影片
以上资料只供参考，请与餐厅确认详情
食家推介
之前喺呢度附近返工，见到呢一间手撕鸡店好吸引， 每次放break都会偷偷地行去望下，但就系冇机会食🥲 皇天不负有心人，我终于食到啦😭劲开心😭我大概四点钟落单，买咗$40香辣味嘅手撕鸡饭(原味同价)，唔系好辣油唔多，主要以香为主，而且饭里面有加藜麦，丰富口感，鸡肉好嫩滑，食唔停口，如果份量多啲就好喇~ 买饭仲包埋一碗鸡汤㗎，鸡汤好鲜甜，而且主要做街坊同学生生意价钱唔会太贵，质素同想像中 一模一样，咁掂呀🙈
继续阅读
街坊燕姐佳味手撕鸡小店🥕麻椒鸡(半只)$68试左招牌既麻椒鸡，非常香既花椒味再带点麻辣，食落不会太辣对🐰黎讲非常好，反而系麻椒花椒味更出众更加香浓，成件事好过口瘾！🥕自家制低糖柠檬百香果茶$13百香果味好浓郁，但又有茶去中和，茶味都好出，成件事就变得非常自然清新既酸甜，自家制饮品系不同的！🥕海蜇买任何产品+$20就有架啦～非常爽脆。见店家仲有自家制既麻辣酱都好吸引，有兴趣既朋友仔都可以试下。======详情======燕姐佳味手撕鸡专门店美孚美孚新邨2期吉利径19号地下50B5号舖👣美孚站D出口步行约6分钟================
继续阅读
今日去美孚揾食，喺港铁D出口出咗之后，发现到一间外卖小店，叫做燕姐佳味手撕鸡专门店。呢间店专做手撕鸡外卖，主打系唔同款式嘅手撕鸡，望落都有成十几款，每款都有张好醒目嘅poster贴喺舖头里面，方便拣食乜。呢间你可以买手撕鸡返屋企加𩠌，又或者拣有配饭或捞面嘅款式，当午餐晚餐一样ok!我就拣咗佢舖头主打嘅招牌沙姜手撕鸡。手撕鸡嘅份量都好多，而且唔会有好多肥膏出现，食落肉质一啲都唔干，感觉有俾心机制作。鸡肉绝对有事先腌过，而且再有用沙姜捞过，所以食落都几够味。啲鸡皮仲有弹性，有意外惊喜！呢款$65，买返屋企加𩠌都唔错。另外买咗日式鸡丝捞面，可以自选酱料，有麻酱同埋辣酱，我就拣咗辣酱。用辣酱Mix手撕鸡非常之野味。手撕鸡同捞面嘅份量都几足，一个人食都绝对够饱。最紧要系性价比好高，$40就有一兜。有时一个人唔知食乜嘅话，呢个就系好好嘅选择。另外都试咗佢𠮶支低糖柠檬百香果茶，味道好清香，而且果香好重，带有少少果酸、超级解腻，$13一支值得推介！
继续阅读
燕姐佳味手撕鸡专门店😘😘😘多元化美味手撕鸡美孚新邨、老牌屋苑、总给人感觉没有好嘢食、居然比我找到一间手撕鸡专门外卖店、环境整洁、仲有各种唔同嘅手撕鸡配搭、可以配搭出咁多款新口味、店主果然有心思❤️曰式鸡丝捞面$40配日式麻酱、鸡丝嫩滑、浓香鸡味、面条爽口弹牙、吃时混酱、一起捞、滋味又惹味😆秘制啖啖肉手撕鸡配有营藜麦饭$40带点香辣手撕鸡、肉质鲜嫩、有嚼口、配青瓜丝、味道爽甜劲夹、非常开胃、藜麦健康有营养、鸡汤不油腻、超抵套餐👍🏻自家制低糖柠檬百香果茶$13百香果清新怡人、甜到恰好、又不太酸、又解辣、店主细心配搭之选👀*加𩠌好选择🤪🤪燕姐佳味手撕鸡专门店（美孚）美孚美孚新邨二期吉利径19号地下港铁美孚站D出口、步行约6分钟
继续阅读
位于美孚新邨2期嘅❤︎︎燕姐佳味手撕鸡❤︎︎专做外卖，有唔同口味嘅手撕鸡🐔亦有捞面，藜麦饭同沙律。lunch食又得，夜晚加𩠌都得，我最钟意帮衬呢啲小店，唔使成日食来食去都系大集团口味。❤︎︎传统原味咸香手撕鸡❤︎︎半只$65店主用散养土鸡，啲肉好嫩滑好有鸡味，就算鸡胸位都唔会鞋口我平时唔食鸡皮，但佢啲鸡皮一啲肥膏都冇，入口唔会油淋淋，重好爽滑😋配料有新鲜嘅紫洋葱，莞茜同花生。❤︎︎日式鸡丝捞面❤︎︎(麻酱)$40配料有青瓜丝，红萝卜丝，望上去色彩缤纷，落埋浓郁嘅麻酱，滋味满满超开胃。会跟埋一碗冇味精鸡汤。❤︎︎自家制低糖柠檬百香果茶❤︎︎$13店主新鲜制，绝冇🙅🏻♀️添加任何防腐剂，保证饮得健康💪🏻有百香果同柠檬肉碎，酸酸甜甜。樽身重写上✫彡除了爱，什么都不添加，feel到店主对食客嘅用心💕
继续阅读