無邊 (和富道)

营业中

休息中

Weekend嚟咗呢度食個brunch，叫左一份牛扒配薯條，同一份all day Breakfast。牛扒薯條set配一份煙三文魚沙律，轉套餐包埋餐湯南瓜湯麵包，加$8配埋凍檸茶。呢度嘅食物唔算好好食，但份量就十分之足，會食得好飽，牛扒嘅質素一般，食落都有少少乾。All day breakfast 嘅賣相就好好,色彩繽紛，同樣地份量好大份，有粟米，菇，腸，茄汁豆同煙三文魚蕃茄，再加上大大份嘅炒蛋，味道就正正常常。呢度都坐得幾舒服，適合同朋友慢慢傾吓偈。

意外搵到呢間小Cafe，價錢真係好感人，晚市套餐$100唔使就可以有個澱粉，加套餐都係$20 ，我哋叫咗個牛扒！🍴南瓜忌廉湯好香甜，都幾濃郁好重南瓜味嘅，麵包都係牛油餐包香脆！三文魚鹹鹹哋沙律都OK配咗麻醬！🍴8oz紐西蘭香煎肉眼牛.沙律.薯條 $128+$40牛扒竟然有兩塊，不過係比較薄切少少嘅，比較有口感唔會鞋口，淡口人表示鹹左啲 🍴花非花 +$28Smoothie頋一接骨木花，熱情果，青蘋果，飲落去好重青蘋果味，都幾清新唔會好甜，不過飲耐咗就覺得只係糖漿味道冇落生果去打？推薦指數: 7/10認真製作嘅Cafe，小本經營，但係出品都用心嘅，味道都OK，可以支持吓，可以慢慢食嘢飲嘢！

呢間舖頭其實好好食😋，不過每一次去都好靜！佢哋嘅地址係喺和富中心對面，條街本身都好靜，可能附近食肆太多，競爭又大，所以次次去都冇乜人。佢哋有lunch set ，價錢大概$80-$100左右，唔係話特別平，不過絕對物有所值👍🏻！亦由於唔full嘅關係，所以夜晚去食嘢都冇限時，二百幾蚊一個人頭坐足成晚😙！佢絶對係一個夜晚飯聚嘅好地方😊！希望多啲人知道佢哋嘅存在，唔好俾佢哋執啦！🙏🏻🙏🏻

海鮮沙律 配牛油果🥑煎蛋法國麵包🥖 CP值極高😋大大隻帶子同大蝦煎得好鮮甜 裏面仲有大量蜆肉同埋魷魚🦑仲有蝦粒 真心好足料 原本佢係跟牛油果🥑不過我轉咗大啡菇🍄‍🟫仲有一隻太陽蛋同埋蒜蓉麵包 食落脆卜卜 真心好抵食 仲可以加錢轉冰搖濃縮咖啡☕️

這是一間隱世小店，隱藏在清靜的北角和富道上，默默地煮出美食。今日試了另一set午餐～海鮮意粉。木板上盛了波菜汁意粉、太陽蛋、菇、帶子、青口和中蝦。意粉的波菜汁很濃很香，太陽蛋很濃的蛋香，大粒帶子煎得剛好，用芝士焗的青口味道唔錯，蒜蓉煎中蝦味道香濃。餐前那杯南瓜湯濃而香甜，餐飲加$12 upgrade 士多啤梨乳酪飲，品道可以。

一般不是住在北角的人很少經過和富道，但因為在附近工作，所以找到這間西式小店吃午餐。小店裝修雅致，乾淨舒適，點了牛扒配意粉餐。先送來一客餐湯，用有耳陶瓷杯盛着南瓜忌廉湯，香濃的忌廉湯味道很捧，可以知道這間小店對煮食物很有Heart.加$18 upgrade 餐飲 Latte，味道滿意。薄牛扒已經很細心切開一條條，用一塊木板上桌，牛扒是燒的，味道可以，最正是菠菜汁意粉，個汁充滿菠菜香味，味道真係很好，還有一隻太陽蛋和伴碟的菇，整體令人很是滿意。埋單 $127.60 性價比高。

我超最鐘意食佢個個all day breakfast（有salmon個個） ，夠曬豐富! 加埋個好邪惡嘅peanuts  butter （超好飲）😂😂 朝早食飽到夜晚⋯ 捧住個肚走～ ！

呢間cafe好耐之前係銅鑼灣希雲街食過，當時都覺得質素唔錯，今次路經北角就想再試一次。Cafe的裝修純白色，睇落好清新，好鍾意牆上面的白色裝飾，好打卡able🤣貴族全日早餐 $158一揀就揀最貴的all day😏我要做貴族😆呢個all day食材非常豐富，有蝦有青口，仲有香腸同煙三文魚。青口質地都幾結實，味道濃郁，都食到芝士味同蒜蓉味，呢個配搭都幾好食。蝦有三大隻連殼上，不過用刀輕輕挑幾下就雜殼，都好方便。蝦肉好結實，蝦頭一d黑都無，好似都幾新鮮，食落好有香草味同蒜味，好好食👍🏻煙肉煎得脆脆哋，食落唔會太鹹，油脂位好香。炒蛋好有奶味，炒得都好滑。香腸好有香草味，質地偏結實，都唔錯。牛角包非常鬆化，好酥脆，而且牛油味好濃郁。三文魚就有少少鹹。沙律菜份量都多，而且好新鮮，配芝麻醬。蕃茄好甜，粟米粒好有牛油香，但唔知點解好似食極都仲有🤣鮮奶抹茶 +$18抹茶味道濃郁，都飲到奶味，兩者都幾balance，好啱我口味。無邊 (和富道) (北角)北角和富道92號地舖*上述文章只供參考及以當時價格為準

