燒肉LIKE (新城市廣場一期)

营业中

休息中

咁啱經過見到難得唔使排隊，就行咗入去😂叫咗個牛舌牛板腱牛肩套餐，另加300g飯加蛋。整體味道不錯，醬汁嚟講我最鍾意蒜味嗰隻，但係略嫌個爐有啲細，燒起上嚟有啲唔方便。

同事LastDay，老細又請食嘢🌸我哋lunchtime時間有限同事揀咗呢間燒肉嘅外賣喺外賣平台，便當可以揀兩款、三款或四款肉另外飯可以揀紫菜飯/芝麻飯飯量仲有得選擇：150g/ 200g/ 300g便當包咗一碗紫菜湯同泡菜因為我唔食牛，牛肉以外嘅選擇就係雞同豬我呢個便當係兩款肉：雞腿肉+豬五花揀咗紫菜飯200g，加配多隻溫泉蛋肉嘅份量比想像中少🙈雞腿肉只有幾粒，豬五花大約三片雖然份量少，但味道唔錯，彌補返嗰份空虛感便當提供埋燒肉汁，鐘意重口味就非常適合不過唔點汁都已經好夠味👍🏻最後將溫泉蛋倒落紫菜飯，好治療😌佢慢慢滑落再爆開，同飯撈埋食好夾總結💭💭肉嘅味道唔錯，不過大食如我🙈兩款肉同200g飯有啲唔夠喉後來發現肉原來可以重覆叫同一款多過一次所以如果下次再叫佢哋嘅外賣可能會加多個雞腿肉🍗另外同事叫咗橫膈膜，話好好食食牛嘅朋友仔，可以點吓呢款🥩

星期二嘅晚上嚟到新城市廣場人流唔算十分多而餐廳選擇好多嘅同時大部份餐廳都唔駛排隊唯獨佢門口排滿人群 決定拎飛之後行陣先食可惜最後番到去過左10張要重新等過個陣時間都比較晏所以等多左大約15分鐘都入得呢間燒肉主打無煙燒肉就算食完出番黎 身同頭髮都唔會沾染上油煙味 十分好餐點主要以set為主 亦有份量選擇 唔夠亦可以另外單點手機落單即時付款 大約10分鐘後店員就會送上餐點今次叫左日本產和牛牛五花及肩胛肉同Like套餐(牛舌、牛五花、橫隔膜肉)每個套餐都會包括一小碟前菜(可選泡菜或沙律)、麵豉湯及一碗飯值得一提嘅係佢嘅麵豉湯唔似出面沖粉劑死咸個款 飲完唔會令你覺得有負擔而肉方面150g真係唔係好多 每款可能得2-3薄片下次會叫大份量個款肉質肉味以呢個價錢算正常 唔算特別出眾另外每張枱都會提供鹽、黑椒及4款醬汁(原味BBQ醬、蒜香醬油、鹽味醬、辣味噌醬)可以揀適合自己嘅口味

第一次食燒肉like，六點鐘係門口攞籌，都要等大概15分鐘先可以入座，似乎真係好受歡迎。門口接待員好有禮貌，我地隨行有個小朋友，店員姐姐主動提供baby chair真係好窩心。我地揀咗五花肉，牛舌嘅套餐，套餐唔同g有唔同收費，一個餐百零蚊，已經有肉，飯，湯，同泡菜。落單果陣發現佢係電子收費，可以收支付寶，信用卡等等，無找續問題，食完可以直接離枱。肉質鮮嫩，份量都好足，一人一爐燒得好方便，唔會好大油煙，仲可以自己揀爐火大細，唔怕好快燒燶。以後就算一個人想食燒肉，都唔會怕尷尬啦😂

牛舌、牛板腱&牛膈膜燒肉，是食肉獸的的最愛，加上經過加工的調味料，燒牛肉一流，白飯建議叫300g,泡菜有點冷，多肉的我最愛食多肉，有點貴，雖然Like常推新款，但我唯愛這一款，以前的收費方式比較好，電腦白痴的我，真的不會用如果比錢方式同排隊方式改一改就完美了

心郁郁好想食燒肉搵到沙田有一間燒肉門口仲大排長龍添雖然等咗好耐但係咁多人排隊應該都好好食所以我哋堅持繼續等等左個小時終於到我地啦平時成日都食韓國燒肉今日呢款就係日式燒肉佢唔係吃到飽嘅形式而係類似定食咁有肉, 飯, 湯同埋前菜妹妹唔食得牛肉所以我揀咗個牛五花&豬五腩套餐俾佢我負責食牛佢負責食豬最大份量300g都只係$98而家姐就食非常受歡迎嘅LIKE套餐有齊牛舌, 牛五花同埋橫膈膜肉150g $102兩款套餐都包括白飯, 和風湯, 泡菜或者迷你沙律上菜速度唔算好慢只係傾咗一陣間計就已經上枱擺盤好整齊好靚肉質望落去都好新鮮場內抽風系統尚算OK不過冷氣真係太凍啦爐火方便我覺得火力不算太勁所以肉類都需要燒一段時間先有得食總結我覺得好抵食價錢大眾化都有好多唁同套餐比你揀亦都可以加大份量如果唔想去食燒肉自助餐依度係一個唔錯嘅選擇

