燒夜

话说放工突然好想食串烧，就向附近揾下又比我揾到噃。仲要有惊喜！！一共叫左8样野食，都好快上到菜，不得不提点左个辣金菇，系出乎我预期多 ，成兜满嘅，真心开心左，平时其他舖头叫开金菇系最唔抵，食两啖就无哂，但系今次呢间系绝对满足到我，好食又唔算贵又大兜，老板仲送左个鳕鱼脆片过我试！！推介推介！！！…Read More

舖头开到2:00 嘢食方面我觉得中辣有啲辣，如果唔食得辣，最好叫本身嘅小辣 。价钱都食咗几多嘢两个人先食咗四百几蚊都算叫做抵食，略嫌饮品选择比较少，只有纸包嘢饮同埋樽装。但系嘢食方面味道都叫做唔错，非常之系港式𠮶种串烧嘅味道，会落咗孜然粉同埋辣粉 。错嘅就系佢嘅蚬粉，蚬粉都算几足料，味道亦都唔会话好辣呀，都算叫做系鲜味嘅，啲嘢食都真系即叫即整。所有嘅嘢食呢都似系外卖𠮶种style，全部都用锡纸兜送上。整体嚟讲都算系合乎价值嘅。…Read More

今日同朋友去咗呢一间位于观塘嘅串烧店食饭，餐厅嘅位置方便，只要由港铁站步行一阵间，就可以到达。餐厅嘅食物主要分为几类，一啲系海鲜类，蔬果类，同埋其他肉类等等。整体嚟讲，每样菜式都经过用心烹调，食物几有特色。烧鸡肉串 鸡肉串本身已经经过调味，肉质弹牙，充满肉汁。烧牛舌 大大件又够味烧茄子 配上惹味嘅蒜蓉真系绝配！鸡皮 邪恶必选烧鸡心 好正好正好正好正~~~~~~~~~~~~~~~~~~~~~~串烧即叫即烧，食到焦香及火喉…Read More

一个让人流连忘返的烧烤餐厅 营业到凌晨鱿鱼须外焦内嫩，嚼劲十足。再来是蒜蓉烧茄子，茄子的鲜甜在蒜蓉的衬托下愈加突出。串烧豆卜 外面卜卜脆，口感丰富，经过特别调味后，更是美味十足！！…Read More

睇住呢两盒热辣辣、香喷喷嘅犯罪证据，我个口水都忍唔住流晒出嚟，简直系我深夜放毒嘅最高境界！首先拆开第一盒，𠮶堆闪令令嘅串烧！哗！一打开个锡纸盒，𠮶股浓郁嘅烧烤香气即刻冲出嚟，引诱我犯罪！几只金黄色嘅鸡翼烤到油光发亮，上面仲洒咗啲白芝麻，睇得出师傅烧功一流。我急不及待拎起一只，咬落去，哇！外皮焦香脆口，入面嘅鸡肉仲保持到鲜嫩多汁，腌制得够晒入味，咸香中带点甜，配埋阵阵炭火香，简直系销魂！隔离仲有几条肠仔同埋啲蔬菜串，食肉之余又可以「伪健康」一下，减轻罪恶感，高招！呢盒串烧绝对系我今晚嘅「宵夜主打」，边煲剧边食再嚟睇吓第二盒，𠮶个铺满芝士嘅诱惑！「芝士焗茄子」！睇佢个样，芝士熔到好似瀑布咁铺晒喺茄子上面，金黄色中带点点烤焦嘅痕迹，邪恶指数爆灯！未食已经feel到佢个软绵绵嘅口感。一啖食落去，茄子嘅清甜同芝士嘅咸香完美结合，口感丰富得嚟又超级creamy，真系令人食到唔想停！呢个简直系宵夜嘅甜蜜负担，食完我都唔理啦，今晚肥死都抵！下次会继续肥落去！…Read More