点心代表 (已結業)

其實我不太喜歡呢隻Gudetama，不過路過此店，見到啲食客食緊Gudetama點心，個樣好得意，忍唔住同阿P講不如今晚唔番屋企食飯，係度食Gudetama點心，阿P話好，仲同我講要食Gudetama燒賣，個樣好搞笑喎...老實講，大部份點心味道都麻麻地，不過造型確實好得意。外型最靚首推朱古力流沙包，像真度99.99%，最得意係個屁股仔。一咬開個包，啲朱古力漿湧哂出嚟，其實個包本身無問題，弊在啲朱古力漿實在係太甜。原粒帶子燒賣是眾多Gudetama點心之中最好吃的，帶子上面貼上了Gudetama的樣子，幾搞笑。帶子算厚身，豬肉新鮮，算是好食的了。請不要誤會，這是PJ自已砌出來的拼盤，漂亮嗎？我實在點得太瘋狂了，這些都打包比我們於The One分店的同事吃。練奶炸饅頭也是味道較好的選擇，不過就無乜睇頭。炸饅頭甜甜地，少少脆，墊底的是旺旺米通，加埋啲練奶，味道OK。酥皮叉燒餐包造型及味道都OK，Gudetama是芝士塊，食得過。蛋撻真係甜到顛咗，食咗一啖頂唔順，由阿P包底。雞蛋布丁無蛋味，質地唔多似布丁，似Jelly多啲。唔好食。煙肉五穀炒飯上的Gudetama是一隻荷包蛋，造型上最懶。煙

極度中伏之作！梳乎蛋㳘沙包：有囗唔識嘔，喺包底流黃油，絶對唔係網上流傳的嘔奶黃😡😡梳乎蛋朱古力㳘沙包：完全留唔出，要換個籠新嘅😡😡😡😡新嚟果籠留得出朱古力汁，唔知蛋黃哥係咪肚痾呢？同埋係哩度D單係四捨五入，只收整數。

因為懶蛋可愛所以先會黎試 6點左右到 所以唔使等枱 店舖唔大 座位有d窄雖然食物唔係難食 但一d都唔好味 價錢亦太貴蝦餃皮厚到好似個包咁 所以朋友淨係食入面d料個流沙朱古力包一d都唔流沙.... (呢個最失望)最好味都係奶凍

女朋友話要去食主題蛋黃哥點心，聽其他朋友講是只係食gimmick叫我唔試，唸住女友叫就去最多比你扼一次。結果第6感超準，但只係估唔到輸得禁切底。先講環境，平均比百幾蚊一個人去快餐店裝修，枱凳簡單坐位太逼整體感覺好求其。食環境計分先=0。再講員工態度，好似欠左佢愛理不理。最重要講食物，招牌虾餃皮厚又散，虾梅梅地又無味懷疑係7仔買翻來叮比你食。蛋黃哥流心包其實只係在包面加幾筆，味道同其他點心專賣店差一段但又賣貴人地幾成。腸粉正常D但亦算一般水平低少少。結果叫左果D唔想食埋單去樓上再食。女朋友都話比佢切底打敗。不過你情我願無辦法。總括來講性價比係零分。唸D gimmick加D野扼你食一次以後唔洗再去，有今生沒來世，跟本見唔到心機做味道。

近來最人氣爆燈的莫過於蛋黃哥，雖然香港採立的譯名為梳乎蛋，但我還是喜歡蛋黃哥之名，十分貼切其懶洋洋又有些「寸」的表情！ 蛋黃哥在香港已經開了三間主題餐廳，日前有朋自遠方來，留學時的朋友初次到香港旅行，記得我留學時大力推介香港必食廣東點心，又剛好知道在尖沙咀開了一間蛋黃哥的主題點心店，所以我們三個小女生是日一起到THE ONE找蛋黃哥飲茶～ 蛋黃哥點心餐廳的熱潮不算強勁，週六的中午只需等約20-30分鐘便可用餐。點心餐廳內到處都遍佈蛋黃哥與點心的特別裝飾和掛畫，很可愛！我最喜歡當中蛋黃哥坐在蒸籠那幅！ 以蛋黃哥造型作賣點的點心比預期多，當中包括了多款為人熟悉的廣東點心，燒賣蝦餃等一應區全，茶芥方面點了玫瑰普洱茶 每位$10，頗清香。 是日午餐以吃蛋黃哥點心為主，第一款是梳乎蛋蝦餃 $49。黃色的蝦餃皮上印有蛋黃哥的樣子，三張懶洋洋的面孔朝著同一個方向，小巧的蝦餃一口便吃完，不過蝦粒餡料都算足料，只是略嫌蝦餃皮太厚。然後是梳乎蛋蛋撻 $39。應該是當天所點多款蛋黃哥點心中擁有最可愛賣相的一款，有點像太陽蛋，然而出色的賣相不代表味道有相應水準，牛油撻皮明顯不夠脆，整體質地軟腍，中間的蛋

