無辣不歡 (已結業)

勁耐冇去葵涌廣場今次經過諗住去掃下街！經過2樓見到呢間無辣不歡，見到好似好辣好正咁樣，而且好似好出名咁樣咁就一於試吓啦。見到佢嗰度寫住全港首創手撕雞蕎麥麵，咁就一於試吓呢一個，老闆娘好細心咁樣提示左有兩個Size，諗住去掃街所以就食少少野先，我就揀咗$20嘅細size，我去嗰陣時平日所以等嘅時間都唔耐。拎到手之後真係超級驚喜！本身以為$20嘅size會好少啦，但個份量都好多下！而且味道來講我叫咗小辣，都幾辣下，但佢係嗰種好香嘅辣，搞到就好似食火雞麵咁樣又辣又想食😋手撕雞都好好食！唔會好鞋！而且佢上面有啲芫荽同芝麻做裝飾，唔係得麵同雞，比人感覺好用心！總體嚟講性價比好高！強烈推薦比鐘意食辣既人！！！

最近工作忙碌，少左食辣野，今日特登過嚟買我最鍾意食嘅手撕雞🤤🤤，來到見排左幾個人，又見到小店出左啲新嘢，見到圖片好吸引😆，今日就決定唔食手撕雞，一於試吓個口水雞冷麵啦😄佢有胡麻醬同秘製麻辣汁，咁我梗係揀呢個麻辣汁啦，買完等左10幾分鐘到就有得拎，由於今次好肚餓，所以決定即刻食，一拎上手，見到啲口水雞都多，佢嘅雞好滑，有雞味，再配搭埋佢個麻辣汁真係好鬼正，個冷麵份量都多，麻辣味都好出，一個字正🤤🤤，真心好食，下次要試吓買半隻口水雞返去加餸先得😬

夜晚9點幾有dd口痕想去葵廣搵d嘢食下。行黎行去唔知食咩好，又唔想食成碗麵，跟住天氣熱辣辣又唔想食熱嘢，食魚蛋又唔夠飽。行過見到里間係冷麵又有細份揀 perfect!即刻order份手撕雞橋麥麵帶走，等5分鐘就有。手撕雞橋麥麵$20一份（細）好抵食真係好足料， 勁多雞肉，最正係無咩肥膏無咩雞皮，當然又無雞骨另外又有得揀辣度，好彩穩陣d揀返小辣。真係唔好講少，小辣已經好辣好野味 但朋友唔食開辣就完全食唔到

我一直都有幫襯嘅食店，你話漏單我都可以算。大佬，你已經叫我15分鐘後先返，我都知你多單，我食開，無話唔知你多生意，但你冷盤嚟㗎，我已經無叫湯烏冬。到我追單，話我知整緊，又話肚絲係要等。我咪企响度等，見我前面啲號數飛走哂，你都跟緊啲啦，轉頭又問我幾多號差啲乜。喂呀，你一路話整緊，一面又複單即係點呀！即係整緊定未整呀？我知你多單所以都無催得咁厲害諗住忍下你，但最後等左我40分鐘我真係火都嚟！！！忍唔住都要响呢度爆！

早兩日經過葵芳搵野食，行到2樓見到有手撕雞蕎麥麵，諗住天氣咁熱，買返屋企食。買嘅時候等好左好耐，中途見到有人買左堂食手撕雞，就咁打開個蓋，擺喺張枱度，仲要唔止一個係咁。心諗好彩自己係外賣，起碼有個蓋返到屋企一打開個蓋，就見到隻曱甴喺個盒入面，真係粗口都出埋黎，即刻打電話去舖頭嗰度同佢哋講，嗰個人仲要唔理我，掛住喺度落單，我等咗好耐，佢先話叫老細轉頭覆我電話。終於等到佢哋覆返我電話，問長問短，又問我訂單號碼，問我叫咗啲乜，又問我foodpanda定係户户送，態度比較惡劣，好似懷疑我咁。我頂佢個肺，依家你盒野有曱甴，仲問我咁多嘢，我唔係話想退錢，只係唔想有人同我一樣。最後我選擇咗收佢線，同佢講嘢都費事。葵涌廣場真係好多嘢食，建議大家唔好再去呢間野度買，衛生環境都係好差的

葵涌廣場二樓又發現好野了無辣不歡-聽名都怕怕的手撕雞蕎麥面 ，已叫極少辣都好辣下、但呢個配搭幾特別，本身又鍾意雞又鍾意蕎麥面。食下去有麻既味 其實辣就不算好勁既，係麻勁點，不過食落都好食 😋記得買埋野飲😂

以前每次去葵廣都必食，但因為疫情後都小出街，多數外賣，大半年無去葵廣，今日放假，突然好想食辣嘢，就同埋男朋友出去，今日就嗌左麻辣豬腸同手撕雞，嘩，一食已經感覺味道不同了，只有好多好多辣油，而且辣而不香，豬腸又肥又難咬開，手撕雞又鞋，又無味，兩樣嘢都係得個辣字，成口油，感覺好唔舒服，而且辣而不香，真心食左一啖都唔想再食，好失望，估唔到差左咁多，最後都無辦法食曬，曬錢，質素真係keep唔到囉，無下次了

係附近返工一路lunch 有食開呢間，有時放工都會買返幾份返去加餸，試過甘多間麻辣野食，間間都好似有手撕雞賣，唯獨呢間最啱我口味，夠辣又惹味👍🏻，尤其係麻辣手撕雞同手撕雞喬麥麵，仲有必食冷麵🤤佢啲手撕雞真係超正，食到我上癮，今日介紹左我同事食手撕雞（多芫茜）個個都話正🤤，佢仲有個爆茜手撕雞，下次一定要叫來試吓😛😛麻辣豬耳同麻辣雞翼尖都係我成日加餸既首選，爽口又辣得過癮，值得推介，食得辣一定食呢間

