㷫烚烚

今次試下比較新開嘅雞煲大閘蟹放題，仲有蒸海鮮、蟹粉小食同甜品， 非常豐富。1️⃣🥗前菜 - 雜菜沙律同麻辣皮蛋2️⃣🍢大閘蟹蟹粉小食任叫蟹粉水餃/牛丸/蝦丸/蟹粉多春魚/時蔬，上面會有少少蟹粉。水餃同蟹粉最夾，非常飽滿。 蟹粉粥比較飽肚，留到最後先飲，仍然帶微温清甜，食完寒涼嘅大閘蟹，飲下暖下胃。 糯米飯份量比較多， 油香偏硬。 3️⃣🦀清蒸大閘蟹放題可以揀蟹公或蟹乸， 3兩至4 兩，兩個人每人食咗幾隻，有啲會爆多金黃滑溜蟹膏，原味道同熱食係比較吸引嘅。 88分鐘任食輕鬆回本啦！另外，每人會有麻辣 / 鹽焗 / 玫瑰露花雕醉大閘蟹 各1隻，麻辣有啲遮蓋蟹味， 鹽焗比較鹹，花雕酒香冷食。 4️⃣🥘香辣蟹油雞煲 可以自選辣度，雖然叫咗少辣，但辣度幾有後勁。 雞肉細細件但少骨同入味， 豆卜超多，吸收曬啲辣味，仲有啲紫洋蔥同芫荽。 5️⃣🦐時令海鮮每日新鮮直送，用上荷葉墊底蒸嘅海鮮帶出淡淡荷葉香 ，用料多款式，扇貝、蟶子、鮑魚、大蝦同魷魚 ，最欣賞係鮑魚夠彈牙，完全唔韌。蟶子同大蝦都幾大隻，夠鮮味。 中間放咗蒜蓉烏冬， 煙韌同海鮮幾配。 6️⃣🍨甜品雖然甜品只有鮮奶桃膠，但係食到呢度已經差唔多全飽。 甜度啱啱好，桃膠份量多到每口都會食到。 🍹飲品： 餐廳有自家薑茶同梅子花雕酒。飲品櫃仲有自家製嘅竹蔗茅根、檸檬薏米水、雞骨草、五花車同紅棗黑糖薑茶，全部都好足料。特別要試下竹蔗茅根鮮甜，好似平時火鍋飲開一榨嘅飲品。…查看更多

今年食咗幾間大閘蟹放題，我首推「㷫烚烚」大閘蟹雞煲放題👍👍 㷫烚烚嘅大閘蟹水準真心高，原來佢哋背後係香港好出名嘅「大閘蟹教主」大閘蟹供應商，難怪啲大閘蟹咁好味啦～😍佢哋除咗有傳統嘅清蒸之外，仲有花雕、香辣同鹽焗，我個人最鐘意鹽焗同花雕😚😚 真係食極都唔厭～而且啲蟹隻隻爆膏，我真係覺得好滿足好幸福😌😌😌細細聲話你知啊～佢哋有做大閘蟹送貨服務咖。今日落單，聽日就可以送到上門😚 大家想食蟹記得揾「大閘蟹教主」 落單啦～食蟹之餘，千祈唔好遺忘佢哋嘅蟹粥，啲粥煲到又綿又稠，加上已經煲到溶咗嘅蟹膏，呢個粥我同閨蜜一碗接一碗咁清咗成煲😂😂喜歡食熱氣嘢嘅朋友仔，可以試埋佢嘅蟹粉蝦丸同蟹油多春魚，呢2款都係我幾鐘意食嘅小食～😂😂只係怕熱氣，唔敢食太多～反而蟹粉雞煲我就覺得一般般，大家如果胃容量不大，就唔好浪費空間啦～同埋個菜好淡無乜味，建議唔需要試😂大閘蟹係有季節性咖，最肥美就係呢2個月啦，想瘋狂食大閘蟹嘅朋友仔，要襯早預約啦～🥰🥰…查看更多