點心. ..好多人排隊一熱店。點心，黎既人都係一家大細，老人家會去既地方。呢間剛剛相反，吸引了大量年青人，遊客來？點解呢........................這店用了蛋黃哥做招徠囉。舖內推出了以蛋黃哥為做形的點心. 有咸有甜. 目測店內每枱都係叫蛋黃哥的點心.其實, 以點心味道來講, 同一般的點心無乜分別. 只係多了'兩眼一口'. 用料都係好普通, 蛋黃哥的蝦蛟都係用多隻細雪蝦來做. 製作手工都唔只見好pro.  NOTE: 人多, 連蛋黃哥都覺得痛苦起來  

堅係食得又玩得之梳乎蛋蛋黃哥亂入尖沙咀the ONE嘅新派點心店点心代表，變身成 蛋黃哥點心 美食，而每款點心所用嘅蛋都係來自日本長崎縣，唔怕食到假蛋黃呢度除咗有嘢食，重有限量產品，fans們點會唔瘋狂呢？其實我並唔係蛋黃哥粉C 是晚吃了梳乎蛋雜菜沙拉　$59梳乎蛋流沙包 $49梳乎蛋蝦漢堡 $59震騰騰奶凍 $39梳乎蛋撻　$39梳乎蛋雞蛋布丁　$39總:原先仲以為D gimmicK 野唔方好食, 點知又唔係喎!

繼一個人去觀塘APM的YATA Gudetama Café 吃梳乎蛋後，是日，是蛋黃哥超級粉絲的蝸阿牛牛一。一行三人，去了尖沙咀The One的点心代表。 顧名思義，「点心代表」是以點心為主的，食物選擇較多，與觀塘的YATA只提供日式烏冬、咖哩飯和小食，明顯是走不同的路線。此外，「点心代表」座位較多，也設有室外花園用餐區，可與陽光作親密接觸。只是，枱椅過份地密集了，予人擠迫之感。店外店內，更設有櫃枱和木櫃，出售和陳列印有蛋黃哥圖案的貨品。個人而言，還是較喜歡觀塘YATA的從容不迫。再者，「点心代表」的「点」字，竟是用上簡體字的，難道為了討好自由行同胞嗎？小店繼口吐奶白泡的奶黃流沙包後，最新推出名為「最後一蛋」的朱古力流沙包，由懶洋洋的梳乎蛋屁股流出啡黑色朱古力流沙，有點嘔心啊﹗﹗是日，只有十六款梳乎蛋造形的食品提供，以及接近四十多款普通的蒸點、腸粉、煎炸、荷香蒸飯、菜和甜品等。點心即叫即蒸，等候需時。小店提供人參烏龍茶和玫瑰普洱茶，我們要了後者，每位$10。三十大元的茶錢，入口清香夠茶味，我們比得心甘命抵，總好過屯門點心瑪莉的茶水，淡而無味。是日，一共叫了一茶水，八款點心淺嚐，寓意蝸阿

 仲以為成點鐘先到要等位 點知都唔洗 茶是每人揀一款的 揀左茉莉茶有杯墊送 菜呢？這是蝦餃吧？本來以為同平時果啲差唔多 不過唔係 佢好牛奶味上面仲有塊芝士 好味 個皮唔係會食到碎濕濕果款 入面就得汁 無咩餡個甜豉油無咩味 可以狠狠地落多啲 嘩 一放入口 忍唔住衝口而出"好難食既帶子 要即刻寫底佢"!!!!蒸左1粒鐘?  原來唔係包生仔架!!T_T 一隻流一隻唔流~~~哈~ 香港人的低級樂趣~

The One購物完之後，跟女朋友二人覓食，發現有一間中式點心，就走進去試一下。 流水奶黃包包皮鬆軟而不油，抵讚，內裏如圖所見，水塘一樣，口感超怪，進口的味道比較淡。 牛肉腸粉平平無奇之作，牛肉分佈不均，腸粉可接受。 無味蝦餃皮本身不算太厚，蝦肉量多而無味，清淡如面粉。 灌湯餃難食之最，毫無鮮味，飲完要即刻飲茶(太口渴啦)，餃肉是霉及無味。 柚子香橙凍這是一個賣相一流，食落三流既作品，過甘而無橙香味，而且十分苦澀，浪費一流既賣相。空有樣貌沒有味道的一間食店，價錢也不菲，不食也罷。總結評分味道:4/10 價錢:5.5/10 (120)1個人環境:5.5/10服務:6/10

既然開左blog, 就寫返之前食過既餐廳啦!今次介紹，係我近期最中意既人物－－－蛋黃哥啊～蛋黃哥同點心代表合作，推出多款得意點心，襯住週未，我去左試下！未食到美食，先要等左一個多小時～～唔係為左蛋黃哥，我真係唔會等！！！終於入到去，首先叫左茶先，我地叫左人蔘茶，初時飲有淡淡蔘味，覺得幾好味，但愈飲愈甘。而且後來知道叫第款茶，會有奶黃哥杯墊送！即刻好後悔！好喇，馬上介紹下D野食：第一樣係蛋黃哥蝦餃，印有蛋黃哥招牌表情，好得意啊～～～餃入面都有好多蝦肉，但略嫌個皮太厚，影響味道。第二樣就係之前片段好紅既嘔奶奶黃包喇！我試驗過，篤下佢個口係真係可以嘔奶，不過會令食相非常狠狽，所以勸大家都係乖乖咁食啦！個包除左得意，奶黃係流心，而且熱辣辣又唔會太甜，推介！最後係呢個飯，真係為左飽肚先叫。有煙肉同瑤柱絲既炒飯，味道就真係好普通，唔係好夠味，有D失望。總括黎講，現場都係情侶多，個人認為當拍拖節目是不錯的，至少可以影靚相。但如果追求味道，還是叫它的正常點心好一點，而且價格也相對較抵。

