熊小館 (已結業)

將軍澳新都城熊小館新開張，朋友好鍾意bear bear，今日約左我一齊去試。我點左「假日特餐B」嘅「法式牛粒配蕃茄紅飯」牛粒好厚身但咬落好腍身易咬，牛味香濃。牛粒同飯嘅比例啱啱好。朋友點左「廚之推介」嘅「白菌汁牛扒意粉🍝」。跟餐有湯有包有野飲。粟米忌廉湯好creamy，粟米夠甜。餐飲點左熱阿華田。熱阿華田味道香濃唔會太甜。白菌汁牛扒意粉🍝白菌汁入面有蘑菇片牛扒薄身又入味配菜有翠玉瓜同紅蘿蔔🥕，兩者都冇草青味。意粉軟硬適中見下午茶餐牌有心太軟食，毫不猶疑點左個。下午茶餐牌入面有幾款可以單點，心太軟都可以單點($48)。心太軟旁邊有桃，食落酸酸地，食心太軟甜得滯可以食下桃中和下甜味。心太軟一切開d朱古力漿就流曬出黎，睇住都覺得好治癒呀～😍心太軟啱啱焗起，外脆內軟。餐廳周圍都係bear bear 熊裝飾同擺設，小朋友一定好鍾意！門口有大大隻bear bear熊坐喺度迎接你，鍾意bear bear熊嘅你一定要去打卡啦！

就嚟新年去咗新都城添新衣辦年貨，順便去食嘢，見到呢間新開嘅熊小館，之前去九龍灣分店都成日食，決定試下新店好多地方打卡餐牌多選擇，而且價錢好合理芝士焗蜜桃去骨雞腿配蛋炒飯$58-見到又焗又炒咁好花心思，聞落好香，加芝士茄汁焗無得輸，雞腿好嫩滑金磚西多士糖漿$30-我至愛，可以一大啖食落口，夠曬酥脆瘋薯$38-炸得熱烘烘好香脆，檸檬沙律醬酸酸甜甜咁點咗無咁膩芝士煙三文魚吐司$50-下午茶之選，主食咁又唔會太飽熱奶茶、熱檸檬茶

好耐冇入去將軍澳行，今日帶囡囡去將軍澳行街，經過囡囡見到新開的熊Bear Bear 餐廳，二話不說即入去食下午茶，大人小朋友入到去超級開心，餐廳四周都擺滿熊Bear Bear，每隻熊Bear Bear都獨一無二，而且門口仲有隻大大隻熊Bear Bear 歡迎每位客人。兒童餐A($79)有天婦羅炸蝦、蜜糖雞中翼、牛油粟米、炸薯條、小熊啫喱、橙汁，小朋友食得超開心，連啫喱都係Bear Bear 樣。青瓜忌廉湯&牛油法包（+6升級優惠）青瓜味道清新，稀稠度剛剛好，牛油法包夠香脆。芝士焗忌廉菠菜龍利飯（$58）芝士份量十足，芝士味夠濃，龍利柳有兩大塊，魚肉夠嫩滑，啖啖肉，而且飯夠乾身，個醬汁份量夠多。金磚西多士（配糖漿）西多士炸得剛剛好，炸至金黃色，外脆內嫩，加上香甜的糖漿，邪惡又美味。熱好立克

寶琳新開既呢間熊小館同九龍灣個間一樣，店舖充滿熊仔而且食物質素一樣咁高!Carbonara意粉好有咬口而且醬汁調味好出色，唔會咸加上creamy既口感，食落又唔會好漏，加上仲有煙肉碎，成個意粉食落真係拍得住西餐廳!肉醬薯條好耐都冇係街食過呢類薯條，下午茶嚟食其實都好抵，單叫38蚊已經有咁多。肉醬味濃同埋唔會太咸，食落薯條既脆加上肉醬既口感好夾，完全唔使茄汁都夠哂味!流心蛋多士呢個真係幾特別，流心蛋係多士既中央，蛋黃流哂出嚟再加上本身多士好脆身，整體幾好食!雙重芝士焗雞扒飯 份量以下午茶嚟講都算多，雞扒好嫩滑而且醬汁夠多可以撈埋飯食，焗既時間岩岩好，芝士溶溶地既口感可以食到拉絲咁，好好食!

