影片
【南区】【烧鹅日常】次次都话自己好耐冇写南区嘅餐厅，甚至不惜放弃十八区 foodie 呢个身份，都唔想花更多时间探索更多偏远区域餐厅。不过又咁讲，我始终唔系综援 foodie，我都要返工做嘢，好难好似综援 foodie 咁咁多时间可以放喺周围揾嘢食度，唯有自己再努力啲咁啦。上次讲南区已经系 1am1276 喺田湾嘅「肥常餐厅」，今次已经系二百篇之后，嚟到鸭脷洲西邨街市食呢间烧味茶餐厅。见佢哋都整定几多烧味摆喺度，即系意味住平时都多人揾佢哋买烧味。我入去见到有「下午茶」，咁就睇吓有冇下午茶餐系有烧味食啦。有㖞，我叫咗 $40 嘅「招牌烧鹅汤濑粉」，加 $3 饮「冻柠茶走甜」。估唔到都唔错，难怪几乎每个客都系食呢款，侍应都有推荐畀客人食。佢哋仲有卖甜品，我叫咗碗 $8 嘅「豆腐花」，味道都正常。埋单 $51，个人觉得几抵食，不过咁远就系咁上下啦。。。（地址：鸭脷洲鸭脷洲桥道322号地下西邨街市ALC05-07号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am南区 #鸭脷洲 #海怡半岛 #烧鹅日常 #下午茶 #招牌烧鹅汤濑粉 #冻柠茶走甜 #豆腐花 #1am1476 #1ambackup
继续阅读