為食魚1南石鍋烤魚專門店

筲箕湾的为食鱼1南石锅烤鱼专门店，食贵价小菜为主，呢煲鲍鱼鸡煲🐔🐔👍🏻👍🏻，色，香，味俱全，鲍鱼虽细细只，但好入味又新鲜，不过嫌佢洗得唔干净，条边重好黑下，如果洗到 白雪雪会好好多！💁‍♀️💁‍♀️💁‍♀️碟鹅肠好好食，好爽口🥰🥰🥰好简单敒炒煮淋豉油，食得！🤩🤩🤩个鱼汤，就唔够鱼味，普通鸡粉汤底，再加条鱼上去，不过不失，都可以既！整体系唔差，但性价比就一般😂😂😂😂…查看更多

我朋友睇到openrice有正评，以为值得一食，带我去食，点知一坐底，伙记即时摆低花生，无端端俾多左钱（我对花生敏感）之后叫个水煮鱼和牛肉，鱼完全唔好食，接近难食到呕，牛肉有大阵雪味，伙记又唔肯换，态度好差。已列入黑名单，永不回头光顾!…查看更多

叫得为食鱼, 个感觉一定觉得食完条鱼会令到自己好为食. 当见到条鱼嘅价钱之后, 就知道原来系个老板好为食, 收人三百几蚊鲩鱼。 咁冇计啦唯有叫辣鸡煲。一上菜, 望一望见到只鸡好实, 就夹一嚿嚟试下, 点知只鸡 好似四十几岁咁, 老到柴皮, 鸡煲嘅酱汁, 冇香味, 毫无辣味, 净系将一樽蚝油倒晒入去, 得个咸字, 一只鸡嘅份量, 好似得一半多少少, 呢间嘢唔识煮鸡煲, 点收人哋二百几蚊只鸡. 室内冷气洁净程度尚算合格, 啲伙记都OK. 呢间系我有生之年食鸡煲都算系最差嘅一间. 如果佢喺Foodcourt开档, 只要将个水准预期降低, 食完你都一定会容忍唔到炮轰佢. 最后我打赌一年内一定执笠. 希望佢畀啲良心做生意, 唔好日日坐喺度发牛豆. 讲完! …查看更多

搬左落西湾河,筲箕湾几年,呢间小店由第1手每1至2个月去一次到宜家转左手两年间1个星期去两至三次,就系因为食物质素,味道,地方清洁都比以前大大改善。小店食物质素固然重要,但人情味都系经常帮衬嘅因素之一,系呢度系不单只老板维系到一班熟客,就连班熟客都维系到一段友谊。讲返菜式我就特别钟意麻辣大肠鸡煲/酸辣鱼锅/啫啫鸡杂煲/干扁肥肠....呀～仲有一样,就系桌上花生,每次我都食几碟,只要你话好味,老板就会自动自觉比多碟free嘅你,呢啲就系小店嘅温馨…查看更多

今日叫咗两个饭餐，叫完之后个老板放低左两杯水，跟住再放低左碟花生。我话点解有花生食嘅，个老板话因为我哋除低咗个口罩，会有人报串加。食完埋单，见到张单上面有$10花生收费，我问花生要收钱架？收钱个职员话花生系要收钱。我话你哋放低𠮶阵冇同我话要收钱，Menu上面又冇写明，冇理由无啦啦要收我钱，两个餐会俾钱，个花生唔会俾。收钱个职员就同老板讲』老板佢话唔俾钱呀，花生唔俾钱㖞』。之后个老板态度好恶劣咁话：『花生紧系要收钱，你唔食咪出声啰，你有冇食吖！你有呀吗！你去第二度食嘢都要俾钱啦！你而家系食嘢唔俾钱呀。我话『俾唔系问题，问题系你放低𠮶阵冇同我哋讲。第二度都会写明茶芥，餐前小食要收费，几钱。你哋Menu上面又冇写，如果你哋有写，我无睇，系我问题。我点咗嘅两个餐，我会俾钱。花生嘅唔会俾。』啲嘢食就普普通通啦，唔难食但唔会特别想返去食。唔明点解仲要+10%服务费， 服务咗系边？…查看更多