炯記燒味 (坤成樓)

营业中

休息中

🍴厚切燒味外賣🥡岀名既係叉燒，同燒腩仔❣️食完好滿足🥢#荃灣美食#荃灣飯堂#荃灣天堂#炯記燒味#街市街#熊貓酒店#叉燒#燒腩仔#燒味飯#外賣之選#厚切#贏得民心#手撕雞#豬手#應有盡有#hkfood #hkfoodig #hkfoodblogger #hkblogger #大滿足經過荃灣熊貓酒店附近，突然聞到香噴噴嘅燒味，回頭一望，見到好靚嘅叉燒，掛咗喺窗內，晚餐時間當然買外賣回家🥢🥡口水雞飯(配罐裝可樂)肉質嫩滑，帶有少少雞既鮮甜味，多肉少骨，咬落啖啖肉，另外配上辣椒油，更惹味🤲🏻少少辣🌶️但都好重辣油味，唔食得辣既朋友都食到🙋🏻‍♀️飯嘅份量好多，而且帶有飯香味，再加上豉油，味道剛剛好👍🥡燒味雙拼飯(叉燒配燒腩仔)加例湯厚切叉燒，燒到外邊有少少🤏焦脆口感，帶蜜糖既甜，聞落都已經好香，肉質結實，但外皮好脆，好好食😋燒腩仔更岀色，厚度剛好，鹹度適中，脂肪分布平均，一咬落去，肉汁加油香沾滿整個口腔，經過一個鐘頭車程，咬燒肉既皮都係卜卜聲，唔會因為焗得太耐，而淋左😊雖然只係一碗例湯，但係湯料十分充足，絕對不會失色🙌🏻而且唔會太鹹，同埋冇味精，就算飲晒成碗都唔會覺得口渴。真材實料熬製。#香港炯記燒

嗰日經開荃灣收到媽咪電話話想食燒味，毫不猶疑咁即刻過咗去炯記買🤣 之前食過堂食，覺得佢哋嘅性價比好高，今次就叫咗個超值加餸組合套餐，$100都唔洗就有半斤蜜汁叉燒同半隻雞，爽呀！蜜汁叉燒淨係睇個樣已經流晒口水，半肥瘦比例啱啱好，啖啖肉好滿足，蜜汁甜度適中，夠入味，配飯一流😌 而雞就可以揀要白切雞/油雞/沙薑雞/口水雞，沙薑雞味道突出，嫩滑唔嚡口，咁大盒真係好抵食😛 絕對會encore呀哇哈哈哈哈～

今日收工，經過荃灣，收到媽媽order話想食手撕雞，依間手撕雞keep住我都有買來食，所以今次都唔例外。師傅斬料好快，即叫即斬。🐓手撕雞半隻- $55手撕雞真係好入味，用嚟送飯真係一流。好鍾意咁多芝麻！同埋真係足半隻，因為盒下面會有埋手撕雞啲正骨。雞肉好滑，好似白切雞再撕開成一啖啖的肉甘。🥢燻蹄拼海蜇- $38依個做緊推廣，於是買來試吓。燻蹄大約有六至七片，薄薄一片，一片一口。海蜇都好爽口，就咁食，當飯前小食，夠晒Fresh。

每次經過炯記都覺得佢地既燒腩仔同油雞好吸引, 而且除左燒味, 仲有好多唔同既超值外賣配撘, 所以今日又忍唔住去左斬料加餸🤣今次就叫左佢地既”超正加餸組合A”呢個組合包括醬皇腩叉同埋半隻沙薑雞叉燒係半肥瘦, 色澤鮮味, 仲有少少燶邊, 燒得好香口, 前面仲有邪惡既脂肪, 超肥美肉質咬落腍身, 索滿醬汁, 蜜味香甜, 好入味👍用來配飯岩唒🤣另外半隻沙薑雞份量都超多, 塞爆成個盒雞件切得好大件, 每舊都啖啖肉, 肉質非常嫩滑, 用嚟加餸真係岩岩好👍

