熱記大排檔

营业中

休息中

早排去星廚坊食龍蝦伊, 味道唔錯, 原本想話同家人再去幫襯, 打電話訂枱時表示要休業, 裝修數星期....好多時D餐廳話裝修, 到最尾都係轉手, 唔知今次係咪又改名轉手.....新葉記入咗我嘅 black list, 楚撚記地方窄坐得唔自在, 餘下選擇唔多, 於是轉去熱記, 好彩訂到枱, 因為好多時 walk in 都話爆場無位, 否則要轉去另一區搵餐廳.點咗椒鹽九肚魚, 椒鹽雞軟骨, 蠔仔肉碎粥, 上湯浸娃娃菜, 蒜蓉粉絲蒸蟶子, 鳳凰焗魚腸.  優點:1, 不同師傅整嘅炸漿都唔同, 椒鹽九肚魚外層嘅炸漿係我最喜歡嘅, 夠脆, 食上去內軟, 超 like!2, 椒鹽雞軟骨份量足無偷工減料, 當然重有好好味好脆嘅外層.3, 蠔仔粥嘅蠔比一般嘅 size 大隻, 口感嫩滑.4, 我老母好中意整焗魚腸食, 腥到一個點! 簡直係天下第一難食, 但佢又食到津津有味, 所以我唔食焗, 今次嘅魚腸一D都唔腥, 起碼我都食到. 5, 蒜蓉粉絲蒸蟶子只有大蟶子, 肉嫩無過火.6, 上湯浸娃娃菜最安全, 上湯清甜, 娃娃菜入口爽脆, 無問題.缺點:1, 雖然坐近門口! 但門經常關上, 冷氣都極度不足! 

土瓜灣熱記大排當，通常夜市食小菜打冷，午餐唔會太差，見到有十幾款炒粉麵午餐，入去叫咗個豉油王排骨炒麵午餐，凍飲加2共＄47，份量唔太多，炒得唔夠乾身但都算OK，下次想試吓滷味飯餐

鹵水鵝豬頭肉味道還可以!其他都是一般般,有兩片類似牛旁的東西!有臭味食完唔知使唔使洗胃!有點好像不值這個價錢!點解一定要最少 80個字!食評有好有壞唔係多字就代表好!

第一次來熱記吃宵夜，因為疫情關係，深夜有開的大排檔並不多。今次我地兩個人點了四樣野：蠔仔粥、薯仔牛柳、白灼鮮魷和豉椒炒花甲。大排檔水準風味一流。平時很少來土瓜灣吃飯，原來這裡也是宵夜的好地方，如果開車來的話也可泊在附近，不過開車就不能飲酒了～

香港的大排档还是蛮特色的，然而感觉点餐好像用粤语偏多一些，至少我身边内地的朋友很少去大排档，这次是跟香港的几个朋友一块儿来这里吃的点菜都是他们去弄的，不过本地朋友找的地方针不戳实在是太好吃了，就是环境一般般，且店内有点吵。

黎左呢到食幾次食物中中挺挺唔好叫懷舊個d 魚腸呀小炒個d唔太好食但佢炸嘅香口野如椒鹽鮮魷，豆腐，乳鴿都不錯夠香口食物價錢算唔貴環境係正常大牌檔嘈少少去幾次都見有人猜枚個d有道具供應但相對d人玩大聲少少都嘈嘅訂位方面，即日訂，6點訂7點都會有位但walk in 就未必有自己留意返

噚晚食過翻尋味，今晚再嚟多次，刻意唔重複昨晚點過的，但這個黃金涼瓜就俾多次機會佢點多次喇，今晚的比噚晚香口，咸蛋黃味依然濃郁，椒盐粟米好食香甜，柚子水晶蝦有創意，清新口味。咸菜胡椒豬肚浸大花甲就咸咗少少，都係果句啦，各人有各人喜好，虎皮尖椒爆炒魚卜真係夠晒鑊氣，追加的豉椒味菜炒鵝腸也一絶，由外地回來的家人指明要食焗魚腸，噚晚沽清，預早通知今晚預留一份，他自己一個食了半份，真係唔怕滯，年輕人也鍾情這種家鄉懷舊菜，可能外國無得食啦！總括來說呢間嘢真係無得輸。

每逢過時過節就輪到我自己煮飯，屋企人個個好似金舌頭托世咁，仲要諗到食完仲要執碗洗碗就煩到爆炸，好彩同區有間食得吓嘅大排檔，仲要夠冷氣果吓先得人鐘意，最啱我呢啲一年四季都係短袖嘅火爐，重點係可以食飽拍吓蘿柚就走得。講返呢度啲菜品都算多，時不時有新嘢，今日就試咗個鳯心卷，蝦膠幾彈牙，香口嘢值得一試！黃金涼瓜建議大家上枱後等一陣吹乾少少先入口，口感會更佳！蠔餅夠脆蠔肉亦足量，孜然手肘骨味道就差少少，孜然粉略嫌不足，當然自己都係做呢行，明白到口味嘅嘢各人有各人的喜好！整體來講滿足到屋企人我就最滿意，今晚食唔到焗魚腸，不過唔緊要，因為聽晚都係我煮，當然聽晚再嚟多次啦！哈哈😆

