影片
去圣约翰总部上急救班，响正呢个山旮旯嘅地方，晏昼食饭确是一个问题。幸好有同学指点，可以行返落去坚尼地道买饭盒，已经唔在意好唔好食，姑且一试。小店极唔起眼，好容易行过咗都唔知。店舖虽小，但饭盒种类都唔少，都有大约10个饭畀客人拣。买咗个「咖喱牛腩饭」 ，唔系快餐店啲啲稠挞挞黄琴琴嘅汁，而系用印尼咖喱，有种清香味道。牛腩炆得够焾，连薯仔都入味，因为佢哋唔会好似出面啲餐厅切得好大件，于是啲味就入哂牛腩同薯仔度。再望隔离两个同学仔个饭，卖相都唔错，佢哋都话好好食。最值得一赞嘅系，食咗个饭盒之后，去到下昼都唔口渴，无话要成日饮水。下次再嚟恐怕都系三年后，但绝对推介畀所有要去圣约翰总部上堂而要晏昼揾食嘅同学仔。P.S.：收钱嘅婆婆都好好。
继续阅读
无聊的中午, 捉左个同事陪我行上坚尼地道, 买饭盒. 他亦笑我, 行鬼死咁远为个饭盒....OR对你的改变又真系几大. 行上坚尼地道, 其实比起行去湾仔仲近, 只不过因为要上山, 令人错觉路远而已. 到达后, 今次不用拣, 直指煊记, 因为未食过. 午市, 供应两𩠌饭, 有扒类, 中式𩠌菜, 及 一些快餐店既汉堡扒等等. 我叫了一个梅菜肉饼, 不两沟了, 一味𩠌够我食, 换来, 是两份肉饼. 同事的猪柳汉堡扒加上鸡扒. 盒大大个, 同事笑说, 同我以前的中学既学生餐一模一样. 想真, 这三间外卖店, 最主要都系班学生客.只说我的梅菜肉饼吧, 非常家庭式, 虽是一大盘蒸起, 但没有味精不多盐, 十足十屋企食饭既梅菜猪肉一样. 我要求多加豉油汁, 加了之后老婆婆叫道, 够啦, 太咸架啦, 可见得老人家的细心.行返落山, 用少于半小时, 饭盒依然是热的. 这三间老字号, 真的值得金钟人行上黎买饭盒走. 如在Citybank, ICBC, BOC 上班的, 更加要. 仲有一间成景, 最快下星期, 再上多一次坚尼地道.
继续阅读