熊小館

营业中

休息中

今日小朋友係megabox 溜完冰，醒起呢度有間bear bear 餐廳話要食，要玩餐廳裏面個煮飯仔，最正既係餐廳係可以直接睇到溜冰場，剛好夜晚有曲棍球比賽（最近追緊冰上火花🤭），餐廳睇比賽睇得勁清楚，好似買左vip 位咁🤣🤣，有得玩煮煮唔怕悶，我地又可以有me time 睇比賽👍🏻👍🏻講番d食物，小朋友選左個兒童餐，全部香口嘢（我都估佢會選呢個🤣，係好吸引既🤭）有薯條雞翼炸蝦，仲有啫喱，簡直係小朋友最愛🤭另外仲叫左白洒忌廉煮藍青口煙肉芫茜扁意粉卡邦尼煙肉意粉紅酒汁牛柳伴法式田縲全部嘢都好好味，食到超滿足我特別想講個牛柳，煮得超嫩超juicy， 真係勁好味。基於小朋友就黎生日我地叫左個生日版心太軟小朋友見到勁開心, happy birthday 有埋熊bear bear圖案架😍最後我地走果陣見到個party room 唔貴，諗緊不如小朋友生日會起度搞都好bor , 有得食有得玩😍🤭🤭🤭

九龍灣MegaBox逢係星期六日都會非常多人雖然呢個地方有啲隔涉但係因為呢個商場真係好大，好啱，一家大細行！玩到攰攰地去搵嘢食又方便同小朋友嚟，就揀咗呢間有熊啤啤嘅餐廳熊小館，係Cafe 兒童餐好精美有熊仔啫喱，好得意大人就點咗個蜜糖菠蘿豬扒薯菜覺得啲薯條炸得非常好食！呢間餐廳其實都幾大好多座位啦，而座位坐得非常之寬鬆仲有佢有一個角落呢，係全部都係放熊毛公仔同埋店員非常親切，超好禮貌見到我有小朋友嚟，仲俾咗一隻大熊啤啤同我哋一齊坐來食飯

今年Halloween冇去扮鬼扮馬🎃👻但係就約左好朋友去呢間溫馨嘅熊小館食飯.💫二人套餐 $318要諗食咩有時都幾傷腦筋🤔一見到呢個set 咩都有齊就揀左佢.🌟歐陸式濃湯兩客＋牛油法包蔬菜湯好足料入味牛油法包整得外脆內軟 好香牛油味🧈.🌟法式香草牛油焗田螺田螺已經去左殼 方便易食😉底下仲有薯蓉 作為前菜份量啱啱好.🌟鐵板肉眼扒鐵板嘅渣渣聲真係好吸引 聽到已經流晒口水🤤肉眼扒好腍 而且都幾大塊配埋粟米、車厘茄同薯條非常滿足😎.🌟芝士焗忌廉菠菜龍利柳飯滿滿嘅芝士同忌廉醬鋪滿左飯面🧀龍利柳好入味 喺好港式嘅焗飯.🌟自家製心太軟 $42最後我地仲點左個甜品Share一切開心太軟就有朱古力湧出黎🍫加埋cream 同桃更有層次.餐廳空間十足 而且有好多小熊做裝飾仲有一個位俾小朋友玩煮飯仔 啱晒一家大細黎食飯👨‍👩‍👧‍👦店員叔叔仲好風趣 會拎啲熊仔黎陪我地食飯🤣🐻

