熊小館

营业中

休息中

充滿童真嘅一間餐廳。1)鐵板西冷牛扒，牛扒我要7成熟，牛扒好大塊又厚，預熱嘅鐵板，一落黑椒汁就。。渣渣聲😝聽到就增加食慾，我覺得黑椒汁牛扒係最好食。薯條(唔係軟林林嘅)炸得好食。蘆筍係粗條嗰種(蘆筍食落又唔係老，所以食落係冇渣嘅)蘑菇忌廉湯牛油法包係長條形，沾上忌廉湯食都好味特飲:黑熊(可樂、朱古力、雪糕球、冰熊)超可愛飲料。2)黑松露蟹籽黄金意大利飯，帶子煎過(煎唔會過火)亦算大粒，意大利飯係濕濕嘅，配搭一點黑松露和蟹籽，成個飯唔滯口，一個人食晒成碟都得。特飲:薔薇之戀(玫瑰花茶柚子)柚子甜嘅，所以要溝暈飲先啱啱好，咁就唔太甜，玫瑰花好香。甜品:心太軟切落去就流出嚟，朱古力味濃，溝埋Cream黎食，甜度就適中了。

悠閒的日期，最好相約姊妹聚會，姊妹的話題總是離不開對食物的美味程度，「熊小館」味受精緻富有特色，享受慢活寫意的生活，當然感覺開心快活。餐廳以泰廸熊公仔為主調，令人童心滿載，好多打卡位，坐下來拍照好靚。門口見到兩隻巨型小熊，十分可愛，店內佈置優雅，充滿風情的藝術格調。設有一間派對房，入面有很多可愛的熊仔同玩具，又得玩仲可以拍照打卡。高樓底令整間店很寛敞，用餐的空間感更舒適，坐位闊落，環境整齊優美，乾淨整潔，氣氛輕鬆。我們叫了二人套餐，包括歐陸式濃湯兩客及牛油法包、法式蛋黃醬焗鮮蘆筍、鐵板肉眼扒、芝士焗忌廉菠菜龍利柳飯及檸檬茶等。歐陸式濃湯及牛油法包歐陸式濃湯感覺幾好，散發著濃濃的味道，香氣四溢，味道可口，牛油法包焗得十分香脆，非常滋味。法式蛋黃醬焗鮮蘆筍鮮蘆筍很新鮮，配上法式蛋黃醬，十分清香，有益新鮮，充滿優雅不膩的滋味。鐵板肉眼扒肉眼扒很大件，叫了七成熟，牛扒嫩口，點上燒汁很夾，感覺好味，仲有粟米同薯條，口感相當好，齒頰留香。芝士焗忌廉菠菜龍利柳飯吸引我的視線，新鮮焗的飯，龍利柳食落軟滑，同飯一齊食，飯加咗蛋，仲有芝士拉絲，口腔中的香味久久不散，恰到好處，正合我的口味。檸檬茶飲品方面，

之前黎過呢間九龍灣Megabox熊小館食下午茶，今晚就不如黎食返餐晚餐試試。同其他分店一樣，熊小館主題係bear bear熊，有好多bear bear熊公仔陪你食野，細路最開心。呢度餐牌有沙律，頭盤，湯，意大利麵，飯，主菜，鐵板餐，二人套餐，小熊套餐，飲品，甜品等。今晚唔要套餐，決定散叫。香草醬乾番茄野菌闊條麵 $69 另加一闊條麵質感都唔差，有少少咬口，都好有蛋香，加左適當份量既香草醬，唔覺太油膩又夠味。蔬菜有唔少菇片同乾番茄，質素都正常，最後加少少菜苗點綴。板煎特級牛肩扒 $168 另加一板煎特級牛肩扒一客3大條，叫左三成熟，當中有兩條熟度剛好，中間仲有少量血水。質感方面需要咬吓，肉味都濃，上面仲有香脆蒜片加添口感。另外跟左燒汁俾你沾。伴碟有香脆炸薯條，茄汁另上。仲有好多粟米粒，車厘茄兩粒，蘆筍一大條切開兩半，都幾嫩。特濃芝士鐵板雞扒 $98 另加一特濃芝士鐵板雞扒用塊熱辣辣鐵板上枱，可選黑椒汁或者燒汁。雞扒都好大塊，連皮，皮上面有番茄汁同芝士，好邪惡。雞肉好滑，又有肉汁，唔洗加汁食都得。配有少量洋蔥絲，粟米粒，車厘茄同蘆筍。當然仲有香脆炸薯條，茄汁都係另上。雪糕雙球 $25 另加