疫市之下，難免不多不少都有點負面情緒，見到天真可愛的啤啤熊坐在餐廳門外，似是呼喚著我們進去光顧，心情頓然開朗，原來熊小館在將軍澳開了分店。餐廳有很多熊公仔擺設，每一張餐桌上都放了一隻小熊，點餐時服務員很有禮貌地告訴我們，可以自行在櫃裏取出喜歡的啤啤熊拍照，真係機不可失，啤啤熊迷不可以錯過啊！品味新嚐 - 烤美國安格斯漢堡伴炸薯條，原價$98，現在特價$78，牛味香濃，唔鞋唔韌，咬落肉汁飆出，連埋生菜番茄一齊食，有多層口感，沙律好清新，令牛肉冇咁油膩，正!廚之推介 - 泰式菠蘿海鮮炒飯$56，配是日歐陸濃湯和牛油法包，炒飯超足料，有魷魚圈、蟹柳、提子乾、肉鬆、腰果、蝦仁、豆角粒、菠蘿粒和紅蘿蔔粒，鑊氣十足，非常惹味。跟餐免費配熱華田和熱檸檬茶。甜品 - 自家製心太軟，超濃朱古力漿，加上流心效果，為這頓午餐寫上完美句號。。。。。。午市+下午茶時段 - 60歲以上、穿制服人士（包括學生、零售、保安……）可享8折優惠😍

去千色買完嘢，見到新開嘅熊啤啤主題餐廳就入咗去，成間餐廳由門口到店內都佈滿熊啤啤，而且每張枱都有一隻公仔。另外，店內有唔少卡位，環境唔錯幾好坐。🔸芝士焗蜜桃去骨雞腿配蛋炒飯嗌咗假日特餐，呢款芝士焗飯賣相唔錯，份量十足，蜜桃同滿滿的茄汁非常開胃，雞腿肉都幾嫩滑。🔸 芝士焗肉醬千層麵唔係平時食開個種以茄汁為主，呢款仲有芝士白汁，千層麵都幾足料，有好多層，幾有誠意。跟餐加$6要埋餐湯同蒜茸包，蒜蓉包幾香脆。🔸自家制心太軟好耐無食過心太軟，呢個絕對無令人失望！一切開，滿滿的朱古力好似瀑布咁流出嚟，超級流心！而外皮就幾鬆軟唔會過硬。成間餐廳其實都幾適合帶小朋友嚟食，卡位夠多，每張枱都有公仔，仲有兒童餐。假日lunch set都係$5x-$6x，份量十足幾抵食。

屋企附近開左間可愛嘅西餐廳😍點解會用可愛因為餐廳係主打熊仔🐻🐻‍❄️餐廳出面已經有小熊嘅壁燈🥰每枱都有大大少少嘅毛毛熊仔😆仲有櫃都有😍可以抱住小熊一齊用餐😎餐點方面，有午市西式套餐，仲有兒童餐😎同甜品等等🥳我地點左2個午餐，包左餐湯，包同主食，仲有飲品😋我地仲點左心太軟😍 餐湯同包餐湯係忌廉蘑菇雞蓉湯，飲落好滑，好香蘑菇味😋包係蒜蓉多士😍白菌汁牛扒🐮配意粉🍝牛扒食落唔會好老，煮得剛好😆配埋汁一齊食可以更帶出肉味，仲有d蘑菇，意粉食起嚟都唔會單調🥰香辣茄蓉德國腸螺絲粉螺絲粉食落香香辣辣好野味😋仲要全部粉都掛到汁🥰德國腸炒香左，味道都好夾🤤自家制心太軟😋心太軟最緊要熱辣辣咁食同睇佢流心🥰流出嚟係香香嘅朱古力🍫食落外面係超濃嘅朱古力蛋糕🍰仲有香香滑滑嘅cream，好重牛奶味🥳仲有蜜桃食👍🏻