🍲C All Star釗鋒、King進軍飲食界！㷫烚烚任食雞煲邊爐海鮮🦪 而家仲有大閘蟹放題🦀！睇釗鋒ig見到佢同King進軍飲食界，喺旺角、油麻地呢個競爭激烈嘅地方開咗任食火鍋、雞煲店🐥，即刻嚟試吓佢🥳🦀 88分鐘任食大閘蟹中蟹餐 四至五両 $569 (19:00 前/21:15入座）我同家姐今次嚟食大閘蟹任食套餐，除咗有大閘蟹任食，仲有各秊火蟹粉、蟹肉小食😍 大閘蟹方面都係有四種味道👅，清蒸、麻辣、花雕玫瑰露、鹽焗，全部任食！🦀 大閘蟹啲蟹全部大大隻，仲超多蟹膏😍 我最愛鮮甜嘅清蒸、香噴噴嘅玫瑰露🥰🐥 任食雞煲 呢度嘅雞煲都係任食嘅😍 可以揀唔辣/ 小辣/ 中辣，雞肉大大舊又多汁，加上洋蔥更香甜滋味🤤！🦪 海鮮拼盤 最驚喜嘅係有靚海鮮食😍 呢度嘅海鮮係每日市場新鮮直送嘅，有帆立貝、貴妃蚌、鮑魚同鮮魷，全部都加咗香蒜同粉絲一齊蒸，香氣撲鼻！🥙 蟹粉蟹肉小食呢度有超多款任食小食，包括彈牙墨魚餅、麻辣皮蛋、蟹粉粥、蟹粉時菜、蟹油多春魚、各種蟹粉丸類、蟹粉水餃等等，超多選擇😍😍 我最推介嘅係蟹粥，大大煲都勁木香、勁重蟹味😋🦀飲品飲品都係任飲㗎😍 除咗有罐裝飲品，仲有自家製嘅各種健康茶飲🥰 另外仲可以嗌酒類，我哋就叫咗個花雕酒，仲係暖嘅甜，即刻暖笠笠呀🥳…查看更多

我又去食大閘蟹放題喇🦀不過今次唔同😂哩間有幾款不同時段不同價錢放題揀架！我地揀咗大閘蟹四至五兩套餐時間係88分鐘任飲任食(6部曲）放題除了大閘蟹🦀🦀仲有前菜🥘雞煲🐔蟹粉美食🥟🍡海鮮🦐甜品🍧前菜有沙律，辣皮蛋涼拌，粟米餅雞煲我地選咗中辣🌶🌶店員哥哥會幫手炒🔥雞煲可無限食架😋不過我地留肚要食🦀食蟹當然要叫番壺🍶古月陳年花雕啦😂到主角大閘蟹出場🦀味道有清蒸🦀花雕🦀鹽焗🦀麻辣全部一次過上🤩真係唔可以慢慢食，因為麻辣凍咗就會好油，所以食咗先🌶雖然放題但每隻都爆膏，我就比較喜歡清蒸、鹽焗及花雕，一邊食一邊飲花雕🥰正呀其實自助區仲有好多飲品，本人推薦一定要飲佢地自家製煲嘅竹蔗茅根，唔會太過甜好好飲👍之後再上海鮮鍋，有鮑魚、聖子、扇貝、北寄貝、魷魚、粟米、瓜類、面上仲勁多蒜容粉絲🧄比貼士大家🤭時間有限🕢食緊海鮮時；快啲再點定多幾隻大閘蟹🦀同一定叫點埋個蟹粥,哩個蟹粥冇得頂😋又綿又多蟹膏🤤其它蟹粉美食都係任點，不過食完蟹粥已經飽到上心口🤣最後甜品係椰汁桃膠，真係非常足料🤗哩餐真心滿足👍大閘蟹當造季節，快啲book定位食餐勁😋😋仲有依度各店員都好nice架…查看更多

