熊本牛鍋 (永勝商業中心)

营业中

休息中

同舊同事飯聚，最鍾意烚吓烚吓。搵咗間任食火鍋，最緊要啤酒任飲！點咗安格斯極級牛小排放題，出面自助區可以任拎蔬菜、丸類、雞肉同飲品。點咗蕃茄薯仔湯底，幾濃味，唔使點醬油都夠味。牛小排超級好食，好香濃嘅牛味，脂肪唔多，啖啖肉，咬落幾淋，好正！好開心有蒿筍同秋葵，呢兩種蔬菜係我近日打邊爐嘅新寵兒。獅子狗都好正，入面係芝心，好足料。丸類就不過不失。豆腐好滑，同蕃茄薯仔湯好夾味。推介芝士魚腐，雖然係粉，但係彈牙同有芝士，啱哂芝士控！好鍾意食水餃同韮菜餃，淥完都唔會爛，亦都好新鮮。間野水準唔錯，不過門面唔算起眼，算係隱世食肆。

最近天氣秋涼，就想食返啲熱騰騰嘅野暖胃，今次就揀咗呢間位於尖沙咀山林道的「熊本牛涮鍋」食晚餐晚市兩小時自助火鍋放題有多款不同肉及價錢可供選擇。我好耐冇食火鍋放題，所以就揀咗個中等價位$248的美國安格斯極級牛小排雖然餐廳以日本風為主題，但湯底選擇除了日式，也有港式、泰式、西式等等。最後朋友選了木魚昆布湯，湯底清淡，散發着陣陣木魚香肉類以外的配料及飲品都係自助形式，buffet bar長長的，滿載琳琅滿目的火鍋配料，以日式和港式為主仲有咖喱飯同炸雞，一定夠飽肚～另外飲品選擇都好豐富呀，亦有自家煲製的五花茶同夏枯草，清熱解毒啱晒加拿大豚肉薄切的豚肉片煮幾分鐘就好快熟，入口係濃郁豬肉香，小編個人喜愛搭配芝麻醬一齊食美國牛肩胛色澤光鮮的牛肩胛脂肪比例偏少，肉味香濃，輕輕灼至七成熟最能品嚐到牛肉的原汁原味火鍋配料之後拎左一堆芝士魚腐、獅子狗、蟹柳、蒟蒻、蔬菜、雲吞、餃子等等配料，款款都好新鮮又美味！個人最欣賞係佢哋嘅餃子同雲吞，皮薄餡靚，正哦最後係全晚嘅重點：美國安格斯極級牛小排，脂肪雪花分布平均，口感香軟，好新鮮，牛肉味最濃郁呢最後仲有多款口味Dreyer’s雪糕、餐廳自家製朱古力雪糕同忌廉泡

熊本打邊爐！加拿大豚肉，美國牛肩，安格斯牛小排$245揀左羅白豬骨湯，清清地，牛肉以牛小排勝，好薄切，又有牛味，唔會好肥。牛肩色澤都不錯，幾有咬口。豚肉肥瘦均勻！自助吧有好多蔬菜盤可無限添加食完主菜都唔夠仲可以點其他配菜及火鍋配料，例如山筋，麵，烏冬，腸，各款丸，菜等等。保證你食到飽飽食完火鍋仲未可以走！仲有甜品，就係雪糕！大滿足。- 自助 Buffet 吧多款特色丸類, 蝦滑, 有機新鮮蔬菜及菇菌類任食, 另有咖哩飯/炸物小食- 4 款口味Häagen-Dazs 雪糕任食飲品有好多罐裝款式揀，汽水，自定五花茶，hite，韓國飲品等。加$仲有海鮮盤食，感覺好抵食！

差不多有一個月沒有火鍋，今晚跟在尖沙咀工作的朋友打算在附近找找有什麼新餐廳，在網上看到這間熊本牛涮鍋評價非常高，就決定試試。餐廳地點不太起眼，是樓上鋪，我們大約八點來到，店內都有很多檯客人，座位寬闊且空間感十足，侍應介紹有自家制涼茶，可以清一清熱氣。餐牌約五款不同類型的牛肉配搭放題，我們點了美國安格斯極級牛小排$248，可自選八款湯底，點了蘿蔔豚骨濃湯底，品嚐後就會覺得非常值，湯底香濃豬骨湯味，不錯！美國安格斯牛小排 - 顏色鮮明，肉質嫩滑。香滑雞件 - 是外面自取，雞肉鮮嫩無比。加拿大豚肉 - 肉質細嫩，口感一流。還有多款不同丸、菜、豆腐、麵等都是自取。雪糕 - 有三款不同口味雪糕，這個價錢物超所值。