一直都有食開無辣不歡嘅手撕雞同手撕雞喬麥麵，食極都唔厭，同埋佢開左都好似好耐，每次行葵廣都會忍唔住買一個來即刻食，都保持到一開始嘅味道，食完然後再買埋個手撕雞同蒜泥白肉青瓜卷返去加餸，佢啲手撕雞撕到偏大舊，但都好入味，個人覺得大大舊食落仲有口感啲🤤，麻辣味真係好出色，雞肉都滑嘅，我叫左小辣，佢啲喬麥麵出邊都比較少食到係扁身，有粗有幼，都幾彈牙，每一條麵都俾啲麻辣汁包住，越食越想食，都越食越辣，見議唔食得太辣人士叫小辣已經夠😆

去葵青劇院睇show前先到葵涌廣場醫一醫肚！好久沒到葵廣，就跟妹妹隨便pick一間來試試～～見到這家無辣不歡都有人在等候，決定試試！看到menu，似乎主打手撕雞，就叫了份麻辣手撕雞冷麵 (大)～～～麻辣手撕雞冷麵，$25的價錢來說，雞肉的份量都幾大堆頭，青瓜絲就只有點綴的幾條！冷麵的麵質剛好，不會太稔太糊。手撕雞啖啖肉，肉質不至於太粗糙，有帶嫩滑之處，但沒有什麼雞味可言，沒雪味就已算是不錯！！醬汁是用上胡麻醬再加辣油，除了辣味外，亦帶點芝麻香，辣度足夠，隱隱的帶點麻，整體來說是幾惹味的！

本身食親都肚屙，都無為意，琴曰收工經過，嘩啲雞直接放地下淨係用個發泡膠箱袋住，啲血水流到周圍都係，味道又唔係出色過人，只可以話中規中矩，但衛生真係唔掂，出面面對啲客都搞到一地血水，唔知後廚會點唔敢幻想

行勻成個商場 十間有九間都有手撕雞菜式好搞笑 明明唔係好關事嘅餐廳都會有賣手撕雞冷麵之類但我覺得如果唔係真係整得好食可唔可以有返啲良心唔好差隻腳落去又諗住分一杯羹？真係未試過咁差嘅手撕雞蕎麥麵佢聲稱手撕雞撈蕎麥麵係呢度首創咁當然要試一試佢蕎麥麵勁淋 好明顯係煮過龍 破壞曬蕎麥麵嘅質地 唔好食個麵好多辣油 但佢係死辣 唔香又唔麻重點係啲雞 唔知點樣手撕可以撕到舊舊都食指咁粗 仲要雞肉毫冇彈性 冇雞味 好似煲湯豬肉嗰種一絲絲質感我都係第一次食到只怪自己唔好彩 都講到成個商場都係手撕雞咁都比我揀中佢

🐷🎈葵芳一個禮拜食足3日嘅soul food😆🌶💥麻辣手撕雞冷麵 $25好食指數：🐷🐷🐷🐷🐷🐷🐷🐷🐷9/10回頭率：🐷🐷🐷🐷🐷🐷🐷🐷8/10平時葵廣食手撕雞麵都係食開貓麵最近轉試呢間無辣不歡價錢平啲之外估唔到原來咁正真係上哂癮食過番尋味😆首先醬汁方面佢除左麻辣🌶仲有落麻醬🥜雖然唔係好多麻醬但足夠中和左少少辣味辣椒渣亦都好夠麻味😆最欣賞嘅係佢個份量🤣🐔雞肉超級多！雞同麵比例應該係7:3😂咁既份量仲點掃街啊🤣仲要$25一份咁平🤟👍//💥Mala Chicken Cold Noodles $25Deliciousness: 🐷🐷🐷🐷🐷🐷🐷🐷🐷9/10Willingness to return: 🐷🐷🐷🐷🐷🐷🐷🐷8/10//🎈無辣不歡葵芳葵富路7號葵涌廣場2樓2019號舖#美食日記#香港美食#豬的生活#foodislife#piglife#hkfoodie#foodblogger#hkinsider#foodinsider#葵芳#葵廣#葵廣美食#葵芳美食#葵涌廣場#葵芳黃店#黃店#手撕雞#手撕雞冷麵#冷麵#麻辣#麻辣手撕雞#kwaifong#kwaifongfood#yelloweconomy

手撕雞蕎麥麵 (細)($20)手撕雞同麵嘅份量係一半半🍜🍗每啖都可以將雞同麵夾起一齊食雞同麵鋪滿曬辣油 每一啖都好辣🥵似乎係因為太多辣油 搶曬手撕雞嘅原味🧐而麵唔會煮得太淋 啱啱好😌

無辣不歡, 葵芳🌶我真係好鐘意食辣系列：無辣不歡招牌菜必定係麻辣手撕雞。呢個價錢食到咁足料既手撕雞真係好抵。鐘意食辣既朋友，呢間絕對可以滿足到你。唯一不足係無提供堂食要企係到食。我之後其實有去到佢地堅尼地城既分店，不過我個人覺得葵涌廣場呢間辣D，好味D，而且感覺上地方乾淨D。 .麻辣手撕雞配蕎麥麵(大份) $35麻辣雞腎 $20 .📍葵芳葵富路7號葵涌廣場2樓2019號舖🌟Rating: 8/10💰Price: $30-50 pp