炯記餐室 (美麗閣)

营业中

休息中

放lunch 同同事去食飯，最後簡左炯記，好少可食燒味有得坐低，所以簡左堂食門口掛住既燒味好靚，所以被吸引左大熱天時，二話不說，即刻叫杯凍飲先！叫飯麵+$5至8就有杯飲品。鹽焗雞腎唔算好咸，好爽口！手撕雞腸粉腸粉係熱既，食落好滑，加埋甜醬同蔴醬，絕配，好味！煙薰燒鵝拼蜜汁叉燒飯燒鵝燒得好靚！啲皮漲卜卜，皮下有一層油香，微微煙薰味，又唔會太膩，好好食！叉燒賴賴粉軟硬適中，好爽口彈牙！蜜汁叉燒係用左五花腩，半肥瘦，所以食落好稔。加埋個邊既蜜汁甜甜地，又有少少焦香味，無得彈，好好食！一間唔錯既燒味餐室，有水準，價錢唔貴，好過連鎖店既燒味飯好多！會再幫襯！

是日提早收工去咗食下午茶位置方便響北角英皇道 成日見到人排隊買燒味外賣 好吸引咁 就入咗去食 餐廳整潔 不斷有人入嚟食嘢，因為有下午茶餐同性價比高。十分喜歡手撕雞腸粉手撕雞鹹香腸粉黎到熱辣辣配甜醬，麻醬豉油，真係好正燒味鍾意食燒腩仔耐唔耐都會買啲返屋企外皮脆 肉唔會太瘦過靭叉燒燒鴨，拼鵝油撈麵醬汁叉燒 又係店推介外皮甜甜地好好味 燒鴨 都有肉汁唔靭撈麵帶鵝油醬油 掂滷水豆腐 咸咸地又軟 帶豆香凍檸茶 檸檬都好新鮮完整解渴好味都打帶啲返屋企晚飯享用下次再嚟炯記餐室 (美麗閣) (北角)北角英皇道376-380號美麗閣地舖#炯記餐室#北角美食#燒味#hkfoodblog #hkbloggger#hkfoodie#hkfoodblogger #hkfooodsnap

外賣半隻手撕雞，份量少到嚇死人。見佢只係用個夾夾咗一吓，入合。咁就半隻，呃人呃得離譜。之前買過係用發泡膠包好晒放雪櫃，今次係即買即包，真係好過份。呢間野大家自己唸清楚

#搞串個pantry講到港式 #撈麵 🍜，除咗係小食舖嘅撈公仔麵♨️，或者印尼撈麵🇮🇩之外，其實粉面舖都有啲特色嘅醬油撈麵😍。不過我哋今次食啲再邪惡啲嘅😆，試下呢間主打鵝油撈麵嘅燒味舖🪿，佢喺 #北角 、 #長沙灣 、 #荃灣 都有分店。我哋嗌咗🔴明爐煙燻燒鴨撈麵($54)，同埋🔵明爐煙燻燒鴨飯($52)。舖頭裏面都幾多遊客⛳️，不過價錢都算抵食💰，而且質素唔錯。明爐煙燻燒鴨撈麵🌟🌟🌟🌟🌟竟然有鴨髀🍗，肉質夠腍，而且近皮嘅位有超濃郁嘅鴨油脂香味🦆，呢個部位真係冇嘢好挑剔。撈麵🍜有醬油同埋鵝油兩種香味，食落好惹味🤤，不過怕油膩嘅朋友要有定心理準備啦🤣。撈麵配埋嘅滷豆腐裏面好腍🧽，外層嘅皮正常腍腍地，不過滷水嘅味甜甜哋🍬唔錯。明爐煙燻燒鴨飯🌟🌟🌟🌟鴨飯就係一般嘅鴨件部位🦆，都有油脂香味😋，而且配埋酸梅醬唔錯🌸，不過就冇撈麵嗰種油脂咁爆發嘅感覺🤨，正正常常嘅燒鴨啦。如果鍾意燒味嘅話😝，可以一試。

