無辣不歡

营业中

休息中

態度非常差，給我做錯了東西，但是死不承認，擺著一張臭臉，硬要說我點錯了換不了，但我清楚的知道自己說的什麼，一個黃色短頭髮的女士，態度非常差！東西也非常難吃！再也不去了！

第二次食，同第一次一樣都係叫麻辣豬腸，講真味道係好，但即晚半夜上疴下瀉，嘔返啲麻辣腸供上鼻，嗰種慘一世都記得，第二日連飲水都嘔又發燒，嚴重懷疑食物中毒。大家千其唔好試

之前食過兩次覺得唔錯，今日繼續去幫襯， 叫了一個涼亭皮， 見佢冇事先準備好， 叫嘅時候先至煮，煮完之後我都覺得奇怪，點解用水喉水沖， 沖完就馬上撈其他餸😡， 期間佢個雪櫃有嘢跌咗落地下， 佢就用佢撈緊嘢嗰對手套，將地下嘅嘢執返， 繼續再撈啲食物😡， 我問佢點解會用水喉水， 佢支吾以對，話佢有濾水器， 我話唔見喎， 佢就話間間都係咁整㗎啦！ 隔離個阿姐就出聲，你唔要一係退返錢畀你， 我梗係唔要啦！仲有隔離個呀叔斬緊屬雞， 睇住佢放完其他嘢上個砧板倒度 ，又張啲熟食擺上去斬，真係好恐怖！ 我以後都唔會再幫襯😑😤😨

買咗 雞絲、雞腎涼皮（bb辣），麻辣無骨鳳爪（bb辣）。1. 漏咗雞絲！！！！！！！！！！2. bb辣係最細嘅辣！！！！！！！！但係食幾啖已經好辣！！！！！！！！3. 如果話辣係見仁見智，咁個口麻咗成分鐘先可以繼續食，又係咩原因？？？？？？？？？？？？？？？？？？？？？？？？？？？？？？見到個餐牌好似好正，所以就試下啦，滿心期待，但係食完真係無下次，唔值得再買！！！！！！！！！！！

大圍出名多街頭小食😋但小編今日經過比尼間店嘅名吸引到🤩事關小編係個辣妹💃非常鍾意食辣🌶🌶所以今次想推介妳揀比鍾意食辣嘅同道中人😼😼🌶手撕雞冷麵（胡麻醬/秘制麻辣醬）尼盒大大盒嘅冷面加足曬料🥹有麻醬同埋麻辣揀🥰重點其實係d手撕雞🐓淡淡都係肉🍗而且嫩身一d都唔鞋🤤仲可以加$8加多一個餸😚我就揀左麻辣牛展🤩辣上加辣🥵真係超超超抵食啊😆做宵夜一流啊😝💸價錢：$30（+$8餸）✨好味·到指數：3.5/5🤍🤍🤍

返工同同事講起 葵廣既無辣不歡大圍道都開左喇，一於買來食下 開個麻辣下午茶派對先！同事之間都好食辣真幸福左：麻辣豬頸肉豬頸肉質地清爽彈牙，唔會煮得太老癡牙我哋揀咗中辣，伴以唐芹同吃香味十足！右：麻辣手撕雞雞嘅肉質都好嫩滑有肉汁，坊間好多手撕雞都好鞋好似瘦肉 呢個有驚喜喎左：麻辣拍青瓜呢個我哋揀咗大辣 ，好夠味夠辣！青瓜清爽開胃，愈食愈辣，爽！右：麻辣土豆絲呢個問咗幾次先有貨，happy呢個就揀咗小辣，由於土豆絲好吸味食食下都覺得幾辣，唔食得太辣人仕注意喔麻辣木耳好香又爽口，個下午茶真係辣得好過癮！