收工前媽媽打黎話煮唔切飯 🙈 臨時臨急諗唔到食乜, 最方便都係兩餸飯或者燒味！同事推介呢間餐廳比我斬料，見近近地就定咗係佢喇~ 😋原來呢間餐廳每日都有啲唔同的推廣優惠, 果日撞啱係星期四，有個$108孖寶，分別有半斤燒腩仔同半隻雞。雞嘅選擇都算多， 除咗一般燒味店會的款色之外，佢仲有口水雞 😍 不過今次就試下沙薑雞先～ 返到屋企加個米粉兩條菜就食得 😌 返屋企一睇， 原來個份量都唔少！😍燒腩仔半斤就算拎到返屋企， 仲要放咗一陣都仲係好香脆，又唔會一拎起就散哂皮肉分離。睇得到佢一層肉， 一層肥脂，單係外貌已經滿分 👍🏻 食落去調味都幾好，味道偏濃，好適合配飯或米粉。🤤沙薑雞半隻嘩！一開就驚喜滿滿，好難像半隻雞會有咁多 🤩 沙薑味好濃，最重要係啲雞好滑，你會睇得見啲骨仲有少少紅~ 係啱啱好熟嗰隻！👍🏻兩個人以上份量真係食唔哂，仲留咗部份雞下一餐再食 🥰

番屋企食飯 當然要加料孝敬下屋企人 係荃灣放工雖然好多選擇 不過見呢間炯記燒味人流不斷 除左有每日精選 仲有加餸組合 老豆鐘意食燒肉送酒 我就鐘意雞胸補充蛋白質 所以就揀左優惠組合 B 半斤脆皮燒腩仔 加切雞半隻 都係$108 脆皮燒腩仔 拎到番屋企仲脆卜卜而且d 肉好靚 真係一層肉一層肥膏咁 好快全家人ko 晒切雞半隻都好大隻 淨係雞髀都咁多肉 食落仲好滑切雞有醃過 但唔會咸 總括嚟講都唔錯 下次加餸都會再黎

隔一排無食烔記燒味，就會好掛住，佢啲手撕雞真係令人回味無窮😋價錢又抵食👍🏻見今日早咗少少放工，趕得切行過去買烔記外賣🤗作為忠實fans🥰，每次都一定要叫「鹽焗手撕雞飯」($42)，手撕雞好香，配白飯非常開胃，仲要份量好多，超級抵食👍🏻另外，叫咗「海蜇拼手撕雞飯」($48)，今次將飯轉咗 “太子鵝油撈麵”，另加＄6，份量係超級多。我揀咗辣味手撕雞，感覺同撈麵會襯啲😂個撈麵好香，好爽，好彈牙😋👍🏻配埋個酸酸甜甜既海蜇一齊食，層次好豐富，好好味🤤另一外賣必食系列，就係「醬皇冬菇扒生菜」($20)。冬菇，細細粒，爽口鮮甜，容易入口，生菜又爽又甜，配埋蠔皇醬汁一齊食，就非常之入味😋🤗🤤

炯記餐室鵝油撈麵油香雖然出眾，但其他手撕雞或牛腩燒味一樣好吃 ,所以分店也不少，最重要價錢經濟又實惠，難怪甚受歡迎。******************************吃過炯記餐室其他分店鵝油撈麵確實美味，這次路過街市街分店，看著燒味雙拼又幾實惠，決定買外賣回家吃。荃灣街市街分店地方不大，多數前來都是買外賣回家。燒味雙拼有3款選擇，就選擇了醬皇腩叉半斤、脆皮燒腩仔半斤 HKD118。醬皇腩叉，個人唔太喜歡太多肥肉，所以要求少d 肥肉，叉燒一樣好吃。脆皮燒腩仔，皮夠脆，最重要燒肉不會好咸。

有時唔想煮飯或者人多想加餸可以去烔記去買燒味食我點咗個二人餐前菜雲耳同麻辣雞腎雲耳酸酸地好開胃雞腎唔會太辣好咬口另外有手撕雞份量都好大份我眼見應該有半隻雞必點推介佢地嘅醬皇豬手啲豬手炆得好𣺉好入味滿滿既骨膠原個醬汁好濃郁 好似車仔麵d腩汁咁另外可以配飯/鵝油撈面作為招牌菜 每條面都沾滿鵝油原本擔心諗住會好咸但唔會 油香啱啱好撈埋豬手或者手撕雞啲味都唔會搶味同埋鵝油撈麵真係好少地方有又好味今日都好好彩食到咁好食嘅麵整體來講超值，二人餐麵咁豐富連飲品堂食應該會更好味

之前係深水埗食過炯記，原來荃灣街市街個邊都有間炯記燒味。今次就去斬料返屋企加餸先！炯記燒味唔止做外賣，亦有少量堂食位置。當晚都見到不少客人排隊斬料。師傅手勢好快，等幾分鐘就行得👍🏻得閒經過可以買返個飯盒返屋企食。✪ 海蜇拼燻蹄 ⌫💲38等開飯時就可以食呢個餐前小食拼盤。燻蹄薄薄一片，相當爽口。海蜇微辣脆身。加咗芝麻更有口感。✪ 燒腩仔 半斤 ⌫💲74燒腩仔賣相好吸引。半肥瘦腩仔，肉質彈牙，帶少少肥脂。【 炯記燒味 】📌荃灣荃灣街市街142-166號坤成樓地下10號舖

