燒肉一番 (已結業)

係附近見到有間新開燒肉 上網睇 話有新開張優惠咁就去試試啦 去到開門唔見有關優惠 問下店員個優惠係咪完左？我都唔知佢答左我咩啦 個態度勁差！！！（好似好多人會問 問到佢煩咁？）。入到去 嘟個QR Code係睇唔到套裝係有咩食 唔緊要。食物上枱隨手拍落枱上 放係中間 都唔緊要（你唔知我地邊個叫咩餐 我哋自己拎 無問題）。枱上既醬料有芝麻醬 倒極都倒唔出 問下姐姐係咪塞左 可唔可以比另一支我地？佢一手搶左幫我地倒 仲話：係咁架 支支都係咁架！比另一支你都係咁架！！佢倒到支野嘔哂泡咁 見到支野以為放左十年變哂質咁 明知支支都係咁 咁你唔換樽？？？？。啲肉完成未溶解 硬過我地條命 一放上個爐開始溶雪+滴水爐入面裝滿哂油 啲水一滴落去 個爐好似就爆炸咁 。個爐太廢 個店員見你開大左 就會即刻禁細反個爐 一塊薄到癲既牛 5分鐘都仲未食到。最後 我計時塊厚豬幾耐先食到？足足要18分鐘（燒肉黎講 一定佢地贏 無一間要燒18分鐘先食到）等到啲飯同湯都凍哂 仲未食到肉。完全無咋咋聲 治治聲 既燒肉

最近葵芳新開咗呢間親民嘅日式燒肉店 #燒肉一番🇯🇵🔥 主打一人燒肉同各款定食套餐，開咗好短時間但人氣極高！一到夜晚就全場爆滿😍 燒肉店裝修好有日本feel，一入去就見到無臉男，仲可以打卡影相😍-餐廳用QR code 落單好方便，我哋分別叫咗2個一人套餐，分別係安格斯肉眼套餐($168)及牛肉三食套餐($168)，每個Set都已經包咗前菜、白飯同麵豉湯，亦可以加錢升級紫菜飯($8)同玉子飯($15)，咁我哋就緊係升級埋🙈😍 另外亦追加左牛舌($38)、牛小排($48)、牛板鍵($38)及芝士年糕($18)，整個套餐嘅牛肉份量其實都唔少，一個人食係絕對足夠，不過第一次食我哋就梗係想試多幾樣野🙈 一嚟到嘅時候真係好多嘢，花多眼亂😂 最鍾意食係牛五花、牛板鍵及安格斯牛，牛五花有種入口即溶嘅感覺🤤 而安格斯牛扒同牛板鍵既牛味就再濃陏一啲，味道唔錯👌🏻整體呢度嘅感覺好整潔，價錢親民CP值高，收工同lunch 食都好適合，可以下次再嚟試吓佢其他肉類🤤

超大份量的單點燒肉店！葵芳呢個一出地鐵站嘅商場，以前呢個位係火鍋店，而家變咗燒肉店。見到有好多套餐，當然試吓不同套餐大家開心share！牛肉三食套餐有牛肉三食300g牛板腱,牛頸肉,牛小排，加埋起碼有30片！對於一位女仔來講應該都算係超多～各有各好食，牛小排一定係花紋分布最靚，其他牛肉味就比較濃郁！升級埋紫菜飯+麵豉湯，仲有是日前菜係中華沙律。紫菜飯大大碗鹹香十足。升級左小食忌廉蟹肉薯餅(二本），比想像中香脆，裏面好足料。另外一位就叫咗一番盛合套餐盛合（牛小排.牛舌•厚切豚五花)220g 升級一番玉子飯+麵豉湯，前菜揀咗泡菜！升級兩隻餃子～個豚五花真係好多，兩位食都覺得超豐富，下次可以叫細個啲套餐都夠晒食了！油脂滿滿。牛舌方面就比較爽彈，玉子飯係溫泉蛋，撈飯一齊食特別香。 餃子都金黃香脆。如果鍾意食菜可以升級其他蔬菜類別，例如翠肉瓜4本、栗米4本，更加清新。茘枝乳酸汽水蘋果梳打呢啲價錢都好合理，不過整體因為太豐富，下次都係建議唔好升級咁多嘢～ 或者預咗食唔晒可能真係要帶定環保外賣盒呢！（餐廳不設外賣盒供應）

