熗居酒屋 (已結業)

第一次去呢间居酒屋，门口块木招牌已经好有日本居酒屋feel😍店员好Friendly又有礼貌，还安排了间厢房比我们， 装修很雅致👘而且识得主动加水。菜单上日式食物嘅选择多到眼花撩乱，但呢度以串烧烧物见称，靓靓老板娘仲主动地推介我们order了一个$428嘅套餐。有蟹子沙律🥗，手握寿司🍣，牛蒡渍，盐烧鸡翼，鸡软骨棒，薯饼，脆雪鱼纸，汁烧秋葵。 蟹子沙律份量都好足，其余烧物炸物都不会好咸，食落唔会成口油腻感，味道相当好。👍脆雪鱼纸食落有阵阵炭香味入口香脆 𩠌酒佳品🍶 白桃梳打都几好饮，🍑白桃味不会太甜，几解渴🍹 食物都有中上水准😳坐得亦好舒服，服务真的唔错，真心系物有所值性价比好高呢～♥️我们会再来光顾喔💪…查看更多

友人介绍这间居酒屋有新鲜飞机鱼剌身，专程约埋班九龙朋友慕名来港岛试菜。食完就发觉净系为了条空运鲷鱼，同埋秋刀鱼剌身都值得来了，因为鲷鱼极新鲜不在话下，秋刀鱼是这时令先会用来做剌身，朋友们也是第一次试到，所以会趁转季前再来多次食吧～至于手握寿司亦好味过平时食既寿司呢，而清酒蚝锅亦好抵食，煮完都好大只好鲜香，唯独是个锅具好像用屋企锅盛载，吾系普遍日式锅物用既铁锅。最后个甜品红豆烧鱼亦很香口，内脆内软，老板娘还请我地食多件，全晚都招呼很好气氛一流，真的很有居酒屋感觉。…查看更多

今日趁中秋带埋小狗去炮台山东岸公园影中秋灯饰，响影紧嘅期间收到张日本餐厅嘅传单，表示佢哋系一间宠物友善餐厅叫我哋影完相之后可以去试吓。当同啲狗仔影完相之后，都已经差唔多9点几10点，谂紧附近有啲咩食嘅时候就谂起呢一间日本餐厅于是就行过去睇吓啦！呢度系一间居酒屋主打系串烧同埋一啲日本嘅食物，见到餐牌有二人套餐好似比散叫抵食，所以就嗌咗呢个$388嘅餐内容包括有豆腐秋葵沙律、油甘鱼鲛、明太子玉子、烧翠玉瓜串、粟米串、吉列猪扒、关东煮、同埋日式饭团。原来𠮶度豆腐秋葵沙律好大兜，最有印象就系个关东煮，佢啲汤好清甜加上萝卜慢煮咗48小时所以非常之入味同埋好淋，另外油甘鱼鲛只系用烧嘅方式冇加任何调味料，配以豉油俾你调味所以可以将啲鱼肉分比狗仔食，最开心就系佢可以比狗仔坐喺餐厅入边凉冷气，唔使喺啲冇冷气嘅室外地方咁热，好适合有宠物嘅朋友嚟食饭。…查看更多