🐷🐷🐷打邊爐都係我其中一個至愛🤪 依日行過尖沙咀見到招牌錢住熊本牛既牛涮鍋即刻挑起左我食牛既癮🙈我同媽咪叫左個美國牛肩胛套餐，價格合價。而湯底就揀左蕃茄薯仔豚濃湯🐷蕃茄濃湯好香甜，飲落去夾帶左少少豚骨香味，overall黎講一啲都唔油膩幾醒胃😆電櫃都有好多唔同飲料，打邊爐最驚就係熱氣，依度竟然連涼茶都有呀！ ！👼🏻醬料既款都幾多，連芫茜都有。蔬菜係自己出去夾既，款式幾多而且啲菜都幾新鮮幾靚🙆🏻‍♀️丸類都一樣。主要食既肉類都係加拿大豚肉同美國牛肩胛。值得一提既係美國牛肩胛既肉濃較日本牛濃，鐘意食重口味既朋友仔一定會好滿意🤪我同媽咪都真係食得幾重口味下🐷 最後，令女生們最興奮既係任食既自助Haagendaz雪糕😍 次次有得咁樣食都會覺得食返幾杯就回本🤑 Total有4個口味。整體而言真係幾抵食🤔🔸Overall ($198+1/1)📍熊本牛涮鍋 (尖沙咀)尖沙咀山林道21號永勝商業中心2樓A號舖

約左個好耐冇見ge. 朋友，大家都係牛魔王，所以就揀左喺尖沙咀嘅嘅熊本牛涮鍋！ 之前有屋企人食過，評價不錯，今次一於等我試下！有4款餐，任食2小時6款免費湯低任揀，我地就揀左蕃茄薯仔豚肉湯😋😋😋豚肉同牛小排都好新鮮，肉味濃，肥瘦適中，同喺日本食到的可以媲美！除左肉類，自助 Buffet 吧有多款特色丸類, 蝦滑。食左咁多肉，當然要食返啲菜。蔬菜類有唔少選擇。自助吧亦有熟食提供，有咖哩飯/炸物小食。呢款炸雞翼超好食，encore 左多次！女仔都有2個胃，食左咁多野，當然要多返啲甜品啦！呢到ge 雪糕係Häagen-Dazs 雪糕添！ 超滿足！

朋友約我星期五下班後去尖沙嘴山林道的熊本牛涮鍋，當晚我在山林道徘徊了一回才找到。餐廳位於山林道21號的二樓，門口水牌沒有顯示餐廳名稱，所以會很容易錯過呢！大廈附近都很平靜，但上到二樓進入餐廳即很有人氣！餐廳滿座很熱鬧，幸好朋友一早到步準備好一切。5小時任食，要提前一天預約才有。朋友選擇了《晚市2小時自助火鍋放題(入座時間18:30)》加拿大豚肉/日本雞肉放題美國牛肩胛放題 (成人$198 / 小童$118)8款湯底選一款，鴛鴦湯底+$15蕃茄薯仔豚骨濃湯還有自助區有醬料、日本生雞蛋、各款丸類、餃類、蔬菜類、麵類，飲品啤酒任飲等，連日本蒟蒻和日本雞蛋也有！飲料連自家製涼茶都有，真貼心。所有肉類都用專機的冷刀切片，薄身平均，保持到新鮮。美國牛肩胛肉嫩紅新鮮，輕灼就熟，牛肉味香又不韌，高質。加拿大豚肉同樣薄身新鮮，脂肪少不肥膩。再出去拿些配料，都夠新鮮。最後還有自助雪糕，真的滿足了！

呢晚同左個之前返工識到既妹妹聚舊食飯我地揀左間離佢依家返工地點唔遠，行幾分鐘就可以去到既樓上餐廳食涮涮鍋收費方面就視乎返揀咩肉食，呢晚我地想食好少少，所以就要左個中位價既“美國安格斯極級牛小排”HKd$248+10%而其他火鍋料同醬料都係任食自取既自助既食材選擇都唔少，而且質素都幾好，當中仲有手打蝦滑添！！除此之外，更有炸雞翼做小食同咖喱飯可以即刻食xppp基本湯底有六種選擇，呢晚我地就揀左“蕃茄薯仔湯”我地先食豬同牛，當中牛有兩款，分別係牛肩胛同牛小排呢道肉類既質素都唔錯，不論係豬或牛都係薄切，輕輕“涮”一“涮”就食得而飲品都係自取任飲既，當中有d種類都幾特別添就好似有呢款有西瓜粒係入面既西瓜汁咁，自己都係第一次飲炸！！！當晚亦有任食既甜品，分别有三款口味既雪糕同吉士泡芺呢晚全程都無乜漏單，食物亦refill得好快，所以食足兩小時都好足夠