估唔到將軍澳開咗一間大人細路都啱🙆🏻‍♀️又係係一間玩具熊仔主題既餐廳🙊真係又有得食 又有得睇 又有得玩🙋🏻‍♀️💁🏻‍♀️芝士忌廉汁焗煙三文魚長通粉 $54 威威味蕾（👍🏻=👅x 6-10 👎🏻=👅x 1-5)👅👅👅👅👅👅👅👅芝味香濃配埋煙三文魚既鹹香味不錯👍🏻焗野黎講上菜時候都適中🖖🏻最緊要佢地班姐姐服務態度真係好好😂照顧周到🙆🏻‍♀️💁🏻‍♀️蜜糖菠蘿汁煎豬扒 $55 威威味蕾（👍🏻=👅x 6-10 👎🏻=👅x 1-5)👅👅👅👅👅👅👅👅👅豬扒都好入味 我鐘意佢個蜜糖醬汁個薯條脆卜卜都好好食😂乾身得黎凍左都仲保持到個脆感😎💁🏻‍♀️是日歐陸濃湯+蒜蓉包 威威味蕾（👍🏻=👅x 6-10 👎🏻=👅x 1-5)👅👅👅👅👅👅👅👅個湯雖然我飲唔出佢咩味🤣🤣似南瓜忌廉？🧐但口感都幾滑既 個蒜蓉包又係超脆兩者真夾埋一齊食就天衣無縫🤩💁🏻‍♀️自家製心太軟 $48 威威味蕾（👍🏻=👅x 6-10 👎🏻=👅x 1-5)👅👅👅👅👅👅👅你就是 心太軟 心太軟🤣🤣係咪有聲有畫呢🤣佢地好窩心同我最後先上個甜品又會留意我地幾時食完問我地上得未😆上既時間又岩岩好仲保持到熱度 keep到個流心感見到啲熱氣同朱古力快速流出黎真心

今日同朋友離開寶琳到行街，去到午飯時間，見到依間餐廳外邊有好多隻熊啤啤擺喺度，於是吸引咗入去，果然有意外驚喜🤩除咗隻熊啤啤好可愛，各位可以過嚟打卡之餘，依度嘅嘢食都好好食，睇得出廚師整得好用心❤️我哋叫咗一份鐵板一口牛牛柳燒得好香口，而且肉粒好鮮嫩，超級多汁，可以做到入口即溶👅另外叫咗美國安格斯漢堡拌薯條呢個餐配埋熱咖啡，加$6仲可以升級，有餐湯同埋法國麵包🥯好抵食！10分推介各位嚟食呢度嘅安格斯漢堡，估唔到咁大份，最上層有青瓜，然後夾住漢堡包、漢堡，漢堡肉整得好高質，一啲都唔會乾爭爭，背着生菜嚟食，成個口感好fresh😚另外同一碟有埋薯條🍟薯條都烤到脆卜卜，好香口！推介各位過嚟呢度食飯，除咗成程有熊啤啤陪住你食之餘，嘢食都好好味😋

性價比確實很好高 推介超流心朱古力心太軟～～～週末去了將軍澳寶琳附近參觀朋友的新居 參觀完之後 順道去下面的商場吃飯 最近大家都早了吃飯 我們4:30來到商場 已經很多餐廳都近乎爆滿 ～～～左思右想之下就選擇了這間價錢很實惠 而且裝修很可愛的小熊餐廳做我們的晚餐落腳點 進入餐廳時 大概是4:45 好彩地獲得最後一張枱 😊～～～本來以為要嗌晚市 點知佢哋下午茶竟然做到差唔多六點 好抵 我們最後叫了 是日歐陸濃湯（羅宋湯）牛油法包 香草洋蔥汁豬扒 意大利烤雜菜沙律伴香草雞胸 凍檸檬茶（少甜，少冰）鮮橙及 自家制心太軟～～～是日歐陸濃湯（羅宋湯）正常水準 牛油法包 倒是很想口 脆脆的 牛油很重手 正～～～香草洋蔥汁豬扒意粉：豬扒彈牙非常 大大舊 洋蔥汁亦調得味道剛好 這個價錢來說 實在是非常抵食又大碟 ～～～意大利烤雜菜沙律伴香草雞胸：雖然洋蔥豬扒意粉味道不錯但 要說更喜愛的話 我個人就更加喜歡這個沙律 加入了橄欖油的沙律 口感滑溜 青醬的味道好開胃 而最讚就是雞胸夠多汁 唔會乾柴柴～～～自家制心太軟：匙羹一督落去 中間的朱古力醬就馬上湧出來 非常壯觀 入口是濃濃的朱古力味 雖然多吃容易發胖