今次去咗一間以小熊做主題嘅餐廳，有熊仔伴座好可愛丫😍 仲有一個小朋友玩樂嘅area，簡直係小朋友嘅天堂，所以食客好多都係一家人👨‍👩‍👧‍👧 法式香草牛油焗田螺 $50焗田螺本身已經除咗殼，好方便進食👍🏻 雖然賣相麻麻，但係味道幾濃郁，伴薯蓉食落香滑又有點咬口😃特濃芝士鐵板雞扒 $98用鐵板上熱辣辣，一整塊雞扒好有份量咬開仲會冒煙，雞皮煎得香脆，雞扒肉好滑嫩又多肉汁，加上表面嘅特濃芝士，令雞扒充滿芝香。鐵板肉眼扒 $155 跟餐羅宋湯酸甜開胃又濃稠，蒜蓉餐包好脆口😆 鐵板肉眼扒要咗五成熟，牛肉味濃郁又軟嫩👍🏻 跟餐飲品要咗「黑熊 」$18係可樂加朱古力雪糕球，同熊仔形狀冰，熊仔冰浮喺可樂表面好可愛，小朋友實好鍾意❤️ 心太軟 ＄42賣相加分😍 暖暖嘅心太軟伴忌廉好夾，芒果果肉酸酸甜甜，好滿意嘅甜品😆

🥩肉食小編再出動～急切需要大量蛋白質～🥘鐵板薄西冷拼雞扒（$115）：鐵板餐有香煎原塊雞扒，以及一塊全熟薄西冷。兩件肉扒都十分巨型，均大過手掌。有種大排檔嘅豪邁感，兩大塊肉扒好滿足口慾。伴菜有粟米粒、洋蔥、小蕃茄、炸薯條，及蘆筍。炸薯條軟淋，反而蘆筍鮮嫰多汁。套餐包埋牛餐牛油法包一小片，粟米濃湯一客，及餐飲一杯。🙂整體而言：1. 餐廳以熊仔作招徠，場內好多熊公仔。適合一家大細前往，趁機俾小朋友放吓電。打卡餐廳。2. 下午茶套餐優惠啲，選擇更多。熊小館 (九龍灣)地址：九龍灣宏照道38號企業廣場5期Megabox 11樓電話：34212213營業時間：11:30-22:00熊小館 (將軍澳)地址：將軍澳新都城中心二期2樓2086-2087號舖電話：29920772營業時間：11:30-22:00#香港食好西 #九龍灣 #熊小館 #將軍澳 #野生代言人

難得去餐廳食午餐比我哋搵到咁有特色嘅餐廳餐廳裏面有好多大大小小嘅熊仔連枱上面都有熊仔陪我哋一齊食午餐真係好有心思㗎店內仲有比小朋友玩嘅玩樂區入面有好多圖書仲有小廚房可以玩大人食嘢嘅時候小朋友在可以去玩講明係親子餐廳除咗有嘢玩梗係仲有嘢食啦今日嘅餐湯係羅宋湯 黑椒味重左啲所以比較辣小朋友食就可能辣得滯多士亦都唔夠脆身如果再烘燶少少會比較好大小姐就揀咗溫泉蛋卡邦尼煙肉扁意粉不過溫泉蛋熟咗啲所以蛋汁唔夠多 意粉嘅份量比我想像中多小朋友就食唔曬我就揀咗燒汁香蒜煙肉焗去骨雞腿餐上菜速度就真係慢咗啲喇意粉差唔多食曬先至輪到我個雞腿上菜而且真係好油雞扒下面全部都係油好彩我揀咗薯菜如果食飯啲飯吸晒油仲大件事總括嚟講其實食物嘅質素都唔錯價錢都好實惠性價比都幾好值得大家一試最緊要係餐廳又有得食又有得玩大人小朋友都開心就算小朋友坐唔定都唔怕因為有好多玩具畀佢哋玩餐廳服務亦都唔錯，好有禮貌如果大家下次去開九龍灣megabox都可以去試下㗎

黎到九龍灣Megabox嘅11樓，去邊度食野好呢？同朋友去左一間好得意嘅餐廳，餐廳入面好多位置都擺放左熊仔，原來係一間歡迎一家大細黎嘅親子餐廳 — 熊小館休閒下午茶 (各款均配以咖啡或茶)烤雞肉羅宋湯螺絲粉 $46真係完全冇諗過佢嘅蕃茄羅宋湯湯底可以咁濃郁，超級鍾意食蕃茄嘅我好滿足，羅宋湯酸酸甜甜唔會太鹹，同時間螺絲粉煮得剛剛好唔會太軟或者硬身，雞肉都保持到肉質嫩口，不錯！朋友就叫左一份 豬扒配牛油酥皮吐司 $48自家製心太軟 $42朋友嘅生日就黎到所以我仲叫咗一個心太軟為佢慶祝生日，非常之開心佢哋喺盤上面好用心咁用糖霜撒上Happy Birthday，一端上枱果刻朋友好驚喜，佢無諗過我會突然準備左生日甜品俾佢，餐廳嘅配合令成件事好完美！🥳