一個人要諗食咩真係好頭痕，如果一個家庭要諗埋煮咩餸肯定仲麻煩😡所以買燒味就成為左我上班帶飯同夜晚晚餐之選🤣除左味道好之外仲好方便🐔。呢度見到佢都主打各款外賣燒味，所以唔少都做緊外賣優惠，有唔同配搭比你揀，實有一款岩心水❤️而除咗組合優惠之外，每星期都會有啲指定優惠，所以唔怕你唔岩。而我好好彩地一去就望到我最愛嘅combination，而且價錢仲只係不出$100💰咁抵既配搭真係要再試埋佢個質素掂唔掂至得🤓。🐒超值加餸組合(優惠組合A)💰$98👉🏻白切雞/油雞/沙薑雞/口水雞:半隻👉🏻蜜汁燒腩:半斤應該唔使我多講，其實睇相我都已經流晒口水💦佢哋嘅叉燒真係好出色🐷半肥瘦既比例岩岩好，蜜汁又唔會過甜🍚配飯十分滿足而雞方面我就揀左最原始既切雞🐥無論係直接食定再拎去炒都可以😌見到佢熟度令雞肉好嫩滑，即使唔需要任何調味都好足夠，想加餸斬料既朋友真係唔可以錯過🏋🏻‍♀️

今日去開荃灣 要斬料加餸 見到呢間炯記燒味好似幾乾淨企理佢有每日精選同埋超值之選屋企人好鍾意燒腩仔 所以嗌左個超值之選嘅餐有半斤燒腩仔同半斤嘅雞 $108雞仲可以揀切雞 油雞 沙薑雞 口水雞本來想試下沙薑雞 點知今日好多雞都賣哂 得番油雞😅 照殺返到屋企每盒份量都好足 真心讚燒腩仔皮脆鹹香 肥瘦適中 啖啖肉😋唔似出面食大部分係肥肉咁好岩送飯🍚油雞估唔到都幾嫩滑 好夠豉油味咁大盒成家食完都仲有剩☺️呢個價錢都算幾抵食👍🏻

一家人食飯夜晚最好就係加料 唔使打攪阿媽之餘成家又食得開心 最重要係經濟實惠！！呢間炯記真係幫到你幫到你 分店越開越多 梗有一間係你左近返屋企之前去到荃灣呢一間斬料叫左個優恵組合$118 已經有醬皇腩叉同埋脆皮燒腩仔😲😲 個份量仲要係各半斤 抵到一個點💯😍半肥瘦叉燒非常好食燒腩仔個皮返到屋企仲keep住脆 呢個價錢真係好不得了返到屋企成家人食得好開心 梗係啦呢間出名高質又抵食 佢哋已經落晒order叫我下次再喺呢一間斬料

今日有事去荃灣，見到呢間幾乾淨又光猛嘅燒味店，被佢門口優惠孖寶個價錢吸引咗。三個超值孖寶都好抵食，咁我就揀咗組合B：有半斤燒腩仔加半隻砂薑雞$108姐姐包好俾我後，我一拎上手已經覺得好重手，返到屋企打開，好有驚喜，隻雞好大隻，好厚肉，半隻都塞爆咗個盒。燒腩仔半斤都好足秤，而且件件都係燒腩仔，唔會有啲頭頭尾尾醜樣燒肉。成盒都切得方方正正，好似酒樓上枱咁，咁遠返到屋企佢啲皮仲係脆卜卜。呢個套餐真心抵食又好食。佢仲有飯盒賣，除咗燒味仲有我喜歡的豬手，飯可加$$轉撈麵，有機會都想試吓。 結論：燒肉同雞都有質素而且份量多，會回頭。

✨炯記燒味，屋企加餸快靚正之選✨屋企煮唔切飯，唯有去燒味舖斬料加餸，同事就推薦左呢間炯記燒味。一眼就睇中咗超值加餸組合，百零蚊有齊兩款肉，都算幾抵食，直接等於兩個餸嘅份量。今次我揀咗組合A，醬皇腩叉同沙薑雞(半隻)。欣賞餐廳提供有四款雞可以自由組合，多啲彈性。份量慷慨，裝滿晒成個盒，都幾重手👍🏻 叉燒肥瘦適中，唔會有大量肥膏，又唔會乾柴，跟埋甜甜地嘅醬汁，相當開胃。而沙薑雞調味亦唔會過鹹，啱啱好，食得舒服，整體來講都幾推薦😝