呢日同大少小妹去咗零碳天地參加再新能源汽車展，玩咗啲攤位，又試吓揸下車仔。之後就去MegaBox搵嘢食，今次去咗呢間親子餐廳熊小館。入到去呢間舖，小妹好開心，因為店舖裏面有好多熊bear bear,迫不及待就攬住隻熊熊了。呢度仲有個小位置係比小朋友玩，佢哋都玩完先食嘢。店員服務非常好，見到我幫大少小妹影相，會用公仔去吸引小妹望鏡頭。食嘢嘅時候，又推咗隻一大熊bearbear陪小妹坐，十分親切友善。我哋食嘅時候仲不斷問我哋有冇啲咩需要，作為親子餐廳，真係好有心，服務一流。黑松露蟹籽帶子黃金意大利飯帶子面頭煎過，有少少脆，食落彈牙！個飯好Creamy，食落好煙韌，仲加埋蟹籽響上面，好有口感，好味！小熊套餐A:天婦羅炸蝦、蜜糖雞中翼、炸薯條、牛油粟米、小熊啫喱天婦羅蝦外脆內彈牙;蜜糖雞中翼好香，甜甜地，好好食;炸薯條夠粗，外脆內軟;牛油粟米好香;啫喱造型可愛。

呢日同大大細細去MegaBox行街，行行吓佢哋當然話肚餓，要食吓下午茶！於是我哋選擇咗呢間親子餐廳食個下午茶。呢間餐廳如其名，有好多熊熊公仔同擺設，細細一入到去就尖叫，攬住啲熊熊公仔，非常開心。餐廳又有個玩樂區，佢哋都入咗去玩，放下電，俾少少時間，我哋大人唞吓🤭玩夠先至開始食嘢。燒汁香蒜煙肉焗去骨雞腿飯連餐湯麵包去骨雞腿，啲肉多到好似雞扒咁，肉質嫩滑又入味，配埋煙肉同燒汁食，個飯又香又惹味。不得不提嗰餐湯同麵包，餐湯熱辣辣送來，非常香滑，飲完好暖胃。麵包焗得非常香脆，加埋香蒜醬焗，咬落脆卜卜，十分美味。金磚西多士呢個西多士令你食唔停口，炸得外脆內軟，而且好貼心咁切開一嚿嚿，味道又唔太甜，小朋友都食得，我哋一家都好鍾意食。

星期六放假去左mega box玩，玩到夜晚就係到食飯，見到呢間親子餐廳就入去，食完仲有得玩，小朋友都好開心。小熊套餐肉醬意粉味道酸甜開胃，芝士雞尾腸外皮脆卜卜，牛油粟米香甜，小熊啫喱可愛又好味。歐陸式濃湯兩客＋牛油法包南瓜湯入口幼滑，濃郁香甜，牛油法包烘得香脆可口，吸收哂南瓜湯幾好味。法式蛋黃醬焗鮮蘆筍鮮蘆筍香甜爽口，幼嫩無渣，加上蛋黃醬味道甜甜地好夾。深海帶子拼醬燒汁牛柳帶子厚肉，肉質鮮甜有彈性，牛柳要左5成熟，入口軟林，一點都唔靭，牛肉味道濃郁，配埋燒汁好惹味。卡邦尼煙肉扁意粉意粉軟硬適中，卡邦尼醬汁creamy濃郁。熱情玫瑰係玫瑰花茶加熱情果，味道香甜。橙色派對芒果加橙汁，酸酸甜甜。

同朋友去Megabox行街行到累累地，就黎左呢間西餐廳食野，見到餐廳周圍都放左大大小小既熊公仔同裝飾真係好治癒，無論大人定小朋友黎到應該都會好開心🐻二人套餐 $298歐陸式濃湯 + 牛油法包 x2是日餐湯係忌廉湯，口感濃郁順滑，質地綿密，配埋濃厚牛油香氣既法包，增加口感卡邦尼煙肉扁意粉醬汁非常濃郁，條條意粉都掛上富奶香既醬汁，而且軟硬適中，份量都幾多，加上微微咸香既煙肉同磨菇既鮮味令意粉香氣大大提升🤤蜂蜜BBQ燒豬仔骨 呢道豬仔骨質素甚至好過坊間一般西餐廳/cafe，豬仔骨醬汁以蜂蜜調味，經過燒烤後由內而外散發出甜甜既烤香味道，而且豬仔骨燒得外酥內嫩，肉質嫩滑保持肉汁🐷配菜更有粗薯條同沙律，即使2個人share都好滿足😌甜品 x2套餐送上2球雪糕，揀左朱古力味同芒果味，唔算太甜，而且非常夠凍🧊熱情玫瑰（玫瑰花熱情果）+$16清涼仲夏（香草薄荷橙汁）+$162款飲品甜度適中，唔會似飲緊糖漿，味道清新

