影片
放逐美国一个月，刚落机当然立即飞去同公主叹鸡煲啦！室内竟然满座？我唔想坐露天㖞。好采四眼叔叔食客调张卡位比我地，唔洗坐门口坑渠边，锡晒您！蓝妹 Promotor 姐姐只卖蓝妹及虾已奔，但我唔想饮蓝妹，劲苦啰。唯有要虾已奔，已经卖晒？咁我真系帮您唔到喇，比支 Asahi 我啦。荃湾果然系公主既地盘，识得隔隣汀汀活鱼，连焱锅堂都系识既，失敬失敬。公主嚷著极度肚饿，快快点几个前菜顶住先。等了很久的拍青瓜，姗姗来迟，催完再催终于送到。重庆拍青瓜，又关重庆咩事呢？明显刚刚即做，青瓜带涩味，无用盐腌无味道，酸味完全在外完全唔入未，不酸不辣又干争争，瓜皮又厚又韧，新鲜度极差劣，品质低于水平。凉拌云耳，根本跟拍青瓜用同一款汁料，何解唔叫重庆拌云耳呢？云耳爽爽，味道都系差劣，起码够酸食到陈醋味，没有菌类霉味，明显又系刚刚捞架啦。盐酥炸鱼皮，估唔到即炸新鲜出炉热腾腾，不过极咸㖞 ﹗奇怪地公主话接受得到？那我都系浸汤食，可以减轻一下咸度，湿湿微脆微腍，吸尽辣汤汁更好味啦。雷式混酱，以前净金银蒜指天椒够晒，近年加葱，辛辣中散发青香。肉蟹鸡煲，创意新煲梗系要试，索价 $300 蚊都合理既。菜牌写住系煲，最后出现我面前系镬唔系煲㖞。最初其实想要老鸭锅只需要 $100 蚊，5 分钟后才发现有蟹鸡锅供应，吸引好多啦﹗竟然比我转，心谂应该系价钱贵成 $200 蚊，所以老板即刻答应转锅无问题啊。厚厚鸡髀肉唔够熟，还是非常生坳坳，其他部位较薄较细已经熟透，鸡胸直头过熟有点干鞋添喇。厨师叔叔亲自现身走过，话落点汤滚滚去快熟一点，无所谓您喜欢啦。公主不停话唔够辣，甜味太强劲，最衰无得拣辣度呢。婶婶在厨房送上辣汁，耐心地兜炒加辣，落左半碗辣汁终于炼成中辣，香辣惹味多了，辛苦晒。公主慢慢息怒，终于露出有一丝微笑喇。炒过既鸡件散发焦香，薄薄不肥鸡皮滑嘟嘟，鸡髀肉嫩嫩多汁，鸡皮还有豉油芳香味道添。鸡胸就唔多掂，干干鞋靯似柴皮。膏蟹爆晒膏，甘香硬膏填满蟹盖，挖得干干净净，好好食。煮既火喉太慢使到有点霉肉，幸好蟹肉非常新鲜，蟹甜味出众。香料调配得宜，芫茜、辣椒干、洋葱、葱头、等等，不是什么独门秘方。辣而带甜，香料味道不突出，整体合格。蟹鸡都清得九九十十噜，系时候加汤打边炉，正呀。一品鸡煲半只少麻少辣，焱锅提供三款辣鸡，焱贵香、一品、水煮，公主不吃水煮菜色，先试一品鸡。味道比重庆清新甜美，还有滑豆腐索汁，好野黎㖞。鸡肉嫩滑甜美无过火，腌味可口，比鸡蟹锅好得多。Gas 炉不停自动熄火，换左两次气都无补于事，原来漏气㖞，仲识喷火添，气油弹咁样，吓死人咩 ﹗老板即时连炉带 gas 掉街，换过另一部，可以安心地食喇，舒服晒。牛白肉，又叫牛胸尖或牛心鼎，都系同一样野。封门柳卖晒，又想食得特别一点，老板推介牛白肉，虽然食过好多次，都好啦。灼一灼，缩一缩食得，爽爽劲有嚼劲的牛脂，油香处处，甜美浓厚，每一赵都渗出牛脂清甜味道，食到舔舔嘴。手切极级牛小排，想试多款牛，就您啦 ﹗一般平凡单调，牛味浓浓甜甜，属弹弹结实类，质素蛮不错，最好食始终只有牛颈脊。手切牛颈脊，颜色娇嫩，微甜微棉微牛肉味有赵头，灼到全熟都无话干鞋，原汁原味食得过。当然始终自己去街市买就最好食最高质，太和街市及上水街市同样有高质牛颈脊供应。无封门柳、无金钱腱，卖剩牛颈脊、牛白肉、牛小排乍阴功，好采高质无投诉，好好食。肥美白鳝片，还有一丝腥味，肥一点，脂肪多一点，会更甜一点。肉质爽嫩，泛著天然鳝香鳝甜味道，中档货不失礼。雪场蟹柳，什么雪场？滑雪场？鳕场蟹柳？有鳕场蟹成份吗？最讨厌一烚散开既仿蟹柳。依款蟹棒一烚就散，都还未吸够汤就死左喇，最好食都系北海道蟹柳及帝皇蟹柳。日本广岛蚝，腥味极致，吓死朕咩 ﹗试一只全部放弃，保存得不好或解冻又再雪的话，就会腥味非凡出众。脆鲩腩，薄切真有趣，厚切会更甜更嫩更多汁。新鲜水润闪令令。不要烚过火变得干鞋硬，睇准时机，起菜 ﹗真心爽脆肥美，鱼脂甜到极点，鱼皮脆、鱼肉脆，不腥不嗅，赞口不绝。鲜虾滑，硬硬掘掘咁得意？腌味重手，浓浓咸香，鲜虾味弱，试一次便够。