燒肉LIKE (信德中心)

营业中

休息中

小女子突然想食燒肉，又唔想食任食嘅太多，所以揀咗呢間餐廳，有得揀一人嘅燒肉set，而且剛好有個set有8款肉，可以滿足到咩都想試嘅吃貨LIKE ALL STAR 和牛套餐$128配和風湯同迷你沙律加白飯(份量可以自己揀)(牛五花，牛舌，日本產和牛肩胛肉，雞腿肉，豬五花腩，豬上肩，牛小排，牛板腱）呢個set主要係有多款唔同嘅肉類，不過除咗牛舌有5片，其他每款都係1片，和牛嘅油脂豐富，而且分布平均，真係有少少入口即溶嘅感覺另外比較有驚喜嘅係豬上肩，肉質好軟熟，唔會燒耐咗就變韌，其餘都正常質素，另外佢有8款調味料，而小女子覺得加原味BBQ醬或者蒜香醬油都好好味，加適量海藍同黑胡椒令牛肉嘅原味更加突出牛五花和豬五花腩套餐200g$78配和風湯同迷你沙律加白飯綠茶(跟餐加$15)呢個set得兩種肉類，但係按克數份量真係比較多，想食飽d嘅朋友建議揀呢種有重量標示嘅餐呢間燒肉都幾多選擇，而且價錢算大眾化，唔洗$100都可以食到，加上一個人都唔洗驚尷尬一個人又想食好d都可以考慮呢間

I have attended lunch there before study, the promotion was great on every Monday and so attracted a lot of comers here. So I earlier arrived and get my solo seat; however, the QR code scan to order food seems not work😣 the waitress assisted me to make order CORRECTLY👍🏻👍🏻👍🏻 I would to admire 3 important issue:1. Clean and tidy layout and environment2. Safe fire to BBQ and Smokeless BBQ stove is much much better than in Seoul 基本上係冇得揮兼跑贏幾條街3， the various sauce offered there are very delicious espe

今次同個friend去咗食呢間日本嚟嘅過江龍燒肉LIKE 成日聽到朋友講話好食又抵食，咁高CP就真係正到痺呀 我哋平時出名係食肉獸，見到佢新出嘅套餐優惠，即刻急不及待嚟食返餐~🤩南非和牛肩胛肉三重套餐講真塊和牛肩胛肉真係幾靚～果然係M8/9等級喎！一放落個爐度燒就吱吱聲，啲油花爆晒出嚟，入口真係可以話juicy到爆，肉味夠晒濃呢～個餐仲有牛舌同牛五花，三款唔同口感一次過滿足晒 我仲忍唔住加碼升級咗個「LIKE牛肉飯」+溫泉蛋，碎肉伴溫泉蛋真係一絕 夠晒飽&滿足👍🏻牛小排＆牛板腱套餐我個friend叫嘅，佢話牛小排燒到少少焦香最正，配白飯簡直無得頂。我就偷咗佢啲泡菜嚟食，酸酸辣辣好開胃～🍭班戟配牛油楓糖漿🍭最正係個甜品，做緊優惠每份只係$12～ 放入個爐睇住嚿牛油慢慢溶化，再淋糖漿嗰下真係治癒～ 班戟熱辣辣，外脆內軟，甜度啱啱好，食完仲想食多件🤣成間店嘅設計好日本feel，每個單人位都有自己個爐，唔使同人爭。雖然話係一人燒肉，但同friend一齊share都幾開心~

我一家去食飯，我小朋友坐入面，送餐姐姐一手將個盆有飯有湯有肉有前菜，放去入面給我小朋友，之後成碗熱湯倒落我小朋友個邊，我當然好擔心會盪親，個服務姐姐沒有一個道歉，只係講左無事無事，之後我就好嬲，點解可以咁唔小心，你可以行入去放好，而唔係一手伸入去放，唔夠力就唔好勉強，有冇顧及客人安全，好彩小朋友避得切，如果再細個d嘅小朋友唔識避，後果可以好嚴重，之後我好嬲咁鬧佢地唔小心，先再有人過嚟道歉，真係好有問題好過份！希望貴公司注意食客安全，畢竟好多小朋友客人！

 - 燒肉Like!Yakiniku Like平時食日燒動輒位位500元，如果食靚少少和牛，上到成千一個都唔出奇。今日去到呢一間由日本傳奇老闆西山知義開啟嘅平價一人燒肉，完全令平時社恐都可以試到燒肉嘅滋味。唔講唔知道，西山其實仲係牛角嘅創辦人，餐飲帝國樣樣都有質素保證，今次都唔例外。今日點嘅係超過分，300g 五花肉Set 有埋紫菜鰹魚飯，餐湯呢個量既肉，埋單唔洗$150，極度離譜亦都極度抵食！！既然佢都係牛角同一個集團可以想像其實就算係平價肉，都唔會差到去邊非常推薦大家諗唔到食咩嘅時候過嚟拆返餐🤗🤗🤗🤗

