烏蠅館 (九龍中心大廈)

营业中

休息中

今次兩個人食一條烤魚，魚有三款唔同價錢，我地唔想要太多骨，揀左三刀魚魚整體來說係細條但湯底好重味，就算今次朋友唔食得辣，都好好味個人建議食辣，因為真係香口好多另外叫左手工餃子同火鍋麵加料手工餃子係碌熟左先比我地既，可以即食火鍋麵：我係第一次叫，我覺得下次都係叫返寛粉好啲，因為火鍋麵同福字麵公仔麵嗰啲差唔多，個人鍾意啲有咬口啲嘅面多啲整體來講烤魚係好食😋不過大家留意食到尾會湯底會好鹹，就算加湯都一樣😂🤣價錢中高

最近天氣開始涼涼地，最適合食烤魚火鍋等熱辣辣野食，火鍋太common, 周街都有，於是去試烤魚尖東站L5出口行3分鐘左右就到，勁近👍🏻餐牌選擇都幾多，有3款魚，6款唔同味道，有辣有唔辣。店員話三款魚都冇咩骨，三刀魚就肉質厚啲。招牌香辣味三刀魚。 8/10肉質真係幾厚，配個招牌香辣鍋就好夾，魚肉鮮嫩入味，有香、麻、辣三種體驗隨鍋配左3款蔬菜。2個人夠曬食土豆粉。 8/10平日其他餐廳好少見既土豆粉果然有驚喜，冇紅薯粉咁煙韌，但又有少少咬口，適合配麻辣湯底，又容易消化桂花蜜冰粉。 8/10作為飯後甜品，清甜透心涼既冰粉中和左烤魚既香辣。冰粉口感似台灣愛玉，未試過既要試吓！玫瑰普洱。 7.5/10可惜既係玫瑰味比較淡。價錢都相當實惠，人均唔使200，cp值相當高既餐廳，決定會下次再去試其他味既烤魚。

連續兩日去左尖沙咀 今次朋友想食烤魚 話內街有間店舖都唔錯 叫我一試 裝修都幾有古色味道 令人一睇就知係食中國菜烤魚基本上有三種 朋友話多寶魚雖然多骨d但係價錢性價比最高 所以我地都點左配招牌香辣味 如果唔係咁食得辣 可以選小辣程度本身已經有三個配菜 我地另加左一個寛粉 每人都配左一杯野飲解辣😂烤魚上枱後加熱十分鐘就可以食得夾係手魚肉都鮮滑 點返個湯汁少少辣幾惹味 今日配菜係雲耳 芋絲等等 唔好睇少一碟寛粉 份量都已經令人好飽 同埋吸左d湯汁 都有後勁的辣好彩有兩杯飲品解渴 檸檬碟豆花同埋玫瑰蜂蜜 （加奶蓋）平均人均百幾蚊 係尖沙咀黎講都係一個價錢相宜的飽肚之選

米線關注組很多人分享話呢間烏蠅館好味，今日黎開尖沙咀，我身為米線愛好者一於試下呢間新開嘅米線舖好唔好食。店舖位置都有少少難搵，侍應服務態度麻麻，我就叫左酸菜湯，友人叫左麻辣湯，酸菜湯好入味，夠曬酸，麻辣湯就比較油少少同埋有蒜頭，食完比較大味最有驚喜反而係紅糖糍巴，炸得夠香夠脆又唔會overcook.

最近天氣轉涼, 所以同朋友出街食飯都想打邊爐。講起打邊爐，我就即刻諗起呢間烏蠅館，因為之前同屋企人一齊嚟食過都覺得唔錯，所以推介左比朋友。由於同行嘅朋友唔係好食得辣，所以我哋就揀咗唯一一個唔辣嘅湯底-滋補菌湯。一聽個名就覺得好健康，點知職員放低個煲後，湯內鋪滿唔同嘅菇菌，有茶樹菇同蟲草花等等，相信大家隔住個mon都感受到呢個湯底嘅滋潤同養生😂。呢個湯底味道都唔錯，好清新，一啲都唔油膩，最適合一啲減緊肥嘅朋友。另外我哋都叫咗好多食物，有娃娃菜、金菇菜同油麥菜等等，呢啲菜都好新鮮同埋洗得好乾淨，可以放心食用。仲有值得一讚嘅就係佢嘅自家製鮮蝦雲吞，每粒雲吞都好足料，而且調味都啱啱好。最後我哋一行四人食咗大概$1000 ，價錢都算正常，下次諗唔到去邊度打邊爐都可以再嚟。

