燒肉LIKE (家樂坊)

营业中

休息中

假日去到位於旺角家樂坊地庫嘅日本一人燒肉專門店燒肉LIKE食晚餐。去到大約6點半，都幾多人，要等十五分鐘先入得座 .餐廳環境以日式木系為主，每個坐位都設置咗個一人無煙烤爐，旁邊就有自助醬料架，隨時調較啱自己嘅調味。落單方面用自助手機落單，而且係用電子支付方式即時付款，成個過程非常方便！ .今次叫咗餐廳今期主打嘅日本宮崎牛套餐同埋一份宮崎牛單點，另外仲叫咗兩罐Asahi啤酒。 .▫️宮崎牛上級肩肉套餐 (200克) $248 宮崎牛喺日本已經蟬聯咗3屆和牛奧運會冠軍，可以話係日本和牛之首。而今次食到嘅牛肩肉嚟自宮崎牛嘅前肢肩膀位置，屬於數量稀少嘅部位。上級肩肉呈粉紅色，油花分佈均勻，好輕易就燒出和牛嘅油脂香味，入口即溶之餘仲食到和牛嘅牛香，加少少鹽更可以令味道更上一層樓。套餐仲包括咗白飯、麵豉湯同一份泡菜或沙律。 .▫️宮崎牛肩胛肉 (100克) $192 牛肩胛肉屬於牛前腿嘅上半位置，係牛牛經常郁動到嘅位置，所以肉質較結實同時都保留到油花。口感方面較為甘香，油脂感較少但牛味更出！.▫️Asahi Super Dry生啤酒杯罐 食燒肉點可以無啤酒！今次我地飲嘅Asahi啤酒麥味香濃，

燒肉LIKE主打一人燒肉最近推出咗宮崎和牛餐目，全線分店都有稀有珍貴部位「宮崎牛上級肩肉」同「宮崎牛肩胛肉」而宮崎牛更稱為「日本和牛之首」肥妹梗係要去試下，享受一人燒肉樂趣啦🥰店內仲提供喺日本一出售就被搶購一空嘅Asahi Super Dry 生啤酒杯罐一邊食和牛，一邊嘆生啤酒快樂就係咁簡單！！—-✄———-✄———-✄———-✄———-✄—-✾ 宮崎牛上級肩肉套餐 （100g) $248（木魚絲紫菜飯 150g +溫泉蛋 另加$15)套餐跟麵豉湯、前菜同白飯前菜可以揀泡菜/沙律；白飯都有份量揀因應自己食量而選擇，不論大食定細食都食飽飽🤣亦都可以好似肥妹加錢轉木魚絲紫菜飯而蛋可以揀生蛋/溫泉蛋🥚上級肩肉數量極少，屬於係稀有部位佢嘅油花分佈密集平均，油花好靚🥰微微燒一燒就可以食😋建議燒完用少少鹽調味更突顯和牛原汁原味！！口感柔軟，入口即化充滿油脂香味🥰✾ 宮崎牛肩胛肉 （100g) $192肩胛肉係牛前腿上半位置屬於經常運動位置肉質會較結實，肉味香濃！大片油脂分佈肉上，紋理分明入口細嫩甘香帶有嚼勁，肉汁豐富！✾ Asahi Super Dry 生啤酒杯罐 $35食燒肉當然要配啤酒啦🍻呢款

黎既時候未到peak hour,以為唔使等太耐，點知，最後都等左9個字左右先有位。如果想方便d,記得預早時間用GULU app拎定飛先。燒肉餐跟白飯、湯、沙律，質素係一般既質素，無乜驚喜，唔突出亦唔難食。主打燒肉，呢度既肉既質素，以價錢黎講還可以既，始終一分價錢一分貨，唔好預佢係高檔路線。時間亦有d趕，唔係可以俾你慢慢坐慢慢嘆既地方。不過，如果人少少唔知食乜好，又突然想食燒肉，要求唔高，呢間都算一個選擇。