肉質柴，碗湯似飲油，用醃料遮醜，最初開時食，食過幾次都覺得真係OK，而家越食越差，越賺越開，越開就越縮，揾笨，不過吹佢吾漲，一樣排晒隊，個個以為百幾蚊好抵死，其實如果食佢呢D質素嘅肉，值幾十蚊磅，一磅起碼廿幾塊，佢哋仲要切細細塊得4-6塊，真無良，一直對食嘅價錢真係無所謂，最緊要係比幾錢就比番幾錢嘅質素我呀，呢間嘢，黑名單，我吾會再去，完

Like套餐 250g $135（牛舌、牛五花、橫隔膜肉）（木魚絲紫菜飯 150g +生蛋 另加$15）套餐包括白飯、和風湯、泡菜或迷你沙律。薄切牛舌有少少靭，唔夠彈牙；牛五花有筋，冇咩牛肉味，醃過嘅醬味較重；橫隔膜肉質纖維感強，有嚼勁，帶有少少牛肉味。牛小排 100g $98肉質軟腍有肉汁，但肉味不足。牛板腱 100g $65肉質有嚼勁但唔靭，滿滿肉汁，肉味濃郁。〰️〰️〰️〰️〰餐廳開11:30，我11:52分就㩒飛，票號已經係51號，最後12:48分就可以入得，差不多等咗一個鐘頭，留意返要齊人先入得。餐廳係自助落單嘅，掃code點單，網上比埋錢，之後等食就ok~ 食物質素普普通通，平時自己一個想過下燒肉癮係ok嘅，我覺得牛板腱相對地係比較好。但如果唔介意比多少少錢的話，就去食其他高質素少少嘅餐廳啦~〰️〰️〰️〰️〰️食物: 3/5性價比: 3/5 環境: 3.5/5服務: 3/5Revisit: No

想食燒肉但又怕食得多，嚟呢間燒肉店就最啱，有唔同套餐選擇，今日唔想食太多，叫咗個分150g嘅牛肉餐，有前菜沙律或泡菜選擇，仲有餐湯連埋飯都係45蚊，真心好抵吃，質素都OK，輕食都夠飽。朋友唔吃牛，叫咗雞肉拼豬餐，飯都可以選擇分量，紫菜加埋溫泉蛋好好味。沒人一個爐，自己慢慢燒，都幾有特色，就算自己一個人吃都唔會尷尬。

⭐️LIKE 套餐 份量揀左150g 套餐有三款肉包括牛舌 牛五花 橫膈膜肉牛舌 有四片 薄切 口感爽彈牛五花 賣相一般 油脂比例略多 油脂香十足 味道甜甜地 送飯食都可以橫膈膜肉 兩細嚿 肉味較濃 肉質比較結實 有啲咬口套餐跟左沙律同白飯迷你沙律 新鮮 正正常常白飯 揀左中size 口感軟糯有咬口⭐️牛小排&牛板腱套餐份量揀左200g 兩款肉睇落相對較好牛小排 肥瘦適中 肉質軟嫩 帶油脂甘香牛板腱 脂肪比例較少 肉質結實 口感軟腍 有淡淡肉味 套餐一樣跟左沙律同白飯味道可以 略嫌肉較薄 亦唔算好靚可以揀份量呢點幾好 可按照自己需要選擇環境服務普通 自助式落單比錢值得一提嘅係 呢度就算有好多吉枱都會迫你搭枱 其實而家疫情下情況許可都應該盡量安排客人唔好坐得咁密但我當時係非繁忙時間 前後都有吉枱 都會安排兩組客人坐同一張四人枱🙄價錢可以 冇收加一 都算幾抵食但如果唔介意比多少少錢 個人覺得不如揀間好少少