火鸡子，无新鲜本地鸡子都退而求其次顶住先。烚到微缩即起，先慢慢咬开脆脆试一试水温，免得烫亲嘴仔甩皮起水泡呢。爆开喷汁，膶味甘香，虽然有一丝腥味，蛋味薄弱到几乎食不到，沾上辣汁都还是可口。鲜鸡肠？烚过加工架㖞，无味又干争争，讨厌。杂菌并盘，公主无菇不欢，非菇不爱。虫草花、鲜冬菇、鸡髀菇、本菇，不过最想食系金菇。菇味清甜，不霉不涩，吸收汤汁后胀卜卜滑嘟嘟，蛮不错㖞。辣汤火鸡子乌冬，乌冬，只得半个好孤寒㖞。手打乌冬幼细咽韧弹滑，不过不失。淋上雷式混酱，蒜蓉指天椒豉油更香口刺激，乌冬已吸收辣汤及所有食材的精华，再跟火鸡子齐齐食，滋味不绝，太幸福喇。
继续阅读
等左咁耐，终于开始冻返啲，似返啲冬天，最近麻烦屋企人帮手搅屋企装修，系时候要请返佢地食一餐慰劳下，佢地好中意食海鲜，一于食下热辣辣既蒸气海鲜锅！_________________________海鲜锅系要预先打去订既，店家会因应人数而调整海鲜数量同层数，我地一行四人，店家建议食七层锅，六层海鲜一层粥底。.而且店家会睇边款海鲜新鲜或时令而更改菜式，所以晚晚都有可能唔一样。.未讲食咩之前，想投诉下先，明明都已经一早打左去留海鲜锅，亦准时入座，但最后都等左成八个字先有得食！我自己等唔紧要，要长辈陪等咁耐挨肚饿，真系有啲唔好意思，仲要有一枱人迟过我地好多入，个海鲜锅都同我地一齐上。😡😡😡.好，讲左咁耐，睇下我果晚有咩食先！-------------------------🔹粥底海鲜海鲜塔 $330 / 位1⃣贵妃蚌 (每人两只)好大只, 佢加左粉丝同XO酱黎调味.几爽口, 略嫌唔够鲜甜同唔系好新鲜, 不过配XO酱刚好.2⃣大扇贝 (每人一只)呢只再大只少少, 粒带子几弹牙, 可惜又系粉丝+XO酱, 连续二层一样调味, 少左啲惊喜.3⃣大花甲 (每人六只)佢d海鲜都几大只, 连花甲都咁大, 真系几有惊喜今次乜调味都无加, 真系食到鲜甜味, 就咁食或者点少少豉油都不错.4⃣大虾 (每人五只)清蒸大虾唔够新鲜，味道就相对比较普通，胜在数量够多同够大只，摆盘够靓.5⃣蒜蓉龙虾 (每人两份半只, 其实即系一只😂😂😂)呢层非常惊喜, 龙虾肉鲜甜弹牙唔在讲, 再配上蒜蓉好非常香口.最利害系只龙虾超多肉, 连个头位都劲多肉之余, 每一只脚嘅每一节都非常有肉, 绝唔会浪费, 壳又易拆, 呢只我畀5分(几时多左个评分系统...).6⃣果皮蒸鲍鱼 (每人一只)鲍鱼系九孔鲍鱼，一人有一只，上面加左果皮去蒸，鲍鱼都几大只同几鲜味弹牙，虽然放最底果层一直蒸住，但亦唔会过老.7⃣鸡粥底 (鸡汤底免费, 粥要加$30)最后个粥底真系今晚既亮点，系上面咁多层海鲜蒸左一晚既海鲜精华滴滴滴晒去最底层既鸡汤再加米饭煮成！可选择加唔加芫茜，葱同菜。.汤底入面有不少鸡件，吸收左海鲜日月精华嘅鸡汤, 味道好鲜好甜鸡+海鲜汤我真系第一次食, 估唔到咁夹!!!粥绝对推介要加, 比就咁饮汤更能享受个味道!!
继续阅读
原本去Outback饮酒食晚饭, 五点钟去到, 女接待要我哋六点半要交枱， 唯有离开行去三坡坊焱锅堂， 去到门口问老板冇订枱有冇得食九层塔， 老板话即刻安排。原来四位分量是六层塔，每位$330有6款海鲜， 最后是鸡汤底泡饭。评语是“鲜”， 样样都新鲜，满足的一餐，多谢亚囡。
继续阅读
同朋友饭聚，因为中秋节将近定过好多间食肆都无位。好失望之际朋友建议想食海鲜， 两年前曾经帮衬过焱锅堂。当时要两个星期前订位。抱着失败嘅心态系饭聚之前一日先打去订位。又估唔到比我订到十位。七点半嚟到即刻有位，人齐开餐，因为之前唔知有咩海鲜所以好期待。餐厅的工作人员非常友善主动帮我地影相。感觉像同家人在大排档食饭咁开心。每一样海鲜都好好食。下次一定会再嚟。
继续阅读
一家五口去荃湾食海鲜，大热天时 beerbeer佢la，食热辣辣蒸气锅，配啤酒一流ah，不过我唔饮得饮一杯就红晒ga 啦，龙虾一人半只 肉质弹牙，味道鲜甜，听家姐话餐厅材料每日新鲜买，一试果然无令我失望a h，其他海鲜都一样好味，配料都一样唔错！下次会再黎
继续阅读