星期五放工上去食好西！提前有bk, 去到唔洗等，食個半鐘要交檯！舖頭大過想像中，檯同檯有距離，坐得幾舒服！可揀火鍋or燒魚，同行朋友唔食魚，所以食麻辣火鍋！湯底大舊大舊牛油磚，見得到嘅真材實料！湯本身已經好夠味，唔需要再點醬料！但舖頭有準備麻油蒜解辣，想試正宗四川麻辣火鍋可以搵店員拎咗先，點嚟食又係第二種風味！太肚餓，一滾起就掉晒啲嘢落入，影到一部分嘢食！食材新鮮，肉類不過不失，娃娃菜超大份，食落好甜！店員推介貴妃蚌，大大隻，隻隻識開口，有小小沙！韭菜餃強烈推薦，自家製，大大粒，新鮮夠味！土豆粉彈牙，香港少見，必試！本身想飲黑糖珍珠鮮奶，珍珠賣晒，變咗飲黑糖冰粉鮮奶，又幾夾，幾好味！總括嚟講，嘢食高汁，價錢合理，良心舖，絕對值得幫襯！Ps: 太肚餓，又係眼闊肚窄，嗌到成檯嘢，雖然都食晒，但個個捧住個肚走！🤣大家量力而為！

成日聽人講烏蠅館既烤魚好好食，但原來佢既邊爐都唔錯，屬於養生系列既滋補菌湯火鍋出乎意料地好食。 湯底好足料，有大量野菌同埋蟲草，滋補養生之選。佢另外仲有兩款湯底，下次再去試下😁。另外，火鍋配料選擇好多，你諗到同諗唔到既佢都有。今次我哋叫既都偏向素食為主，所以如果你係素食人士，呢度你會有好多選擇。肉類 - 黑豚肉，新鮮，肉味香濃。丸類 - 1、墨汁墨魚丸，口感彈牙，味道特別，有特式，可以試。 2、海膽丸，同普通出面食既一樣，還好。 3、墨魚滑同埋鮮蝦滑，爽口彈牙，有口感。菜類 - 款式選擇多，分別叫左油麥菜，娃娃菜同埋金菇菜，邊爐伙伴，分量多到食唔晒😂仲有叫左其他邊爐配料，響鈴，支竹，生根，風琴豆腐串，同埋紅薯粉。佢地既價錢大多數都係$28-32，打邊爐呢啲價位真係好抵食，所以都無睇價錢甘叫左好多，最後都係食唔完，因為分量比想像多。另外，推薦叫四川酥肉，炸到好脆又唔會乾，就甘食或放入邊爐都可以，呢個真係好食。野飲都好有驚喜，特別係黑糖系列，基本上每一台都會叫，確實係火鍋店的驚喜。呢間野平日既人都唔少，不過餐廳都算幾大，但如果要食最好都係先boo

#黃店 💛 呢間一直都係我好中意既餐廳 不斷回頭 已經係第四次嚟食 由佢喺樓上舖食到搬去地舖👅 每隔一排就會好掛住佢地既冒菜 每次都唔會令我失望🥰/ 單人A餐 (任選六款) 🌟$50+$5🌟冒菜其實就係好似車仔麵咁自己揀餸 類似麻辣燙咁 而呢度既餸都有好多選擇👍🏻 今次叫嘅單人A餐可以揀六個餸 叫左娃娃菜 芝士腸 風琴豆腐 雞翼 肥牛 蘿蔔片😋 肥牛煮得好淋 而娃娃菜同風琴豆腐就索晒啲麻辣湯汁 超正 推介大家揀‼️ 唯一彈既就係蘿蔔片就略嫌煮得唔夠淋～ 每個餸都大概有三至四片 都好夠食😝 另外亦都加錢加咗個麵底 揀左火鍋寬粉 佢係似扁身嘅紅薯粉 不過就更加煙韌 份量都幾多 好好味好有咬口🥰 湯底方面佢都有幾個選擇 例如係麻辣湯 蕃茄湯 四川酸湯等等～ 我就叫左麻辣小辣 覺得佢地嘅湯都唔算太辣 鍾意食辣嘅朋友可以嗌再辣啲🤣 而且仲有好多蒜 超正🥳 / 檸檬碟豆花 🌟$10🌟碟豆花係冇味嘅 飲落就係檸檬水咁樣 係貪佢個顏色靚🤣 🔻整體黎講真係超高性價比 價錢平但食物高質 又好夠飽🙌🏻 黎過幾次都要排隊 不過每次都唔算等好耐 大概10至15分鐘就入得🤓 相信我之後都會再繼續嚟食 好推介大家黎試