每次為咗食鵝油撈麵，我都會特登走來呢一間位於北角嘅<炯記>，今晚我又再來<炯記>，來吃他們最馳名的鵝油撈麵、燒鵝、仲有燒腩仔、叉燒，同埋手撕雞。今晚嘅燒腩仔同叉燒雙拼鵝油撈麵，燒腩仔非常之高質素，係一層層嘅五花腩肉，唔會太肥亦都唔會太瘦，入口香口美味，外皮重要keep到卜卜脆，非常好食。今晚嘅叉燒相對地比較多脂肪，叉燒嘅蜜汁味道非常香濃，而且豬梅肉咬落去都夠軟夠嫩。燒鵝嘅皮烤得又脆又好味，而且入口仲要淡淡肉。呢度嘅主角鵝油撈麵正式出場，鵝油撈麵份量非常之多，有一大碗，充滿油香嘅麵非常好食。海蜇手撕雞腸粉非常驚喜，海蜇可以選擇辣或者唔辣我哋叫咗唔辣，呢度嘅海蜇入口充滿麻香味，配埋同樣充滿麻油香味嘅手撕雞，同埋熱辣辣，又嫩又滑嘅腸粉，絕對係必食之選。簡簡單單一碟冬菇生菜，估唔到冬菇同菜嘅份量都非常之多，價錢只係廿幾蚊，同樣抵食。呢度叫麵，仲可以加五蚊要凍飲或者熱飲，非常超值，我哋叫咗凍奶茶，味道正常。成餐飯食到勁飽，兩個人埋單都係200蚊左右，絕對超值抵食，值得推薦！！.～

之前北角返工，就係樓下，食過覺得唔錯。所以當時都會間唔中幫襯下。後來搬走左，但已是疫情前的事。今晚經過，諗住買外賣斬料。 叉燒70蚊半斤。講真價錢唔算平，加左價。不過難得今晚經過。所以買左50蚊外賣，諗住貴最緊要回味下都唔錯。返到屋企，然後打開盒。。頂，見到真係好想講粗口。唔係人食但賣比人。50蚊件數唔多都算，但一半以上都唔食得。有冇搞錯呀～我冇睇錯哦。。。冇眼花。。。2件好黑又大件的點食落口。都算。。。仲有好多件都係肥多個瘦。我order時已講左我的要求。得到甘樣，真係差到不得了。甘樣都可以賣比人，點食得落肚。仲有好多件有好多黑炭。。完全好失望。完全騙錢。

鵝油拌麵之《炯記餐室》今日同朋友一齊食lunch，佢帶咗我去燒味鋪，Lunch time時間好多人等位同叫外賣，可見應該食物質數應該唔差，餐廳人來人住，等一陣就有位，醬皇豬手撈麵 $52：鵝油拌麵份量好多，色澤靚仔，聞落好香，粗麵麵質爽口彈牙，雖然係用鵝油撈，但一啲食入口一啲都唔油，醬皇豬手大大隻，肉質嫩滑，非常入味，非常抵食，海蜇拼手撕雞小食 $40：可以選擇辣同唔辣，手撕雞肉質滑，海蜇好彈牙，醬皇叉燒 $68：呢個醬皇腩叉燒絕對有驚喜，啖啖肉，入口咬落好軟腍，肥瘦適中，蜜汁味甜品岡好，唔會太甜或太鹹，總括，雖然唔係叫咗好多野，但非常飽，因為份量多，中意食拌麵朋友一定要試鵝油拌麵，真心推介。

