影片
点心宗司❌❌❌完全不推荐❌❌❌我哋11:15左右嗌咗个蒸饭同埋其他点心，当时店员已经表明蒸饭最少等20分钟，我哋话冇问题，但系到咗11:45眼见同我哋差唔多时间嗌蒸饭嘅人都陆陆续续出晒啲饭...我都到11:50先至问店员：唔该帮我睇睇个蒸饭几时到？店员当时用差语气答： 讲咗蒸饭要等20分钟啦！！我答佢：我话我搭3落单，而家等咗两个20分钟啦下话跟住企收银位𠮶个阿姐问我：咁你而家仲争几多个点心未嚟呀？我话仲争三个，跟住我听见佢同厨房讲，话我哋张枱仲争三个点心...因为佢哋啲点心系即叫即蒸，我就即时同佢讲话：如果你啲点心而家先蒸嘅话，咁你帮我取消佢，我唔要喇...跟住个阿姐同个店员异口同声一齐嗌出嚟：啲点心而家咪出紧嚟啰！(真系齐心做事情齐心就事成咁样）然后个收银阿姐仲精彩，好大声喝咗我一句：唔使催下话！吖我真系整你个制吖，我全程都系好好态度问佢，呢一刻我真系要爆，我同佢讲：系你哋话20分钟搞掂，我都差唔多40分钟先问下你哋几时有，你哋态度唔使咁差呀，好似我唔啱咁样！🤬🤬之后就不停听到收银阿姐发脾四掟碟掟碗嘅声音，我唔知佢系咪老板啦，如果佢系员工，呢间嘢请著咁嘅员工就真系精彩喇，可以掟公司啲碗碗碟碟嚟发泄到最后我出去埋单，我唔知佢系报仇定咩啦，我拎张单出去，佢系望咗张单一眼然后走咗出去问客：你争啲乜嘢？然后又跑返去厨房同厨房讲话出边边张枱争乜嘢争乜嘢，喂，我埋嚟嘅时候你都企咗喺度，点解你唔系应该收咗我钱，然之后先至出去处理其他事情嘅咩？其实呢间嘢点心质素唔算差，不过员工态度极差，以上系我今日嘅经历，所以我完全绝对唔推荐大家去，除非大家唔怕等又唔怕俾人闹
继续阅读
喺附近上堂，见就近新开咗间点心就试下啦，估唔到有惊喜，呢日决定再战！基本上试过嘅虾类点心都好正，虾饺同虾肠入面只只靓虾；咸水角外脆内糯；蒸排骨又系一个惊喜，真系有骨嘅靓位，唔知系坚拣过定只系咁啱呢；蒸包类算系standard好食啦，暂时未遇到好「哗」嘅款式；佢哋似乎会定期出新野，呢个大红袍荔枝都好有趣，我无试，试咗嘅朋友话好食；迟join的朋友叫咗个蒸饭加炖汤set都话好足料；临尾追加糖水，上次试完核桃露，今次想叫芝麻糊但卖哂，咁就试下杏仁糊，两次都系好滑好rich😍；怀疑系家庭式经营，服务态度好到唔习惯🤣本来无写食评嘅习惯，但咁高性价比晚市竟然咁少人，可能因为唔近地铁？决定撩几只字撑一撑！所以剩系临尾影咗几张相，下次再影多啲😋
继续阅读
由纲上介绍，专程来试一下，这间【点心宗司】，位于太子长沙湾道29号地铺。店铺门面玻璃设计，从外可窥视店内环境，里面装修也算精致简洁，12点前，店舖幷无顾客，每张枱都间着一块胶板，我们随意座下，很拥挤，顺手推一推那胶板，但推不动，女服务看见，很不高兴说，稍后会有很多顾客不能拿开，她那种态度令我真想即刻离座，因开了茶，就忍着将就留下吧。而另外一名服务员就立即过来抽开胶板，这个动作也化解了我内心一半的不快，欣赏她。可加可减就是这个灵活的动作，令顾客心情愉快才可以做到更多的客源。我们点了四个点心。品茶吃点心也衹不过40分钟，12点35分我们已离座了，当时衹来了两枱顾客。当胶板可伸可缩时，那是挺考究对环境处理的灵活性，那怕我们离座前顾客不断亦可加上胶板，不会失去半个客源，而顾客未到能坐得舒适宽松些回头客是我们或更多的人。
继续阅读
早前网上见到好多人介绍呢间点心舖，今日卒之来试一试佢嘅功夫，讲到话叫做点心宗司，谂住一定有啲料到，都冇谂过食到喊咁口😩虾饺皮十分之厚，仲要馅料好咸，感觉上唔知系咪落咗好多味精，食完半个钟之后，口入面有种麻痹的感觉，仲要劲口渴。春卷又系油到阿妈都唔认得，一咬落去成口都系油。烧卖只可以讲系中规中矩，食完都唔系好记得。比较上有啲记忆点嘅就系虾多士，不过都系超级油，总之呢餐就食到喊晒口，绝对唔会再有下次
继续阅读
深水埗点心宗司早排见到人哋网志介绍呢一间点心舖，特登慕名而黎， 嗌咗五个点心，可惜质素不如预期。橙汁卷质感胶胶地，好似芝麻卷同埋啫喱嘅混合体，味道食落好似橙树化痰素咁， 好artificial。 瑶柱花菇汤饺嘅饺子皮好厚粉，上台果阵已经浸到林晒。 虽然口感麻麻地，但饺子尚算足料，味道都ok。 牛油果虾春卷有啲油腻， 咬落去啲油唧晒出嚟 。内里嘅牛油果馅好少， 食落去冇乜牛油果味。百花萝卜糕几好食， 虾肉配上萝卜糕攞去炸，意外地夹， 可惜一碟只有一嚿，个量真系有啲少。五个点心入面最好食就系合桃包，包身软熟， 馅呈流质状，入面伴有合桃碎芝麻， 甜甜地几好食。五个点心入面有三个点心都唔合格，如果冇改善，大概唔会再次帮衬。
继续阅读