旺角|㷫烚烚.一次過可以滿足三個願望‼️‼️✴️可以同時食大閘蟹+雞煲+蒸海鮮盤✴️睇完係咪覺得好爽呢，係咪想食呢😂.大閘蟹季節又到，比我發現旺角㷫烚烚有大閘蟹食，由大閘蟹教主提供，品質有保證。88分鐘任食四款大閘蟹，原味清蒸、花雕、鹽焗、麻辣，仲有其他小食提供，記住留肚過嚟擦餐飽😎.價錢由$479起，分不同時段有優價，三至七兩價位大閘蟹任君選擇，今年步入10月啲大閘蟹已經好蟹膏同肥味，找緊機會盡早同大閘蟹有個約會啦😂.🔺我記揀左$589/位，4-5兩隻慢慢嘆，唔覺唔兩個人食咗十隻🤣🤣 隻隻爆膏😘😘.🔺前菜 - 有三款小食涼拌皮蛋、墨魚餅、沙律，食住等蟹出場😎.🔺小食方面有好幾款，蟹粉粥、蟹粉水餃、蟹粉糯米飯，蟹粉時菜，蟹油多春魚，蟹粉牛丸，蟹粉蔬菜丸，蟹粉蝦丸，我揀左個粥同水餃，個粥原來好大鍋😂😂😂 但好鮮甜好食，蟹粉水餃🥟面頭放滿蟹肉，好滿足😎.食完大閘蟹仲有雞煲同蒸海鮮拼盤😎.🔺雞煲我地揀少辣，味道非常惹味，雞肉嫩滑好食，肉汁滿滿😎😎.🔺海鮮拼盤海鮮由市場直送，保證新鮮，今日有魷魚、帆立貝，貴妃蚌，鮑魚、粟米🌽，中間放有烏冬，烏冬吸收晒海鮮精華，再配上蒜茸提升味道，絕對不能錯過😎.🔺仲有陳年花雕、薑茶提供，食完有仲有花奶紅棗桃膠糖水，滋潤養顏😎.餐廳 : 㷫烚烚地址 : 旺角登打士街56號家樂坊8樓802號舖…查看更多

又到食大閘蟹的日子了🦀星期日同朋友係旺角家樂坊食飯，搵左間主打火鍋加季節限定88分鐘大閘蟹放題~餐廳有四種両數可以選擇，我同朋友揀咗3-4両套餐，蟹公會上4両，蟹乸就會上3両半🥢套餐先會上3款前菜，雞煲之後上大閘蟹，最後再蒸海鮮🦞其間想再添食大閘蟹可以向店員下單，即叫即蒸👍🏻🦀大閘蟹有幾款口味可以選擇：麻辣口味、玫瑰露花雕大閘蟹、秘製鹽焗口味和清蒸口味~除咗大閘蟹仲有好多蟹粉小食，包括蟹粉糯米飯，好惹味出色👍🏻我同朋友都各食了一碗~甜品飲品都多選擇，有手工薑茶芋圓，食完大閘蟹一定要飲返幾碗🤟🏻另加$38還可以任飲古月陳年花雕和青島純新啤酒🍻花雕同大閘蟹幾夾🫶🏻 大家想食靚蟹放題記得訂位先🙌🏻都幾多人食，避免黎到冇位白行一趟…查看更多

秋意起，打邊爐，食大閘蟹就是必須，這次去到旺角的㷫烚烚，又名大閘蟹教主食大閘蟹套餐（$479起），配合醬油蟹雞煲放題，以及無限追加的大閘蟹小食，海鮮拼盤，豐富的甜品也放棄不吃。加上本身環境很寬敞，每個座位之間嘅距離足夠，座位亦有不同的特色，例如圓形嘅梳化枱，場邊梳化位，房間，加上任飲飲品包括茉莉花茶，洛神花茶等等健康飲品，以及加$39 (或2115後送)的古月陳年花雕酒一壺，誠意十足。🔹食物🔹🔸大閘蟹六部曲 🔸($148)每人每次兩隻，當中包括了台式麻辣，秘製鹽焗，以及玫瑰露花雕醉大閘蟹。大閘蟹教主採用的為天然大閘蟹頂級蟹苗，水溫經過嚴格監控，確保冇病冇傷，肥肥白白😝。🔸大閘蟹小食🔸 除了餐前三小碟外，也有八款小食可以無限追加，包括蟹粉粥，蟹粉糯米飯，蟹粉時菜，蟹油多春魚，蟹粉牛丸，蟹粉蔬菜蟹粉多春魚，蟹粉牛丸，蟹粉蔬菜丸 ，蟹粉蝦丸，蟹粉水餃。🔸香辣醬油蟹雞煲放題🔸店員會每隔2分鐘幫你找一次，非常細心，旁邊嘅火爐都非常易用 ，個人認為辣到屬於小辣，但是雞有很多件，只食雞煲都食得飽。🔸時令海鮮拼盤 🔸蒸爐蒸熟大約10分鐘就可以食，4隻大大隻隻扇貝就是焦點。🔹後感🔹店內的大閘蟹放題都是來自優質江蘇大閘蟹品牌，而且另有食環署同食安中心牌照，保證放心。而現場有不同的両數選擇，蟹公由3-4兩(蟹乸3両)到6-7両(蟹乸約四両半)都包括在內 。今次推廣做到年底的12月10日 ，每日中午1430至凌晨0000，以大閘蟹🦀上桌開始計算，限時88分鐘…查看更多

