無辣不歡

這間在大圍火車站對面，最多人的出口的大馬路對面。 好搶眼好容易就見到。 大大個banner 寫住大字 十蚊雞蛋仔， 本身間店仲有好多其他四川食物， 但我見學生妹都係買原味雞蛋仔。 今次就試一試。 星期一的下午。都有幾個人等先買到。 等了約10分鐘。 原味雞蛋仔就出籠了。 出來都好脆。 重量都大。 有內涵的， 少少厚。 不是食了一個空氣。 但其他味道都三十幾蚊起跳，就唔太抵了。 所以總結一句，十蚊原味係抵到爛，但預左要等一等，排隊等下先有了。 …查看更多

超鍾意佢哋既麻辣手絲雞撈烏冬😋😋。我要少辣，佢溝左麻醬嗰啲，令成件事好清新。但係點解淨返一間大圍店架🫣，買少見少。真係好好味，朋友食過都話讚。我會再多啲幫襯，希望留得住我最鍾意嘅烏冬。…查看更多

事情係咁嘅，本來我都唔太想講，但呢間外賣店整錯咗淨係講唔關佢事嘅話，我覺得要提醒吓想試嘅人。話說昨日我喺呢度買咗兩個粉皮，一個拎返屋企放雪櫃俾我老公，另一個我自己食咗。原本嗰個粉皮係留俾我老公放工返來食，佢放工好夜，我同細路瞓咗，佢返到嚟就自己食。今日同佢傾起，我問佢昨日嗰個粉皮好唔好食，佢話OK啦，但好dry，得啲豬耳，咬到好攰。跟住我先知，原來我order咗嘅雞絲同豬肚佢哋完全冇加。雖然過咗一日，但我都係打咗電話同佢哋講，因為每樣配料加$8，兩樣就$16，唔係平嘢。但佢哋聽完，竟然話第二日嘅事同佢哋無關。講真，間店淨係做外賣，又冇位坐，做好咗唔通要我即刻喺度拆開check咩有咩無？就算即刻發現有問題，都唔一定即日搞得掂，或者我已經返咗屋企啦。所以我想講，如果你去呢間店買嘢，最好即刻check清楚先走人，唔係佢哋一句「唔關我事」，每個order都可能少咗啲嘢。佢哋咁做生意，真係幾好賺。…查看更多

之前見過呢間食店幾次見到佢嘅花甲粉好似幾吸引終於有機會試到仲順便試埋佢嘅麻辣魚皮點知就中伏啦首先講咗花甲粉味道同份量都中規中矩價錢$40一碗，都算抵食做宵夜真係唔錯但係份魚皮就完全唔值$50一份！唔值嘅程度令到我要打呢一份食評去提醒大家！呢盒魚皮仲要貴過花甲粉$10 但份量勁細一打開都唔知到底我係叫咗麻辣魚皮定係一份芫荽魚皮嘅數量極少最後我細心點算過，只有26片大小不一嘅魚皮😂仲要呢份魚皮嘅口感，唔似平時係其他地方食到嘅口感咁厚身同爽脆相反係比較薄同埋黏笠所以最後食咗幾片就冇再食啦🥲…查看更多

手撕雞冷麵真的是夏天的最佳選擇！想像一下，嫩滑的手撕雞肉搭配冰涼的麵條，口感超級棒。雞肉用香料醃製過，味道鮮美，還有一點微辣，讓人食指大動。冷麵上面淋上特製的醬汁食起來特別開胃。再加點黃瓜絲和花生碎，口感層次更豐富。這道菜不僅好吃，還很解暑…查看更多

有冇人同我一樣，鍾意食辣🌶️但又唔太食得辣呢？（哈哈，咁講好似好矛盾！😂）本人幾鍾意食辣！覺得好刺激好開胃！但係個食辣嘅程度，只係去到譚仔10小辣/或者出邊普通店舖嘅BB辣或者小辣🌶️以前喺葵芳2樓試過「無辣不歡」覺得好好味，一直好有印象😝開咗其他分店之後，終於可以方便啲再食每次我都必叫麻辣手撕雞冷麵！😍雖然個盒細細盒，不過一個女生食都係飽肚嘅同朋友share，我哋再叫多咗一份麻辣豬肚豬肚無手撕雞咁好食😅感覺冷冰冰😅太厚身至於我朋友就叫左芝麻醬手撕雞冷麵🙌🏻大家都食唔到辣，但係大家都一致認同好開胃小辣嘅辣到啱啱好，唔會好辣😙食唔到辣嘅朋友都可以試吓🙌🏻…查看更多

今日見到外賣平台有間未食過嘅麻辣嘢見個名幾得意，叫無辣不歡🙈就叫黎試吓😛因為今次一個人食，所以淨係叫咗一個麻辣花甲粉。麻辣花甲粉入邊真係麻辣十足，味道不錯，食到個嘴紅晒，笑死😂另外，我見到有好多配料可以加，今次就揀咗豬頸肉，份量適中啦，一個人都夠食。但係個粉裏面好多沙嗲粒，口感上差少少。食食吓都覺得麻麻地，因為真係太多粉粒。。。下次可以再試吓其他嘢，不過晚餐嚟講都算抵食！係一個人晚餐唔錯嘅選擇！…查看更多

