為食仔海鮮火鍋專門店

营业中

休息中

我本想同朋友開心食火鍋㸃知一肚火，我地叫咗個龍蝦湯底無味我叫服務員喝一口為何無味佢話廚房忘記落味😩全鍋拿回廚房返來都無味，水都無杯都算你貴都無所謂最起碼都要有味道呀以後一定吾會再去食🤮對住這餐廳我輸了。

夏天其中一個最佳活動，一定是一班人吃火鍋！其中一間在我list內就是為食仔為食仔在其他地方沒有分店，只此一家,地鐵站一出2分鐘就到達！餐廳除了招牌卜卜蜆煲煲外，今次朋友試龍蝦煲火鍋火鍋配料也有很多選擇，海鮮，甚至最近很hit的牛頸脊亦有提供龍蝦煲很有效率地來到面前，店員純熟的倒湯，香味飄到旁邊枱的客人都不禁好奇張望龍蝦煲主要用龍蝦肉，勝在啖啖肉，蝦肉嫩滑！配料有洋蔥，芫莤，配上特製醬汁寧舍惹味食完龍蝦煲開始打邊爐。先來一碟手切本地牛肉，是牛隻活動最多的部位，脂肪較少。但牛味極濃例牌份量都非常大碟，足夠3-4人輕灼15秒左右保留肉汁，肉質嫩滑，牛魔王如我高度推介桶蠔同樣為火鍋必點，一客桶蠔只需$148，入面大概有5-6隻蠔，每隻可形容為巨型就算煮熟很仍然無縮水，大大隻蠔味又極重！好好味蔬菜點了翡翠苗，口感嫩滑又無渣，清甜無比。

一聽海鮮火鍋，腦袋就潛意識與「貴」掛勾，通常動輒千元上落，好味道但是「貴格吾飽」...事移世易，懂得講飲講食的人更會追求平靚正的食物，有時劏開心扉，揭開糖衣表面，豪華又不一定是好食。這是朋友教曉我的，到此時此刻都仍沒有忘記，仍會敢於去試不同類型的食物，實在要試過才知。最近與家人慶生，這位識飲識食的朋友就介紹了幾間她認為是性價比高的餐廳，其中一間是座落在旺角區的火鍋私房菜。眼見5月份，感覺上打邊爐也可以，於是就訂了位來與家人「烚下、烚下」。在旺角打邊爐都是第一次，餐廳是走港式風格。席間見到收銀旁有與食客影的即影即有，感覺好溫馨，又留意到與相熟食客的互動，看來回頭率都挺高。枱面有紙巾和醬油，醬料又是自己混醬，一盤有六款，蒜蔥辣椒都齊先挑選了卜卜蜆煲，湯底好新鮮又健康，煲煲下，湯底的顏色都會隨之變色，散發陣陣蜆肉香。回餐紙和佈枱紙是一樣，食到中途都可以隨時加餸。類別有餃子丸類、豬、牛、海產、蔬菜類蔬菜佔的篇幅都不少，不過最重要一定是吃肥牛肥牛一碟有很多，堅抵食的！肥牛花紋清晰，晶瑩剔透，肉質可穿透似的，重點是肉不會太韌，做到真正的入口即溶 。鐘意食牛的朋友一定會鐘意！為確保食材新鮮，均是即叫

是日臨時被拉去，其實我真的不太愛工夏吃晚餐，當然會有好吃的東東，是真的！最近朋友帶我來為食仔打邊爐這裡雖不大，但有些你好少會係外面吃到的，而且食物都比較新鮮，因為即日清，來貨不會太多，要吃都趁早點先黎火鍋湯底，卜卜蜆煲正呀，湯濃郁而且不會油膩仲有好多蜆肉，味道新鮮清甜，十分好吃用料十足，而且湯底唔貴，抵食又好味事不宜遲，來個鮮甜栗米,味道甜而多汁,必吃之選而且放入湯30分鐘可吃另外魚肉亦好新鮮抵食，味鮮甜，而且好大件，被湯浸後同吃更鮮更甜牛肉真的不是在其他火鍋店常吃到，非常新鮮，而且入口簡直要即溶般它不會像別的肉越煮越違，反而腍嫩，口感好正，最喜歡其沒有'騷'味，越食越過癮，又鮮甜，下次都要點哦回味中的火鍋！

在附近上班，朋友熱愛打邊爐,旺角港式火鍋店有很多,不過每次試不同的也是不錯。放工後相約朋友一試為食仔火鍋店。七點到達可能時間尚早，店內一位客人都沒有，店員馬上安排入座，店內環境舒適有啲似私房火鍋店。湯底簡左蜆肉鍋，辣味適中，蜆肉新鮮,而且都幾大隻,入口口感有咬勁,但我覺得湯底可以再濃少少。烏冬幾爽口幾滑溜.放在鍋裡吸收湯味,會更惹味,吃完烏冬後已經覺得有點飽了,手打丸新鮮,爽口,入口咬牙,而且每碟份量頗多,抵食！!!總括會再光顧，食物不過不失