其實我好怕推薦餐廳比朋友，但係熱記係我唯一一間毫無顧慮咁推薦俾人嘅餐廳！好食嘅菜式太多，真係不能盡錄，但係要數到我最愛嘅菜式，一定非佢哋出品嘅滷水鵝肝莫屬！真係好好食、好好食、好好食！重要嘅嘢最少要講三次🤣照我所知佢哋嘅鵝肝大多數都係由老闆親自主理，不過有時都會係由佢嘅徒弟代為製作，佢哋嘅滷水鵝肝非常嫩滑，真正做到入口即溶，第一次食嘅時候覺得咁滑一定係整得唔熟，都有啲擔心會肚痛😆😆但係食過N次之後，從來冇一次因為食完而令到肚仔有任何唔舒服，我就知道呢個應該係老闆嘅獨門製作方法👍🏼我強烈推薦去熱記食飯嘅朋友一定要叫呢個餸👍🏼👍🏼👍🏼至於其他出色嘅菜式仲包括有：山珍啫龍躉扣、芥菜戀豬膶、蔥油鮮魚皮、蟹黃海鮮燜飯、黃金涼瓜、豉油王大蝦等等

朋友介紹的，見到食小菜都有live band，又幾新鮮和有氣氛，所以一試。首先，試了冰鎮鮑魚，爽口之餘還很鮮味，而且每一隻都切片，容易進食。接著是胡椒豬肚蛤蚧湯，這個胡椒很香，蛤蚧也很大隻，不錯啊😋。最精彩就是這個蟹飯，超級好吃而且份量十足，飯吸收蟹既鮮味，蟹膏混在飯裏，香味撲鼻，飯也很乾身，粒粒分明，厲害厲害👍🏼👍🏼👍🏼。之後，還有疆蔥魚頭煲，夠晒脆口，鮮香美味😋😋。連續兩個星期六幫襯，真的超水準，服務也一流，老闆熱情招待，也送啤酒給我們，總之我會再返轉頭的。I’ll be back 🥳🥳🥳。

傳聞依間好好食，終於有機會去食嗱叫左碟柚子蝦立即食神上身好好味呀，好食到可送二碗飯禁制皮脆蝦爽，柚子汁醬汁剛剛好😋魯水鵝件，好入味好好食，墊係下面嘅，魯水豆腐都好好食…清曬🤣😂🤣蒸梅菜芥蘭菜芯🤣我朋友未食過蒸菜，佢話好食到不得鳥，d菜夠諗又入味，好正，重可以一次過食曬二款菜，佢食菜芯，我食介紹， 唔使爭🤣🙈重有好多餸想叫來食架，但碟碟都恐龍禁大碟，二條友，叫唔到禁多下次必再來食😋#環境：乾淨企理#職員：禮貌勸快#老闆：好好人#個廚師：好掂，果然名不虛傳

時不時都會同同事黎食宵夜。味道方面幾好，每樣菜都有讚冇彈。最中意食佢嘅黃金炒涼瓜或者四季豆，鹹蛋黃味好濃好香。蠔餅，食落唔會好油但好脆，蠔仔份量都多。仲有薯仔牛柳粒，薯仔有炸過，好香脆，牛都不錯，個人中意薯仔多啲。依啲每次都必食。冬天都有試羊腩煲，本身不太中意食羊，驚羶，但佢地嘅羊唔會有羶味，幾好，而且湯汁味道好濃，最後加返個生菜，正！環境方面都乾淨舒適。員工態度有禮，佢地好樂意同食客交流。整體好好，值得一試。

因為這幾次來到土瓜灣，都直接去九記，再好吃的東西，你每次去同一區都吃同一間，怎樣也會悶，而且，海鮮吃得多，也不算健康。因此，友人尚未到，我們在附近看看，我原本在戲言，「什麼記」大排檔這些名字，比比皆是，但竟然有人用個「熱」字來做店舖名稱，真有趣，😂豈料友人在網上找找之後，發覺菜式都是大排檔模式的小菜，因此，為免再越走越遠，倒不如內進試一下。滷水拼盤：有豬頭肉、生腸、豬大腸、紅腸、芽菜，豬大腸很多都是厚切大片，非常之有咬口，味道極之香濃，非常出眾；生腸亦都非常之爽口彈牙，點少許辣椒油，亦都相當爽口；豬頭肉更加出色，現在很少吃豬頭肉，因為很多時候，現今的店舖求求其其，豬頭肉還有毛髮黏着，看你上來已經不太吸引，怎麼能放入口，但是這兒的豬頭肉，完全沒有豬毛，因此可以大快朵頤，而且還保留少許嚼勁，起上來相當之高興。小店辣椒油味噌香濃，通常吃潮州打冷還是滷水拼盤，都會用這種辣椒油，味道夠香，然後有麻香味，不是只覺得潮州辣椒味。韭菜豬紅再將韭菜轉了做芽菜，豬紅份量正正常常，不會太細舊，不算有臭味，味道清香。黃金鮮魷，看上來不太大碟，但其實比起外邊餐廳那些黃金的菜色，這已經算多，並且，黃金即是鹹蛋黃醬

突然好想食打冷，亦俾佢門口張摺椅吸引🤣先嚟當然叫咗個滷水拼盤好食，亦都幾大碟之後見到有客人叫咗個尖椒魚卜，好食！所以都叫番一個，尖椒好辣🤣再嚟個上湯翡翠苗再嚟魚皮🤤最後再叫咗個椒鹽九肚魚，唔記得影相🤣全部叫嘅嘢都好味！會想再試其他

平安夜都要工作，但為左工作中都要開開心心，所以買外賣返公司與同事品嘗。之前已經食過，所以知道什麼好味。，可以再encore. 今次外賣大约8個人食，而且同事都覺得好好味