點天下

营业中

休息中

今朝去飲茶，坐低左第一時間交「點心紙」然後，等，又再等，一碟碟，一籠籠嘅點心都冇我份吹下D亞姐，吹了，又再吹了、又再吹了。 原來，張「點心紙」根本冇入機。 咁樣，D亞姐唔係話幫我跟咩？ 跟咩啊？真係嬲到爆

我第一次聽到有咁既答案，食食下食到鋼絲刷上面嘅鋼線，叫啲吖姐黎俾佢睇，本身諗住俾佢知就算，點知答我一句「有呢啲先乾淨」，我真係第一次聽咁既說話，諗得出唔奇，夠膽講出口我先佩服！

今次係直接同老闆講，我想食啲咩嘢，今次試咗幾款海鮮，整體感覺幾唔錯：首先，椒監5頭鮑魚真係特別，呢隻係包咗5頭鮑魚，鮑魚肉質鮮甜彈牙，椒鹽調味恰到好處，令人口感層次豐富，仲有啲炸蒜頭，絕對係重點推介。其次，蒜蓉粉絲蒸扇貝非常新鮮多汁，蒜香濃郁，粉絲吸滿扇貝的鮮味，味道細膩又滋味。最後，胡椒蟹，兩隻都好多肉，蟹肉鮮甜，真係係甜架！且多汁，胡椒的香辣味令人胃口大開，食完令人回味無窮。整體嚟講，呢啲海鮮都保持住新鮮同埋味道，值得一試！下次再嚟，希望試多啲其他特色菜

作為毛孩嘅家長，要和家人一起食海鮮，就只有去西貢呢啲地方。 而到點天下，就係貪佢方便，又有冷氣，同埋可以同毛孩一齊食。有次問老闆，原來除咗可以來料加工海鮮，仲可以代買埋. 第一次只係要咗條班，okay 喎！第二次，要咗條東升斑、龍蝦伊面、胡椒蟹, 炸蠔，嘩，全部都好得因為都冇打算寫食評，只係影咗一張相。真係好得，D龍蝦🦞好好大隻，又爽口。 條魚好鮮呀！ 胡椒蟹好正！

星期六晚19:15坐低見到唔係多人 加加埋埋都係8-9枱叫咗3個菜-金銀蛋莧菜-咕嚕肉-豉油王炒麵心諗 呢啲廚房好快出啫點知坐咗成粒鐘 淨係食咗碟菜喺20:10催一催侍應姐姐終於！20:25上埋個咕嚕肉喇！隔多5分鐘仲有埋個麵☺️見隔籬枱打邊爐 個湯底都過咗45分鐘先上所以 姐姐同廚房係絕對冇漏單！如果大家想體驗食中菜都好似fine dine咁呢間餐廳一定幫到你！公道講句 食物嘅味道係唔差同埋係幾好坐好彩有茶可以慢慢飲 如果唔係我都唔知自己點樣捱到呢一個鐘

我好感恩能夠搵到南豐紗廠點天下第一次同自己隻狗仔陪同媽咪去飲茶第一次到南豐紗廠覺得好有文化藝術氣息今日星期二早上完全唔多人我哋揀選點天下嘗試比自己隻狗仔坐寵物手推車我哋叫咗啲點心都覺得好好食尤其個菠蘿叉燒包新鮮熱辣好好味鳳爪都好大隻，南瓜排骨又好味喺飲茶期間都會遇上其他狗仔啲狗主都好友善主動同我哋打招呼認識我隻狗仔我又可以帶領自己隻狗仔行咗兩個圈呢個係我嘅好好經驗俾我訓練自己隻狗仔有什麼可以改善嘅地方，原來可以俾自己隻狗仔坐一張凳安靜，原來可以自己狗仔着禮集尿片呢啲都係我今日好難忘經驗可以日後去第二啲寵物餐廳鞏固自己隻狗仔社交禮儀，多謝點天下安排🙏🏻🙏🏻🙏🏻