以前打邊爐，真係唔凍唔打…………但自從去過為食仔之後，我發現只要食材夠新鮮，就「日日都係邊爐時」其實我地次次都係主打海鮮，每次我早一兩日問佢地呢排有乜靚，自己又想依d乜，自自然然就有d好野呈現係枱面~~ ,我地食左個18禁卜卜蜆煲,話明18禁,果然真係好辣,我依個辣人都差D頂唔順,但真係好好味,D蜆肉唔會因為太辣而搶曬D鮮味,而且好大煲,同朋友食完都有D飽不得不提就係呢度嘅火鍋恩物「嚮鈴」係做得非常出色，另外仲有佢自家製嘅餃子，次次叫，次次清!節瓜都好爽口好好食如各位朋友有興趣試下，記得早少少訂位呀~如果比我揀一間有質素又服務好又親民嘅火鍋店，咁一定係為食仔

天氣時冷時熱,最好嘅就係打邊爐，表弟約我打邊爐， 即刻book枱先，好彩有位！為食仔食咗好多次！價錢唔算平！但係質量就一定有保證！兩個人帶咗個龍蝦火鍋！非常好味呀有好新鮮！配返個濃味湯底！啲配料超甜！豆腐好滑,必吃之選龍蝦嘅份量都好多架！龍蝦好多肉,好有咬勁,運埋湯一齊食仲正打邊爐點都要食啲菜嘅！今日食豆苗！好鮮甜呀.另外肉類都好吸引,不過太多野食,驚食唔曬,所以無叫啦地點係旺角區，但係都成日滿座架！所以大家想食，之前要book枱啊！

Happy Friday!終於經歷難過既一星期，老公提議食打邊爐，下午開始搵旺角附近既餐廳，終於俾我誤打誤撞搵到呢間“為食仔”初頭諗住咁易book到唔通無乜人，點知到夜晚去果陣我無諗過會全場爆滿，因為附近都幾多餐廳選擇,而且係一路都有人黎.鍋類選擇好多，好多個都想食，令我地都唔知揀邊個好，最終我地揀左龍蝦鍋，要等15分鐘，但為左龍蝦，我等！香噴噴既龍蝦一出，成為全場焦點,湯底味道濃郁,但唔算油膩.龍蝦蝦肉幾多,溝埋個湯仲好食之後食左手打丸,口感好彈牙,而且好香.蔬菜好新鮮,解油膩感一流最後緊係食返個鳥冬,爽口又開胃,索曬個湯仲好食

相約幾位同學仔4人去打邊爐！但又唔想去酒家feel.日式feel,只想要本地feel.所以我哋選擇呢間！依度感覺打邊爐感覺重D，，可能我地早到同有book.位，所以都還未有人客！店内幾大，如果爆場生意都幾旺！看餐牌內都好多選擇，店主都有推介海鮮類比我哋，但大家都無感興趣，可能想試下佢其他嘢食先！18禁卜卜蜆煲,蜆肉新鮮味美,湯底都妐辣,要有小小心理準備.食完之後,大家熱好身可以繼續食響鈴即炸，好味又鬆化！不過食完好快會有飽肚感,唔敢食太多佢啲炸魚皮都好出色！食落都好有味，但真係又脆又大件！豚肉都好新鮮,肉質夠曬滑.正體來講，食物好味，服務都可以，看有客人話服务唔好(其实一位女員工做嘢睇唒個場，唔好想人哋有咩舒服，因為都見佢好忙碌的！)不過我哋如果今餐來講無食海鮮嘢,可能因為熱左大家都唔想食海鮮,下次大家聚會一定會再食

由於有朋友生日 約好了大班人來個火鍋~~~地點在旺角~~起初我就想了...在這條食街裡面 的火鍋店地方好像也不錯~~~我們一行 十多人都可以坐在一起 ~~!!先說食物...基本上要讚的 就是全部東西都超級新鮮的~~~ 因為聽我朋友說 老闆都會特自去選貨料 保障食物的品質!所以呢 看相片裡的東西 都是令我回味無窮的 湯底感覺還真的不錯呢!!!龍蝦煲的龍蝦份量很多,肉質也不錯,接著吃了肥牛,牛味濃郁,魚皮和豬紅也是不錯吃完後我們都有共同的感覺就是我們下一次要來試試其他煲呢@@ 看上去好像不錯呢所以這店子 是值得推介的!