今次嚟試一人燒肉，係指一人一爐，套餐全日供應，我哋因為鍾意食肉多過飯，所以叫咗一個餐再散叫三款肉，散叫肉有成300g，比餐多一倍份量架，而價錢都係差唔多。🥢LIKE套餐 $118 ⭐️⭐️⭐️有牛舌、牛五花、橫隔膜肉三款肉，三款肉都一般啦，將價就貨係差唔多，另外飯可以揀多份量都唔駛加價，咁我哋想食芝士咖喱飯，所以加咗$12，係即食咖喱包味道。另外散叫咗三款肉，我覺得三款都好味，特別係壽喜燒牛五花，醃得入味肉又唔太肥。🥢壽喜燒牛五花 $40 ⭐️⭐️⭐️⭐️🥢豬五花腩肉 $30 ⭐️⭐️⭐️⭐️🥢豬頸肉 $48 ⭐️⭐️⭐️⭐️二人共消費：$248

我今日去食燒肉，用信用卡落完單，留左email先，click埋email收單據，送出左張單先發現留錯左email address 。所以即時問男店員email會唔會有信用卡資料，佢答我唔到話搵經理幫我。跟住餐到我都未收到回覆，於是再問嗰位男店員，佢話搵經理過嚟同我講。如是者我餐都食完，個經理完全冇出現過，我再問過另一位阿姐，阿姐話經理唔知行左去邊。於是我就坐低响度等左大概10分鐘，個男店員想收餐趕我哋走嗰陣，就‘好似’醒起我仲係度等緊佢個經理，經理ka Ling於是行埋嚟問我咪事，我就再重覆同佢講我嘅問題，佢就話幫我去問下先！我其實由點餐嗰刻到食完，佢哋都冇人跟進過。再等5分鐘左右，經理問左分區經理先回覆到我嘅提問！

五個人中午來食燒肉，只見最大只有四人枱，我哋唔介意逼吓。各人按食量口味點咗自己份套餐，有獨孤一味牛五花嘅，有樣樣都想試嘅多種拼盤，包括經典牛板犍、牛脷同新款墨魚片。今日冇人想食辣就點晒配菜係沙律（而唔係韓國泡菜），加埋煙韌珍珠米飯（個別有跟溫泉蛋）、和風湯。就算同樣係牛五花，呢碟偏瘦，嗰碟白雪雪肥到不得了；一邊靜靜哋噉燒，一邊燃起熊熊火焰超有氣氛。墨魚燒完食落爽脆可口，配埋沙爹醬都幾夾。有人覺得唔夠喉，要零舍加多一碗白飯同另上一隻溫泉蛋！鍾意呢度有好多種唔同嘅醬料去配燒肉，款款都唔錯。但係櫃桶就搵唔到必用嘅濕紙巾。入座之前講明淨係食得一個鐘，不過入座之後因為唔算太多人都冇人再提過。服務算係週圍都差唔多嘅Hong Kong style，多少有啲chur。能夠快快脆脆，燒肉食到飽，跟埋飯菜湯好均衡，而且樣樣都幾好味（幾時嚟都係呢個水準），形式上一個人嚟食都唔覺得悶，人均消費百零蚊......贏得唔少回頭客。

聽講我最鍾意嘅一人燒肉餐廳《燒肉LIKE》推出全新「墨魚&牛五花&牛板腱配剩沙醬」 套餐，我即刻去試吓😍😍墨魚片以「燒肉 LIKE」秘製醬料醃製，灑上紫菜碎，好鮮甜！肉質清爽，厚切得嚟唔會好難咬，反而係好meaty🥳沾上咖哩同椰奶煮成嘅喇沙醬，配搭新鮮💖嚟到緊係要食牛五花同牛板腱，軟嫩多汁，一樣出色🫶有牛當然叫埋其他肉類，豬軟骨好juicy好香脆，油脂感令人勁滿足。燒嘅時候香氣滿溢，食完一嚿又想食多嚿，停唔到。叫咗一個LIKE 芝士咖喱飯，好有日式風味。另一個飯升級咗做必點嘅紫菜飯，蛋黃撈飯超滋味，食牛必叫！前菜、湯份量足料，性價比超高嘅選擇🎉

一間上環店喺信德中心，一個旅客一落船地方竟然有咁樣服務質素!唔講個舊肉瘀瘀黑黑都視覺很差仲要食落去有臭味。我地同個阿姐講，佢一句：［我賣左成日都無問題喎。］跟住就走開! 其實咩態度呢？香港有你呢d服務態度唔怪得話死寂囉!咁大間集團無Training？咁簡單的事都唔識處理？你地集團嘅快餐店職員應該都識即時處理及反應喇!你地燒肉Like 仲要高級少少過佢地!不如呢個阿姐去返集團快餐店重新再學下待客之道喇! 唔該信德分店高層及分店經理認真調校返呢個阿姐喇!最後比我同佢講你咁樣服務態度都得，而家個客同你講話臭。你理都唔理？？？？好有問題的一個阿姐，應該係半高級又未係好高級的一個阿姐。無睇名，但分店搵我認人一定認得!