熙來攘往的街道，發現北角都有「炯記餐室」。餐廳主打燒味外、仲有豬手、秘製煙燻燒鵝、鹽焗手撕雞等、仲有獲眾人好評的鵝油撈面，選擇眾多。店舖光猛明亮，設有多張枱供兩人或者四人使用，地面沒有油積水積，整體乾淨舒適。望望餐牌，燒味餐廳來說定價合理，而且店員服務態度好。選擇困難症發作，故選二人餐(HKD 198):鹽焗手撕雞：香濃完美蘸滿鹽焗粉的一絲絲雞胸肉，皮脆肉嫩，適當地保留住雞皮油，手撕成啖啖肉，充分加上白芝麻，香味十足，大滿足😌。冬菇豬手：毫不吝嗇的豬手，大大舊有四整舊，秘製熬煮數小時，紋得入味，一咬啖啖骨膠原，入口即化，冬菇仔夠曬香甜，吸收曬醬汁，好平衡。鹽焗雞腎：十分爽口，有嚼勁，鹽焗粉又吾會過咸，剛剛好。酸辣雲耳：雲耳爽脆，味道酸酸甜甜，好開胃🤤，適當辣味好正。郊外油菜：有生菜🥬菜心選擇，菜心新鮮鮮甜。主角鵝油撈面：每條粗麵都沾上鵝油，閃亮亮，但食落一點都不油膩，入口陣陣油香，麵條質感爽彈滑身，惹味得很。老火例湯：粟米蓮藕湯，沒有味精，滋潤得很。總結：抵食二人餐 價錢合理必食鵝油撈面

最近我偶然間發現咗北角有一間好好食嘅燒味鋪，叫做「烔記燒味」。燒味對我嚟講好似comfort food，耐唔耐就想食下。呢間餐廳，真係有驚喜！佢哋嘅燒味有多款選擇，有叉燒、燒腩仔、油雞、切雞之外，仲有啲秘製嘅煙燻燒鵝同埋手撕雞，非一般燒味店。我一定要推薦佢哋嘅「秘製煙燻燒鵝配鵝油撈麵」！靜靜話你知加埋$12就可以換晒鵝胸肉呀！入口一啖啖肉，外皮烤得又脆又香，仲帶啲微微嘅煙燻香味，真係好有水準。唔止咁，佢哋嘅鵝油撈麵真係無得頂！用粗麵煮嘅麵條，油香味濃郁，咬落去又滑又有彈牙。仲要話份量超足，滿滿一大碗，絕對係抵食又好食！燒味配瀨粉亦相當唔錯，湯底冇味精。瀨粉滑嘟嘟，少許煙靭，唔會一夾就斷晒。介紹完燒味，我仲要推薦佢哋嘅手撕雞配腸粉。手撕雞有鹽焗或者麻辣口味，雞肉好滑好嫩，有啲麻油嘅香味。腸粉熱辣辣，上面仲有粒粒芝麻，加埋甜醬同麻醬，新奇嘅配搭，拼出好滋味！我見到隔離枱有個聽力唔係太好嘅婆婆，店員好有耐性地同婆婆溝通，確保婆婆叫到佢想點嘅食物，服務態度好好。

📍北角英皇道376-380號美麗閣地舖發現咗間，超級適合日常，自己一個人唔知食乜好嘅時候 平靚正，簡單快捷方便咁解決一餐的 平民餐廳😍😍呢間炯記 真係好啱放工 無約人食飯屋企又冇煮飯嘅日子去！ 嘢食大份夾抵食 價錢相宜，選擇又多 味道更加唔差 我最鍾意佢哋嘅手撕雞！ 半隻都只係$68炸!! 而鵝油撈麵就係佢哋嘅招牌 鵝油拌落面到食香得來唔會太膩 幾正 佢哋嘅燒味類食物 全部都唔差 叉燒肥瘦得宜 我幾鍾意食海蜇燻蹄😋 例牌一個都係$80咋

其實喺北角食燒味既鋪頭真係唔少，而我嚟親炯記都一定會食燒鵝仲有佢既鵝油撈麵。先講講佢既燒鵝，真係燒得皮脆肉嫩，而且燒得十分之香。入口即化，完全感受到鵝既味道停留喺口腔。另外，我比較少會叫飯。因為呢度既鵝油撈麵十分之出色，每次我都會加錢轉鵝油撈麵。係，真係好邪惡，每條麵條都被鵝油包住，真係勁香口惹味。間唔中我又會再加錢加埋蝦籽，食落去更加香口更有口感。呢度既價錢喺同區嚟講並唔算平，之不過，呢度既燒鵝同鵝油撈麵總會吸引到我1個月嚟1、2次既。

