影片
更多
2018-09-12
1843 浏览
好難得可以食到新鮮的海鮮燒烤，燒邦係出乎意料的高質，仲要開到凌晨2點，深夜時分想搵食都難，更何況係海鮮串燒，仲要係好食，仲要價錢合理，香港地暫時都只係燒邦可以令我寫出來分享的食肆。本身只係諗住食串燒，叫左燒粟米、蒜茸燒茄子、叉燒，燒豬頸肉嘅基本嘢，雖然唔係啲乜嘢特別食材，但食起來係有bbq 燒烤味（唔係普通煮過、唔係係咁e燒下兩面），而且係燒到啱啱好，可以話係因為佢手勢好先能夠將D普通嘅食材整得又香又好味。勁係勁在佢冇玩啲gimmick 嘢，真係純粹控制火候同時間，又唔會靠醃料去調味，食得出食物本身嘅鮮味，始終燒烤真係要花心機燒，冇得急，冇得扼人，食到咁有誠意嘅燒烤係好難得。普通嘢都整得咁好就再試佢D海鮮燒烤，一叫先知原來海鮮先係招牌菜，先叫左蟶子同蜆，係超出色，都係嗰句，火侯同時間掌握得很好，兩樣嘢都勁鮮，爽同彈牙，連殻D汁都飲埋，夜麻麻食到咁有誠意嘅新鮮海鮮實在係意料之外，忍不住問老闆，原來佢每朝去漁市場攞貨，而且勁掩尖，買乜都要左揀右揀，唔會就咁定貨，「堅持」就係做到呢個水準唯一嘅原因。最後見到身後有個魚缸，養緊啲鮑魚，又叫左二件，即叫即撈，撈上來好生猛，燒完之後一咬落口又係超級
本身只係諗住食串燒，叫左燒粟米、蒜茸燒茄子、叉燒，燒豬頸肉嘅基本嘢，雖然唔係啲乜嘢特別食材，但食起來係有bbq 燒烤味（唔係普通煮過、唔係係咁e燒下兩面），而且係燒到啱啱好，可以話係因為佢手勢好先能夠將D普通嘅食材整得又香又好味。勁係勁在佢冇玩啲gimmick 嘢，真係純粹控制火候同時間，又唔會靠醃料去調味，食得出食物本身嘅鮮味，始終燒烤真係要花心機燒，冇得急，冇得扼人，食到咁有誠意嘅燒烤係好難得。
普通嘢都整得咁好就再試佢D海鮮燒烤，一叫先知原來海鮮先係招牌菜，先叫左蟶子同蜆，係超出色，都係嗰句，火侯同時間掌握得很好，兩樣嘢都勁鮮，爽同彈牙，連殻D汁都飲埋，夜麻麻食到咁有誠意嘅新鮮海鮮實在係意料之外，忍不住問老闆，原來佢每朝去漁市場攞貨，而且勁掩尖，買乜都要左揀右揀，唔會就咁定貨，「堅持」就係做到呢個水準唯一嘅原因。最後見到身後有個魚缸，養緊啲鮑魚，又叫左二件，即叫即撈，撈上來好生猛，燒完之後一咬落口又係超級鮮美，唔會韌到咬唔到，又唔係粵式煮法靠個汁，又唔會落D古靈精怪嘅嘢去調味，好味係靠真係好新鮮嘅食材同埋燒烤技巧同耐心。冇心理準備食到咁高質嘅串燒同燒烤。講真價錢唔係特別平、亦都唔係特別貴、但水準就特別好，今時今日仲食到真材實料，唔會因爲要賺多D而退而求其次，真心食得出個誠實同質素，係食到個人有D感動
，一定會返𨍭頭再幫襯！
张贴