煌宴酒家

营业中

休息中

星期六通常同家人貪方便就去屋企附近商場酒樓飲茶，但始終飲到有D悶。今次見天氣好，媽咪精神又好，決定去新都城飲茶。我哋以前間中都嚟呢間前身酒樓午餐及晚餐，轉左呢間之後飲過一次匆忙嘅中午茶。今次要認真品嘗下，結果冇失望個人覺得點心併盤好抵食，我最喜歡春風得意腸及蒜香魚雲飯(忘記正確名稱)。由於顧住食好西，有D點心忙記影相：鳳爪、蝦餃、煎薄餅及鮮竹牛肉順便一提，我哋等位期間見到麥包及江美儀响酒樓出入，其中一次响媽咪身邊經過添。其實呢個商場都成日見到電視台藝員㗎

今年難得年30晚出街食飯，基本上其實都無咩要求，打定底，預左唔會好食，唔會要求有咩服務。屋企人一早book定枱，食第2輪，叫左個12人set。頭盤係燒味拼盤，一食個叉燒！！哇！！！好感動，係好食既叉燒，唔會太肥太瘦太乾，肥瘦適中，又淋，食左好幾舊！第2碟係蝦球魷魚荷蘭豆，蝦球同魷魚都幾新鮮，又夠味！第三碟係炸蝦球~大大粒，好爽口，配埋泰式辣醬係perfect!第四碟有發菜蠔士豬脷，我個人一向唔多食呢d，同行親友覺得味道唔錯，唔會太咸。第五碟年年有餘~不過條魚好似蒸得熟左少少，唔係好夠滑....湯~魚賜?湯，一般般，無乜特別。跟埋主食有臘咪?米飯，我好少食?米飯既一向，但呢個既我食左兩碗，因為真係好好食！！甜品係蓮蓉壽桃包。平時呢餐飯其實已經值比正常/好評，但年30食呢餐飯，無想像中既失望，仲要表現咁好，真係值得比個大哈哈笑你！

星期天同姨媽飲茶, 佢話呢間酒樓新新地, 未試過想試下呢, 好耐冇飲茶嘅我當然會去喇!!!腸粉, 是非一般的腸粉, 布拉腸粉包左炸蝦春卷再加上蟹子。第一次見到呢個組合, 可惜味道一般, 炸蝦春卷不太脆, 應該是預先整好的。咸水角味道都正正常常, 唔係即炸的, 但皮都唔會太厚。鳳爪排骨飯細細盅, 份量兩個人分黎食加點心就剛剛好, 鳳爪夠淋同入味, 排骨都唔算少, 都唔錯。炒米粉就有啲油膩, 味道偏淡, 可以唔洗試。釀尖椒都唔錯, 份量多, 而且魚肉都彈牙!!

聽聞開咗幾個月。入到去，光光亮亮，枱與枱之間都有啲空間，基本上都坐滿，估記都OK：晚飯孖寶 ($188 + $20)清蒸海虎斑仔 - 新鮮，但輕輕蒸耐咗啲啲，有少少少少韌，嘥咗。蜜汁叉燒皇 - 門口寫住手工皇牌叉燒，啲肉乸到好林，有少少甜(蜜糖？)味，不致超好食，普通好食啦。滋補羊腩煲 ($198) - 都夠大煲，羊肉夠林，唔覺羶，有少少薑味，碟菜都算新鮮，抵食吖。燒汁野菌牛柳粒 ($98) - 唔細碟，牛肉唔韌，味道普通。魚香茄子煲 ($68) - 無特別食到魚香味，平平。荔芋南瓜臘味煲 ($88) - 我嫌佢味太重豉油定咩味，食唔到臘味嘅味道，荔芋唔夠香，南瓜唔夠甜。椒鹽豆腐粒 ($48) - 雖然係一碟平價小食，都幾大碟，豆腐似超級市場果類，都滑，味道似七味粉。香妃雞 (5位以上送一隻) - 真係完全不知情 。我以為好好味，想啲人再來幫襯，但味道同肉質都係普通咋喎。今餐外帶生日蛋糕，無切餅費喎！喺一個連港鐵嘅商場入面，但就唔係旺區，算唔平唔貴，平均分得個OK啦。

平時去開另一酒樓飲茶，今天同媽媽去新開的「煌宴酒家」飲茶，試下新嘢，估唔到好有驚喜，今次合共叫左8款點心：山竹牛肉球、雷沙煎堆仔、鮮蝦菜苗餃、生煎菜肉包、點心拼盤（內有叉燒包、蟹籽燒賣皇、蝦餃皇、潮州粉棵、養顏薑汁糕各兩件）、金蒜蝦春卷、五香咸水角及翡翠鮮蝦腸。每樣點心也非常新鮮、夠熱、而且唔駛等好耐就有得食。而且酒樓侍應招呼周到，十分有禮貌，期待下次再去試其他點心🤤。特別推介：鮮蝦菜苗餃（皮薄彈牙份量充足）點心拼盤（內有叉燒包、蟹籽燒賣皇、蝦餃皇、潮州粉棵、養顏薑汁糕各兩件），只需$48，非常抵，而且可以一次過試不同點心😆👍🏻五香咸水角（皮薄夠煙韌）蝦餃皇（又大隻又皮薄）金蒜蝦春卷（非常香脆可口）

新都市剛剛開鋪的煌宴洒家，人山人海，原來有原因，這一餐的質素和味道確不錯。但系統很混亂。四百元左右的枝竹羊腩煲＋龍蝦伊麵套餐，份量很足。這個羊腩剛好配合近日天氣，羊肉很淋卻不騷，汁撈飯很甜，其實飯很硬，加上羊腩汁才中和。這碟龍蝦伊麵也不俗，完整一隻切開一半，肉質彈口，味道鮮甜。燒味是這洒家的買點，燒腩肉和叉燒都是一絕。燒肉皮脆，肥瘦適中。叉燒非常鬆化，也很香甜。這一餐吃了很多肉。總括來說，這一餐整體質素和味道的確很不錯。美中不足，這酒家的系統非常混亂。5:40到門口，要排隊等到5:50才可以按系統取票，還要再等到六點才可入席。點知，四人枱先入席，然後五至六人枱，跟着七人以上才能入座。但原來大枱已fully booked，九人台免問。場面都幾混亂。要改善