影片
小餐馆坐得舒适，食物精致，lunchbox用心制作，味道和服务也𣎴错！和朋友聚会聊天没时间限制太开心了，地点也方便，吃饱－起去shopping ，会再去吃，推介👍👍👍
继续阅读
经过几次都唔多人，今日walk in 试下喇横掂自己都中意食点心。2个人叫左4样野：苹果流沙包，花之恋（蟹籽春卷），椰皇花胶保养生炖汤，同埋招牌黑豚肉叉烧有机蛋饭。茶就拣咗香片。首先要赞嘅系个蟹籽春卷，春卷入面系有虾，外脆内软，都够味。个流沙包好流沙，一咬系喷出嚟𠮶只，虽然我就唔觉得有苹果味，不过男朋友觉得有苹果味，所以见仁见智啦。椰皇花胶炖汤都几好饮，最后啲椰果肉可以一次过成块甩出嚟。不过有啲贵，$168未加一系一个椰子既份量。但系招牌黑豚肉叉烧饭真系好一般，其实就系加大版黯然销魂饭，叉烧完全唔软熟，硬绷绷，而且每一嚿都有筋咬唔烂嘅，唔明点解可以做到系招牌🤔除此之外，茶壶入面系3块普通茶包，颜色就够既但就完全冇香片味。BTW餐厅骤眼睇好似好干净咁，但系一用纸巾抹下啲餐具，无论筷子定系茶杯，都抹到啲啡色嘅嘢出嚟，个筷子好似甩色咁，但茶杯都抹到啡色就感觉好似摆咗好耐好多灰尘。6:00左右食咗大概一个钟都系得我哋一台客，可能因为我地早食饭～亦都可能因为得我哋一台客，上菜同埋买单都好快手😂
继续阅读
最近K11 musea开咗间点心店主打精美中式点心盒价格非常实惠 CP值好高餐厅亦有提供多款点心及中式美食质素同卖相都相当唔错🔸点心盒·春 $128呢到嘅点心盒非常丰富，有点心拼盘、精选小食、凤爪排骨蒸饭同埋精美甜品。点心拼盘有虾饺、烧卖、蟹籽春卷同埋咸水角。精选小食有青瓜云耳同埋菜心。凤爪排骨蒸饭亦都好有水准，成个点心盒嘅味道平衡得好好，而且相当健康。🔸花之恋［蟹籽春卷］$46师傅将顶部嘅春卷皮切成条状再油炸，令到外观好似一朵花咁样，再喺面层铺上蟹籽，卖相好吸睛。食落口感好香脆，但唔会好油腻，非常出色。🔸增城挂绿奶黄酿荔枝球 $46外观睇落真系好似一粒荔枝咁，卖相相当精致。食落外层好酥脆，中间有奶黄做感，口感外脆内软。🔸和牛山煎包 $68上菜时用铁盘热住上保温，相当贴心。包嘅上下两面都煎到好金黄，食落外层香脆，包嘅质感好软熟，内里嘅和牛馅料爆哂肉汁，非常juicy。🔸京葱爆嫩牛片 $168份量好多，绝对够两个人食。牛肉片炒完之后都好嫩滑，京葱口感好爽口，两者配合令口感好有层次。酱汁嘅比例都恰到好处，味道唔会太咸。🔸脆香蛋散 $46蛋散卖相金黄香脆，加埋糖浆落去真系流哂口水。食落蛋味好香，作为饭后甜品真系一流。
继续阅读
同朋友黎到K11 Musea 地铁站出口行过去都好方便 系大商场既餐厅环境都好好 下午时间都系人唔多 岩哂我带bb同朋友食下野花胶鲜蟹粉蟹肉羹🦀🍲呢个系季节限定既至尊系列餐牌 一见到又系毫不犹豫地同朋友讲话我一定要叫呢个 一见到个名就觉得好吸引🤩 味道好好 好有蟹味 比个仔食又系不断追住要再饮😋点心盒-夏🍱(包括点心拼盘 精选小食 虫草花蒸鸡饭 精美甜品) 呢个系佢地既招牌 佢地介绍呢个理念系一个创新既美食概念 将中式点心同便当盒融合一齐 以现代方式去体验中国风味点心拼盘有最常见既点心-虾饺烧卖咸水角 仲有名为花之恋既蟹籽春卷 蒜蓉拍青瓜好入味 仲有菜心有营养啊👍🏻甜品系杏仁糊🥣 好岩我口味 有啲杏仁味太重我唔得🙈 比左个仔饮 佢都好钟意❤️苹果流沙包🍏 睇张相就知我仔几钟意食包 用苹果黎做个皮 入面系流沙 苹果味如果可以重啲就好啦🙊增城挂绿奶黄酿荔枝球 呢个都系第一次见 卖相好吸引 外面脆卜卜 入面就系奶黄 好有新意😝香槟金虾饺同黑豚肉烧卖点心盒的系一样既 正常发挥😚
继续阅读