燒蝦蝦 (金福閣） (已結業)

裝住大頭蝦既蝦缸水質清澈，見到每隻大頭蝦游嚟游去🦐 有大隻有細隻，但每隻都好生猛新鮮，燒出黎隻隻勁多膏，肉質鮮甜串燒肉類種類繁多，有蔬菜類，茄子，台灣腸，年糕，紅腸，雞軟骨，墨魚丸，甜紫薯…多不勝數，全部已經預先串好，方便易燒✌🏻😋海鮮區啲海鮮任食唔嬲，生蠔、活鮑魚同大頭蝦最得我心，活鮑魚好新鮮❤️ 每隻都勁厚肉，有個小秘訣就係燒之前剪一剪個底，燒好就方便食！生蠔肥美唔腥🦪大頭蝦爽彈有膏，回味無窮🤤 兩個半鐘完全係超級忙，無停過手，又夾蝦又燒海鮮又燒熟食，仲有得食雪糕、甜品同任飲酒🍻 超好玩又高質素既流水蝦體驗🤩✨❗️

流水蝦放題除左主打大頭蝦同海鮮之外，仲有大量燒物甜品雪糕同飲品任飲任食～飲品既種類超多，有紙包同汽水，仲有花茶同酒，啤酒，清酒，梅酒都係全飲唔嬲🍺🍺🍺 cheer!!!身為食肉獸既我唔可以唔講下依度既肉🥩依到肉真係超級多種類，有豬仔髀、雞軟骨、五花腩、雞全翼、雞翼、羊架、各種丸類、腸仔，係烤爐上燒一燒油脂逼出黎，雖然好邪惡😈再灑上小小孜然粉上去，真係好香口，風味十足依度既大頭蝦都好新鮮，肉質係彈牙唔係霉既，我自己就鐘意加鹽去燒，而朋友仔就鐘意加蒜蓉(重口味人士）我特別推薦扇貝，大隻鮮甜，而且無沙，加左大量蒜蓉去燒，貝柱惹味噴汁！超正喔🤪❤️最後我地仲食埋雪糕同甜品，完成係捧住個大肚腩走🙈🙈🙈

今日晏晝約咗朋友係元朗睇戲，咁中午就先食過午餐，朋友見我上次食流水蝦食得咁過癮咁開心，佢就未食過，所以中午我地去咗食流水蝦，中午會比夜晚食平少少，$298 一位可以食2.5小時。笑哈哈燒蝦蝦位於元朗市中心，交通都算方便，有海鮮鮑魚串燒任食，生啤任飲。🔸海鮮▪️蜆都有4-5款，每隻都等佢一開蓋就即刻夾起食嗰刻最正，有豐富嘅海水味，一食就停唔丁口，最緊要係冇沙；不過有幾隻燒咗好耐都唔開。▪️蠔有兩種，一種係去咗半殼，姐姐就介紹我食全殼，我都覺得全殼好食啲，蠔肉大粒啲海水味重啲。▪️螺都有兩種，一種係花螺、另一種係翡翠螺，我比較鍾意翡翠螺貪佢大隻啲。▪️魚有三種，有黃花魚、大眼雞、石斑， 我試咗黃花魚，燒起上嚟皮脆肉滑，好味。▪️鮑魚鮑魚隻隻都好大隻，篤下佢仲見到佢郁，好新鮮，食落仲好軟腍，正呀。建議大家燒之前要先用較剪剪開底部除殼嚟燒會比較容易處理。▪️青口青口食落都好鮮甜。▪️魷魚🦑魷魚容易燒，加少少調味粉就已經好好食，大大隻魷魚食好爽😄▪️元貝我都幾鍾意食元貝，加少少蒜蓉落去已經好惹味。▪️流水蝦隻隻蝦都生生猛猛，捉嘅時候都具有挑戰性😂 蝦頭多膏，蝦肉結實。🔸除咗海鮮之外，呢度都仲有熟食，炸物、串燒、熱

e家元朗愈來愈多嘢食,最近發現巷仔開左間食流水蝦!一入座最興奮就係夾大頭蝦，隻隻都游緊水，夾起D蝦之後放坐冰桶凍暈佢地先。除左大頭蝦，重有其他海鮮，貝殼類款式最多。間中出走行一轉都會夾到D新款海鮮同熟食。主角燒大頭蝦，蝦肉好彈牙。貝殼類有兩種唔同食法。我地試過放左入錫紙兜燒同直接放上爐。我覺得用錫紙兜整味道會juice d，放上爐加入蒜蓉辣椒燒會野味d，或者點泰式酸辣汁，味道都係無得輸😂其實淨係食海鮮都已經好夠飽🤓🤰🏻