南豐沙廠是可以讓寵物自由活動的地點，這裡有不同類型的食肆及小店。沒想到，這裡竟然都有一間「點心店」。這一天，便到這裡試一試吧（午餐）。地方比我想像中大，可能由於可以給寵物內臟，因此座位相對比較寬闊。我們點了一籠叉燒包，一個芥末嘅蝦餃，鳳爪，煎鴛鴦糕（蘿蔔糕及芋頭糕），還有一籠燒賣。蝦餃，雖然size唔算好大粒，不過啲蝦肉都算新鮮，幾好味。叉燒包的包都鬆軟，叉燒餡唔算好肥。至於蘿蔔糕加芋頭糕，沒有想到竟然是同一件高，一半是蘿蔔糕，一半是芋頭糕，我覺得好特別。不過蘿蔔味唔算好重，芋頭正常。燒賣都係正常，都算好食！至於鳳爪，比正常稍微辣咗少少，可能我個人並不太喜歡吃爽皮的鳳爪，因此我覺得這個鳳爪唔夠「林」身。我自己就麻麻哋。這裏的茶，是用茶包，並不是用真正的茶葉，對於並不10分講究的哦，倒是沒有所謂的。整體都算唔錯，性價比算高！原來這裏晚市也有小菜提供，有機會我都想試一試這裏的炒粉麵飯。當然這裏休息的地方就是能夠與自己的寵物，一起享用美食🥰

今天帶貓貓來南豐紗廠遊玩，難得看見一間寵物友善的中菜餐廳，我當然立即來這裡飲茶。我們點了一系列的點心，以及試了招牌咕嚕肉。蝦餃：它的皮其實不算薄身，不過蝦肉都算爽口彈牙，味道可以的。燒賣：燒賣內的豬肉都算鮮嫩多汁，而且蝦肉亦香甜可口，其味無窮，珍饈美味。牛肉球：雖然牛肉味道不濃郁，但是口感相當不錯，挺美味的。冬陰功鮮竹卷：冬蔭湯湯底其實相當少 見，而且和鮮竹卷的味道都幾夾的，味道相當不錯。拔絲脆皮咕嚕肉：拔絲就看不見了，咕嚕肉是脆皮的，不過醬汁有點過酸，味道一般。價錢方面，兩人總共$249。總結來說，很少中菜餐廳是寵物友善，而且這裡上菜速度又快，值得推薦給大家。

都黎過無數次的寵物有善餐廳 諗住同狗仔開心飲個茶 俾員工話：你隻狗吾好扒係張枱！態度十分惡劣 然後放食物都是大大力放枱 明明狗仔只係掂住枱邊！黎甘多次都未俾人甘話 一係餐廳貼曬告示啦

每逢週末，要帶毛孩出街嘅話，想搵一間舒服又性價比高嘅餐廳，首選就一定係南豐紗廠呢一間，價錢好抵食，而且點心嘅選擇亦都好豐富！ 自己最鍾意食嘅就係呢道蝦餃，皮薄餡靚，最重要係個蝦夠晒大隻，茶水嘅選擇亦都好多，茶味好香濃！ 值得一提嘅係佢除咗好多唔同嘅點心之外，都有好多碟頭飯食，唔夠飽嘅朋友可以嗌乾炒牛河，楊州炒飯等等⋯都係唔錯嘅選擇！ 另外亦都好欣賞佢哋嘅服務態度，嚟得呢度全部都係有帶狗狗嘅朋友，姐姐完全唔驚狗，有陣時亦都會同狗狗玩，夠晒人情味