見餐廳新開仲有大閘蟹放題，決定去滿足一下。揀咗3至4両大閘蟹套餐，成個套餐有6部曲，非常豐富：1️⃣ 前菜 - 分別係雜菜沙律及麻辣皮蛋2️⃣ 大閘蟹小食 - 共8款小食，蟹粉多春魚嘅炸漿幾薄，仲有蟹粉粥及糯米飯，幾吸引。3️⃣ 大閘蟹🦀🦀 - 有4種口味，分別清蒸、酒釀、鹽焗及麻辣，亦可以揀蟹公或蟹乸，當日嘅大閘蟹都幾多膏，蟹乸仲爆哂膏，味道鮮甜，鹽焗亦令蟹肉提鮮。而大閘蟹即叫即蒸，我地大概等咗10-15分鐘上蟹，蟹控們要預時間落order。😉4️⃣ 香辣蟹油雞煲 - 雞肉好軟腍好入味，配料有豆卜、紫洋蔥及芫荽，面頭仲有蟹粉，份量唔少，蟹油味道唔算濃烈，而整體雞煲幾香幾惹味。5️⃣ 時令海鮮拼盤 - 海鮮有魷魚、貴妃蚌、鮑魚及扇貝，另外仲有蔬菜及烏冬，水滾後關蓋蒸4至5分鐘。而海鮮上嘅金銀蒜好好味，另外第一次食蒸烏冬，幾特別。6️⃣ 甜品 - 甜品係鮮奶桃膠，甜度適中，桃膠份量幾多。另外餐廳有自助區，擺放多款火鍋配料及飲品，佢地嘅自家製飲品，如竹庶茅根、檸檬薏米水，全部都非常足料！大推！套餐幾多野食，基本上食完雞煲已經飽飽，個人推薦清蒸及鹽焗大閘蟹，可以食到蟹嘅鮮味，餐廳亦有雞煲火鍋任食套餐，同大閘蟹套餐雞煲亦唔一樣，有機會都想試試。😊…查看更多

網上見到介紹呢一間好豐富嘅雞煲海鮮打邊爐任食就拉左朋友仔去食下每台會附送餐前小食啲質素都唔錯然後上枱嘅係雞煲店員會幫我哋調整火候有10分鐘每2分鐘要自己炒一次雞但係由於個爐太熱2分鐘炒一次令到啲雞皮燶咗🥲10分鐘後店員會幫我哋用火焰燒下啲雞都幾特別既但係啲雞仲未熟之後我哋再添食多一次雞煲今次醒目啲每1分鐘校一次自己調細咗個爐比第一次好少少可能我哋叫咗唔辣啲雞如果再入味啲會好啲之後再上咗個海鮮拼盤都好豐富 打卡一流我哋叫咗蒜蓉味不過我覺得啲海鮮好似爭咗少少鮮味之後店員再換上火鍋打邊爐我哋叫咗卜卜蜆煲不過覺得個湯底可以淡番少少可以自助攞飲品 選擇都幾多有自家製飲品但火鍋配料選擇就唔算好多有少量配料可以用QR Code 下單但我哋食到一半先收到個QR Code可能食到太夜 連糖水都冇上到🥲希望下次再去食可以更好值得一讚嘅係餐廳對於慶祝生日都好識搞氣氛全場嘅音樂會換上生日歌 如果想慶祝生日嘅朋友都可以選擇去呢間餐廳…查看更多