燒肉Like(7/10) 星期四 晚上7:30點左右特式：有時一個人諗唔到食咩，但又想食燒肉，加上香港人咩都急，呢d新式既一人燒肉就真係一個好選擇，主打快靚正。食物：牛五花&橫膈膜肉套餐 - 108蚊有200g，又食再兩款肉仲有湯/飯/前菜，如果一個人真係想食燒肉止下癮，都不失係一個好選擇。薄切牛舌 - 加配100g 薄切牛舌盛惠65蚊，質數普通，唔算抵玩。飯 - 正常白飯，無特別。麵豉湯 - 都係屬正常，無特別。飲品 - 有一般既汽水可選擇。環境：餐廳環境細同窄，一個人一個位，好似一蘭咁既感覺，但你食拉麵就ok啫，如果你食燒肉一碟二碟就好迫，兩個人個位同一個人既都差唔多，所以會更加覺得迫。服務：服務態度普通，職員都會擺低d野就走，你自己顧自己。價錢：人均大約100左右。總結：一個人去食係方便既，不過坐位又細又窄真係唔舒服，間舖又細，如果晚飯時段都要有排等位。

等候嘅時間係比較耐不過如果平日嘅話可能冇咁多人同埋食嘢嘅時間可以慢慢唔使太急之後有啲位可以自己一個人全部嘢都係有人服務 仲有提供口罩套圍巾香味噴霧等等不過就需要電子支付 可能太細個或者老人家未必識得點樣點餐 不過總括而言都係好方便同埋好值得推介午餐或者晚餐最平40幾蚊就OK

Well the title speaks for itself.Easy, Cheap, Simple and delicious.If you are on a budget and want to have a quick lunch or dinner. This is the place for you. Menu is not complicated just go for one upgrade if you are a guy. I have already been to this place a feel times cos really not much fault.Also make sure you order the rice with seaweed and egg. It’s must in my opinion.Cook eat and enjoy!

早兩日6:30就搵野食，朋友話想食呢間，又見無咩人等位咪試一次。一排醬汁4個人Share 同一般燒肉店一樣周圍都係小小油淋淋兩個人Share一個爐仔每個位每人一個QR code 自助落單注意：每人落完單要緊上電話俾埋錢。唔想AB製都唔得，唔識用電話嘅長輩唔食得，電話無得俾錢嘅又唔食得。總之用唔到上列俾錢方法嘅就唔使食左下呢個木魚絲飯真係唔使特登加錢食。普通白飯加隻蛋可能仲好。啲肉就正常貨仔。但價錢偏小貴，坊間仲有好多一樣咁嘅一人燒肉店會再平啲。所以真係唔使得登搵嚟食，要排隊就更加不了。

上次經過地庫，見到呢間鋪頭，不過已經食飽，見個每款set 的價錢又實惠，就bookmark 左，今次專登去試吓好似店舖全部坐位都係高凳，無得放袋，店舖好貼心，有一個長方形的籃可以用黎放袋另一個特別位係全部用手機落單，再係手機先俾錢，後上菜坐位的設計都好講究，長方形凹入去的位，其實就係托盤的尺寸同深度，每個位都有獨立嘅燒烤爐，如果自己一個人忽然想去食燒肉, 完全冇尷尬😍食物我揀左個魷魚鬚套餐有魷魚鬚•牛五花•牛小排魷魚鬚配上蔥香鹽味檸檬醬，可以增加鮮味餐具就係托盤下的櫃桶，餐具擺放得好整齊，就連醬料都有清楚的標示

Order 左2個燒肉套餐, 一個牛五花套餐100g ($ 48) , 一個LIKE 套餐150g,  ($95), 單點了一份豬五花腩肉 50g ($18)牛五花套餐100g這個套餐超級抵食, 有肉, 飯, 紫菜湯, 泡菜都只需 $48牛五花薄薄地, 但都易燒, 肉質唔會韌, 無根, 點埋醬料更好味, 枱上有幾款調味料供應, 又有岩鹽和胡椒. 紫菜湯好夠味, 唔似開粉既湯.豬五花腩肉 50g 呢個真係可以不叫了, 好"鞋" 和"酥"味.LIKE 套餐150g這個套餐有牛舌, 牛五花, 牛橫膈膜, 飯, 紫菜湯, 沙律菜牛橫膈膜會最出色, 厚切夠肉慼, 易咬口, 不會韌, 牛舌聽友人說不過不失.整體餐廳感覺服務良好和衛生, 價錢不用加一, 會再Encore.