今日去開葵芳行街，中午想吃燒肉，朋友介紹這間燒肉店性價比高，一於去試試！店內裝修以日本為主題有幾個日式打咭位。 點了牛肉三食套餐$168包括有封門柳，牛小排，牛板腱。牛小排色澤鮮艷，油花分佈均勻，輕輕燒香入口也有點即溶感覺。 封門柳牛味最濃，入口滿滿的牛香，口感較其他兩款有嚼勁。而且份量出奇地多，一位女仕應該吃不完，幸好我們兩人share 來吃。 加$15 一番玉子飯 - 有溫泉蛋加紫菜，我覺得吃燒肉配脆脆紫菜和溫泉蛋是絕配，中和了油膩又飽肚！ 安格斯肉眼套餐 $168安格斯肉眼厚切，份量適中，牛扒size，整塊放下去燒，香氣撲鼻。 入口軟淋，有牛香。 另外點了炸物，吉列蠔，芝麻雞翼和一口芝士。炸物炸得恰好，不會太油膩。特別要讚的是雞翼，外脆內juicy，還有芝麻香。 後加了豚五花和雞腿肉，雞腿肉質嫩滑，喜歡吃雞的朋友可以一試。 最後，當然點了雪糕作結，有綠茶和雲呢拿，這餐實在吃到飽飽，性價比高的一餐。 📍燒肉一番葵涌葵義路2-10號新葵芳花園好爵中心1樓 

先講個爐，毫無火力可言，與其話係燒肉，不如話係用發熱線烘肉，啲肉完全唔香口，燒牛都仲好啲，燒豬/雞呢類難熟啲既野，真係玩死自己！價錢方面，$168一個牛肉三食餐，絕對一啲都唔平，仲要未計加一，成個餐差唔多$200，有更多更多更好既選擇。肉方面，一試枱就見到啲肉勁度唔新鮮，霉霉黑黑咁，一啲血色都冇，食落就更加差，三款都係完全冇肉味。講真而家有咁多燒肉選擇，就算一人前燒肉都有好多選擇，呢到真係排包尾！

晚市等位30分鐘左右就有位入座，侍應超快簡單介紹，都係自助點自助燒。不過這次跟朋友最後盤點就笑了笑，說笑我們是燒肉十一番，因為這次跟瘋狂的朋友任性了一次，就像放題般點了很多肉肉來燒，盤點有十一碟，哈哈。先是點了一客牛肉三食套餐，有牛五花、牛小排、牛舌，再配溫泉蛋飯，泡菜。朋友就不吃飯，決定散叫點了安格斯肉眼牛扒，牛板腱，豬五花薄切，豬五花厚切，翠玉瓜。最讚是濃泡Asahi啤酒，開蓋後冒泡，味道跟生啤一樣爽，超配烤肉。另外吉列蠔都超正，外酥脆內多汁軟滑，忍不住點了2次。侍應做到冇停手，新店乾淨沒太重油煙味。總括來說，所有肉肉烤過後簡單沾少許鹽和胡椒，已經吃得非常肉味鮮嫰，其他調味料亦有錦上添花的效果。抵食好食，環境佈置亦很有趣，難怪人流不絕。