🍂踏入10月大閘蟹季節🦀 見到IG post有新嘅火鍋店供應大閘蟹放題 諗住試新嘢🤤9:15入到去 坐低後問我哋想要咩size嘅大閘蟹今日分別供應細size三至四兩/中size四至五兩我哋揀咗中size🤤揀完後Step 1嚟咗兩碟前菜 分別係辣味螺肉同椒麻皮蛋 味道同其他放題嘅質素差唔多 Step 2大閘蟹小食可以for任叫 有蟹粉水餃/牛丸/蝦丸 全部都係食物上面有少少乾身嘅蟹粉 唔差但有啲普通😮‍💨 強烈推薦必食蟹粥！！成個粥金黃色 做到其他放題整唔到嘅鮮甜味 每啖都食到蟹肉絲 推☺️Step3 有三款口味嘅大閘蟹可以選擇 分別係麻辣/鹽焗/酒釀 我哋揀咗麻辣 嚟到個賣相係見到有炸過隻蟹 麻辣味都幾出 但因為係炸過 所以啲膏係實哂 基本上食完蟹蓋同有炸粉既膏 蟹腳一咬就碎 其他位得好少蟹肉 之後又加咗兩隻清蒸大閘蟹 一嚟到係偏細隻 有啲好奇 到底係唔係四至五兩嘅size 不過我哋冇追問 試咗質素先🙂 食完第一隻 staff過嚟問質素如何 因為佢哋都係第一次入蟹 想知客人食後感 我哋回答都ok 味道唔錯 佢哋提我哋如果食到有問題既要講 staff都好貼心俾晒濕紙巾同多幾對手套俾我哋🩵我哋再加左兩隻蟹 因為佢order一次都要10分鐘左右先會嚟下一轉 咁可能staffs覺得我哋都比較鍾意食蟹 所以今round 一次過嚟咗六隻大size啲既蟹 我見到都好驚訝 不過覺得質素應該都唔會差 因為啲蟹油流晒出嚟 應該好多蟹膏(ff😂) size大咗 但係味道反而冇細蟹鮮甜點知食到第二隻蟹 一打開個腮位係灰黑色 我仲同男朋友講笑 係咪吸咗廢氣🌫️😂 當時蟹粥係未食晒嘅 咁我就將啲蟹膏畢落碗粥 諗住會更好味 食第一啖即刻心感不妙 點解會有腥臭味？再食下蟹肉 濃烈嘅腥臭味充斥整個口腔 我立即同問過我意見嘅店員反映意見 佢表示唔好意思會換一隻蟹俾我 然後另一個店員走嚟我身邊 話另一隻都可能會有問題 咁我聽到當然覺得奇怪 就問佢你點睇得出有問題？ 佢話你開咗先咪知 咁我都唔過問 但當時未諗住食第二隻 因為第一隻食完有少少陰影 諗住唞唞先😮‍💨 呢個店員就一直企我隔籬 催促我開隻蟹 似乎好心急想知隻蟹係咪有事 咁我開咗見到腮位都係呢個顏色 同埋聞落都有啲腥 咁佢就即刻收咗隻蟹話換過隻 但當時已經唔想再食 因為兩隻大嘅都係咁 之後我就話換一隻得啦 最後換咗隻細size 味道冇問題 起碼冇腥臭味先 Step4 香辣蟹油雞煲 只會嚟一次 有個Timer 上到枱要煮8至10分鐘 味道普通 唔太impressStep5 時令海鮮拼盤 其實一心諗住食蟹 完全遺忘咗有海鮮 同樣上到枱要蒸一陣 但係海鮮口感似橡筋 唔係太咬得爛 清蒸就冇咩味雖然有啲蒜蓉係上面 呢個視乎個人口味同口感Step6 桃膠燉鮮奶 味道唔差 啲桃膠都好大粒 應該就唔係燉鮮奶 燉鮮奶應該係固體 但呢個係拌鮮奶 係普通桃膠加鮮奶🥛88分鐘嚟講 如果淨係想食蟹都夠時間 不過價錢就唔係太抵 因為食唔到呢個價錢應有質素嘅大閘蟹🥲🥲。希望之後有改善。…查看更多

