熗居酒屋 (已結業)

第一次去呢間居酒屋，門口塊木招牌已經好有日本居酒屋feel😍店員好Friendly又有禮貌，還安排了間廂房比我們， 裝修很雅緻👘而且識得主動加水。菜單上日式食物嘅選擇多到眼花撩亂，但呢度以串燒燒物見稱，靚靚老闆娘仲主動地推介我們order了一個$428嘅套餐。有蟹子沙律🥗，手握壽司🍣，牛蒡漬，鹽燒雞翼，雞軟骨棒，薯餅，脆雪魚紙，汁燒秋葵。 蟹子沙律份量都好足，其餘燒物炸物都不會好咸，食落唔會成口油膩感，味道相當好。👍脆雪魚紙食落有陣陣炭香味入口香脆 餸酒佳品🍶 白桃梳打都幾好飲，🍑白桃味不會太甜，幾解渴🍹 食物都有中上水準😳坐得亦好舒服，服務真的唔錯，真心係物有所值性價比好高呢～♥️我們會再來光顧喔💪…查看更多

友人介紹這間居酒屋有新鮮飛機魚剌身，專程約埋班九龍朋友慕名來港島試菜。食完就發覺淨係為了條空運鯛魚，同埋秋刀魚剌身都值得來了，因為鯛魚極新鮮不在話下，秋刀魚是這時令先會用來做剌身，朋友們也是第一次試到，所以會趁轉季前再來多次食吧～至於手握壽司亦好味過平時食既壽司呢，而清酒蠔鍋亦好抵食，煮完都好大隻好鮮香，唯獨是個鍋具好像用屋企鍋盛載，吾係普遍日式鍋物用既鐵鍋。最後個甜品紅豆燒魚亦很香口，內脆內軟，老闆娘還請我地食多件，全晚都招呼很好氣氛一流，真的很有居酒屋感覺。…查看更多

今日趁中秋帶埋小狗去炮台山東岸公園影中秋燈飾，響影緊嘅期間收到張日本餐廳嘅傳單，表示佢哋係一間寵物友善餐廳叫我哋影完相之後可以去試吓。當同啲狗仔影完相之後，都已經差唔多9點幾10點，諗緊附近有啲咩食嘅時候就諗起呢一間日本餐廳於是就行過去睇吓啦！呢度係一間居酒屋主打係串燒同埋一啲日本嘅食物，見到餐牌有二人套餐好似比散叫抵食，所以就嗌咗呢個$388嘅餐內容包括有豆腐秋葵沙律、油甘魚鮫、明太子玉子、燒翠玉瓜串、粟米串、吉列豬扒、關東煮、同埋日式飯團。原來嗰度豆腐秋葵沙律好大兜，最有印象就係個關東煮，佢啲湯好清甜加上蘿蔔慢煮咗48小時所以非常之入味同埋好淋，另外油甘魚鮫只係用燒嘅方式冇加任何調味料，配以豉油俾你調味所以可以將啲魚肉分比狗仔食，最開心就係佢可以比狗仔坐喺餐廳入邊涼冷氣，唔使喺啲冇冷氣嘅室外地方咁熱，好適合有寵物嘅朋友嚟食飯。…查看更多