近著葵芳站的好爵中心新開一間主打燒肉的餐廳，主打親民的燒肉，午市及晚市時段大排長龍，建議用排隊軟件先取票號。店內裝修充滿日式風格，擺放了宮崎駿的龍貓及無臉男，又有日本的達摩及招財貓等等，打卡位不少。座位分為一、二、四或以上，烤爐的抽氣做得頗好，沒有油煙味，旁邊有岩鹽、酸汁、胡麻醬、燒肉汁及辣味噌幾款調味料。牛肉三食套餐 - $168牛板腱、牛頸肉及牛小排合共300G。紮實的牛板腱中間帶一條筋，口感爽彈；牛頸肉瘦肉比脂肪多，富含香甜的肉汁；牛小排帶筋膜吃起來彈牙可口，口感層次較佳。是日前菜綠色一條條的中華沙律是日本沙津的昆布，冰涼爽口。麵豉湯赤味噌味道偏鹹香，有豆腐、昆布及蔥花等等。紫菜飯 +$8頗大碗的日本珍珠米飯，粒粒飽滿，撒滿了芝麻紫菜飯素。牛五花(新張優惠)有50G，肥牛含豐富的油脂，薄薄的口感軟嫩帶微脆。安格斯肉眼套餐 - $168超大塊安格斯肉眼有150G，肉質富含大理石紋油花，肥瘦兼備的口感甜美紮實、柔嫩多汁。泡菜韓式醃製的白菜，爽脆帶點微辣。忌廉蟹肉薯餅(新張優惠)即叫即炸的薯餅好酥脆，咬開綿密的薯餅，有幼滑的忌廉及鮮甜的蟹肉。追加的肉類同樣有優惠價錢，每份分別為50G。

原先想去飲茶，點知上到扶手電梯頂，見到個一番公仔好可愛，望望餐牌，原來食烤肉，套餐價格仲好實惠，一於轉呔！裝修非常新淨，座位闊落舒適，牆上的日本風情畫，有點置身東瀛嘅感覺！套餐選擇繁多，更可以因應個人食量柯打肉類重量，若然想食多啲，又可追加，非常貼心！呢排新張期內，套餐內仲加送指定肉類三揀一，真係抵上加抵！我哋叫咗厚切豚五花、豚肉眼扒同安格斯牛肉眼套餐，額外追加一份牛小排！上桌時見到分量都很多，大大塊肉、連送嘅雞肉都有好多舊，性價比非常高！小食先行，沙律清鮮可口薯絲炸蝦夠香脆、蝦肉爽又甜，估唔到小小炸物都做得咁有心機！烤爐好易控製，我輩平常小入廚，也烤得得心應手，偶有不懂看生熟度的，稍稍問問侍應們，她們都好樂意為我們解答，服務抵讚！厚切豚五花厚薄適中，不用烤太長時間就熟透了，再剪開一片片烤多一會，便四面焦香；腩肉肥瘦適中，一層一層相間，烤嘅過程油脂滴走了，食落沒有肥膩感覺，好易入口；肉質冧滑得嚟不失咬口，兼且肉汁豐盈、越𡁻越鮮甜，下次一定再食！豚肉扒大大塊，烤熟剪開後眼觀似乎硬硬地，但其實塊扒明顯經廚師悉心用鬆肉鎚揼過，且恰到好處～保持咬口但不會嚡口、冧滑又不失肉味，所以話，就算只提供

今日去葵芳行，見到燒肉一番新張，價錢不算貴，啱晒牛魔王嘅我地，套餐仲有齊味噌湯，飯同泡菜。🐮牛肉三食套餐 $168選了封門柳/牛舌/牛小排，有300g牛小排望落肉質都唔差，食落都重牛味，牛舌就帶少少爽口，封門柳嘅肉色就較為深色，燒至微焦，一樣都ok🐮安格斯肉眼150g $168肥瘦適中，自己剪成一件件去燒，厚切要燒得耐少少，軟腍唔韌都幾好味，唔知點揀嘅話呢個都推介🫶唔夠喉都仲有得追加嘅，我哋加左牛肝腱50g $38，特選壺漬牛肉 150g $88，牛小排 50g $48，都一定夠牛魔王係咁砌。🦀忌廉蟹肉薯餅 $18 🧀一口芝士 $18仲有炸物小食，炸到金黃香脆，蟹肉薯餅蟹肉多啲會更正，一口咬落炸芝士，芝味滿滿，不過佢呢隻芝士就冇拉絲嘅。食燒肉點都要叫番枝汽水或冰茶解解渴啦，正！餐廳寬大，乾淨舒服，想輕嚐燒肉玩下食下，平平地食個快飯，都可一試。

