影片
今日叫个凉瓜鱼块饭.豆腐火腩饭（黎到错单变豆腐鱼块).黎到凉瓜鱼食一啖已经知唔系鱼.连豆腐鱼都系.打落去问佢系咩黎.佢坚持话系鱼块，唔紧要我影埋相比佢.过左15分钟无回覆.再打落去.一个伙记堆一个.结论话师傅搞错左..其实系鸡.心念鸡同鱼都搞得错咁神奇.仲悔气大声地叫我落去退钱(有录音).其实上星期已经食过一次已经系咁.我当你搞错.今日隔左成个星期都系咁.有可能吗.摆明系鸡肉上粉.落去退完钱之后佢又ws 我话今日无卖豆腐鱼.问我系咪第二度买.大佬呀我有单架..错咪错啰坳咩..你咁样做生意..好难有下次
继续阅读
今日心血来潮，谂住买个烧味饭食下，行过见到间铺都算干净，入面就系佢哋整烧味嘅地方，跟住见到谂住收得四十八蚊双拼饭应该都有返咁上下质素，点知啲烧肉肥到痴线，得油脂味，冇肉味，好似食紧一旧完完全全嘅脂肪咁。油鸡阵味又系难以形容，同正常𠮶啲阵味完全唔一样。同埋佢旧烧腩骨就系有骨嘅烧肉，又唔系特别香，纯粹多一旧骨，咁都好意思攞出黎做招牌卖多二十蚊。跟住例汤又系难饮到呕，个样好似好多料咁，但系一饮落去就系有少少味道嘅水。咁样收一个双拼饭就收四十八蚊，建议过隔离食和顺记好过。
继续阅读
烧味工房都算系我同同事嘅食堂，出名烧味好食，但其他野食都十分有保证，疫情嘅关系我哋都会转买外卖返公司食，可以WhatsApp落单，直接去拎就得啦， 十分方便今日星期三，我拣左G餐，豉汁蒸仓鱼配饭+热奶茶，我钟意佢嘅鱼系成条上，火候控制得非常好，刚刚熟十分嫩滑，蒸熟后洒上芫荽及葱，然后再淋上豉油，卖相十分吸引，而且佢既豉油系自家制过，用来捞饭食超好食😋佢嘅热奶茶亦十分浓滑，每次都必定叫奶茶，无论冻热都一流
继续阅读
叉烧老过我伯爷 嗌个双拼叉鸡 啲鸡就得两三旧 仲要啲叉烧一旧大一旧细 依家玩大细呀？啲饭又烂又唔好食 比几十蚊食埋啲垃圾 食来都把鬼 真系呃钱 又贵又唔好食 真系差中之差 如果想嘥钱可以去
继续阅读
由入座计算十分钟完成一顿午餐，真系香港人最紧要快。今晚跟同事去油麻地烧味工房食午饭，疫情期间座位舒适阔落，睇完餐牌我们各自都点了双拼饭。👍🥢叉烧烧肉饭 $60叉烧出名当然必食，油香腍滑入口松化肉汁丰盛，果然必食。😋烧肉皮脆肉香中层肥膏不算油腻，饭有米香非常满意。😋遗憾是吃完碟饭想慢慢叹杯茶落一落格，有位中年胖哥帮我哋收碟，抺台之后不断在我们附近游来游去，我杯茶喝了一杯放在台上，他竟然问：唔要㗎啊？😓无言....😡都明白香港地舖租贵，但 $60 十分钟午餐计落我仲贵。
继续阅读