影片
招牌菜
洋葱汁，肠我唔识分，不过好食，可惜个饱俾啲汁整到林晒。。呢个蜜糖芥茉真系好食！不过个饱都系林左。或者可以少啲汁或多啲菜垫底改善下。可能我唔识食啦，虽然已经很好一开2，但仍然好大个，唔知点食好，食到好狼狈。外卖著条系林埋茄汁上去的，5分钟路程，食时已经林晒又唔系好热
继续阅读
After dining at Sooo Vegi (vegetarian) next door, I was still hungry!I went for the fried chicken drumettes because I have always wanted to try their chicken.★☆★☆★☆★☆★☆★☆★☆★☆★☆★☆★☆★chicken drumettes:At first I did not know they were all drumettes, when I opened the box I was delighted to see that they were drumettes because I don't like the wing part.The coating was golden and crispy and not too salty and the chicken was nice and springy.Usually if you get the hot dog set, they are only $3 as an add on but since I got them a la carte, they cost me $18.★☆★☆★☆★☆★☆★☆★☆★☆★☆★☆★☆★Sadly, they have stopped the seafood dog, so I could not order it.
继续阅读
本身已经系热狗粉丝嘅我，见到团购平平哋所以走咗嚟试吓！当然今次系冇失望啦。我试嘅系 Boston Dog ，系用咗长长哋嘅纽伦堡肠配上黑椒汁。鸡肉肠嘅味道都几惹味，酱汁就比较浓味所以唔需要太多，而且 Trigger Dog Family 仲系即刻整所以热辣辣(赞！)。面包方面我觉得都够松软，至少唔会一攞上手就烂，单手可以攞住面包连肠连汁完完整整咁一齐食。加上薯角同汽水一罐对我嚟讲系够饱，不个突然有种感觉....个餐如果可以加多几块薯片做装饰，咁整体上就会更有美感 Trigger Dog Family 每个餐都有特别嘅形容，系几有心思 ~
继续阅读
54 浏览
身为九龙人嘅小弟，北角区其实真喺好少嚟，所以对依区都唔太熟悉，但认识「热狗家族」始于食友嘅一篇食评。位处炮台山电器道嘅热狗家族，其实铺面面晌内街福元街，正正天桥底下，由于铺面细细，好易走漏眼，幸好光猛嘅灯箱招牌，一眼就认到！何解店名叫「热狗家族」？英文名又会用咗Trigger Dog？哈哈，原来一家4口加埋只小狗，就喺成个家族嘅成员，以5款嚟自唔同国家嘅热狗肠，配以5种独家特制嘅酱汁，造就出5款别具一格嘅热狗，代表5个唔同个性嘅家族成员，有刚毅热血嘅爸爸PaPa's Dog，有细心乐天嘅妈妈Wendy's Dog，有文静好思考嘅仔仔Boston's Dog，有活泼好动嘅细女Essie's Dog，以及善解人意嘅小狗Trigger Dog。小小嘅店舖，厨房已占去大部份地方，由于主打外卖生意，所以可以坐嘅地方唔多，装修亦以简单便捷，干净企理先行。厨房采取半开放式，所以师傅晌度整热狗时，一目了然。虽然成员只有5位，但打好根基之后，自然欢迎新成员加入。啱啱晌10月中加入咗依个家庭有充满香辣嘅Crazy Dog，而试食当日仍未推出嘅Oliver’s Dog，亦即将推出。今晚，多得食友之邀，有幸一同嚟到试试依两款新产品，兼且人生唔打算做爸爸，但晌度亦可一尝「爸爸」滋味。Crazy Dog（怪思热狗，单价$28，套餐$37，包一罐汽水，一份脆薯角）以前啲人好怕疯狗症，但喺依只「疯狗」，食落真喺几正，如果搞个烂gag中文名俾佢，一家喺「疯狗正」。以法兰克福肉肠，淋上加入咗蒜蓉、香草、小茴香、墨西哥辣肉酱所做嘅香辣肉酱，虽则话落咗蒜蓉，但蒜味未够明显，反而香料味突出，中辣程度，极为惹味。再者，包身烘得香脆，所以咪话佢真喺几正啰。最欣赏喺香肠之下垫在少量沙律菜，令个热狗健康啲不在话下，垫起啲肉酱，一来唔会泻到周围喺，二来最重要唔会令酱汁浸湿个包嘛。尤其是唔喺即买即场食，可能拎返公司或拎返屋企先食，湿嘅包就一定无咁好食！Oliver's Dog（奥利华热狗，单价$33，套餐$42，包一罐汽水，一份脆薯角）依个新成员，试食时未知佢晌家族中喺边位，由海外返嚟嘅舅父仔？