去左探望蛋黃哥「啊～～」都等左半個鐘頭先有位，限時90分鐘食飯時間，都合理有幾款點心仲未推出，所以就叫左幾樣試第一樣一定耍叫流沙包啦係咪先？個懶惰垂死樣真係好樣衰 好鬼乞人憎可能有心理準備，又唔覺得難食噃，係正常奶黃包味道，而且個口仲唧得出野嘔哂白泡咁好好彩！自完拍 影完相 錄埋片呢49蚊先叫回返本另外叫左個雞蛋布丁，非常一般，唔洗試因為唔係特別可愛個叉燒包比想像中好食，包好脹卜卜，圓碌碌包下面有一塊超鬆脆嘅底，口感豐富咬落夠哂熱辣辣，加分！另外原來蛋黃哥塊面係芝士個人認為比流沙包好食，食完會送蛋黃哥扇哈哈

蛋黃哥實在是太可愛了, 點都要去朝聖一下叫咗好多有蛋黃哥的食物, 差唔多有蛋黃哥的都叫樣子真的很可愛很討好, 雖然是吃樣子, 但某些也很好吃我會推薦芝士撻名雪山叉燒包, 味道真的很不錯, 用料十足比較失望的是奶黃包及蝦餃, 覺得個皮太厚了另外一些唔係蛋黃哥造型的點心反而很有水準, 味道都不錯

8月15起懶洋洋的蛋黃哥就來到The One的這家点心代表了喔雖然和朋友約好要一起來吃但因為暑假怕人太多~要排隊排很久就一直拖到9月才去沒想到星期二大約2點的時間是完全不用排隊 (^-^*) 入座率都有八成的雖然沒有像朗豪坊做展覽時的大型蛋黃哥，但店的周圍都掛有可愛的掛畫呢餐桌紙是蛋黃哥的樣子！（=´∇｀=）點心紙的話也是有設計過的，而且有實物圖作參考不一定要全部都是點蛋黃哥系列，後面的點心紙有其他的點心或者甜品可以選擇首先是選茶吧，基本上是有三款在蛋黃哥點心紙的那款茉莉甘香茶是最貴的，每位要$20我和朋友選了比較便宜的 玫瑰普洱茶 ($10/位) 但跟一般茶樓不一樣，這裡是用茶包的雖然玫瑰味道不算突出，但卻讓普洱茶沖泡到最尾一杯也不會濃得苦澀梳乎蛋撻 ($39) 有件的樣子側了一邊，不過仍然很萌啊鮮奶蛋撻(?) 中間黃色的部份好黏口，吃完有點膩的感覺~但不算太甜盤子有蛋黃哥的喔！(´∀')梳乎蛋煙肉五殼炒飯 ($69)因為擔心不夠飽，所以點了這個飯～大概2個人可以分到每人兩碗仔飯因為有五殼的關係會偏硬身一點！另外篤穿了中間的太陽蛋伴飯吃頗香的(・∀・) 碗底的中間也是有蛋黃哥的喔！梳

9月3號多左日假，心血來潮同男朋友試下啦。12點幾去拎籌，果時我地拎左81號，但叫到3十幾。於是就落左去樓下睇下衫買下衫。最後1點幾左右上去，叫到6十幾。再行又怕會skip左，因為佢話只會叫一次，無人應就會下一張，所以就留係度啦。結果等左一陣，叫極number都無人，好快就到我地啦haha。不過最後都等左個半鐘。我地坐正門口，叫飛位隔離。慘在佢地叫飛好大聲，好嘈。唔知人多定係伙記慢，坐低都等左個幾字先有人抹台，同埋幫你擺餐具。落單啦。咁當然叫蛋黃哥系列啦。叫左個飯，沙律，真真假假，奶黃包。原來叫茶要係埋張紙叫。得3樣茶，一樣普洱玫瑰(想叫但無嗮 )，一樣人參xx，一樣係茉莉花茶。 前面兩樣$10位，茉莉花$20位。本身唔想飲人參，唯有叫茉莉花。 d茶黎到， 原來係茶包。茶包都收$20位，得一包，好唔抵。 同埋水壺都無水，後尾仲收返走添。一黎黎沙律先。個樣好令，沙律都幾好。個蛋黃哥蛋，好香蛋味，同一般食既蛋唔同，勁正。然後黎個真真假假甜品。個樣唔吸引，食落無咩特別，有點失望。不過叫呢個好似有禮物？然後個飯同包都黎。個蛋黃哥幾得意。而飯就有d硬 應該飯焦(?)跟住個包我怕熱怕佢流沙會"辣