🦞性價比🦑：🟢🟢🟢🟢🟢🥞美食體驗🧇：北角好味小店。近幾年餐飲業非常非常難做，無邊本身有好幾間分店，都無奈縮減規模，靜候市道回暖。鋪頭既野食水準係好高既，未食過真係要過黎食下📸打咭體驗📸：裝修好有心思，之前聖誕果期，鋪入面就布置得好靚。而且野食的餐具好多花款，我真心覺得係幾靚。影相影起黎都唔會悶。加上佢出面就係有自然光，想影靚相完可以拎出鋪外面影兩張相再拎番入鋪食，非常好🧑‍🍳服務：店員有問必答，又會主動推薦有優惠的小食，好貼心

餐牌上邊有賣嘅嘢食係All Day Breakfast、Egg Benedict等，都係西式咖啡店為主打，款式眾多一般有商業套餐$68至$128，Lunch要$88至$128，佢大部份嘢食都係套餐，會包是日餐湯同埋飲品而下午茶餐都有All Day Breakfast、卡邦尼意粉，價錢$48起，包餐湯或者飲品! 望落比較相宜。室內環境方面係裝修得好有心機 成間餐廳望落去都好過光猛企理

🍽️•德國腸芝士蛋法式牛角包🥐牛角包餡包住蛋加肥美德國腸基本上食完個牛角包已經好飽但有埋我最愛既肥美薯條 又點可以抵擋得住🧡•香煎雞肉沙律🥗健康食個靚沙律雞肉沙律配牛油果煎太陽蛋配埋法包 簡簡單單夠健康

Cafe佈置以白色為主掛咗少許植物感覺清新舒適🌿之前都有食過lunch 質素唔錯 今次食set dinner 有好多選擇Set Dinner餐湯係南瓜忌廉湯口感香滑 南瓜味香🍽️ Scallop & Seafood Linguine意粉掛滿墨汁 口感彈牙有咬口 有三大粒帶子好鮮味 彈牙另外仲有好多海鮮粒🥩 8oz Steak with Fries and Salad牛扒炭燒味好香 牛味香濃 肉質軟淋 配菜有香脆薯條同沙律 好豐富☕️ Hazelnut Latte帶啖啖嘅榛子香味 咖啡味香濃 入口幼滑🥑 Jade Butterfly Smoothie牛油果香蕉沙冰香蕉味香濃 口感軟滑 夠哂冰凍

位於北角嘅無邊餐廳係一間人氣咖啡店價錢經濟實惠而且環境舒服Sunny Burger 太陽雞堡巨無霸咁大件嘅雞扒漢堡再加太陽蛋好有港式特色嘅漢堡包同埋要讚賞下啲薯條真係好食Crab Benedict 蟹肉班尼迪蛋意大利包陣陣麥香味蛋同蟹肉配合得好好特別係雞蛋嘅生熟度真係剛剛好3x3炸雞拼盤三款唔同味道嘅炸雞翼蜜糖、沙律醬、千島醬雞翼香脆可口Mint Chocolate Milk 香滑嘅薄荷忌廉配上濃郁嘅朱古力牛奶邪惡又好飲

街坊價錢·誠意西餐廳北角屬於舊區 有好多街坊餐廳 價錢實惠 今晚去咗一間唔起眼小店 食物性價比高 飲品特飲 好多花款😁-🍝海鮮煎蛋燴意粉 $98自家製意粉醬汁 有蕃茄汁/蘑菇白汁/菠菜汁 紅白綠三種顏色 我要咗紅噹噹蕃茄汁🍅 意粉掛汁 味道甜甜酸酸 食得開胃 海鮮用料足 大蝦+青口+帶子 蝦肉厚身彈牙 如果鍾意蝦頭 可以啜埋裏面啲蝦膏同汁液 濃郁滋味 -🥐煙三文魚牛油果白色牛角包 $108朋友要補充有「營」脂肪 煙三文魚🍣牛油果🥑打孖上 薯條改為雜菜沙律🥗 再飲埋南瓜茸忌廉湯 食晒已經好飽肚-🍹綠薄荷柚子梳打特飲 +$18特飲以七色彩虹🌈做主題 好大杯吓 綠色系特飲嘅底部有柚子粒 薄荷syrup加雪碧 夠晒refreshing-🍹Iced Oreo chocolate +$18冰凍朱古力加大大嚿忌廉 似飲朱古力奶昔-📍No Boundary北角和富道92號地舖

北角驚喜小店，餐廳裝修以白色為主，配以透明坐椅，感覺簡約時尚😎食物選擇多，仲有晚餐，價錢合理👍晚餐 包括: 主菜+是日精選濃湯+餐飲一杯 海虎蝦雞粒蕃茄汁意大利飯$128 (set)跟餐加配 台式水果風味茶(芒果)$12Affogato$38鬆餅蛋糕(朱古力)$38海鮮牛油果沙律 $128📝南瓜湯，南瓜香甜，口感順滑海虎蝦意大利飯，香煎海虎蝦，蝦肉結實，蕃茄汁香濃，意大利飯軟硬適中👍海鮮牛油果沙律，有帶子，蝦，魷魚，等海鮮，沙律是暖暖的，好好食，有驚喜😋Affogato 🍨☕️Espresso 超香濃，正Muffin 暖笠笠，有誠意總結： 好食唔貴，值得幫襯。