熊小館 (已結業)

熊小館呢間餐廳一直未寫，上個月因工作關系到愉景新城，由早上返工到晚上收工，好多時都在這間餐廳搞掂，這裡坐得也很舒適，熊小館都算是寬敞的選擇吧！平時工作由朝到晚做到人都癲癲0地，要平衡心理要食返夠本，【大廚特選料理套餐】選了二款『威尼斯牛尾伴闊麵條』牛尾裡有濃郁的蔬菜味道，吸引了蔬菜的精華的牛尾感覺清新，一點也不覺得油膩，夠諗口感也可以，可惜闊麵份量略為少了點。論牛尾呢度還是可以推薦。同行0既人士要『意大利牛肝菌松子香草醬扁意粉』香草味都幾濃郁，而且勁多牛肝菌，扁意粉不硬不軟不錯喔。唯一挑剔就係松子仁太少，可能是成本太貴吧！還是我太過貪心呢…哈哈

初頭見裝修幾得意便入去食個下午茶，入面一個客都無，覺得奇怪。不過好快知道原因了。其服務差到不能再差。食物就已經一般，來了一杯不熱，只是暖暖的奶茶。我很有禮貌地要求伙記幫我用微波爐丁番熱，都已經無要求換一杯。點知等左十分鐘，再問一問個伙記。個伙記就大聲告訴另一個伙記：「去微波爐攞番杯奶茶比個客，個客話要好熱，我已經丁左兩分鐘。」好明顯比說話我聽，同埋，丁一杯奶茶丁兩分鐘?有病嗎？果言，杯奶茶送到我面前，杯邊已經濃曬，乾到只剩下半啖。一肚氣，叫那過伙記來，想叫佢自己睇下，佢同緊另一個伙記傾計，話吾得閒，叫我等下。我等左一陣，佢仲傾緊計，真係佛都有火，立即埋單走人。以後免費都米洗只意我再去。

平安夜啦！大家又要四出找好野食去歡度這日子。因為太忙，我哋就冇特別預早安排，都是即日決定去哪兒的。荃灣愉景新城翻新後都未去行過，在openrice 搜尋到“熊小館”此店以熊為主題的餐廳，就去試下睇下有咩搞作。門口擺放著很多大大小小的熊仔，挺吸睛！等位時也冇咁悶。餐廳內地方寬敞，感覺舒適，牆上掛上一幅幅熊的畫作，充滿童真，相信大人或小朋友見到都會喜歡的。牆上亦擺放著一些熊仔小擺設在座位及枱上有熊仔陪坐，有大有小，如卡位的枱上就擺放小熊，如近門口的枱就有大熊陪坐，我哋被安排的坐位是間房形式(只得一間，上面三合一張相就是我哋的坐位環境)，有兩隻熊陪坐，自成一角。(可惜唔記得整間房影相)。開餐啦！餐湯：香檳青口薯蓉湯。湯味道較清淡，青口肉肉碎帶有少少咬口感，牛油法包則較鹹，所以要將法包蘸上薯蓉湯來食就覺得冇咁鹹啦，兩者互相溶和，如果薯蓉可以濃稠一㸃就正D啦。聖誕餐： 黄金芝士燒焗B B Q原條豬仔骨。賣相普通，這個次要，最緊要主角好食，快快切開豬仔骨放進口，豬仔骨只是暖的，並不是熱辣辣的，感覺上是預早整好一段時間，只是加上芝士稍局片刻就上菜，幸好肉質都稔及有肉汁，味道就一般啦，但作為聖誕餐則稍

很久沒有到愉景新城那邊吃飯，碰巧想和小朋友到新開的傢俬店逛逛，便找找有否餐廳合適。在Open rice見到這間以小熊為主題的餐廳，評價也高，訂枱可享9折，可能是平日的緣故，即日訂枱也可，便訂枱試試。鋪一進門便見到一隻大bear bear坐在門口，旁邊也放滿一架的熊熊，在每張枱上也放了一隻小熊，總之是bear bear everywhere啦。我們分別點了三個主菜，包括意大利飯、三文魚天使麵和蛋包飯。跟餐的南瓜湯味道剛好，主菜每碟份量也不少，味道也很不錯，小朋友都很喜歡，尤其蛋包飯，甜甜的，很合小朋友口味。飯後甜品為小熊頭造型的雪糕球，很有特色。用餐環境乾淨寧靜，很適合朋友聚餐。店員十分有禮貌，服務也非常殷勤，大讚啊！有少少的建議，因愉景新城定位為小朋友商場，可考慮增設兒童餐。