次次經過燒肉like 都係好多人，上次攞完飛要等200張枱，好誇張…..今日決定早啲去攞，雖然都要等成個鐘，不過最後都食到…..等既時候已經諗定要食咩….入到去都一人會有一個燒烤爐我地叫左一人一個餐，見到牛五花100g $48 覺得點都要試下，跟餐既飯就加錢轉紫菜溫泉蛋飯，再加多碟雞髀肉,配泡菜第二個餐就叫左牛小排配牛板鍵，跟沙律同埋轉溫泉蛋飯係度燒烤，相信冇煮野食經驗既人都會handle 度，燒完配自己鐘意既醬汁食，成件事好開心同滿足個雞肉幾好味，牛五花就一定係肥啲，但薄薄地送飯食都唔錯，食完其喺都會聞到有陣燒烤味，但整體性價比幾高，可以過下口癮同手癮，所以下次會再黎食過！

成日嚟食呢間嘢不下10次，之前都一塊塊好完整，但近來呢三次啲肉越嚟越差，一燒即爛。有啲啱啱一放低，都已經唔新鮮平時唔寫食評，都要建議一下，唔好一見多客，就做衰過朵。

源自日本東京的「燒肉LIKE」主打「美味、快捷、超值」的一人燒肉體驗！更設置無煙烤爐，採用先進除煙技術，讓顧客無懼油煙，時刻享受正宗的日式「一人前」燒肉體驗！見到越來越多分店嘅燒肉Like，相信佢有一定嘅市場價值及吸引力，即係生意😂😂 當我去幫襯嘅時候，門口都有唔少人喺度排隊食燒肉Like 架👍🏻 而我今次等都等咗成個鐘至兩個鐘先入到去食🥱早啲就去睇戲啦燒肉like 主要係用電子落單及付錢，基本上都唔會收現金，所以要去食嘅你記得帶定卡啊或者八達通😬每一個套餐都會配一碗飯，沙律或者湯，如果要嘢飲嘅話就要另外加錢😋😋而今次我就叫咗 牛小排+牛板腱套餐 200g，再extra加錢要 橫膈膜肉 100g（同朋友share)，🤭其實200g已經好夠食，而且啲肉都高質，同埋佢每一期都會出唔同嘅期間限定，今次係魷魚🤭⭐️牛小排+牛板腱套餐 200g 💰$145⭐️橫膈膜肉 100g 💰$68

燒肉Like (新城市廣場1期)每次經過哩間燒肉店都排曬長龍，今次都唔例外，雖然人流去得算快，但都等咗起碼大半個鐘。一入到去，被安排到高椅位，每個位都有一個燒烤爐，旁邊有好多唔同醬料同調味料，可以任意調製自己鍾意嘅味道。而餐具就擺咗喺枱下面嘅拉櫃。哩度係手機落單嘅，成個過程都好個人化，好啱一個人嚟。今次同朋友各自叫咗個餐，仲加多咗客鰻魚。每個套餐都包咗白飯，和風湯，泡菜或沙律。-------------------------美國西冷牛排 180g $ 185原塊嘅牛排上碟時已經被切好，方便燒烤。肉質偏韌，牛味都冇想像中咁濃。味道偏淡，點吓醬料會好啲。以哩個價錢嚟講有啲貴壽喜牛小排&牛五花 200g $135牛小排本身已經有壽喜燒醃料，厚度適中，好易烤熟，而且油脂分佈幾好，肉質柔軟，哩款幾有牛味👍哩個套餐仲可以揀生蛋或溫泉玉子而牛五花略嫌太薄，食落唔太滿足。味道都唔太出，要點醬料提吓味和風湯好香麻油味，個人嚟講幾鍾意，但同行朋友嫌油咗啲沙律沙律菜新鮮，上面有好香嘅麻油味，同和風湯嘅味道差唔多鰻魚 +$48有2塊size唔細嘅鰻魚。根據店員所講，每面燒3分鐘就啱啱好。燒完嘅鰻魚更加香，肉

今日去完IKEA經過新城市就諗起呢到有間平價燒肉入座前等左15分鐘 LUNCHTIME過左都唔算好多人大概等左4-5組就到我地啦入面都幾多位 一個人食都唔會尷尬 因為佢好多都係單邊位坐低之後用手機掃QRCODE落單再即時比埋錢 真係好方便再加上我長期唔帶CASH既人黎講真係岩晒🎈美國頂級西冷牛扒Prime肉質真係好穩陣超重肉味 油花都好多好多肉汁我叫左120G好似少左啲有啲唔夠喉🎈牛五花&豬五花腩套餐 300G朋友比較肚餓叫左個300G既套餐牛五花好薄既一塊燒兩燒基本上已經食得豬五花都係好薄一燒就爆油不過燒嗰個時間真係要掌握得好好如果唔係好容易就會過熟硬晒由於啲肉都好薄 好快就燒熟晒所以成個用餐過程都好快食左唔洗30分鐘已經食完走得飯果方面仲有得加錢加木魚絲紫菜溫泉蛋雖然我哋冇加到下次可以試吓🤭🤭