記得以前每年去泰國旅行都一定會食泰國流水蝦🥳而家疫情又去唔到旅行，老公就提議去呢度試下喇。貪佢勁抵係放題形式去食流水蝦，有成2.5小時俾你仲要流水蝦係活生生自己夾架，真係同泰國既有分別咁🤩🤩🤩一到左餐廳坐低後超興奮，已經迫不及待夾蝦😄佢地D蝦都真係好新鮮，仲要係超大隻，有膏架🤩🤩。所以需要事先放入冰水整暈佢地，等燒既時候唔好彈跳。咁就唔會整親自己啦😎呢度除左大頭蝦之外，仲有好多美食係自助形式咁出去擰👍🏻👍🏻👍🏻唔少得既海鮮啦😋同埋所有可以燒既食物，有肉有菜有湯有甜品🤩🥳🥳什至連出前一丁都有呀，食物款式真係勁多。呢個價錢，其實係好抵，有得玩有得食，最重要係唔會趕時間咁食，可以慢慢享受👍🏻👍🏻一大班朋友一齊玩一齊食👍😁

蝦🦐全部都係蝦🦐🦐🦐 平時打邊爐燒肉啲肥牛脂肪比例太多，搞到食嗰陣好有罪惡感🥲。今日，黎到呢度享受蛋白質嘅盛宴，啱曬我呢啲驚肥嘅人🙈。無唸到呢度裝修都幾新潮👍🏻，墻上面有各種霓虹燈，光線都夠光猛！一上來我同班friend就主攻海鮮類🤩。我地隔離就係一堆生猛嘅蝦蝦，唸到陣間要打暈佢地黎燒都有啲唔忍心(其實好興奮🙈🙈🙈) 蝦肉好鮮甜，食到蝦嘅原汁原味！我地都唔知夾咗幾多轉，不過職員keep住refill，爽呀！其他海鮮嘅選擇都真係多，除咗蝦之外仲有我好鐘意嘅鮑魚😍😍😍。一隻一隻燒都唔夠喉，最後我地拎咗個兜裝住黎燒，好過癮！食到一半我地想轉個口味，就係出面拎咗好多配料😙。加係生蠔or帆立貝上面，別有一番風味，同燒烤店果啲不相上下🤩🤩🤩！最後就緊係飽到企唔到身啦，不過無論係精神上定生理上都好滿足！👍🏻👍🏻👍🏻

邊爐放題同酒店buffet去得太多冇曬新鮮感 今次嚟到🔆燒蝦蝦🔆真係比咗好大驚喜我！！！餐廳位於元朗市中心 都幾方便ga抵讚1️⃣一入到餐廳就feel到呢間餐廳幾用心！地板同檯面都非常乾淨 外面自助區啲嘢擺得好整齊 食到最尾都唔會亂曬！而我地檯面上都好乾淨 垃圾桶同工具都係整齊排列 餐廳抽油煙機 功力都幾猛ga！抵讚2️⃣成個體驗都真係幾新奇！係個缸度見到活生生嘅蝦 仲識跳同游 想食到蝦都要咁上下技巧ga 要用個夾子夾住佢 不過玩吓玩吓就會得心應手！抵讚3️⃣海鮮夠新鮮！蝦就梗係眼見到嘅新鮮啦 即釣即燒唔夠十分鐘就食得 蝦肉彈牙有嚼口 而且好多都會有蝦膏！另外鮑魚 生蠔 蜆 嗰啲都唔錯 食到好濃海鮮味！總括黎講 會encore！下次帶埋屋企人一齊黎就有會人幫我燒蝦剝蝦 咁我就淨係負責食啦！