新年快到，與友往九龍灣Megabox商埸行下及購物，顺道午餐聚聚，我們選了熊小館餐館，此地方因用~熊Bear Ber作裝修，十吸引也!友叫了青胡椒汁西冷牛扒，並配上意粉，牛扒夠份量，肉質嫩滑軟林，淋上青胡椒汁相當匹配，而意粉也入味，而各配菜也新鲜，友人一邊食一邊讚，及說出口中味覺，而此是套餐，有歐陸濃湯和牛油法包，及咖啡香濃，均也有水準，以價論價，友說:好味兼超值！我選了檸檬香草燒雞火腿套餐，燒雞醃制入味，而厨房用心做，法小春雞之雞肉質做到肉嫩帶著香草檸檬汁混在吃，很是滿足，而枱上放了我向來喜愛的…小Bear，心情更輕鬆，而此配上揀手的炸薯及鲜配菜，酸甜汁的沙律菜蔬新鮮套餐來杯凍檸茶，滿意呀!而也再來了個燉蛋作尾單，也有心思在蛋.面用蜜糖做了笑容，輕鬆了!熊小館的店內環境宽敞潔淨清雅，擺設很多熊熊，置身有如找回當年童真，也設有一兒童小天地，小朋友有玩有食，自必開心，而服務員態度温文爾雅，專業介紹也值得一讚，此我們會再來及值得推薦的餐館。

今天經過九龍灣megabox，剛巧到了食晏時間，看見有一間叫做熊小館，附近有戲院和溜冰場，如果唔係疫情，玩完再去食嘢都唔錯。餐廳門口，擺放一米高好cutie嘅啤啤熊🐻，餐廳裏面擺放了大大小小啤啤熊，而且還有小小親子樂園，有書睇，有玩具玩耍樂，還有不同類型熊人🐻‍❄️🐻。又可以同埋閨密傾下偈，簡直系打卡嘅好地方。我們柯打咗兩個set lunch。焗豬扒飯，飯粒粒分明有咬口，唔似其他餐廳啲飯淋嘅，豬扒唔乾爭爭、茄汁和芝士分配得好平均，唔係好邪惡，啱我呢啲食完再減肥嘅人。餐湯係蘑菇忌廉湯，味道濃沃，蒜蓉包脆口。另一款係蜜糖菠蘿煎豬扒薯菜，個醬汁好濃沃，豬扒好大塊，肉質唔鞋又又軟又淋。薯條簡直係一流，外脆內軟，尋回那些年食過麥當勞初初開張嗰啲薯條甘好味。甜品，凍食嘅燉蛋，甜度適中，本人唔鍾意食咁甜，所以係啱我食嘅。咖啡味道濃沃唔苦澀。因疫情關係而家冇晚市，如果有返晚市，我會再來呢間熊小館食晚飯兼打卡。環境舒適，座位寬敞，乾淨企理，還有可愛嘅啤啤熊🐻🐻‍❄️。一句講晒，正。

‘小型’親子餐廳🍴#影片係留言芯薏爸一放假諗帶佢地去邊到玩真係要諗好耐😂今日想hea一hea帶佢地出街食晚飯就算🤪哈哈竟然俾我搵到呢間又平又有野玩又有得食既餐廳☺️一入到去門口已經有好大隻既熊等緊佢地🙈呢到既服務員值得一讚好貼心👍🏻每張枱都會有隻熊仔我地一坐低見到我有2個小朋友即刻去拎多一隻熊仔俾佢地❤️佢2個當熊仔係BB咁又同佢講野又餵食飯🤣食完野之後唔會急住收你張枱既野俾壓力你🙈食完飯我就帶佢地去果間小型既煮飯仔屋雖然唔大但能夠有個位置俾小朋友玩下已經唔錯對得住個價錢🙈肉醬意粉都只係$6x😂

去開Mega Box 買家品過年 就去咗熊小館依間親子餐廳餐廳入面放滿咗大大細細既熊仔毛公仔做裝飾可能都係主打做親子餐廳 有個小小既角落放咗圖書同一啲煮飯仔玩具俾小朋友玩相信小朋友見到實好開心 餐廳仲有啲近溜冰場位置 可以一邊睇人溜冰一邊食嘢可惜當日係第N波疫情場內溜冰場都無得開 所以我哋就揀返有熊仔擺設既位置 餐點種類都幾多 有意粉、焗飯、扒類 仲有下午茶餐 小食類既選擇價錢都幾抵食 全日餐點都係幾十蚊當日我哋就點咗玉桂蘋果汁煎豬扒、漢堡炸雞包同焦糖西多士配雪糕玉桂蘋果汁煎豬扒 配薯菜 $70豬扒好腍身 好易切開 豬扒上面有蘋果蓉 帶少少酸味 中和返油膩感漢堡炸雞包 $50包面有大量芝麻 加埋牛油烘得好香脆炸雞粉衣唔太厚 入面仲保留到肉汁焦糖西多士配雪糕 $52西多士表面有砂糖再燒至焦脆咬落脆入面好軟 熱既西多士再點雪糕食 冰火感覺好正