公司係尖沙咀，成日同同事食呢間不過如果可以小啲啲味精就perfect啦有時食完都幾頸渴，不過真係太好味最鐘意加粉絲索哂啲湯🥰🥰🥰🥰🥰🥰🥰🥰🥰🥰

#黃店🇭🇰Tst-烏蠅館以前食烤魚第一下會諗“返上去”食🙂而家真係不了 你懂的⚠️🙌🏻所以今次就去左試呢間好多人講過既黃店🤤不過最後係失望左🤧👅 傳統麻辣烤魚 -三刀魚(⭐5/10) $288三力魚係店員推介俾我地～～少骨，所以就揀左佢嚟食😚今次呢個烤魚我地叫左中辣，食落唔算辣，但就感覺好多油，好似食油咁，條魚完全唔入味😔(但佢個湯底唔係話差既 但就要夾起D魚嚟點個湯底)～～佢個烤魚本身亦會配有三份素菜 呢D反而入味DD😆食完烤魚可以加水打邊爐咁～～但佢烤魚冇乜味 都諗到加左水就更加…🥴同埋佢好似冇豉油辣椒果D俾人用🤢👅黑糖冰粉鮮奶 (⭐7/10) $28正常發揮😆唔會話勁甜～～冰粉質感幾特別 覺得大家可以試下 食辣野飲涼浸浸野幾好😋大家要繼續支持黃店🥲💛🚩地址: 烏蠅館 (九龍中心大廈) (尖沙咀)尖沙咀亞士厘道29-39號九龍中心大廈地下G29號舖🚩其他地址如下1. 將軍澳貿業路8號新都城中心二期地下G10號舖#hkig #foodie #hkfoodblogger#likeforfollow #likeforlikeback #香港 #followforfollow #food #

呢間餐廳原本係比佢嘅烤魚吸引左嘅 但係嗰日實在太飽 食唔落就試左其他野🥺呢間野值得一讚嘅係佢地嘅配料真係非常多最重要一點係👧🏻覺得成日食米線會少悶😢呢間可以選擇平時打邊爐最鍾意嘅寬粉做主食 如果有時唔想食連鎖店 呢間都係唔錯嘅選擇🥰👧🏻 #feiching_foodie川菜👦🏻👧🏻 #feiching_foodie米線👦🏻
🌟冒菜A餐 $50我地今次叫左兩個冒菜A餐呢個餐可以揀6款配菜🤩佢地嘅料真係幾足 黎到嘅時候幾乎成碗都係配菜就好似肥牛咁 都有成六七塊🥳芝士丸 海膽丸 每樣都有兩粒最好嘅位一定係可以加埋主食 有薯粉 寬粉可以揀 呢個位真心好加分👍佢有一菌味嘅湯底 好驚喜☺️📌烏蠅館 尖沙咀亞士厘道29-39號九龍中心大廈地下G29號舖🚇港鐵尖沙咀/尖東站 L5 出口, 步行約2分鐘📌烏蠅館 (新都城中心) 將軍澳貿業路8號新都城中心二期地下G10號舖🚇港鐵寶琳站 B1 出口, 步行約3分鐘等候時間🕰 0 mins📍#尖沙咀

