~

大約7:00就到,都唔太多人2個人叫左三絲撈檬,蟹肉湯檬and 牛油雞翼.三絲撈檬,gf話好一般.沙嗲王好食D.蟹肉湯檬.都唔知係咩.冇蟹味.勁多蝦米and重蝦味.一般牛油雞翼, gf 話有陣唔知咩味.但我唔覺.熱辣辣.好正.其實唔係特別好,但唔貴.可以一食阿姐幾醒,refill 水好快