又到咗食蟹嘅季節，今日搵到間餐廳可以食大閘蟹放題同蟹粉小菜之外，仲有辣雞煲同蒸海鮮！！！我fd一口氣食咗八隻😂聽講之前有人食咗廿隻，大癲！大閘蟹四式，清蒸、鹽焗、酒釀、香辣，四款當中鹽焗最好食😂食得出係新鮮靚蟹多膏。佢地唔止有自家薑荼提供，試埋梅子花雕酒，加咗梅子入喉順滑帶甜，女仔都啱飲。飯品櫃仲有自家煲嘅竹蔗茅根、檸檬薏米水等等，勁有heart👍🏻繁囂鬧市搵到個寧靜位食蟹，仲有個長露台可以chill下睇下夜景，幾啱打卡。砂鍋蟹黃粥好食到連食咗三碗，辣雞煲份量好足，蟹粉小菜都好惹味，仲有蒸海鮮同桃膠糖水，我食到捧住個肚走。估唔到仲做埋送貨，可以掃QR code同佢地訂貨，極速落單極速送貨上門😂好方便估唔到一個放題有咁多野食，好抵食👍🏻👍🏻😂…查看更多

旺角家樂坊任食雞煲火鍋 佢地主打五步曲 先上前菜小食老火湯 /火焰雞煲/海鮮拼盤/任食火鍋/是日甜品 價錢可以睇一睇餐牌先.前菜小食 有泰式鳳爪 麻辣涼拌皮蛋 炸魷魚鬚老火湯今日係藥膳湯 成個原盅上 入面有豬骨藥材等等湯底唔油幾好飲 而且湯羹有隔油設計 細心加分.之後上雞煲 佢哋係成鍋用鮮雞件 枱面有個計時器雞件要自己煮10分鐘 每2分鐘反一次😍最後2分鐘可以叫店員加酒點火 相當打卡吸睛最後客人可以落芫荽再炒一炒芫荽係分開上 亦都算係一個細心嘅設計😋雞肉因為係即炒 煮得啱啱好肉質超嫩 幾惹味雞煲可以任添 如果唔夠可以同店員講酒精蒸發後 其實味道分別唔大 多咗少少酒香.之後到海鮮拼盤 呢次選擇咗叫店員幫手蒸海鮮拼盤 有鮑魚 大蜆 扇貝 海蝦 魷魚 蟶子主要係蒜蓉辣椒 調味唔重手 可以感受番海鮮鮮味旁邊有烏冬粉絲粟米 都OK但不是重點要留肚打邊爐食牛肉.之後到火鍋 店員先上一盤牛肉 😍油花好靚 而且幾重牛味如果唔夠都可以自己再點 牛肉豬肉湯底比較特別有⭐️椰子雞湯底⭐️啤酒冬陰功湯底呢次試試⭐️蝦滑烚烚蜆煲👌🏻蜆肉相當鮮甜 釀咗少少蝦滑係上面😋底下有娃娃菜 蘿蔔 湯底幾甜 胡椒香👎🏻但有一隻蜆幾多沙外面有自助火鍋配料區 基本上菜 肉丸 都應有盡有👍🏻丸類幾高質 我會鍾意佢啲 墨魚丸 花枝丸值得一題 今日仲有海蝦放咗出嚟.飲品種類足夠 今日最鍾意係佢哋竹蔗茅根.最後是日甜品有桃膠糖水 都幾好食🙈但任食嚟講甜品選擇算少 .如果鍾意食雞煲 又想貪心打邊爐嘅朋友 呢間幾適合你.#hkfunfoodrecord窮遊香港#hkfunfoodrecord_旺角.#㷫烚烚 (旺角)地址：旺角登打士街56號家樂坊8樓802號舖.⭐️評分：味道：3.8/5環境：4.5/5服務：3.5/5抵食：3.8/5...#飲食 #美食 #優惠 #抵食 #hk #food #foodphotography #foodstagram #hkfood #hkfoodie #hkblogger #hkfoodies #香港美食 #食評 #香港放題 #香港旅遊 #旺角美食 #旺角必食 #週末好去處 #火鍋 #雞煲 #油麻地美食 #任飲任食 #任食 #放題 #海鮮 #香港…查看更多