【九龍灣•熊小館】@cafemed_hkππππππππππππππππππππππππππππππmegabox唔錯嘅小熊主題親子餐廳仲設有vip房可以包場開party🌻｜二人套餐A｜HKD 318歐陸式濃湯兩客+牛油法包🥕法式蛋黄醬焗鮮蘆筍非常美味和營養豐富的菜式。蘆筍提供豐富的維生素和纖維，而蛋黃醬則增添了濃郁的味道。🥩鐵板肉眼扒肉眼扒是使用牛眼肉切成均勻的厚片，在鐵板上煎烤至表面金黃酥脆，內部保持嫩滑的口感。這種烹調方式保留了肉質的原汁原味，使肉眼扒更加美味。在配料方面，薯條是這道菜的一大亮點。它們被炸至金黃酥脆的狀態，搭配著肉眼扒的鮮嫩口感，營造出一種絕妙的口感對比。此外，洋蔥和粟米也是這道菜的重要成分。洋蔥的香甜和粟米的清甜，為整道菜帶來了豐富的層次感，增添了一點清新的口感。🧀🍛芝士焗忌廉菠菜龍脷柳飯炒飯口感濕潤，米飯軟糯，與炒入其中的菠菜和龍脷柳完美結合。菠菜的鮮嫩口感和綠色的色澤為炒飯增添了一抹生氣。龍脷柳則帶有脆爽的口感，並且富含蛋白質。芝士既融化，形成一層香氣撲鼻的金黃色的外皮，為炒飯增加了濃郁的奶香味道。咖啡或茶兩客🌼｜玫瑰法式燉蛋白｜HKD 25質感好獨特，外

難得接老公收工，去左Megabox食飯，都係第一次平日過尼🤣見到價錢唔錯，諗左一陣決定食熊小館😆我地叫左4樣野🤣😍首先叫左鐵板西冷配豬扒餐，有餐湯同蒜蓉包👍🏻西冷煎得香口，豬扒亦都夠淋身😋😋配上燒汁夠哂味！另外叫左炸魚薯條跟餐❤️❤️❤️炸魚夠哂脆，炸漿都夠薄😆薯條大大條，一定夠飽👍🏻仲有白酒忌廉煮青口😍😍😍超抵食！好大份量！第四樣係成餐飯最欣賞既芝士焗意大利飯！！！估佢唔到！好食同平！熊小館有好多打卡位，岩哂一家大細過尼食飯！仲可以望住溜冰場，如果送小朋友學溜冰打發時間岩哂👍🏻

同屋企人喺Megabox睇完戲之後，見肚餓都係食埋野先走，行過小小有一間好多熊仔既餐廳，小朋友見到已經好開心，望下個Menu又幾多野食，仲可以一路食一路睇人溜冰。餐廳中間仲有個位置比小朋友玩玩具，真係好適合一家大細。南瓜湯+法包濃郁鮮甜，配上脆卜卜法包，開胃醒神。法式蛋黃醬焗鮮蘆筍蘆筍輕輕煎香，用蛋黃醬提升味道，又有口感又多汁。深海帶子拼醬燒汁牛柳牛柳嫩滑，肉汁非常豐富，調味亦好足夠，唔駛醬汁都好好食，半熟帶子大粒有咬口，配菜有薯條、粟米、蕃茄、蘆筍，小朋友至愛。卡邦尼煙肉扁意粉意粉爽口，煙肉配上醬汁味道香濃，食哂都唔會覺得好漏。