今日突然想食居酒屋，平時食開有間幾好的爆滿，前排經過炮台山見到呢間新店，本身上星期日已經想黎，發現佢星期日休息，今日就用呢次機會決定黎一試！今次6人食，款式較多，限制於open rice只能放12張相，d相要夾埋一齊仲長文，唔想睇多字，直到總結吧未知是否因為位置較偏僻定係我地好彩，星期六仲有張大枱令我地成功試到，我地6人，安排左一間獨立房間比我地，可關門，座位寬闊，有點日本感覺，差啲想除鞋入去但忘記影房間的相，我哋離開前，外面客人離開了就影左外面。開始食之前點左d飲品先，我哋見menu飲品較少，向店員查詢，原來仲有d係off-menu，好彩問下，最後揀左巨峰提子梳打，白桃梳打，檸檬茶，果味梳打，好日本feel，去唔到扮住先，呢3款野飲正常發揮。另外2支日本手工啤酒，Saison (左)應該是指比利時啤酒的釀造？酒味比較淡麥味突出，相比另一款赤米就比較平淡，個人喜好赤米！有淡淡的花香甜味，比較特別，雖然濃味點，但也易入口，幾好飲！除咗呢啲，其實仲有唔少選擇，青酒櫃都備有數款清酒，不防向店員查詢。除左串燒menu，仲有幾份套餐的menu，不過唔夠食，所以我地散叫，另外仲有廚師推介，我哋首先叫左份$398的刺身(大)，完全出乎意料之外，本身諗住呢個地點同做街坊生意(感覺上)刺身應該最多都係普普通通，估唔到幾新鮮之餘，厚切，溫度夠凍，魚肉刺身油脂分布平均，貝類口感都好好，仲要份量足，估唔到每個人都試到每一款。唯一美中不足係芥末唔多襯(刺身靚先想要襯返靚芥末)下圖左起炸豬扒，炸墨魚咀，椒鹽雞軟骨，燒飯團，雞皮餃子，炸芝士年糕。炸豬扒一食，肉質勁鬆化，炸粉薄，好好食，我地中途仲再叫多份，可惜第二份就無咁鬆化，未知係咪食太多定食飽左？希望下次再嚟會食到第一份的質素炸墨魚咀係全單入面較失色，入面的墨魚咀口感一般，太靭。椒鹽雞軟骨中規中矩，份量夠大，飲酒傾計必備。燒飯團外脆(睇相都見到脆)內軟，夠熱，正！雞皮餃子好食，外皮雖然唔夠就咁雞皮脆，但係都脆，相信係因為想保持入面內涵多汁，一咬入去，勁嫩勁多汁！一份4件，好彩叫夠2份，因為咁我先可以食多件炸芝士年糕就同市面食開的差不多，不多介紹。食得串燒，識食一定要食雞肝，唔係成日食，一次半次必須食！每串雞肝都配上左粒雞心(第一粒)，重點完全比雞肝獨占，雞肝十分出色，沒有腥味，香氣十足，食完個香氣充斥成個口，口感軟嫩，眼前一亮的感覺，推薦！雞肉軟骨棒，呢個同我想像中有出入，以為係會有生蛋個個醬點個隻，不過都好食，肉鮮嫩多汁，如果外皮再燒燶d仲正2份厚燒牛舌，好香牛味，口感彈牙，沒有羶味，但由於牛舌有點膩，之後覺得應先點一份看份量關東煮，店員送上時特別介紹呢個關東煮原來都係店鋪推薦食品，心機野，師父48小時慢煮整！個湯真係精華，平時食個湯大多數覺得太甜，呢度直頭飲晒個湯，蘿蔔吸曬精華，另有魚餅福袋，菇，竹輪。牛肉鍋，份量足，但對比其他食物就較普通，不過不失，食左關東煮再食呢個應該就係關鍵，只能說沒比較沒傷害。咁熱的日子必須叫冷烏冬增加下食慾先，(雖然外人睇這食量睇唔出有影響食慾就是了)仲叫左2碟，煮的時間剛好，不會太腍，保持麵質煙韌有口感，正常發揮。茶碗蒸，真係好夠熱，細心店員需特別提示茶碗蒸碗邊熱要小心。有櫻花蝦點綴，不過無其他料，蛋嫩滑，但係無其他材料下，蛋味依然不算濃郁，就有點失望。雞翼，2隻為一份，外乾內軟，肉質保持嫩有汁，皮的邊位都脆口，少少鹽吊味，簡單的好食。價錢以雞中翼黎講就貴少少，$38@1份。總結: 有意外驚喜，本覺得在這地區只做街坊生意，估唔到食物質素唔錯，特別係刺身，都好新鮮。串燒好怕食燒到好乾的串燒，再好的食材都要有處理恰到好處的廚師才能發揮，呢次黎大部分食物都好好食，上面提到較普通的也都合格，只是剛好比較下可能失色。店內座位與座位之間有一段距離，充足的空間，算寬闊，一定的人數甚至有房。房間門口小斜台貼上黃黑膠紙提示，店舖地面乾爽(包括廁所)，廁所衛生情況不錯，由此可見店舖有為安全衛生把關店舖所有店員都十分有禮，另一位便服店長/老闆十分友善，主動幫忙，並會主動介紹食物，令整個用餐環境放鬆，有好員工下客人更能享受當下的時間推薦！絕對係會再次到訪的餐廳，希望能保持質素…查看更多

晚黑落街食飯，見到呢間居酒屋就走入去試下個menu 主要係串燒，熟主食比較少仲叫咗芝士年糕同三文魚+鰻魚炒飯（冇影相）個炒飯都係見到廚房炒緊問佢可唔可以炒多個，先有得食🤣🤣呢間野，基本上都係一般般個服務就唔錯 秋葵豆腐沙律呢個牛肉薯餅$30，覺得少少貴厚切牛舌燒得ok,唔會過老牛小排就一般，有幾舊都比較肥，同埋有啲嚡佢仲同我講佢地啲牛好靚🙄牛肉鍋都係一般，啲肥肉都係嚡嚡地油甘魚鮫都OK既，肉算係多，但係食幾啖之後就覺得幾漏下…查看更多

呢間居酒屋食物性價比不錯，價格不是太貴，但比到水準，而店內以一個個小間隔作用餐區，空間感足夠，坐得舒適嘅。員工們亦很友善，主動作出餐牌推介。叫左一份魚生拼盤，只有四款刺身，種類不多但份量很足！魚生厚切吃落有口感，滿足嘅！可惜有些部份切得不太平均，甚至有些部分還未切斷，只好靠你既筷子功力喇！！串燒，必叫阿波雞心／雞皮！雞皮脆香，極邪惡：）雞心內軟有口感，好味。牛舌味道不錯，不過叫得厚切牛舌就吾好切片啦，要注意一下喔⋯⋯雞軟骨／芝士年糕，不會出錯的item，不過不失。…查看更多

由訂座到去店鋪，店員態度很好👍🏻店員為我地介紹今晚有乜好介紹，我哋叫左明太子玉子，墨魚咀，燒雞皮，雞腎，燒豆腐，一夜魚干等燒油金魚較，燒得剛剛好鎖住肉汁和油份😋墨魚咀我未見過咁大粒，有口感😍牛肉鍋如果多d菜就更好😆難得和朋友食到一間有水準居酒屋👍🏻…查看更多

北角其實都唔少野食不過好多都要排隊等位今次試既呢間居酒屋都比較新價錢黎講都唔算好貴同普通居酒屋一樣有燒茄子我好鍾意食燒茄子所以一次過嗌左兩碟😂茄子唔會比汁蓋過味道有d 居酒屋嘅茄子會太甜/太咸佢味道岩岩好確實唔錯所有既串燒都係即叫即燒係咪見到都lam lam 脷呢呢到既staff 都好nice會同你傾下計咁除左串燒之外當然唔少得魚生佢既魚生都算新鮮最值得一提既就係佢個魚湯烏冬魚湯既鮮甜再加上有咬勁既烏冬連湯帶烏冬"雪"一聲落肚真系好有滿足感…查看更多