為食仔經朋友介紹話好正，所以今次同朋友gathering 就諗住好試下，真係無令我地失望，覺得D食物好新鮮好有心機，我地叫左個卜卜蜆煲,😋好鮮甜，仲好大份添,蜆肉無沙之餘份量都幾多,辣辣地好好味.之後用湯底黎打邊爐,好惹味,必食牛肉,好嫩好有肉味,仲好大塊添,份量都算足,但又唔太貴！店員會提示我地每款食物需要滾幾多時間，我覺得好窩心亦可食到真正嘅鮮味,唔駛驚滾到老曬,有時掛住傾計好易過曬時間！仲有真❤推介豚肉,真係好出色,蔬菜同菇類味道都唔差！我諗之後冬天都會成日去,不過都係BOOK位先會好D,我見夜晚都好爆好多人

天氣好熱，不過朋友都話想打邊邊，諗起之前見到旺角有間火鍋店,望落好似唔錯，所以打算放工去！我地可能因為即日先打去BOOK位，已經無位，要8點半點後先有位,不過都照BOOK啦！餐廳係黑布街,都近火車站,走果陣好方便為食仔地方都幾大,有2層，但我地星期5去,所以好多人都FULL曬鍋低都算足料的，卜卜蜆煲有淡淡的辣椒香味,味道都幾濃,蜆肉好新鮮,好味道食完之後,再叫左D火鍋食材牛肉拼盤,一盤有好多選擇，牛柳粒都幾大粒，肥牛都幾彈身同幾鮮味,滾一陣就食得.牛肉整體質素都不錯，肥瘦均勻豚肉要全熟先可以食,所以時間會耐小小,但D肉質好滑,溝埋辣湯仲好味魚肉看外表都幾新鮮,有鮮味有咬口,值得一試這個價錢有D貴,不過又幾好食,好爽口,唔會好林餐廳整體黎講味道都唔錯，服務算唔錯,人多會抵食D

因為最近去多了旺工廈買東西尋寶的關係, 現在好多時買完東西後都在附近吃飯. 是晚我就同相公買完野再食火鍋, 雖然是平日晚的八點多九點, 但非常多人的說~ 先添上火鍋醬料 一見到這個龍蝦火鍋 湯底就立即Order…來到時陣陣濃烈的香味傳來一飲不得了, 龍蝦立即沖進我的胃部, 成個人立即暖哂. 而且龍蝦份量十分多, 非常足料, 相公食了整碗, 而我最後飲了4碗湯後才開始打邊爐, 而胃寒全消後我的胃口也大增呢~頂級手切牛 , 牛的紋理分明, 而且頗新鮮, 而且手切牛也算厚切有口感, 牛味也足.黑豚肉 脂肪比例脂肪較多, 肉質也比較爽嫩, 豚味十足.不過我們覺得最有驚喜的就是他們的自家製丸類, 如這個手打墨魚丸 彈牙度十分滿分我俾十二分, 而且極有墨魚香味及味道, 好似食緊新鮮墨魚多過食墨魚丸似的.牛丸 , 一咬牛汁必哂出來, 而且牛根質感爽彈之餘也有絲絲牛根牛肉的肌理口感, 加上黑椒野味香濃, 最後我們都Order 多碟墨魚丸及牛丸的說~節瓜和蟹柳也十分新鮮,最後才吃,吃過後已經相當飽肚雖然價錢不算太平宜, 同火鍋店地舖價差不多, 但飲完個咁足料湯後,大家非常開心滿意又足料的一餐呢~

先2日同朋友黎左打邊爐,黎到唔駛等位,可能因為我地早到.原隻龍蝦海鮮鍋,鍋裡有原隻龍蝦斬件、蜆、青口、蝦、魷魚等，材料豐富。如果唔夠食，仲可以另外加配料打邊爐.打完邊爐留少少湯，可以加配燴飯。分別順序加入白飯、海鮮配料、芝士，炒起來帶少許拉絲，燴飯熱辣辣.餃子就要浸耐D,入面先會夠熟,個湯底味道幾濃,所以餃子都好夠味京茶響鈴都幾大份,不過我地可能浸得太耐,所以唔夠脆,朋友話浸一浸就食得,咁會好味D!

孤獨也能成為習慣的話，一切都不會成為羈絆，我踏著自己前一腳的足跡走了,在通往極光的地方，追隨著七彩炫目原本也要習慣沒人陪伴一人去吃火鍋的日子,幸好今天友人突然有空陪伴為食仔裝潢設計不錯,一人吃火鍋也可以所有材料一律是當日最新鮮靚貨，游水生猛的海鮮、新鮮肉類和時令蔬菜，時日海鮮類種類繁多；有蟶子皇、大蜆、海中蝦、花螺、美國桶蠔、南非鮑魚、龍蝦等，象拔蚌更能做成刺身呢！今天一人吃了龍蝦煲,龍蝦味道不錯,蝦肉香滑,份量合適,正常地2人是剛剛好,我一人則吃了3/4內裡十分多蝦肉,還有豆腐和蔬菜,十分好吃!另外吃了一個豚肉,豚肉肉味濃郁,入口煙韌,勉強地吃完相當飽火鍋本應是一群朋友一起吃,可惜這夜只有我們2人