位於九龍灣MegaBox近頂層，溜冰場旁邊的西餐廳，以熊仔作為主題，周圍都是熊仔公仔同裝飾，吸引唔少家庭小朋友，現場重有一個玩樂小區位置可以比小朋友可以玩，俾小朋友自得其樂，父母可以食飯時休息一陣。點了一款午市套餐，可以跟一碗羅宋湯餐湯，及一杯飲品，另外點了一款下午茶套餐。豬扒薯條香濃的煎豬扒配合特色醬汁，豬扒香濃滋味，肉質柔軟，而薯條屬於厚身薯條，入口相當有質感！焦糖肉桂法式西多士配雪糕球本身用焦糖肉桂焗出嚟嘅法式西多士，香甜可口的質感，外酥內軟嘅多士，喺出邊好少食到嘅味道，夾埋凍冰冰嘅雪糕，真係啱晒依家個天氣食！小熊飲品加錢點咗兩杯小熊飲品，一杯係朱古力雪糕配可樂汽水，另一杯係七喜配雲呢拿雪糕，兩杯都係以熊仔形狀嘅冰作為主題，非常好打卡，係餐廳大受歡迎嘅特飲之一。

平時都已經唔會好揀嘢食,但依間真係食唔落🥵杯凍檸茶浸味勁奇怪。除咗排類,其他食物連中等水平都稱唔上🙁做親子餐廳但係啲員工全部都西口西面。唔明點解會有500幾個like🤥

好耐冇到九龍灣嘅Megabox喇，呢日陪朋友嚟睇傢俬，但其實係收錯料，聽講有一間日本嘅傢俬舖開張，但係嚟到先知道係未開嘅，9月22號先係開張的日子。朋友覺得唔好意思，所以就請我食咗個下午茶。來到呢間“熊小館”，點咗1個New Taste餐，1個下午茶餐同埋單點咗一個甜品。New Taste餐點咗嘅係“蜂蜜味BBQ燒豬仔骨配白飯”，下午茶餐就係睇嚟好吸引嘅"鐵板一口牛"，哋食物都好快上到檯，燒豬仔骨切成2大件，1人1件，食時我哋再切細件D，好香口好易入口，而且D配菜都吸引，有翠玉瓜，紅蘿蔔，玉米粒同D豆角，靚靚好睇又抵食，一口牛大細一致，又香又好味，中間位置又有細膩軟腍的薯蓉👍甜品係金磚西多士，配埋甜奶，加D牛油已好好，有6件咁多，食得好開🩵連熊仔都想食

全店充滿着熊啤啤公仔，喜歡熊仔的必定會異常興奮，應應該幾啱細路仔有個自成一國嘅讀書角九龍灣地鐵站轉乘免費穿梭巴士MegaBox，視乎輪候情況，車程大約10分鐘服務態度:⭐️⭐️⭐️⭐️⭐️食物口味:⭐️⭐️⭐️⭐️熊啤啤為主題的餐廳，熊迷必去，亦適合大同小孩一起到訪的親子餐廳鐵板西冷牛扒$149⭐️⭐️⭐️⭐️（送餐湯+牛油法包+飲品個餐湯都幾夠未給足料鐵板餐除咗塊西冷都好大件鐵板燒得夠熱加埋啲黑椒汁好惹味，伴菜有兩條蘆筍粟米同埋蕃茄仔，份量十足自家製心太軟$42⭐️⭐️⭐️⭐️⭐️心太軟都做得好正，熱辣辣脆脆地嘅外皮，中間流心朱古力醬伴着凍凍地嘅忌廉，食落好好味

🧸熊小館🧸熊小館🐻係一間以熊仔為主題既親子西餐廳。平時行過見到有啲「吉」，但環境幾靚，今次決定試下佢啦！🍖鐵板薄西泠拼雞扒港女不吃牛肉，煎雞扒都正正常常既。🧀芝士焗蜜桃汁豬扒飯豬扒唔入味。同埋除左鹹，都無咩其他味😅另外，佢地啲檸檬浸落有啲苦味。餐廳有好多熊熊公仔，仲有巨型大bear bear，都幾得意。不過COVID之後會擔心衛生問題。不過目測係新淨的！呢間餐廳其實已經開左好多年，如果可以提高食物品質，相信生意會變返初初咁好。