影片
相关文章
之前同朋友请网上揾呢间啲煲仔饭几好食就去试吓….𠮶日平日，七点未够已经去到，但好多著名小食都已经话冇坐咗10分钟落单，每人叫左个煲仔饭同嘢饮，个煲仔饭等咗起码20分钟先嚟，咁不嬲食煲仔饭都唔系即上，所以我冇追过佢，点知个煲仔饭嚟咗10分钟，佢就同我讲差唔多够钟，不停咁吹我哋。跟住同我讲食饭系一个钟头限制，跟住我同我朋友都话头先都冇讲，跟住佢话写咗喺我哋后边枱墙上边，哗😳真系多谢晒！我朋友想同佢嘈，我都都叫佢悭返啖气，快啲食完走啦，又唔系多人等位，间嘢都唔系做生意嘅…..所以唔好问点解港人唔留港消费，你系客遇到啲咁嘅餐厅，你都话下次不了….执咗就唔好再开喇，免得影响香港形象
继续阅读
又唔系平👎，又唔系特别好食👎，服务态度差👎，唔会再去啰。.服务点差法？我只系行入去问吓要两个位，佢就即刻叫我哋出去排队。非常冇礼貌。咁嘅嘢，如果唔系朋友话想试吓呢间，我走咗好耐。.Anyway，食物正常，但系平民区卖啲唔平民价钱嘅食物，要成$160。我唔推介啰。
继续阅读
最hit 既菜式无左，仲要系门口大大只字写推荐 呃人入黎，仲要个menu 都show 出黎 ，系等你落单先黎话冇！！！！！！！！！呢个要冬天先有，𠮶个就唔再出，唔再出又唔打交叉 又放系个menu 到系专登写出黎呃人？ 个沙嗲牛面咸到痴线 D 豆卜又硬，煮都未煮熟就拎出黎，咁都卖得出$78上菜又慢过只乌龟，个滑牛饭要等个面食完先施施然上，d牛又韧到好似橡筋咁，将d饭放落个煲到就叫煲仔饭，真系无言 ！食过最嬲既一餐饭！希望广大市民唔好受骗！
继续阅读
同朋友上堂之前，特登去呢间KOL推介嘅煲仔饭试下系咪真系咁出色，点知冇想像中咁好上菜差唔多等咗四个字，搞到上堂都迟到左，仲要嘢食唔系话特别好食，应该唔会再去😓秘制豉汁白鳝煲仔饭呢个煲仔饭上到嚟个卖相好靓，但系个饭真系冇味，要落佢比嘅豉油同埋虾油先至会有少少味道，但系平心而论真系唔系特别好食，个鳝份量系多不过都系冇乜特别味道。沙嗲滑牛肉煲仔汤面呢个等得仲耐好似等咗半个钟先有，上到菜朋友一食完之后面色一沉向我打眼色我问佢乜嘢事佢话哗个面冇味😂 跟住我试咗一啖佢个汤真系冇味㗎㖞，最后连我本身好钟意食沙嗲嘅朋友都食唔晒呢个面🫠
继续阅读
本身系俾某杂志介绍嘅煲仔沙嗲牛肉面吸引，所以想要前来一试，点知来到店，自己又三心两意，嗜辣一族见到麻辣两个字系会被蒙蔽的，所以点了麻辣花甲粉，不过感觉味道一般，辣味有点像加了一层辣油而已，花甲都有十只，不过粉丝太少，两三啖都已食完，唔太抵。友人点了排骨煲仔饭，煲仔饭系招牌菜所以点都做得比较好吧，排骨唔会太多肥肉算几好，饭好香，最重要嘅系整到有脆卜卜嘅饭焦，系好味啲。另外亦有点了芥兰及炸鱼蛋，芥兰好软淋，鱼蛋炸到外皮超级脆，像食薯片一样，都几香口几特别嘅。
继续阅读