今次係第二次幫襯大圍呢間無辣不歡 上一次係佢啱啱開張冇耐 果次等咗20分鐘買個手撕雞腸粉 今次以為自己醒啲就用外賣平台一早訂定takeaway 系統顯示話要等15分鐘 好！我20分鐘先到到咗就行過去問職員 佢問完我咩號碼就同我講一句"有排" 我企多5分鐘覺得唔對路就問多佢一次 佢就大大聲問廚師仲要等幾耐 廚師就大大聲覆返佢話起碼要等多半個鐘！但係明明啱啱有個客買完都係話等20分鐘咋喎 點解我變咗要等一個鐘嘅？ 我就問佢如果真係要等半個鐘可唔可以取消我張單 佢就同我講叫我自己聯絡fxxxxxxxa... 最後我搞咗論都係取消唔到張單 我就等咗9個字先拎到一盒腸粉之前喺葵芳都幫襯過呢間唔少次數... 一直都係覺得佢又好食又有心做嘅小店 但係呢間分店真係幫唔落 等嘅時間長唔係問題但你太多單就唔好接第三平台嘅單啦 同埋店員態度幾差 就算好食到飛起都冇用...

真心唔好味lo..湯底加左好多藥材調味，個藥味重到…但味道都好一般。最緊要係等太耐，淨係益一份花甲粉都等左半個幾鐘，實在離譜到誇張，搞乜？可一不可再，徹底講拜拜

啱啱新開張嘅時候食過一次落咗單之後等咗足足20分鐘先拎到諗住新開張，可能唔熟架步，算啦第一次去食手撕雞撈麵，手撕雞正常但係個面係除咗辣味就冇其他味完全沒有想再幫襯嘅意欲到前兩日，第二次食，諗住再俾多次機會佢啦我企咗喺門口大約3分鐘先落單我肯定前面係冇人等緊外賣亦都冇人排隊買嘢食我先至買一樣等咗足足10分鐘今次搞涼皮，同開張嘅時候一樣得個辣子冇任何鹹味我仲要自己返屋企再加豉油撈醬好失望，以後都唔會再幫襯寧願幫襯蔡記啲大陸姐姐都唔會再幫襯

明明記得以前喺葵芳廣場嗰間食手撕雞拉麵係好好食個湯又夠味啲面又彈牙，辣油同啲拉麵湯底好夾分別食到辣有好多嘅香料味，同埋下面豬骨湯底嘅味道。以前真係好好食，最近見佢喺大圍開咗間分店諗住近近地，咪買來試吓囉點知仲晒伏，雖然$36唔可以攞嚟比啲乜嘢但係對比返以前嗰個水準，真係唔好交啲咁樣嘅貨 得唔得但係今次食返真係覺得好難食，啲雞完全冇味個湯得個咸字，啲麵仲要煮到一舊嘢，真係超淋完全唔知係咪因為開咗好多分店，水準真係差咗好多總之就好難食下次真係不了

比佢嘅食物吸引，但係處理帳單嘅時候，沒有收據紙，只叫號碼，收銀員嘅聲線完全聽唔到，處理食物等候需時很長的時間，又冇燈牌顯示，又冇單number，完全聽唔到個收銀員講乜野，有幾好食都係假

夜晚回到大圍，本來想食華x手撕雞，可惜人比較多，要等就免了。經過無辣不歡，新開張，有蕎麥麵，相對較健康，一試無妨。其實望望下，就覺得麻麻哋。首先手撕雞一大盤撕好唒放係室溫，唔知放咗幾耐。然後芝麻醬用的是日本牌子沙律汁，一吱落去就撈撈撈，對比其他舖自己調教下啲味就爭啲啦。然後蕎麥麵用的是急凍一餅餅個啲，烚一烚，沖水龍頭水過冷河。要了小辣。以事論事，雞有脾有胸嘅，但得室溫唔凍就認真麻麻，雞味就無架啦。蕎麥麵正常，不過撈麻辣就真係唔夾，唔係咩都炒埋一碟就好架。再評辣汁，唔掂，辣同麻都有，個麻到痺，唔平衡，味微苦，多數係油溫太高，乾料炸燶咗啦。整體而言，其實38蚊又唔貴，但我就唔會再食架啦，各方面都麻麻，或者叫麻麻不歡較好。