好耐冇去食點心,搵間人少少又可以坐得舒服既餐廳食lunch 呢間係紗廠入面既中式餐廳 一於去試試佢叫左幾款點心:叉燒包 / 芥末蝦蛟/牛肉球/泰式冬陰公湯鮮竹卷/燒賣芥末蝦蛟 好可愛, 一粒大既蝦蛟 加上一粒細既芥末醬蝦蛟有3粒大蝦, 皮薄 加埋芥末醬一齊食又幾夾叉燒包黎到台面係熱辣辣叉燒包既蜜汁可以再濃多少既話會更好食燒賣大粒又足料, 蝦彈牙新鮮 同以前細個同屋企去酒樓食既味道一樣陳皮牛肉球 宜家好少牛肉球係加左陳皮同香菜,呢個好得 試左fushion 菜泰式冬陰公湯鮮竹卷   似用冬陰公湯打邊爐 加腐皮卷 ,好搞笑鮮竹卷又索哂冬陰公湯汁, 想試下Crossover可以叫呢個 所有點心上台都係熱辣辣,即叫即蒸 可以保留到傳統風味又加入新既 Crossover 元素下次會再過黎食野!!

新年檔期難得無加價就試下價錢公道 點心質素出色叫左蝦餃, 燒賣, 金錢肚, 牛肉球,炬流沙包, 炸韮菜餃, 春卷, 叉燒腸粉, 同埋炒牛河無野差, 只有好食同幾好食分別春卷有芝士幾特別, 不過未必人人鍾意 (但唔會反感)有時飲茶就係想簡簡單單食傳統野最驚喜係炒牛河, 勁香, 下次會再叫 佢有分卡位/圓枱, 圓枱坐到6個人左右可能因為南豐紗廠冷氣夠, 天氣熱同潮濕都坐得好舒服最緊要係唔迫我午市去, 同事話呢間餐廳人流時多時少如果人多建議打電話落去留枱

牛肉貴到一個點，又小又貴，呢碟盛為$70.雞煲一上係連湯… 同其他post既點圖完全唔同，都係第一次見. 可能小妹唔識貨. 雞係冇味. 上錯2次錯餸，不停話冇叫佢就放低. 之後先話唔係我地. 其實佢係唔係想要我地比錢？ （一碟係蠔，一碟係手打丸拼盤）差唔多全餐廳最貴既野. 成間餐廳得2張枱，咁都上錯得都好奇怪. 又唔見呀姐攞呢2碟去隔離枱. 有估怪. 兩個呀姐不停傾偈. 下次如果星期五見間餐廳得2枱客都要睇清楚先.真係冇下次.

今日想出外走走，所以行去南豐紗廠食個lunch未試過食點心店，三人行試吓，無帶寵物被安排左面新d規d的環境坐下。原來有一人餐可以叫，有飯，有指定點心拼盤+甜品，下次會試！今次主要試點心先！試新嘢必要試醬汁蒸鳳爪，夠淋，都幾味唔會太咸，幾好👍蝦腸，腸粉夠薄蝦夠大隻新鮮👍小食 魚肉釀青椒，魚肉新鮮唔會太多粉，釀滿整隻椒，味道適中，滿意👍叫咗個傳統灌湯餸，超大隻，脹卜卜新鮮，太耐無食過，覺得幾好味😋流沙奶皇包，但唔流嘅😂，味道唔會太甜，奶味重d，ok👌平時最愛食的蒸紅棗糕，呢度的多咗椰汁間住，叫椰汁紅棗糕，好香椰汁味，但略嫌少咗紅棗味，唔太甜，都ok👍香炸紫薯咸水角，無咩紫薯味，但內裡涵料ok嘅，新鮮炸的傳統的鵪鶉蛋燒賣，無咩地方有得食，味道唔錯👍，可以一試！同事好想飲湯，有兩款可選，揀咗個自己唔會識煲的杏汁豬肺湯，好香濃杏汁味有一舊豬肺食，無味精，滿意👍星期一至五免加一，茶錢都係$6一位，好值得最黎食lunch

今日經過 見到新餐牌有香辣雞煲，即管試吓香辣得來真係好好食🤭🤭🤭另外配料都好新鮮 😋😋😋環境服務都ok 如果飲品可以任飲就好喇 下次試吓炒小菜先😁😁😁