次次經過家樂坊都比個招牌吸引咗無奈次次落到去見到最少要等30張枱經一事長一智 今次落到旺角5pm即刻用 THE GULU遙控攞飛大概都用咗一個鐘企門口等位置就係當然睇吓個餐牌一開始已經俾佢魷魚鬚套餐吸引但係最奇怪企喺門口等位你聞到嘅唔係油煙味而係強烈嘅咖啡味佩服呢間舖頭嘅抽風系統👍🏽👍🏽本來我哋只係叫咗兩個餐因為兩大一小，我個女4歲人仔又練開仙嘅估唔到可能有得玩有得食嘅關係佢胃口大開我哋最後豬牛雞都叫晒雖然總括都食咗$500左右但係離開餐廳行去搭巴士嘅時候你唔會覺得自己一身油煙味同埋每一個餐你都可以揀白飯嘅重量保證唔會浪費

之前見人哋介紹已經好想食，最近同朋友去試左，下午時段等10至15分鐘左右都算快我嗌左一個Like Set 150g 有飯有湯有沙律 因為嗰時突然間好想食壽喜燒過種佔生蛋就加左，呢個set有三種肉，個人覺得牛舌最正😻佔蛋佔其他醬汁都好食生蛋佔唔哂俾我到咗落去撈飯，再加埋佢一隻蒜蓉豉油，鍾意食生蛋飯一定要試！我嗌既係150g既肉+200g白飯 我覺得啱啱好😂但餐牌上係建議男士食量150-200g😂😂😂

之前沙田新開既時候排左差唔多個幾兩個鐘先食到,今次行過見到旺角分店冇人等位,就同左阿妹入去食🤩同阿妹一人叫左一個餐😎💁🏻套餐包左白飯🍚、和風湯、泡菜或迷你沙律🥗仲可以單加肉,我地加咗🥩豬頸肉100g($38)同埋雞腿肉50g($15)🥩LIKE 套餐250g（$125）（牛舌 • 牛五花 •橫膈膜肉）🥩美國SRF極黑和牛肩胛牛小排套餐 150g（$130）（美國SRF極黑和牛肩胛牛小排•牛五花 •牛舌）D肉都好淋身同好易咬😍仲有好多肉汁,有牛味👍🏻性價比高🤩店舖仲提供左8款調味料比大家揀🤤我最鍾意原味BBQ醬同蒜香醬油😍兩款汁都係偏甜🤤依家仲可以直接用手機點餐同付款💯好方便🤩〰️〰️〰️〰️〰️〰️〰️〰️〰️〰️〰️〰️〰️〰️〰️📍 燒肉Like (家樂坊) (旺角)旺角旺角登打士街56號,家樂坊地庫B02號舖

依間燒肉有好多分店 食左幾次 都唔厭🤣所以想同大家分享下 之前上網見到話香港開分店已經勁期待😚因為係東京個次食過 已經念念不忘又去唔到旅行🥲不過排隊排左九個字….以為會好快有d灰 排左半個鐘又冇理由離開😢一坐低就即刻叫餐 餓死 不過上餐就快既叫左我至愛既壽喜燒牛五花🤣200g 隻汁真係好正 同埋肉質都好食 個餐會跟埋溫泉蛋 泡菜 湯 白飯😚不過本身太餓另加左牛五花50g同牛板腱50g 太高估自己真係叫多左😂仲有好多調味料選擇 有辣有唔辣 實有岩口味 不過我至愛都係原先隻壽喜燒汁 🥰

一人燒肉店，比較多人等位，可以先到等位app拎左籌先，去到都有好多人係門口等位，好彩等左一陣就已經有位，落單係自己掃碼落單，簡好之後就要電子付款，食物質素很好，打破平野無好既定律。

一個人突然間想食燒肉，隨意揀咗呢間，餐廳係用QR code點菜好方便👍Like套餐250g $125 （牛舌、牛五花、橫膈膜肉 + 迷你沙律 + 白飯150g）套餐份量以一人嚟講都算多，牛舌比較薄但口感唔錯唔會韌，牛五花唔好睇佢肥肉咁多，燒起嚟油脂香好食，橫膈膜肉肉質鮮嫩牛肉味重好食😋佢有唔同種類嘅醬汁任意配搭牛肉，不過牛肉本身都係醃咗，味道都濃郁，所以點少少就OK啦！反而加落白飯度會再開胃d😆沙律菜新鮮，紫菜湯正常👍整體嚟講，呢個價錢食到優質嘅牛肉真係好有驚喜，一個人唔知食乜嘅時候可以試吓，佢仲有唔同嘅套餐選擇架😎