餐廳位於商廈，大廈入口隱蔽，餐廳門外走廊比較焗，而且有異味！揀選了美國安格斯極級牛小排放題及蕃茄薯仔豚骨濃湯，除牛小排外，放題肉類還可點加拿大豚肉及美國牛肩胛！豚肉一般，味道及肉質比牛肩胛好；牛肩胛無牛味，而且肉質較嚡；牛小排比較多油脂，牛味較重，肉質比較嫩，味道還可以！另外，自選火鍋配料雖算新鮮，飲品還有自家製五花茶及夏枯草可選，而雪糕係Dreyer’s！食材不過不失，環境比較迫，但價錢尚算吸引，特別係5小時放題！

山林道一向都係多唔同種類既食肆，今日黎山林道食呢間有火鍋任食既熊本牛涮鍋食餐勁既！由大廈旁邊通道行入lift lobby，搭上2樓，一出就係熊本牛涮鍋喇！大大個招牌係度~呢度舖面唔算大，不過一應俱全，有任飲罐裝飲品(啤酒都有！)、多款蔬菜肉類麵食任拎，仲有飯、小食同埋雪糕。唔飲凍野既有茶包熱水供應。呢度既套餐形式係咁既，全枱叫同一個價錢既餐，但比個個價錢低既餐既肉都可以任點。所以今日試叫呢個牛小排set，照可以食埋牛肩胛、豚肉同雞肉。湯底方面就揀左蕃茄薯仔豚骨濃湯，蕃味好濃，加湯係加豚骨湯，不過一樣keep 到啲蕃味。4款肉食過哂，雞肉夠滑、豚肉品質好好，唔韌、牛肩胛帶有少少脂肪好濃牛味、牛小排脂肪更均勻，更淋身，口感更佳，加多$50絕對值得。呢度係難得既兩小時任食，唔洗太趕慢慢食又夠哂飽。食到七七八八就食雪糕，雪糕都係任食架~岩哂我呢啲甜品係第2個胃既人。呢度坐得舒服，食物質素又好，店員反應又快，值得一食再食！

早前朋友向我推介呢間餐廳打邊撈，雖然地點有啲偏僻，但整體算係唔錯，環境黎講地方都幾大，人唔算多，同朋友食飯傾計就啱哂我同朋友揀左美國安格斯極品牛小排放題，呢個套餐包括埋豚肉 / 雞肉，仲有牛肩胛。⭐️重點推介：牛小排⭐️肉質好厚，而且牛味濃郁，建議唔洗淥咁耐，啲肉質會爽口啲😆👉🏾另外牛肩胛同豚肉都唔差，只不過係牛小排實在太出色👉🏾既然係放題，食哂啲肉之後可以叫服務員幫你添肉，佢地好樂意為你服務👍🏾除左肉類之外，仲有好多配菜任你揀，而整體配菜質素都唔差！🍅蕃茄薯仔豚骨濃湯👉🏾蕃茄味道尚算突出，每款食物都可以沾上蕃茄味最後甜品方面仲有Haagen Dazs任食，而且仲有好多款韓式任品任飲🥰

今個夏天特別喜歡食火鍋，熱辣辣既天氣再食住熱辣辣既火鍋，有種特別既感覺呢度既自助吧位同樣係非常多既選擇，蔬菜類都非常新鮮，因為好快就會清空，所以店員都補充得非常頻密，蔬菜都保持水旺旺！丸類都有好多種多樣豐富，除左丸類都仲有餃子類，非常特別！最特別既係呢度有生雞蛋拎！好多任食地方都比較少見，不錯！調味料既位置非常乾淨，旁邊有白飯同咖哩，仲有炸雞！門口的汽水櫃非常多選擇，而且飲品都非常凍，火鍋必備冰凍飲品！加分！最貼心既係有自家既涼茶，有夏枯草同五花茶，五花茶味道剛好唔會太甜，飲涼茶食火鍋係有種可以食幾多都唔會熱氣既感覺！加拿大豚肉（左）豚肉薄薄的，即切即出，食落唔韌美國牛肩胛（右）鮮紅既牛肩胛，牛肉既脂肪較少，食落唔算韌，牛味亦都算不錯美國牛小排牛肉既油脂份佈比較平均，食落較牛肩胛嫩口，任食既話比較推薦牛小排！任食火鍋見到蝦滑真係比較少見，蝦滑食落蝦味十足，食落彈牙爽口，非常吸味！當然唔少得食韮菜餃等餃子類，食落餃子皮唔厚，肉質亦都嫩滑，不錯！最後必備要食既係雪糕，呢度仲有泡芙可以選擇！總結：二百幾蚊既任食，食到咁多不同種類既食物，仲可以任食雪糕，真係性價比高！