疫情又再度回歸，適時放鬆真的很重要，趁仲有晚巿堂食來到九龍灣megabox熊小館吃番餐，店內環境寬敞，而且好多🐻熊仔公仔和佈置，打咭一流，望住熊仔進餐更有種愉悅的感覺，不論小朋友或者大人都會很開心。而且，服務員態度非常友善。食物方面亦有很多選擇，包括有二人套餐、另外甜品亦都巿多款供應，這晚點了一客意式焗醬茄子，價錢$48，熱辣辣茄子配上芝士和肉醬在內，味道很配合很不錯。法式蛋黃醬焗鮮露筍，價錢$48，露筍焗得很夠稔，配上蛋黃醬味道很夾且露筍是健康之選。白酒忌廉煮藍青口，價錢$68，這個很推介，青口配上香濃忌廉汁，清新可口，白酒味道稍為淡，青口一隻一隻停不了口。另外，點了板煎特級牛肩扒，價錢為$168，可加$28配上套餐(包括: 餐包和餐湯) ，板煎牛肩扒為大師手切牛扒，肉質鮮嫩軟硬適中，薯條亦香脆非常。

餐廳位置優越，鄰近戲院，最啱一家大細睇完戲喺嗰度用餐。餐廳佈置非常有心思，每張枱及整個環境都有熊仔公仔及裝飾，兼且有畀小朋友玩嘅 happy corner，小朋友玩得開心，家長食得放心。環境美輪美奐，整個佈置切合返熊仔主題餐廳，座位舒適。🌟　白酒忌廉煮藍青口 $68藍青口肉質飽滿，忌廉再加上白酒既酒香，未食已經聞到流哂心水。藍青口味道鮮甜，而醬汁較為杰身，令到醬汁更容易掛到青口上。 🌟　黑松露忌廉汁煙三文魚天使麵 $92濃郁嘅黑松露香氣配上奶香味十足嘅忌廉汁，香氣四溢。煙三文魚帶有咸香，中和番忌廉嗰種油膩感，而天使麵口感煙韌有嚼勁，唔會過硬過腍，整碟意粉水準唔錯。🌟　蜂蜜味BBQ燒豬仔骨 $140豬仔骨外層配上甜甜地嘅蜜糖味及香烤味BBQ醬燒至乾身焦香，香口之餘味道豐富有層次。豬仔骨肉質鬆軟骨肉輕易分離，但不食落不失口感依然保持咬口感，配埋薯條整碟菜式份量十足，好味飽肚兼且抵食。🌟　唐揚脆脆雞翼 $48脆脆雞翼雞翼果然夠哂香脆，即叫即炸熱辣辣送上，就咁食已經好味，點醬食又係另一番風味。🌟　心太軟 $42心太軟即叫即整所以需要時間等候，但出嚟嘅結果絕對值得。心太軟外皮厚度適中，外皮經過烤

熊小館西餐廳環境唔錯，適合傾下計既餐廳。野食份量都大，有好多熊仔有小朋友玩耍區，都有生日佈置。普羅旺斯海鮮湯 $42帶子菠菜忌廉湯 $32香草醬乾蕃茄野菌闊條麵 $32白酒忌廉煮藍青口 $68燒美國殼飼原切小牛扒 $168薔薇之戀 $28九龍灣宏照道38號企業廣場5期Megabox 11樓星期一至日11:30 - 22:00

今日去mega box食lunch，同事介紹可以去熊小館食西餐，又不用停太久是個好選擇👍🏻😚。望吓個餐牌又覺得啲食物幾抵食。最後揀咗個美國安格斯漢堡包伴炸薯條，另加餐湯餐包同餐茶。忌廉湯配餐包再加熱咖啡忌廉湯綿密濃郁，麵包亦充滿牛油香味熱咖啡 ☕️咖啡味尚算濃厚，味道不錯美國安格斯漢堡包伴炸薯條安格斯漢堡好Juicy, 配搭蔬菜蕃茄和醬汁麵包亦充滿牛油味，很喜歡❤️薯條🍟薯條夠熱夠脆份量適中配有番茄醬水準之作整體來說性價比好高加上唔使等位係返工食lunch嘅好選擇美國安格斯漢堡包伴炸薯條（午市）：$78餐湯加餐包： $12另加一服務費$99