今日突然想食居酒屋，平时食开有间几好的爆满，前排经过炮台山见到呢间新店，本身上星期日已经想黎，发现佢星期日休息，今日就用呢次机会决定黎一试！今次6人食，款式较多，限制于open rice只能放12张相，d相要夹埋一齐仲长文，唔想睇多字，直到总结吧未知是否因为位置较偏僻定系我地好彩，星期六仲有张大枱令我地成功试到，我地6人，安排左一间独立房间比我地，可关门，座位宽阔，有点日本感觉，差啲想除鞋入去但忘记影房间的相，我哋离开前，外面客人离开了就影左外面。开始食之前点左d饮品先，我哋见menu饮品较少，向店员查询，原来仲有d系off-menu，好彩问下，最后拣左巨峰提子梳打，白桃梳打，柠檬茶，果味梳打，好日本feel，去唔到扮住先，呢3款野饮正常发挥。另外2支日本手工啤酒，Saison (左)应该是指比利时啤酒的酿造？酒味比较淡麦味突出，相比另一款赤米就比较平淡，个人喜好赤米！有淡淡的花香甜味，比较特别，虽然浓味点，但也易入口，几好饮！除咗呢啲，其实仲有唔少选择，青酒柜都备有数款清酒，不防向店员查询。除左串烧menu，仲有几份套餐的menu，不过唔够食，所以我地散叫，另外仲有厨师推介，我哋首先叫左份$398的刺身(大)，完全出乎意料之外，本身谂住呢个地点同做街坊生意(感觉上)刺身应该最多都系普普通通，估唔到几新鲜之余，厚切，温度够冻，鱼肉刺身油脂分布平均，贝类口感都好好，仲要份量足，估唔到每个人都试到每一款。唯一美中不足系芥末唔多衬(刺身靓先想要衬返靓芥末)下图左起炸猪扒，炸墨鱼咀，椒盐鸡软骨，烧饭团，鸡皮饺子，炸芝士年糕。炸猪扒一食，肉质劲松化，炸粉薄，好好食，我地中途仲再叫多份，可惜第二份就无咁松化，未知系咪食太多定食饱左？希望下次再嚟会食到第一份的质素炸墨鱼咀系全单入面较失色，入面的墨鱼咀口感一般，太靭。椒盐鸡软骨中规中矩，份量够大，饮酒倾计必备。烧饭团外脆(睇相都见到脆)内软，够热，正！鸡皮饺子好食，外皮虽然唔够就咁鸡皮脆，但系都脆，相信系因为想保持入面内涵多汁，一咬入去，劲嫩劲多汁！一份4件，好彩叫够2份，因为咁我先可以食多件炸芝士年糕就同市面食开的差不多，不多介绍。食得串烧，识食一定要食鸡肝，唔系成日食，一次半次必须食！每串鸡肝都配上左粒鸡心(第一粒)，重点完全比鸡肝独占，鸡肝十分出色，没有腥味，香气十足，食完个香气充斥成个口，口感软嫩，眼前一亮的感觉，推荐！鸡肉软骨棒，呢个同我想像中有出入，以为系会有生蛋个个酱点个只，不过都好食，肉鲜嫩多汁，如果外皮再烧㶶d仲正2份厚烧牛舌，好香牛味，口感弹牙，没有膻味，但由于牛舌有点腻，之后觉得应先点一份看份量关东煮，店员送上时特别介绍呢个关东煮原来都系店铺推荐食品，心机野，师父48小时慢煮整！个汤真系精华，平时食个汤大多数觉得太甜，呢度直头饮晒个汤，萝卜吸晒精华，另有鱼饼福袋，菇，竹轮。牛肉锅，份量足，但对比其他食物就较普通，不过不失，食左关东煮再食呢个应该就系关键，只能说没比较没伤害。咁热的日子必须叫冷乌冬增加下食欲先，(虽然外人睇这食量睇唔出有影响食欲就是了)仲叫左2碟，煮的时间刚好，不会太腍，保持面质烟韧有口感，正常发挥。茶碗蒸，真系好够热，细心店员需特别提示茶碗蒸碗边热要小心。有樱花虾点缀，不过无其他料，蛋嫩滑，但系无其他材料下，蛋味依然不算浓郁，就有点失望。鸡翼，2只为一份，外干内软，肉质保持嫩有汁，皮的边位都脆口，少少盐吊味，简单的好食。价钱以鸡中翼黎讲就贵少少，$38@1份。总结: 有意外惊喜，本觉得在这地区只做街坊生意，估唔到食物质素唔错，特别系刺身，都好新鲜。串烧好怕食烧到好干的串烧，再好的食材都要有处理恰到好处的厨师才能发挥，呢次黎大部分食物都好好食，上面提到较普通的也都合格，只是刚好比较下可能失色。店内座位与座位之间有一段距离，充足的空间，算宽阔，一定的人数甚至有房。房间门口小斜台贴上黄黑胶纸提示，店舖地面干爽(包括厕所)，厕所卫生情况不错，由此可见店舖有为安全卫生把关店舖所有店员都十分有礼，另一位便服店长/老板十分友善，主动帮忙，并会主动介绍食物，令整个用餐环境放松，有好员工下客人更能享受当下的时间推荐！绝对系会再次到访的餐厅，希望能保持质素…查看更多

晚黑落街食饭，见到呢间居酒屋就走入去试下个menu 主要系串烧，熟主食比较少仲叫咗芝士年糕同三文鱼+鳗鱼炒饭（冇影相）个炒饭都系见到厨房炒紧问佢可唔可以炒多个，先有得食🤣🤣呢间野，基本上都系一般般个服务就唔错 秋葵豆腐沙律呢个牛肉薯饼$30，觉得少少贵厚切牛舌烧得ok,唔会过老牛小排就一般，有几旧都比较肥，同埋有啲嚡佢仲同我讲佢地啲牛好靓🙄牛肉锅都系一般，啲肥肉都系嚡嚡地油甘鱼鲛都OK既，肉算系多，但系食几啖之后就觉得几漏下…查看更多