之前幾次去店員態度都幾好 今日去個戴cap帽戴口罩嘅後生女態度差到😅😅 野食岀左等緊佢入袋都繼續睇手機😅😅😅😅入完袋又要裝到歪晒😅野食我係覺得好食嘅 不過點解會請啲咁嘅員工做衰自己舖😅🙏🏻…查看更多

嗌個手撕雞冷麵 淨係比手撕雞落單嗰陣已經feel個個長頭髮阿姐好hea 聽住錄音幫我落 講嘢又細聲 單又冇比 最後翻到屋企先發覺比錯 個味係幾好食 但係比錯有鬼用咩希望老細睇到改善下…查看更多

等待時間一直都要很久。味道都還不錯，但是配料很不新鮮。 麻辣牛展裡的蔥花都是快爛掉的，香菜也是已經變黃了的。 很影響體驗！ 已經點過兩次了都是這麼不新鮮，希望以後會有改善。…查看更多

想要麻辣手撕雞（想食肉），但比左口水雞飯（有骨），仲死口唔認話我叫錯，又話d雞已經斬左 唔肯換 態度惡劣不知所謂 打開盒野全部係雞背脊 冇肉分別係強迫人要左盒無肉既雞。…查看更多

第一次幫襯，叫咗個麻辣猪大腸，唔知要等咁耐，附近又無嘢遮，今日太陽好猛烈，足足曬咗廿分鐘，以為即刻整所以要等咁耐，點知盒野係凍嘅，即係係雪櫃攞出來，咁都要好等廿分鐘！無下次了😤…查看更多

$48買左雙拼麻辣牛肚,麻辣豬耳. 份量小到冇人有. 咁既價錢, 係大圍另一食肆會多好多好多. 唔會再幫襯. 重申多次. 唔會再幫襯, 係唔會再幫襯. 大家千祈唔好中伏. 等執笠啦. …查看更多

【沙田區】【無辣不歡】一直都聽到唔少其他人對呢間嘢嘅好評，但係都未有機會試。知道佢開嚟沙田區之後，就算係喺大圍，我都躍躍欲試。又咁講吖，其實就我屋企而言，距離上大圍係遠過市中心，但就方便得多，搭鐵絕對快靚正。可惜嘅係，堂食限聚令嘅存在，令到大圍嘅「搵食市集」food court 都唔可以喺夜晚接待堂食嘅顧客。而我又真係唔係太熱衷喺中午嘅時候食呢啲嘢，就係咁，所以一直都冇乜機會食到佢，反而經過大圍站就望吓佢咁。最近愈來愈多人感染，反而政府就依然故我，堅持「清零」，取消堂食限聚令可以話係遙遙無期。我就諗食吓佢哋啲外賣睇吓，反正見佢哋個餐牌其實都係以啲冷盤為主，趁天氣夠凍，攞返屋企食個影響唔會話好大，去啦。第一次去，叫咗半隻「麻辣手撕雞」食，唔係太想攝取澱粉質之下，冇叫到啲麵嚟食。個雞有得揀辣度，大中小之餘仲有 BB 辣，咁我就梗係揀「BB辣」啦。食落又幾正，起晒啲骨放返喺盒度，可以吮埋，$65 算係幾掂喎。佢嗰度主要得兩款雞，所以第二次去就叫埋「麻辣口水雞」，都係叫半隻，都係食「BB辣」，今次就 $70，比手撕雞貴咗五蚊。可能係上次覺得好食，今次就冇咗個驚喜，每一舊肉都要自己吮骨冇咗啖啖肉，未必有下次。由於我想減少食澱粉質嘅關係，所以呢兩次都係淨係食肉而冇食到啲麵，如果大家知道啲麵有特色或者有故事分享，不妨留言話畀我知，因為係我錯失咗嘅嘢嚟。而總括而言呢間嘢我應該會翻叼佢個手撕雞半隻，係幾正。。。（地址：大圍村南道41&45號地下A1號舖）#1amfoodie #foodie #hkfoodie #thatfoodiething #hkfood #川菜 #1ambackup #1am0596 #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #大圍 #無辣不歡 #搵食市集 #foodcourt #麻辣手撕雞 #麻辣口水雞 #手撕雞 #口水雞…查看更多

無辣不歡位於大圍村南道41&45號地下A1號舖, 位置非常方便,只需由大圍港鐵站步行至對面馬路即可到達. 食店本來在右邉約五米的小舖,現搬至大一點的舖位, 開始在店舖左邊賣魚生刺身壽司. 雖然多了選擇, 但個人更喜愛之前的小店, 因為看起來更專門. 見這裏留言說等候時間長, 食物不衛生等, 我又不覺得. 等候時間如在非繁忙時間, 三兩分鐘內便可. 而我多次幫襯, 從未有事後不適. 相反味道我覺得非常可以, 麻辣味是正宗的. 多名經典菜式如口水雞,手撕雞,麻辣大腸,麻辣豬脷等均能叫人一試再試. 還有就是, 麻辣手撕雞冷麵竟然只賣三十元, 抵!…查看更多