聽同事講呢間熊本牛涮鍋個湯底幾正，加上有自家製涼茶，就忍唔住去左試放題任食2小時價錢，而湯底就係免費揀一款😋😋除左豚肉及牛肉，其他材料都可以係自選櫃到添加，推介蝦滑，蟹棒，牛丸，山根都非常正😁仲有蔬菜及金菇等等吸味食材雪糕及泡芙已經候命，等待客人作最後衝刺調味區及熟食，有咖喱飯😳呢到嘅自家製涼茶有兩款，分別係五花茶及羅漢果水，兩款都好正好清熱，平時係街食嘅放題多數都係汽水之類，好少咁有誠意自家製涼水😁👍🏻👍🏻🌌加拿大豚肉🌌脂肪唔多，肉汁微甜，有少許豬肉香，配沙爹湯底，一流😋🌠美國牛肩胛🌠同樣地油脂唔高，肉質有少少咬口，但非韌，放入火鍋湯大概5秒已經熟透😛🎇美國牛小排🎇油脂分布均勻，食落有安格斯獨特果種牛香味，肉質算是嫩口，呢個比牛肩胛嘅牛肉味更香更濃，如果主食牛嘅各位可以試下呢款食完肉緊係要食下蔬菜，因為個湯底已經吸收哂肉嘅精華，吸味嘅芋絲，山根，菜，金菇係必須要食嘅😂👍🏻推介蝦滑，幾香蝦味，又彈牙，唔錯總括而言，二百零蚊可以享受到咁豐盛嘅美食，絕對物超所值，咁多款食物比客人任揀任加，仲有自家製涼水，行過可以試下👍🏻👍🏻

熊本牛涮鍋 ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎性價比超高既火鍋放題 全部料都好正仲有haagen dazs雪糕任食 ！晚市2小時自助火鍋放題 - 加拿大豚肉/日本雞肉放題 $168 - 美國牛肩胛放題 $188 - 美國安格斯極級別牛小排放題 $238 - 日本直送極上A4 黑毛和牛放題 $338 點選了牛小排套餐 亦可任食牛肩胛 豚肉及雞肉！全部肉都好靚料。肉質好軟稔 好香肉味 肥瘦適中。湯底方面加$20升級做龍蝦湯 非常濃 好香！ 第一次用龍蝦湯做湯底 原來咁正～自助 Buffet 吧有超多野食：好多特色丸類，唸到既都有！最正係蝦滑, 有粒粒蝦肉喺入面 手打超彈牙！要健康既有機新鮮蔬菜同菇菌，當然仲有唔同麵類。不得不提既係另有咖哩飯/炸雞。炸雞超受歡迎，又真係整得好好食，炸得鬆化，雞肉又多汁鮮嫩。最後仲有4款haagen dazs雪糕任食 4隻味都好正 好鐘意焦糖脆餅味！地址 尖沙咀山林道21號永勝商業中心2樓A號舖Shop A, 2/F, Vincent Commercial Centre, 21 Hillwood Road, Tsim Sha Tsui港鐵佐敦站 D 出

約左公司分行同事食飯，同事經常強調自己食量驚人，所以食放題就最好不過啦😆未到19:30已經九成滿座，幸好有book位，否則應該無法入座！我們揀選了「蕃茄薯仔豚骨濃湯」+「美國安格斯極級牛小排放題」，湯底有很香濃蕃茄味，食晒所有熬湯的蕃茄後，我們還自行添加蕃茄到湯底邊熬邊食😋放題除了可點牛小排外，還可點加拿大豚肉及美國牛肩胛，我們當然不會錯過試晒3款肉的機會😌豚肉爽口，不比牛肉失色；牛肩胛賣相鮮艷，油脂分佈較少，肉質比較有口感；而牛小排賣相也很吸引，油脂分佈均勻，但較牛肩胛相對地多，所以肉質比較軟嫩，而且牛肉味又較強烈👍🏻放題還包括多款火鍋配料、飲品及雪糕，配料選擇不少，食材新鮮；飲品則有汽水、韓國飲料及啤酒等，最驚喜是餐廳還提供自家製五花茶及夏枯草，非常適合健康人士；雪糕是Dreyer’s，而且還有泡芙供應😋餐廳除了2小時放題外，還有5小時放題，而且價錢還非常抵，一大班朋友聚會就最岩👍🏻