定喺晌外地多年工作嘅表哥？总之，佢就叫做「奥利华」。以新鲜蕃茄加上乳酪做成嘅蕃茄乳酪酱，微微酸香，感觉清新，甚有外国人爽朗性格，配以杂锦海鲜（蚬肉、鱿鱼、青口），口感富层次，又足料；而热狗又点会无香肠，热狗肠同样选上德国法兰克福肉肠，贪其皮脆、传统又唔会太抢味，夹埋啲蕃茄乳酪酱杂锦海鲜，大啖大啖咬，绝对满腔滋味！PaPa's Dog（爸爸热狗，单价$33，套餐$42，包一罐汽水，一份脆薯角）试过两款新产品，当然都想一试基本家族成员，因为有焦糖关系，所以就拣咗爸爸热狗。话明佢性格刚毅热血，肉质较厚又带少少辣嘅匈牙利肠就衬晒佢，配以香软嘅焦糖洋葱，果然唔错，焦糖洋葱嘅甜味，更突出匈牙利肠嘅香辣。Chocolate Brownie（朱古力班尼士，$10件，$68底）除咗热狗以外，仲有试到甜品「班尼士」，班尼士其实亦喺小弟至爱，第一次晌工联会学整甜品就喺佢嘞。班尼士嘅朱古力好浓郁，亦较一般常见嘅湿润同软身，个人觉得口感较似蛋糕多啲，原来店主话想做只新鲜出炉热食嘅班尼士，口感喺要外脆内软，每日2:30-6:30pm下午茶时段出炉，佢仲话迟啲揾到合适嘅供应商，就加入埋合桃添。撇除正唔正宗嘅问题，其实件「班尼士」真喺几好食，一件都只喺10蚊鸡！迷你蝴蝶酥朱古力班尼士已开始有供应，而迷你蝴蝶酥就喺正在研发，稍后推出嘅产品。虽然出嚟嘅外观比较参疵，又出现烘焗得唔平均嘅情况，但味道不俗，入口都几松脆，慢慢再改良调校，相信假以时日可以做出理想之作。买满$60有免费送货，当然小店经营，送货范围有限，最好打电话查询一下。再俾多个温馨提示大定，凡穿校服，或出示学生证购买任何套餐，都即减$3。此外，除上述产品，仲有小食、Mocktail，及打算推出更多甜品。早前新出嘅杯杯粉，喺怪思热狗嘅意粉版，可惜啱啱卖晒，今晚只有望门轻叹。不过，相信日后会继续再有新产品，就拭目以待其他新家族成员啦！
继续阅读
早两个月和食友去炮台山「Trigger Dog Family」品尝过店里的 5 款家族成员热狗，近日又再次收到店主的邀请，来试吃店里全新推出的热狗及小吃，实在非常开心，在此先行道谢。其实当知道店子有新出品后，已即时浏览了它的 facebook page，原来除了推出咗新口味 Crazy Dog 外，还有上次老板阿 Cat 向我们提及过，以天使面加上新鲜肉酱的杯杯粉，斋睇张相，已觉吸引。离上次到访已经接近两个月，门面依旧，不过进门前，迎面就看到这幅十分抢眼的宣传海报。原来店主近日也接受了不少媒体访问，绝对是件好事啊！制作咁认真又美味的热狗，其实我也希望它会多些人认识嘛！食友甜姐儿十分眼利，竟然发现店主把我俩的食评摆放于海报内，哈哈，多谢店主欣赏我们食评啊！先重温上次已吃过，食完会令你立即想再 encore 多一件的 Chocolate Brownie ($10/件，$68/底)。如果嫌一件唔够喉的话，不如 order 一整个回家与家人一起分享吧！一底可以切出 8 小件，新鲜热辣端上来，味道超正，可惜现时只在下午茶时段才有得供应，想食就要留意了。Brownie 味道和上次来吃时一样咁讨人喜爱，朱古力味够浓郁之余，湿度亦十分适中，而且吃起来绝不会过甜过腻，是少有吃到的高质素 brownie，值得推介。这些迷你蝴蝶酥也是店里新出品，听说售价约为 $15 一小袋。拿起一块入口，讲真牛油味唔算特别香，而且同「曲奇四重奏」的蝴蝶酥相比，松化度还是欠了一丁点，不过吃起来味道甜中带微咸，口感非常之特别，而且咸甜味道融和配合，加上极之酥脆的蝴蝶边，真令人忍不住一口接一口，买来作下午茶小点或宵夜零食，绝对超值。至于两款新推出的热狗，Oliver's Dog 奥利华热狗 (单价 $33) 及 Crazy Dog，前者以脆弹的法兰克福鸡肉肠加上杂锦海鲜，再于面头淋上特调番茄乳酪酱，配搭非常新颕。先试吓个酱汁味道，原来是用上乳酪、新鲜番茄配日式芝麻酱，难怪味道清新得来又带著淡淡的番茄天然酸香喇。至于𠮶层口感丰富的杂锦海鲜，哈哈，还是卖个关子，留待你自己慢慢去发掘好了。而另一款 Crazy Dog 怪思热狗 (单价 $28)，同样以法兰克福鸡肉肠为主，不过面层铺著的辣肉碎，用上加入了香草、小茴香及印度香料等制成的酱汁烹调，所以吃起来够晒香辣惹味，配上那个烘得极级香脆可口的面包，无论你是否嗜辣一族，相信也会吃得十分满意。由于新出的杯杯粉早已售罄，这晚无缘品尝，真可惜。不过唔紧要，原来店主也有为初次到访的食友山区兄准备了家族成员最高领导人，爸爸热狗。馋嘴的我当然也分吃了一点，辣香的匈牙利肠配香甜的焦糖洋葱汁，个酱汁完全能吊出条肠的肉味，吃起来够晒醒胃。下次到访，一定要试试店主推介的 mocktail 和炸鸡呢！
继续阅读