話於葵芳的燒肉餐廳已經是第二次光顧，鄰近地鐵站方便又快捷。這次午市時段光顧，也就是挑選午市套餐的機會，份量比下午茶多，但最令我興奮的就是能保持肉類的水準。因為午飯時段，我也比較趕忙，這次使用快餐店形式進食，同樣達到我的目的。牛小排肥瘦適中，肉味豐富，最喜愛的還是自己烹調的過程，能夠因應自己的需要調整生熟度，更能按照自己的胃口進行烹調，真是吃多少煮多少不會浪費。米飯真是粒粒皆辛苦，米香味十足，深信是挑選來自日本的大米。最後選了就是雪糕，牛乳雪糕，奶味濃郁，甜度剛好，凍冰冰的，作為午餐的一分甜。

假日重臨舊公司區域, 舊同事不忘推介附近新開一間烤肉店, 價錢親民, 新張期不設加一, 趁機今日相約朋友去食返餐! 餐廳光鮮企理, 近門口位仲擺放了日本人氣動漫龍貓公仔比食客打卡。正值午市時段, 全場滿座, 亦不覺有半點油煙感。全日有超過十款燒肉套餐選擇, 套餐包括有白飯、麵豉湯、前菜/泡菜, 當中所包括嘅肉類分別有100g同埋200g可供選擇。另外想食豐富d, 更有多款肉類同埋野菜可供追加, 價錢同樣親民。檯上放著多款調味醬汁:我地每人order咗兩個set, 再追加咗幾碟燒肉。【牛肉三食套餐】HK$168 (另加+$8轉紫菜飯)自選 (四選一): 揀咗牛板腱、牛頸肉、牛舌牛板腱: 肉質帶點點咬口, 肉味香濃牛頸肉: 脂肪較少, 肉嘅筋比較少, 比牛板腱更有咬口牛舌: 薄切, 燒至金黃, 口感帶爽 【牛五花】HK$28牛脂比例佔半, 集中於中心位置, 烤後滲出豐富牛脂, 令口感鮮嫩。 【一番盛合套餐】HK$118  (另加+$15玉子飯)一次過食到牛小排、牛舌、厚切豚五花牛小排: 牛脂如大理石般分佈, 口感細緻軟嫩厚切豚五花: 五花腩肥瘦佔半, 切得帶少少厚度, 烤至金黃, 油香感十

朋友介紹一家新開張的日式烤肉店。烤肉店的內部環境舒適，佈置了一些座地日式卡通公仔、牆上巨型日式卡通漫畫等。燒爐是電熱網燒爐，爐的兩旁置有吸氣裝置，吸走油煙，大大減少燒烤時所產出的油煙味。荔枝乳酸汽水15元，荔枝味和乳酸味很夾。蜜桃紅茶15元，蜜桃香，茶味甜。安格斯肉眼150g套餐168元，牛肉眼扒脂肪甘香，肉嫩多汁，牛肉味濃。前菜為韓式泡菜，微辣，開胃，泡菜實在太美味了，故追加了一客泡菜18元。麵豉湯有豆腐和海帶，咸咸地，味道正常。白飯加8元可轉紫菜飯，紫菜和芝麻很香，飯粒軟硬適中。免費追加牛五花50g，脂肪甘香，肉嫩。豚肉眼扒套餐98元，豬肉有嚼勁。加15元可轉一番玉子飯，飯粒軟硬適中，紫菜和芝麻很香，溫泉蛋半熟，再混入木魚絲一起，很美味。免費追加雞腿肉50g，雞皮被燒得很香口，雞肉嫩，帶少少咸味。雞脾菇四件18元，雞脾菇有獨特香氣。粟米四件18元，味道很甜。冬菇四件18件，冬菇厚身，味道正常。芝士年糕兩件18元，外層被炸得香脆，內層熱辣辣，芝士已熔化，年糕軟綿綿，值得推介。綠茶和風雪糕20元，雪糕有牛奶味和綠茶味。日式玄米熱茶兩杯10元。總結：食物美味，性價比高。