秋天當然食辣嘢暖下身，朋友平時都喺市區做嘢，最方便當然約佢哋去尖沙咀食飯喇,呢間烏蠅館位置都算係尖沙咀中心,搵地方嚟講幾方面,好彩有book位,一入到去門口都已經好多人等緊位,食物方面佢呢度最出名就係酸菜魚同埋食麻辣粉，今次因為人多我哋嗌咗個酸菜魚試下酸菜魚嚟講呢度都好多款式揀㗎，同埋有唔同嘅魚類，今次當然叫左朋友推介嘅滑鰂魚，上到枱都幾大份，四個人分就剛剛好，先食魚肉，麻辣味同出面都幾唔同，感覺好少味精同埋酸辣平衡到非常之高，魚肉亦都幾滑，好少骨，最方便就係大大啖啖美食，非常之有驚喜。配料方面都非常之多，最出名嘅寬粉同埋雞肉，食落口都非常之新鮮，蔬菜亦都係幾平，大家鍾意菜嘅時可以叫下，亦都有唔同嘅大陸菌類可以一試，啤酒方面都有三款選擇，最好味當然係premium，今晚非常之盡興大家相識做早啲book位。

前排去將軍澳搵朋友玩，佢帶我食左呢間既冒菜，見到原來尖沙咀有分店，仲有烤魚同火鍋，所以就黎試下。店員見我地好迷惘，佢就簡單介紹左三款魚既分別，多寶魚會比教多骨，三刀魚會比教厚身，龍躉魚會比教鮮甜。我地最後揀左中價位既三刀魚，條魚真係幾厚身，都幾滑，中間冇咩骨，係邊邊位會多骨啲。味道方面，我地係揀左招牌小辣，辣到適中，食得辣既可以挑戰中辣。條魚會跟三款配菜，日日都唔同，今次係雞髀菇，芋絲，雲耳，全部都好夾個湯底，好入味。另外，我地仲叫左幾款配菜。豆腐有八舊，硬身唔怕好快煮到溶溶爛爛，索左汁又係好入味海白菜呢個比較少見，唔多地方有得食，份量都幾多，煮淋啲會好食啲黑豚肉肥瘦剛好，薄身但又幾大片，正常水準桂花蜂蜜幾清新，甜甜地，唔錯～烤魚絕對值得一試！下次試埋火鍋先～～

烤魚癮起，專程約埋朋友去尖沙咀食。平日晚上七點到，已經差唔多滿座，一入去聞到香香既烤魚雞煲味！招牌香辣三刀魚原條上，比想像中大條，肉質鮮嫩，又幾厚身，唔多骨！招牌香辣味有少少蒜香味，加上微微既辣，唔會蓋過哂魚既鮮味，推介！！食哂魚之後可以叫佢加湯打邊爐啦！四川番薯粉呢個一定要嗌，番薯粉索晒啲湯汁勁入味，不過唔好煮太耐，會容易癡底同埋太淋會好難夾，有少少咬口更好味響鈴夠脆，幾多舊，索咗湯汁好好味鮮蝦滑本身諗住叫墨魚滑，但賣哂，所以揀咗鮮蝦滑，送到黎大家都嘩左一聲，勁足料，見到好多粒蝦，好滑身有咬口，正！黑糖冰粉鮮奶黑糖甜甜地，鮮奶味濃郁，解辣！食到勁飽好滿足，見到隔離枱食冒菜，賣相唔錯，臨走前望吓個餐牌，價錢合理，又多選擇，決定下次再戰！

我哋今日揀咗特色泡椒辣味嘅烤魚 泡椒辣係指定係中辣 而且配以酸辣口味 見到好多花椒同酸菜而魚就揀咗三刀魚 因為我哋兩個都無食過三刀魚 所以必試🤤🤤 侍應介紹三刀魚嘅時候就都話依款魚係相對上比較少骨 咁我哋就理所當然揀三刀啦🤩🤩三刀魚魚質彈牙 真係無乜骨 而且頗有魚味👍🏻今日嘅免費配菜有雲耳、金菇同芋絲 雖然係免費 但配料嘅量都有好多 雲耳可以密鋪個盤咁濟😱😱我哋另外加咗風琴豆腐串同寛粉 依款風琴豆腐串幾得意 拉開係好長好長嘅豆卜 因為呢個豆卜炸得好脆 所以要淥耐啲先可以吸收到湯入邊嘅水份 依個配菜幾有特色🤩🤩寛粉是烤魚必點的😏😏😏桂花蜜