之前食過流水蝦已經心心念念住❤️早兩日男朋友帶我去元朗食依間自助放題-燒蝦蝦，任飲任食2.5小時都係$368加一，有齊海鮮鮑魚串燒生蠔熟食甜品，連啤酒都係任飲，好抵食啊🥰✨等緊男朋友燒蝦個陣，出去行左一圈睇下有咩熟食可以醫下肚🤰🏻熟食種類好豐富，有炸蝦餅，炒蜆，菠蘿沙律🥗 熟食質素真心唔差講返今日既主角流水蝦🦐，係座位旁邊有流水蝦水缸，見到啲蝦真係好生猛，真·生蝦咁跳🤣男朋友要勁快手先夾住隻蝦再冰暈，不得不讚啲蝦好新鮮，連蝦頭都有膏，蝦肉爽彈好味😋 我地食左幾十隻🦐海鮮既種類超級超級豐富，十幾款唔同款式，岩哂我食啲鐘意食海鮮既人，有生蠔、蜆、扇貝、貴妃蚌、東風螺、青口、墨魚、活鮑魚、魷魚估唔到連魚都係原條上，大眼雞烏頭等等都有🐟，成個海鮮檔咁好有驚喜🤭✨ 貝殼類我用左錫紙兜裝住，邊燒仲係郁緊，勁新鮮🤣重口味既我加左蒜蓉醬去燒，超級惹味入味🤤 滋味無比💭記得要食埋甜品同糖水先好走😗 依到既流水蝦放題會令你全程食到哈哈笑😆好推薦

本人對蝦其實麻麻，不過男朋友鐘意，我又見到呢間除咗蝦之外都有好多海鮮，咁陪下佢都OK嘅🫢🤤。我地七點半前離座，加埋一每人都係唔到四百蚊，幾抵👍🏻👍🏻👍🏻。男朋友主力攻蝦🔥，佢話蝦肉好彈牙，汁水都好豐富。另外好多都有蝦膏，超級滿足！我就試曬其他嘅海鮮。呢度要特登讚下啲生蠔，refill嘅速度夠快，同埋全部大大隻😲，燒完都冇太過縮水，一啖咬落去入口即化，仲要爆曬汁，不過記住小心熱😝。仲有一個好震驚嘅嘢，就係見到成條魚都可以拎，就嚟大過我塊面😎。順便攞埋鮑魚青口果啲，全部都唔錯！既然係燒嘢食，點都要嚟啲蔬菜嘅。出面可以自己攞，種類都幾多，唔係hea你，同埋幫你串埋一串串，燒上黎都幾方便😽最後留啲肚食個甜品同雪糕，perfect😍！

流水蝦係正個位隔離  隨時夾隨時燒隨時食 仲會不斷加蝦🥰蝦味好甜大隻又多肉🦐任食超多海鮮仲包括大大隻鮑魚 超大隻貴妃蚌 蠔  佢有個調味bar可以自調 有蒜薑蔥豉油等等大家食海鮮鮮味又得 整返個重蒜焗蠔又得 任君選擇😌另外仲有每人入座會免費送一串白鱔 醃左既好好味 同埋超爽口😋第一輪就燒晒最正既海鮮 鋪滿左個爐好豐富 打卡arm晒! 👍🏻之後再試下其他海鮮  蜆肉花螺青口真係up得出都有整左兩大條青紅椒一齊燒吊一吊味好香口惹味👍🏻👍🏻怕食海鮮唔夠飽仲有好多串燒 仲有個粉麵檔添😂乜丸都有 不過我諗應該好少人會有海鮮唔食食個粉🤣都係主打海鮮啦😍😍😍