下班後想吃燒肉，又只有一個人，就去了適合單人食用既燒肉like。去的時間尚早，不用等位就直接入座。店內的抽風系統做得不錯，沒有一般燒肉店的油煙味，環境乾淨整潔，不會感到油膩。我坐下後點了牛五花300克套餐（包括白飯300克和迷你沙拉）。這個份量讓我感到很滿足。至於肉質，牛五花的肥瘦比例恰到好處，燒烤後再搭配不同的醬汁，鮮味十足，真是一絕。

今日中午我哋去咗上環嘅信德食飯。呢度嘅套餐價錢都幾扺食,大概係$80-$150之間。我哋點咗牛五花套餐,除咗有白飯同湯水之外,仲有沙律，我仲加錢upgrade 埋個飯真係好好玩啊!燒肉咁樣自己控制程度,做出一啲個人味道嚟。加上有湯水同沙律配搭,感覺幾健康均衡。套餐性價比都算高,味道都幾唔錯,整體用餐體驗幾滿意。

燒肉Like呢間，啱啱開到來香港已經有食，因為如果約唔到人，又想食燒肉，佢係獨食嘅最佳選擇，呢間過江龍，真係好好。佢有6款燒肉醬揀，日韓風味都有得揀，咁應該點樣揀自己鍾意嘅味道呢？我自己就攞支匙羹，逐支醬料吱1滴落去，試到自己鍾意嘅味道。最終都係蒜蓉醬油／辣味噌醬，最啱我口味。今次揀咗牛五花200g套餐，再追加1份雞腿肉100g。牛肉份量超足，以致我覺得100g雞肉好似好少咁。牛五花牛味可以，肥瘦雙間，所以肉質都軟得來有咬口，加埋醬真係好好味。最後追加咗嘅雞腿肉，就有雞皮嘅，烤完都唔會乾爭爭，幾香。呢間對比其他單人燒肉算幾好食，昭重要醬汁好多選擇。

每次去附近釣魚，搵晚飯食時都會經過呢一間餐廳，而每次都因為時間不足而匆匆走過，到之後有時間但間餐廳已經last order🙈今次終於提早咗出門口特登去試一試🤭like套餐 150g $108本來我就唔係咁鍾意食牛舌，但係想食橫膈膜肉又冇乜套餐可以選擇之下，唯有試一試🙈之前因為未食過，所以都唔敢嗌250g，食完之後就後悔早知嗌大份啲😂😂幸好橫膈膜肉真係超晒班完全冇令我失望🤩🤩充滿肉香帶有少許油香，橫膈膜仲完全唔韌得來又有咬口🤤而家諗返起都流晒口水至於牛舌薄切都係基本發揮，牛五花喺橫膈膜肉相比之下，就算幾出色都係稍微失色🤣套餐已包一碗白飯、湯同泡菜或沙律，我就好似加咗錢要木魚絲加生雞蛋餐廳資料：燒肉LIKE (信德中心) (上環)上環干諾道中168-200號信德中心2樓270-273號舖

*✲ﾟ*。🎌抵食 A5 近江牛套餐🐮燒肉LIKE有好多間分店 我都係第一次食🤣店內冇油煙味👍🏻平均一個set都係$100-150左右 唔洗加一幾抵食🙆🏻‍♀️最近推出咗期間限定嘅近江牛套餐&單品最平$68起就歎到高達A5級嘅和牛😍我試咗近江牛套餐總共有100g近江牛肩肉、赤身、胸腹同美國牛五花 🫶🏻呢個價錢可以食到佢哋專誠由日本入口、極稀有嘅近江牛 CP值高所有套餐包咗白飯、和風湯、沙律/泡菜近江牛油花分佈均勻😍食落口真係正 啲肉質柔軟 🤤另外我仲加配咗最新期間限定、色彩繽紛嘅韓式拌飯🌈配料有胡麻菠菜、泡菜、 木魚絲 、紫菜碎同生蛋黃加埋韓式辣醬 非常惹味😋和牛LIKE套餐份量多啲男仔都夠飽😆有150g牛肉 (牛板腱、牛舌&和牛肩胛肉)-✨ 近江牛套餐 ($128)✨ 韓式拌飯 (+$28)-📍 燒肉LIKE @yakinikulikehk▫️新界天水圍天恩路 12-18 號嘉湖二期地下 G22-25 號舖▫️旺角太子道西 193 號新世紀廣場 L3 層 301-302 號舖 A 部分▫️北角渣華道 123 號北角匯 2 期 2 樓 216-217 號舖▫️尖沙咀新港中心二樓 210 號舖▫️灣仔