買左優惠訂購平台coupon , $269+原價加一，total 要成33x 一個人，首先上前菜，有皮蛋，沙律，墨魚餅,一般 ，不過不失。雞煲正常，蒸海鮮普通，火鍋就激氣，得兩種肉可以叫，送果碟和牛係ok ge , 其他自助火鍋料係災難級，成程邊爐主要食菜，講真，coupon 價都俾多左，如果原價就更唔抵。最後食完發現，e ， 完全無上過燉湯同糖水？ 無左其中兩部曲⋯⋯⋯⋯⋯餐廳真心要改善，出面同價位既食物質素高好多。好失望真係。…查看更多

先前發現家樂坊又有間新開嘅邊爐，就梗係要試試。檯與檯之間空間都幾足夠。前菜首先先有皮蛋同沙律兩款前菜。之後就雞煲，每兩分鐘要搞一次，朋友冇留意要搞，我又行開拎嘢，有少少燶咗底，最後店員嚟加酒放火，食落幾滑夠味，好彩食唔到燶味。 其實有得加雞，不過要留肚不了。下一道係海鮮，可以蒜蓉粉絲蒸又或者打邊爐煮，懶鬼就當然叫餐廳煮，味道OK同勝在種類多。呢個係Like餐廳ig送嘅澳洲M9和牛，超靚同埋都有十幾塊，一d都唔兒戲。 配上泰式醬酸酸甜甜幾開胃。湯底揀咗是日嘅紅棗雞湯，幾濃味，就咁烚菜吸哂d湯幾正😋😋牛肉同豬肉片都ok。菜同丸要出去嚟，西洋菜幾新鮮。飲品除咗罐裝飲品，仲有d手沖飲品，例如竹蔗茅根、紅豆薏米水、檸檬薏米水嗰d。甜品是日甜品係鮮奶燉桃膠，幾足料唔算好甜，唔錯。…查看更多

最近發現旺角家樂坊內開咗間新嘅火鍋店，雖然雞煲+火鍋呢啲配搭周到都有，而且經常食，但呢間竟然玩火鍋五個step，從前菜、雞煲、海鮮拼盤、火鍋到甜品，真係好誇張呀～ 一坐低就送上前菜三小碟，沙律/皮蛋/墨魚餅，爽口彈牙，幾有驚喜～ 雞煲可以無限追加，麻辣度亦可選擇，計時3分鐘後店員會幫手倒酒再加火，打開蓋後香氣四溢，淡淡嘅酒香味，雞肉嫩滑多汁，啖啖肉，骨頭唔多，encore咗幾次😜海鮮拼盤要咗蒜蓉蒸，有蝦、扇貝、鮑魚、蟶子、魷魚筒、粟米、烏冬等，全部新鮮，鮮甜，蒜蓉味突出，粉絲吸滿醬汁，滋味無窮！之後到火鍋，蝦滑烚烚蜆係呢度嘅招牌菜，將蜆肉包住蝦滑，創新又特別，入口彈牙，旁邊配上大量娃娃菜，上面灑滿胡椒粉，提升整體嘅鮮甜度☺️除咗肉類之外配料要去自助區攞，美國prime牛口感軟嫩，牛味好重，肥瘦適中，五花腩油脂豐富，任點任食，食肉獸表示滿足😍 蔬菜同丸子嘅款式都好多，個人喜歡腸仔同花枝丸，另外必食魚皮同炸午餐肉，酥脆可口，次次有碟新嘅時候大家都衝出去，好在refill速度都夠快姐😅不得不讚呢度嘅飲品，好多都係自家製，竹蔗茅根、紅豆薏米茶、檸檬薏米水、紅棗黑糖薑茶、洛神花茶、茉莉綠茶、紅桑莓茶、五花茶、薑茶、水果茶等等，仲有多款罐裝汽水飲品，最後記得要留肚食花奶椰汁燉桃膠，超級足料，奶香味濃郁，入口滑順，滋潤又養顏🩷…查看更多