寶琳有間新開嘅cafe，係以熊仔作主題，見到唔同嘅熊仔，童心爆棚，所以今日同朋友仔經過入去食個tea 😎芝士忌廉汁焗煙三文魚長通粉 ($59)- 芝士忌廉汁香氣四溢，而且十分濃稠，同長通粉非常搭配- 煙三文魚油味香濃，大件厚身- 長通粉表面烤到好香脆，下面嘅就軟身，令成個長通粉口感變得更豐富☺️唐揚脆脆雞中翼配薯條 ($46)- 唐揚脆脆雞中翼真係「脆」如其名，外皮炸得香脆可口，內裏肉質嫩滑多汁，而且好大隻，食到舔舔脷- 薯條份量十足，粗身大條，油炸味香濃，香香綿綿，口感十足🤩鐵板一口牛 (單點：$50)- 呢個係必叫之選，牛肉嫩身，醬汁惹味，仲有薯蓉配搭，連埋鐵板上檯，熱辣辣一流，唔洗幾分鐘就清碟😋金磚西多士 (單點：$30)- 食咗啲鹹香嘅嘢就好想食埋甜嘢，好耐都冇食西多，果然冇有錯，香甜足料，連朱古力醬香甜可口，好好味💛凍奶茶 (跟餐+$3)- 奶茶係偏向茶餐廳港式奶茶，茶底香濃，入口順滑😊凍鴛鴦 (跟餐+$3)- 凍鴛鴦質素都唔錯，奶茶味幾突出😆Cafe內部設計都非常有心思，有數之不盡嘅熊啤啤，啱晒熊仔迷，而且Cafe仲有好可愛嘅熊公仔買，又食得，又睇得，食得好開心🥳

原本寶琳這間餐廳是用熊做主題的都算幾有趣，但員工比較欠經驗，落單要搞一輪先落到 🥱(講到落單，我唔明點解要自己寫紙落單？？自己寫都唔緊要，但張落單紙都幾復習，如果比一D老人家去落，又點落呢？)湯同主菜都唔錯，但講到最後的甜品，我加了 $9 去食焦糖燉蛋，原本好有期望，因為睇到張相係有燒過的焦糖，點知上到枱後，只係用焦糖漿，真係失望左囉！！😡 #西餐廳的甜品係西餐的句號#服務一般要反思#口講落單較方便快捷

今日同成仔行左去將軍澳附近新都城中心二期行街諗住食個lunch，經過呢間啤啤餐廳覺得熟口熟面，成仔話入去試下，餐廳裝修以啤啤為主，我就叫左羅宋湯雞肉通粉，成仔就叫左焗豬扒飯，再叫左個咸流心芝士多士羅宋湯幾濃味，好開胃大人小朋友都啱食，雞肉亦都嫩滑成仔個豬扒飯底佢話味道好食，但唯一美中不足嘅係豬扒用左香茅嚟醃製，同茄汁唔係好配，佢比較喜歡用炸的，所以呢個位扣左少少分數芝士亦唔會太漏杯都有可愛嘅啤啤熊講到價錢就非常實惠的，好多爸爸媽媽都會帶小朋友嚟呢間得意餐廳

<熊小館>最近從朋友口中得知有一間餐廳不論裝潢定係整體感覺都好適合帶女朋友去, 又或者係女生自己同幾個閨蜜一齊去, 依間就係熊小館******************************- 芝士焗肉醬千層面 🧀 $68- 金粟南瓜意大利飯 🎃 $51******************************位於將軍澳區新都城既熊小館 係一間會令人感覺好舒服嘅西餐廳, 店舖內擺放住大大小小嘅小熊, 主打西式食品- 芝士焗肉醬千層面 🧀 芝士焗肉醬千層麵本身就係我嘅最愛, 果然佢冇令我失望芝士味十足拉絲效果出眾!!🥰 另外肉醬嘅味道都好惹味簡直食唔停口- 金粟南瓜意大利飯 🎃 粟米同南瓜嘅甜味配合得天衣無縫, 另外整個意大利飯都煮得啱啱好, 飯粒圓潤飽滿硬度適中唔會過硬, 我想講我用咗10分鐘就食晒😂😍******************************整體黎講 熊小館 作為一間主打熊仔同西餐既餐廳, 相信鍾意熊仔嘅朋友去到絕對唔會失望, 同時味道都好有水準我特別推介金粟南瓜意大利飯😍好食分數: 7.5分****************************

門口經過比熊bear bear吸引左，裝修精緻望落好似幾靚，一心希望嘆杯靚咖啡☕️坐低先發現係廉價餐牌、平民餐廳，沒有靚咖啡、沒有特色飲品唯一抵讚是價錢平，有好多毛公仔可供影相，一個比茶餐廳舒適的環境😁