放工去tea, 叫左兩個套餐一個係金磚西多士配朱古力漿，份量ok, 如果可以揀多幾個漿就好啦之後叫左個我最鍾意既卡邦尼煙肉扁意粉，個汁好好味，份量都唔錯，不過個汁唔係好夠濃

呢間小熊主題餐廳我經常幫襯！除咗食開佢嘅set lunch之外，我仲會好鍾意叫卡幫尼意粉，雖然我覺得佢啲價錢係有啲啲貴， 但係如果耐唔耐食一餐嘅話其實我又覺得唔錯！佢嘅卡幫尼意粉係寬條黎，我最鍾意食意粉寬條嘅意粉！同埋佢落咗小小洋蔥，芝士味好濃郁，食完成個餐之後個口都仲有好香芝士味同洋蔥味！呢個係我外賣自取，因為唔想排隊排好耐，所以我通常都會打電話過咗去，講定自己要咩，然之後再去拎，超級方便啊！鍾意食意粉嘅你記得你愉景新城食下呢個闊條麵！

女人生日，由於時間關係，慶祝要分兩日，第一日早上已看戲及去酒店吃過LUNCH BUFFET，再加上今晚晚餐，就合併成一日完美的生日。正頭痕晚餐在哪裡之際，昅到Openrice有訂座優惠，還有9折，既然張國榮話："始終都有第一次"，而且生日蛋糕還有半價優惠，於是即日訂座。對我這種懶人來說有兩大好處，一來不用再想想在哪裡慶祝生日，因為有些餐廳怱怱忙忙，不一定預時間給你慶祝，二來如那間餐廳不適合辦生日，當你唱生日歌時，全餐廳的人望著你，看來有點尷尷尬尬，那時候，我到底還拿生日蛋糕出來好呢，that's a question。我知道餐廳經理應該很少敵人，因為他稱呼人多，一來到，這裡的經理就稱呼我的名字，這令我有點兒經期，但他竟然直呼其名，冒犯了宮中忌禕，好采因為女人生日，所以我今日特意將手下藏在手的下面，否則他大檸樂了。餐廳內的背景明顯是為慶祝生日的朋友而擺設，再加上小熊擺設，簡直是大人細路都鐘意(我地呢D上等靚豬)。難得吃生日飯，當然叫最貴的二人套餐$259(這裡叫：2人套餐新食法，唔通今次終於可以用腳食?)內含：歐陸式濃湯兩客+牛油方包+露筍野菌意大利飯+深海帶子拼醬燒汁牛柳+精選雪糕(兩

颱台過後空氣份外清新，心情也特別開心愉快，和老公行經愉景新城，看見有間餐廳，佈置了很多大大小小啤啤熊仔“好趣緻呀”老公見到我甘開心竟然說道：不如入去與熊相會啦！我當堂笑左進入餐廳經理熱情招待，有賓至如歸的感覺，聽經理介紹生日心太軟可以幫客人寫上文字，夠曬喎心啦。  意式芝士烤焗羊架配香脆啤梨薯蓉 $138元羊扒口感不錯，完全沒有“蘇”味，芝士味濃鬱，啤梨薯蓉夠脆，咬一口食到煙肉和沖蔥，好惹味喎  燒半烤煎扁雪魚香脆啤梨薯蓉香草忌廉汁 $128元論買相已經吸引，扁雪魚外脆肉軟好Juicy呀！灑上檸檬汁再點下香草忌廉汁，嗯！超級好味！加$9元配餐湯和餐包夠曬經濟囉服務和食物質數都不錯，下次會再來！

平時行過見午餐都好扺，今日夜晚周圍啲餐廳都好full, 見呢間唔使排隊就去試下，但夜晚menu就貴啲，一個意粉都90幾，心諗應該都有返上下質素，點知中伏了。首先經理已經唔襯職，幾枱客人係到等入座，但經理只係係到搬枱，亦無員工主動帶入座，見入面好多吉位，啲客人包括我地都自己走入去算了，因為大家係門口不停招手好耐都無人理。坐低後order一個羊架闊條面同雞扒焗飯。個雞扒飯成88蚊，但茶餐廳質素仲好過佢另一個羊架闊條面108蚊，上菜果下真係o咗咀，呢碟野面又淋，個汁又無特別，真係唔值108

今年可以話係咁多年以來第一次主動同家姐慶祝生日，系OpenRice 訂位，估5到去到見有Happy Birthday 字樣氣球，見到女朋友，同家姐姐夫食得飽飽，證明無選錯餐廳！🤣🤣😘下次一定會再去嘗嘗！