🦐就係今餐重點雖然有試食其他野 但其實由頭到尾都keep住係咁夾蝦好燒蝦,大頭蝦好多膏好正呀😱當然亦係因為好就手好方便😂個缸係正隔離 食完店員又會refill,見到佢地游得咁生猛又想食左佢🤣店內牆上燈飾隻蝦同我地食ge蝦係一模一樣😂,個shape好靚都係咁肥美,頭大多膏好香好惹味呢餐都有小小DIY成份🙆🏻‍♀️自己整左兜蒜香花甲,落左勁多蔥同蒜去個錫紙兜,然後成兜去燒好方便👍🏻,花甲好甜好爽口,之後仲整左蒜蓉扇貝發覺海鮮同蒜蓉好夾! 幾乎咩海鮮放蒜都可以好好味😂,反而大頭蝦蝦膏已經夠味我地就冇再調味燒蝦蝦有野飲有野食真係唔錯,下次可帶其他朋友來再戰😌

燒野食+放題一次滿足兩個願望😍去燒烤場好多時候太多肉食到好滯,呢度有海鮮燒已經好唔同,我瘋狂encore扇貝同蠔好鮮甜好大隻  口感爽口滑身,大頭蝦就好甜 蝦身夠肥又有膏,其他海鮮種類都好多,同行朋友有食青口,我就係咁食蠔😂熟食唔算好多,但係小食為主,粗身波浪紋薯條熱辣辣好脆,襯燒肉好正👍🏻另外仲有麥樂雞,都係好難得地新鮮,我地等緊海鮮熟時狂食呢D唔使等😋燒烤同炸物小食都少不免熱氣,呢度仲有花茶供應  消滯清熱一流😌另外當然有酒鬼最愛 啤酒果汁酒清酒梅酒都齊晒😋

好多人慕名而來燒蝦蝦都係為左燒海鮮回本當然我都唔例外, 但好想一讚店家唔係只比汽水/啤酒呢D谷氣飲品仲有消滯花茶飲, 好細心😍仲要有成十款茶, 每款都貼晒功效, 讓食客按自己需要選擇喜歡的茶平時我喜歡養生, 都有飲開花茶🍵見有洛神花/山渣等消化茶都要嘆返一兩杯先兩款都酸味味, 我較喜歡山渣, 食左一兩輪後飲返杯山渣茶開胃又消滯因為任夾既蝦好多膏, 都真係幾重味有熱茶飲就好解膩, 食多幾十隻都唔怕😌話說夾蝦好好玩, 夾完仲有雪佢凍暈佢先拎去燒😂

燒蝦蝦最eye-catching除左有座位旁邊ge大水缸同其中ge流水蝦外當然仲有出面好多好好味既凍肉同海鮮😋🦐🦐🦐🦐🦐個貴妃蚌不得了好大隻唔止個殼大wo打開後見到啲肉係逼爆個殼食左兩三隻都有少少飽😂但真心好正平時去酒樓圍菜一人得一隻呢度可以任食😍燒蠔都正鮮甜多汁燒耐左都唔會乾身流水蝦就唔洗講環看四周枱枱都keep住係咁燒緊蝦😂的確係好正肉甜多膏🥩🥩🥩🥩🥩肉類同串燒好整齊一盤盤分好晒雞全翼, 魷魚已經拮好左唔使我地自己動手好方便😜我最愛食方形牛粒油脂好均勻肉嫩又香牛油味😍跟手燒埋日本紫薯超甜好有去居酒屋ge感覺❤️代替埋甜品都仲得不過講笑咋我都食左兩杯雪糕😂

標題係善意提醒因為我地一去到太興奮又肚餓所以乜都放晒上去燒,最好分門別類丸還丸肉還肉海鮮還海鮮,咁就可以策略性燒快D食多D😎😎,因為佢真係好多款食物!!蝦我地食得最多,因為又有得玩又有得食,夾完流水蝦即刻燒埋,蝦肉好飽滿蝦膏好香濃越食越開胃🤤 另外丸類每款燒兩粒試下大大粒又係好飽滿,肉類串燒有類似日式嗰種,搽左D蒜蓉牛油上去變左燒烤另類蜜糖超好味❤️肉類都都好正,牛仔骨同羊架啖啖肉,我尤其鍾意食痴住骨既部份,有少少筋超好味❣️總體來講呢度食物高質服務又好,價錢好合理,係地點係大西北辛苦我住九龍既朋友🤣 ,但有好野食抵返晒啦!! 🥰