影片
以上资料只供参考，请与餐厅确认详情
影片
相片
+28
帮衬过呢间野几次，次次我都有赞佢好食，今次帮佢宣传下啦😂首先佢个牛丸系无敌，必须要食，总之就系正宗潮式牛丸，有肉汁，12蚊串抵食盐烧鲭鱼廿皮一条又系平到离地，仲有照烧汁跟，离晒谱鸡中翼18蚊两只略贵，食落直头就系去烧烤场食果种味，好有本地风味，我自己就相当岩食，唔算好抵但值得试岩岩新出既糯米酿鸡翼，价钱正常，味道普通🤣烟肉车厘茄，重点推介！车厘茄烧到入口即化，配搭烟肉既焦香，好有一体感，系完成度好高既一道菜式👍自家制沙嗲酱同咖哩酱都好高质，真系酱状唔会好稀趁佢仲系拍乌蝇状态要食多几次，迟下应该会好旺🤣
继续阅读
早上星期行过路德围见到间$12串烧店就想试下 试完真系觉得好正宗好味 特别系个汁 串烧真系最重要个沙嗲汁 做得好出色有辣有唔辣 最强潮汕牛丸 老板大方$12 可以有3大粒 配上秘制酱汁 食起黎爽口弹牙 饱满牛肉味 串烧猪颈肉特别腌渍甜中一小小辣 自家制沙嗲汁想不到的配搭 沙嗲汁同咖哩汁系每日老板早上即炒香 我相信大家都系为了酱汁而到访 即烧奶油猪使用上乘新鲜当地面包牛油+奶油即烧好味到令人惊叹 口水直流必试*唔明点解无乜人帮衬 个个都系隔离买鸡蛋仔
继续阅读
荃湾区真系好多串烧店，一鸡死一鸡鸣，但十间有九间都系川式，全部都系孜然味，淘宝科技粉末全开，所有野都系一样味反观我地本土以前既街边沙嗲汁串烧，就买少见少，好似失传左咁，最近发现呢间新开既烧记就食到呢种「儿时既味道」🤤呢度有老板声称自家制既沙嗲同咖哩酱，唔系讲紧好唔好食，重点系充满街头风味，配得起「港式」两个字👍牛丸质素最高，鸡颈肉同羊肉都唔错，其他一般，每一款都有应有既肉味，价钱非常平，性价比好高
继续阅读
本次消费：咖哩鱼蛋$12/8粒鱼肉烧卖$12/8粒间野响路德围停车场对面，非常唔当眼，有串烧有饭有鱼蛋烧卖，系典型既港式小食店。我只系路过买左兜鱼蛋烧卖，同我想像中既好唔同，佢淋左一大pat咖哩酱上去，系真既咖哩鱼蛋。个咖哩酱应该系佢自己整，有大量香辛料味，浓香惹味，质地似巴基斯坦咖哩，辣味复杂，非常有特色，下次会试下串烧。另外见到餐牌有扒饭$30个好夸张，唔知系迷你饭定系点，揾日lunch试下。
继续阅读
有次去左荃湾揾朋友，经过见到呢间串烧铺新开（喺正妈咪鸡蛋仔格离）🤡肚仔又饿，鸡蛋仔有排等㖞～唯有食住串串烧医左个肚仔先😆😆😆见到d串烧 呢样又想食果样又想食唔觉意叫多左几串🤣好彩都系十几蚊串，如果唔系就要等朋友过黎找数🤣🤣🤣叫左潮汕牛丸、烟肉车厘茄、午餐肉、仲有当日special（唔on list但喺雪柜）嘅花枝丸同杏鲍菇有得拣唔辣嘅沙嗲汁/辣嘅咖喱汁15/16 唔系好食得辣嘅我唔知叫辣唔辣好🤣但因为我叫左几样野食，个老板就话两只汁都俾d我试下🤣个沙嗲汁好正！如果辣dd会再惹味d🤤🤤牛丸超juicy，爆汁好好食😋😋😋烟肉车厘茄系是日MVP ，大乡里第一次食呢个神奇组合，原来系咁鬼夹！争d想encore多串😋烧午餐肉原来都几正其他就正正常常 佢地烧得几好，唔会干～～决定下次再试埋餐牌其他野🤡
继续阅读