之前經常到北角做Gym，健身朋友都告知有間美味的「炯記餐室」，表示燒味味道不錯！今天放假終於有機會一試，果然味美，值得一試😋原隻煙燻燒鵝脾撈麵（$112）🦢🦢煙燻燒鵝脾是主角，鵝脾本身有豐富的肉香和燒烤的香氣，現更帶有獨特的煙燻和燒烤風味，這些風味與麵條配料完美融合。至於我本身很喜歡撈麵，這裏的撈麵很有彈性和嚼勁，味道濃郁而不會過於油膩，令人難忘，簡直是賣飛佛。🍜🍜醬皇豬手（$24兩粒）🐖🐖至於醬皇豬手經過烹調後，皮肉酥爛，肉質鮮嫩多汁，口感豐富。醬皇豬手本身得名於其使用的特別調味醬料，這種醬料具濃郁的口味，搭配米飯或撈麵食一起享用，非常一流。凍檸茶（凍飲跟餐+$5）🍹🍹茶味與甜味比例平衡，十分消暑。炯記餐室 (美麗閣) (北角)地址：北角英皇道376-380號美麗閣地舖

真係唔想講咁多，越做越差。外賣燒腩仔好肥近乎冇肉食。叫咗多飯都係得好少，究竟係睇唔到備注？定係原本仲少飯呢？究竟係唔係個外賣睇唔到？真係搵唔到咩理由繼續再幫襯呢間餐廳。

約左個朋友過嚟食lunch，佢話公司附近有間燒味鋪好正，佢成日買外賣，咁今次就試下堂食啦。lunchtime時間好多人等，不位堂食就等一陣間就有位，好多人都外賣拎走。。餐牌好多選擇，基本上燒味鋪任何配搭都有，想食乜嘢款就自己拼啦🤣仲會附送例湯餐飲。燒腩仔拼燒鵝-鵝油拌麵勁快就有得食啦，鵝油拌麵好大份，本身已經撈好左，聞落去好香，食入口啲粗麵爽口彈牙，一啲都唔油咖，唔好睇粗麵顏色好深色，其實係唔咸咖，好入味好香好好食😋燒腩仔塊皮脆卜卜，五花腩，肥瘦相隔。燒鵝塊皮都係脆咖，食入口係滿口油脂，真係好爽，鵝肉唔柴，軟淋的，份量都好多！叉燒切雞飯呢個燒味飯，叉燒有驚喜！真係燶邊叉燒😍😍叉燒係入口軟淋，半肥瘦叉！所以係對比下，切雞就變得普通，因為叉燒太出色了！手撕雞海蜇腸粉好特別嘅食物，完全未試過，估唔到係咁夾。啲手撕雞撈埋啲甜醬麻將又幾好食喎😂海蜇脆卜卜，沾埋啲甜醬都好夾咖！鹵水豆腐我地再加左2件豆腐，因為佢啲豆腐真係鹵得入味又夠滑。。呢間燒味認真幾好食，價錢相宜。就算外賣燒味軌料加餸都好實惠！

今日兩個人叫咗以下嘢食做晚餐。煙燻燒鵝撈麵套餐（$64）+$12轉鵝胸+$5轉凍檸茶少甜少冰：燒鵝皮燒得好均勻，色澤靚。燒鵝亦都醃得好夠味，但又唔會過鹹。太子鵝油撈麵冇喺其他燒味舖食過，好有特色。撈麵係粗麵，好大份，加埋太子鵝油令到粗麵又香又滑。大家如果嚟到，我都推介食下呢個特色菜。佢個例湯係足料嘅老火湯，南北杏紅蘿蔔煲瘦肉，好味 。鴛鴦手撕雞小食（$40）：一邊係麻辣，一邊係鹽焗。佢嘅麻辣係微辣，朋友唔食得好辣，呢個就啱晒佢喇。鹽焗嗰邊就食到雞嘅鮮味。各有各好。鹽焗雞腎小食（$32）：雞腎唔會話好硬，係爽口既。醬皇冬菇扒生菜（$22）：估唔到$22嘅菜都幾多下。冬菇有炆過，入味又林滑。單叫凍檸茶（$18）：夏日炎炎，都係加杯凍飲開心啲。兩個人食到捧住個肚走先$193 。