早前新開左間一人燒肉門口放左d日本裝飾都幾靚終於有時間可以試下放工一條友去拎位A號等2張枱, 以為好快點知都等左半個鐘因為佢多數嗌2位既號碼入明明門口見到裡面有吉枱但都唔叫號碼唔知係未想製造門外好多人排隊既現象價錢方面都划算新張期間再送50g肉或小食牛豚套餐200g+50g牛五花($78)包麵豉湯、中華沙律及白飯 味道方面,牛五花正正常常顏色鮮紅算新鮮但豬五花就好差顏色方面偏白, 食落有陣豬so味食左一塊已經唔想再食第二塊而且夾肉果個夾好實好難用夾幾下手已經又紅又痛加上店員態度都有待改善我坐係近門口收銀位聽到佢係罵客而且佢地對住年長少少既客比較燥底呢間一人燒肉，試過一次就算啦

星期日同朋友去左葵廣行街老左行幾個鐘頭就攰😫所以就去左揾餐廳食野我地用gulu app見到呢間燒肉拎定飛再慢慢行過去 等2張枱就到lu😋我同兩個女仔朋友都細食 所以叫左兩個set加啲小食同追加肉😉-🐮🐷一番盛合套餐 $118我叫左呢個餐牌寫推薦嘅set😆佢入面有🥩牛小排、👅牛舌、同埋🐽厚切豚五花 總共220g架🙈佢會送一個白飯🍚 (加$8升級紫菜飯)、一碗味增湯🍲、同一個前菜🥗 (可以揀中華沙律或者泡菜)份量好多好抵食呀💗牛小排嘅雪花好靚 牛舌雖然唔係好厚但都好味 朋友好鍾意厚切豚五花超大舊 同埋有驚喜🤩-🐮👌🏻牛肉三食套餐 $168呢個餐可以係🥓牛五花、🥩牛板腱、🦒牛頸肉、👅牛舌、🥩牛小排 入面任揀3樣 總共300g🤩我地揀左🥩牛板腱、🦒牛頸肉同埋🥩牛小排😋 另外仲追加左50g牛五花🥓 $28-之後我地就叫左啲小食 每份都係$18咋 好抵食👍🏻🦀忌廉蟹肉薯餅、🧀芝士年糕、🍤薯絲炸蝦、🥟日式餃子全部都係熱辣辣卜卜脆架🫶🏻😍-最後就緊係要食返球雪糕啦🍨我地分別叫左🍼3.6牛乳、🍫朱古力、同埋🍵綠茶味 $20我最鍾意係朱古力味呀 超級濃味架😋

又到放假日子,灰沉沉的天氣讓人動力減退,與好友在葵青區打完網球後就想在同區的附近,找間好食肆來補充體力;各自問了朋友之後,竟然都提到有間新開的燒肉店質素頗佳,而且位於葵芳,店名叫燒肉一番;上網找尋資料,原來餐廳用App系統訂位,剛好我有用此App,可說甚為方便;於是二人馬上搭小巴來到葵芳,小巴快到站時我就點進App內訂座兩位,然後落車走過去剛好就排到;掃了出行碼與針咭,量了體溫,再給櫃檯姐姐展示了Gulu訂位號,之後由另一位侍應姐姐帶我們到大堂中間位置坐下;餐廳從門口開始,其裝潢已充滿日式格調,將日漫與簡潔和風合而為一;室內以溫暖的木質色調為主體,配上柔亮的白色燈光,牆壁上漫不經意的繽紛浮世繪圖案與日漫海報,且播放著輕快的日語歌曲,置身場內令人彷如一腳跨進了東洋境內;點餐方式是用手機Scan枱號紙的QR code,菜單一目了然又方便快手,而且在點完菜後很快就上菜,果然有效率;下午茶時段有特價套餐,但又可點全日常餐,大部份是一人份量套餐,也可以加單單點食材,所以選擇都算頗多;當然大夥多人一齊去食,大家可以玩開心分享;見到侍應姐姐經過就多問一句,原來不單止下午茶不收加一,連全日都不收加一,