熊小館成功地把「主題餐廳」發揮得淋漓盡致。大大小小的熊公仔放滿餐廳角落，牆上的小熊掛畫展示態的神態，還有懷舊英式家具和小小的一個故事書角，佈置花盡心思。熊小館定位應是西餐廳，食物卻有點「港式茶記」的格局，在餐牌上可以揾到金磚西多、午餐肉公仔麵，又有一口牛和心太軟。芝士焗蜜桃去骨雞腿配蛋炒飯(另加羅宋湯及蒜蓉包)。蒜蓉包烘得夠脆，羅宋湯就是一般茶記的味道，包和湯的份量都小。雞腿肉是嫩滑的，但茄汁飯底吃到甚濃的美極醬油味，這到底是厨司特意調製的味道還是意外?芝士煙三文魚吐司是好吃的，芝士、煙三文魚、生菜、蕃茄是穩陣配搭，但吐司的份量實在太小，只有平時公司三文治一半的份量。欣賞店家用心佈置這小熊童話國度，但吃過他們的食物後又把我迅速帶回現實了。

入到熊小館，你會發現周圍都是熊。 首先門前有很多不同的小熊歡迎你，然後有隻大大熊公仔等你同佢拍照。還有牆上的掛畫、佈置、枱墊，以及放在餐檯上陪你進餐的都是熊! 午市的餐牌看來吸引，除了 “廚之推介~A,B,C“ 外，還有13款不同的 “特餐“ 及5款的 “亞洲風情套餐“。全部午餐均為免加一。 今次我就點了“廚之推介“的B餐。在主菜到來之前，餐廳會先為你呈上餐湯及多士。粟米忌廉餐湯的味道普通，而牛油多士頗香脆。※ 煎豬扒伴蘋果肉桂汁配意粉 (可選薯菜或飯) ~ 主菜的份量足，有骨豬扒以香茅醃過煎香，再以煮過的蘋果肉及肉桂汁調味，香茅配甜汁的味道有點怪。而意粉很腍，味道淡。 明白餐廳會預先把所有的意粉煮好，待客人點餐時逐份分配，但為了方便快捷也不能不顧水準吧？!※ 熱情玫瑰 (熱) ~ 惠顧午市套餐可以HKD16升級的轉特飲。對大人及小朋友來說，這裡有咁多熊仔陪食飯同你影相，是既開心又特別的體驗。可是，食物質素有待改善。而餐廳並沒有把“熊仔“的元素代入食物、飲品及餐具當中。說這裡是一間主題餐廳嗎？我不完全認同。

未夠鐘食晚餐，又過了午餐時間，行街又行了一會，想找個甜品吃，來到這邊想起這間熊熊主題餐廳，見有空位便入去坐，揀了很久才能決定，因為不能吃多，否則晚餐吃不下。結果叫了雪糕紅豆西多士，兩人分著吃。店員見我們兩個人以為會叫2樣食物，我們都有點不好意思不多久就送上西多了，賣相不錯，紅豆不太甜，西多士都算炸的金黃有點蛋香，不會太老但偏濕（油），選擇吃西多士都預了會肥膩，豁出去了這裡食物價錢都很相宜，餐廳設計又可愛，枱上有一隻小熊，雖然都殘舊了，整體環境都很適合一家大小來！

因為愛，所以去。係荃灣見到哩間好「得耳」既餐廳，梗係即刻call Friend去食啦。去到門口已經好興奮啦，因為已經有隻好大既「Bear Bear」等緊我地啦。。。之後我地已經迫不及待地order食物好濃味既羅宋湯，仲配搭埋一件蒜蓉包，將塊包先放入湯入面浸一浸再食，即時變到軟硬適中當然唔少得既牛排啦，我叫左7成熟，可能係7成既關係吧，食起上黎有d根同埋帶有少少韌性，所以我下次應該叫medium 可能會好d, 同埋佢有配埋個荔汁比我地既，個人認為用得上，因為唔太夠味，可能我比較重口味⋯ 哩個真係要贊：我地order左個豬仔脾骨配薯菜，見到樣已經覺得好吸引，用刀好易切開，唔洗點用力，再食埋落口，肉質雖然說不上鮮美，但最低限度無雪味，脾脾位夠晒嫩滑，唔會覺得好「鞋」，最重要係都好夠味，最岩我哩D重口味既人，同埋佢個價錢記得係唔太貴的，性價比很高，朋友一齊share就正爆啦最後黎左個雙人甜品，一個係豆腐味，另一個係紫薯味，個人認為紫薯味值得一試既～

當日食咗兩個set餐，一個係西冷牛扒，一個係黑松露雜菌意粉，西冷牛扒有d乾，意粉個汁幾好味。餐廳嘅環境佈置好靚，有很多大大小小的熊仔給人影相，仲有好多生日的掛飾，適合舉辦生日派對。飲品好大杯，經理服務唔錯。走時有禮物for特別節日。