燒洒一族 (TKO Gateway東翼)

营业中

休息中

呢間平民小店幫襯左好多次，每次都見到大量街坊排隊等新鮮燒豬手!今次就開Party，一於試下!德式燒豬手超級大份!!外皮脆卜卜，而且豬手肉質幾稔，再包埋酸菜加芥辣一齊食，都幾正!不愧係招牌菜自家製燒腩仔外皮同樣都係脆，而腩仔大部分都係肥瘦適中，雖然鹹左小小，不過送飯食就無問題!酒醉薰蹄+酒醉雞翼兩者同樣都用到酒來調味，肉質本身都幾入味，就算唔落額外配既酒，都好夠味!，加上有幾粒杞子係雞翼上面，感覺都幾中式養生~薰蹄就比起雞翼爽D，個人覺得同酒味比較夾，當一份小食或下午茶真係唔錯既選擇~之前都有食過佢地既飯盒，係大件夾抵食，味道都唔差，明白點解有咁多街坊排隊啦!!

時間趕急今日去咗TKO Gateway 街市嗰邊搵食，就在門口當眼處見到一間幾有特色嘅燒烤店，睇真啲原來係新派包裝嘅斬料，仲有多款冷盤小食😋店舖入面有一個大焗爐，明顯地有自家製嘅即烤美食。喺櫥窗見到大大隻嘅德式燒豬手，仲有自家製燒腩仔，香噴噴好吸引！即刻揀咗幾款外賣返去開餐😋店舖仲有外賣西式燒味飯，大大盒學生哥仲可以減$2-$3，絕對夠飽因為我都買咗返屋企一個人絕對食唔晒～黑糖燒豬頸肉飯（配蜜糖豉油醬汁）睇落個盒好淺不過其實都幾大份，以黑糖掃上豬頸肉再烤，蜜味香甜，可以媲美蜜汁叉燒嘅😄。豬頸肉超大塊，肉質爽口有彈性，配以秘製蜜糖豉油，不過略嫌太多豉油記得下次少汁或者另上唔知可唔可以～ 自家製燒腩仔 ($48)個皮厚得嚟都好脆，，燒腩仔肥瘦相稱均勻，有肉香，入口鬆化不油膩，再配點芥末就是神級嘅美食😋！酒醉燻蹄 （半份）$38包裝精美，醉雞汁分開另上，不用keep住浸醃著食物，放雪櫃第二日食都唔會過鹹。燻蹄凍食又爽又美味👍🏻酒醉雞卷 (半份）個酒醉雞汁味道唔錯，有酒嘅香氣但不苦澀，味道調校得啱啱好又唔會太鹹。雞卷啖啖肉配醉雞汁Perfect！醉雞翼雞翼超大隻，肉質結實，夏天凍食真係一流！原

今晚去朋友屋企開生日派對🎂 煮野唔叻既我，當然首選買外賣😋😋 位於將軍澳坑口Foodlane既新派西式燒味店「燒洒一族」係我至愛。 食物款式多之餘，又價廉物美！ 超抵食！所以長期都不乏捧場客！ 🚶🏻🚶🏻‍♀️🚶🏾‍♂️🚶🏻🚶🏻‍♀️-每日買了三款食物上朋友屋企🐷 德式燒豬手 一向很愛吃德國豬手！這間小店的招牌燒豬手絕對很有質素！ 燒豬手肉質軟嫰帶肉汁！而最令人期待的當然是那超級無敵脆香又充滿骨膠原的黃金外皮🤤 十分脆卜卜！超美味！咸香味道恰到好處，香濃惹味。 最正的是點上蜜糖芥末醬及與酸菜一併吃。-🐔蒜香南乳燒春雞與豬手一樣，燒春雞同樣香氣撲鼻😝春雞骨架軟，皮薄而脆口，肉質細嫩鮮美。 蒜香南乳味道濃郁惹味。-🐟岩鹽燒鯖魚柳鯖魚健康又味美！ 魚柳雪白嫩口，簡單的用岩鹽及檸檬🍋調味，就能大大突出其鮮香風味。-大家都食到讚不絕口😝

今日上男朋友屋企食飯，知佢鍾意食豬手，特意去甚有口啤的「燒洒一族」加餸。這間小店在多區街市都有分店，食物性價比高，款式選擇多，長期都有人龍排隊光顧😘 -❤️德式燒豬手玻璃櫃擺放一隻隻賣相勁靚既脆豬手。 豬手皮卜卜脆，皮下脂肪十二分香口😋 肉質嫩口不乾，味道咸香。 另配上蜜糖芥末醬，味道多一種風味。最驚喜的是另附上酸菜，起了中和膩滯感的作用。絕對能媲美德國餐廳！-❤️酒醉花雕雞醉雞是我喜歡的冷盤。酒香濃濃，浸着滑嫩的雞肉。雞皮鮮黃彈牙，雞肉嫩滑！花雕酒味香醇，很有水準。$65 份量相當多，性價比十分高。-❤️自家製燒腩仔 燒腩仔係人間極品😋 外皮夠硬夠脆。肉質咸度恰到好處；皮下脂香油豐，那種香氣總是令人回味。-大滿足🥰

上次行過TKO gateway，呢間係正門口間舖頭好光 一眼就望左入去見到幾個員工企晒喺度 （大約有5個？同其他舖頭唔同 通常得兩至三個）但見到有個光明正大咁喺度食嘢拉低口罩食吓一啖，食吓又一啖仲同啲客人四目交投 邊食邊望兜完個圈又再見到呢間鋪又係有個咁樣食…爆得咁勁 咁唔衛生真係你幫襯埋我嗰份啦🤔🤔

晏晝時段經常見到呢間舖頭好多人排隊，呢日就專登去買返一件返屋企試一試，睇吓係唔係真係咁好味，我去到見到掛住一隻隻燒豬手和擺着一件件燒腩肉，望落去都流晒口水😋，頓時覺得個肚好餓，最後我決定先買返件燒腩肉來試吓先，拎到返屋企一打開個盒見到即刻忍唔住要開餐，燒腩肉塊皮好香脆，五花腩肥瘦好均勻，就算冇點任何醬汁都好好味😋 😋，好食到冇辦法停落嚟我，我諗嗰隻燒豬手一定仲更加美味😋，第日過去再買返嚟試試😁😁

TKO gateway food court🤩雖然地方唔大，行幾步就行哂😂但有好多隱藏美食😋😋燒洒一族🍖鋪頭員工好多都係年輕人💪🏻玻璃廚櫃展示好多新鮮出爐美食好吸引! 而係標好哂價錢👍🏻今次因為已食晚餐想買多少少野返屋企食😆所以只係買左盒醉雞卷🐔賣相幾靚仔👍🏻紙盒裝住好衛生👍🏻另附上一包醉雞汁👍🏻雞卷厚身嫰滑👍🏻讚👍🏻而且唔肥，薄皮👍🏻未淋汁已經好有酒味🍷雞肉好入味好濃酒香味👍🏻下次好想試大大脆豬手、燒腩仔🤩

係TKO Gateway揾到呢間燒洒一族，玻璃櫃見到燒雞、燒雞髀、燒豬肋骨、燒鴨胸、燒雞扒、燒豬腩、五花肉，見到流晒口水，最後忍唔住買咗一隻蜜糖燒雞脾$20，佢會問你要唔要翻熱，仲用一個裡面有錫紙既袋住，返到屋企仲暖暖哋，🍗燒得好平均，幾大隻，奄得好入味，咬落去有蜜糖香味，肉質好Juicy，下次想試其他燒物！😋💕