炙・宴 (荃灣廣場)

营业中

休息中

17-2-2024（Sat）年初八朝陪老公睇完醫生後落荃灣,都到lunch time喇,我又唔太肚餓,去邊喥食好?老公話去荃新天地睇,睇唔啱,於是行嚟荃灣廣場,佢諗起有次喺呢喥食台灣嘢,係喎,我都記得,重要係唔差,但我哋都睇一睇水牌,唔見嘅?唔通執咗?我記得係老媽伴麵,我哋記得位置,於是上嚟睇,我哋喺呢間舖前就望到佢冇開門,真係執咗(https://www.openrice.com/zh/hongkong/r-%E8%80%81%E5%AA%BD%E6%8B%8C%E9%BA%B5-%E8%8D%83%E7%81%A3-%E5%8F%B0%E7%81%A3%E8%8F%9C-%E5%8F%B0%E5%BC%8F%E9%A3%B2%E5%93%81-r630538),好可惜呀(嗰個好食食評係2023年7月18日刊登嘅呢篇: https://www.openrice.com/zh/hongkong/review/%E6%A2%97%E4%BF%82%E9%A3%9F%E6%8B%8C%E9%BA%B5-e4896892).咁我哋睇吓食豚肉嘅呢間啦,見佢有一人鍋,於是入嚟食,坐低睇完menu

當晚想食日本嘢，貪心地又想食魚生，又想食熱嘢，路經荃灣廣場，見到呢間日本嘢冇咩人排隊，於是就入去食夜晚都有啲特價set，而呢個set就包羅萬有，有齊魚生飯，拉麵，餃子，沙律，湯同埋生果魚生飯都幾新鮮，啲魚生有火炙過，不過拉麵就淡咗少少冇咩味，唔係想像中嘅味道另外仲叫咗個壽喜燒打邊爐，揀咗要豬同牛mix，肉質唔錯，對得住價錢，只係可惜肉嘅份量比較少，唔多夠喉，不過其他配料都好足，加$10轉做烏冬，都幾飽肚。湯底稍為甜咗少少，食到尾覺得有啲甜環境就坐得幾舒服，埋單三百幾蚊，性價比都合理

今日係荃灣廣場試左呢間日式餐廳，嗌左個黑咖哩雞同豚肉丼套餐又整的幾好食，賣相都吾錯，店內環境優雅大方，坐落都幾舒服，我幾仲2 d卡位，員工服務態度都好好，下次再來過

📍炙・宴 (荃灣廣場) (荃灣)荃灣大壩街4-30號荃灣廣場4樓446-448號舖==============================呢間日本餐廳係荃灣都唔係開左好耐，見佢門口個餐牌d食物好吸引，依家荃灣店做緊個幸福二重丼餐牌，$128有湯，前菜，主菜加甜品，都幾抵食🤩🤩==============================1️⃣月見豬腩肉丼🍚豬腩肉好厚身，外面燒到好香加埋醬汁撈飯一流，食到禁上下再倒埋隻溫泉蛋🥚落去，成碗飯充滿蛋香同油脂香，非常好食😋2️⃣炸雞芝士黑咖哩飯🥘黑咖喱味道唔係太辣，但好香咖喱味，夾起飯時時芝士會有拉絲效果，炸雞肉質好嫩滑多汁🤤3️⃣ 味噌湯🍲+迷你沙律🥗+沖繩豬肉煎餃2件🥟湯同湯律正正常常，隻餃子好多肉汁而且外皮煎到好香脆，好食😋

Lunch 點左個 $179 嘅宮崎和牛拼特上日本鍋 個鍋味道Okay 不過得兩塊牛肉同豬肉 仲要係薄切！！！ 其他餸係幾條紅蘿蔔絲 兩舊芋絲 一細束金菇菜 一舊冬菇 一舊豆腐仔 白菜仔壓喺底 淨係得咁少野就收依個價 真係吾抵！

🌟沖繩海洋滋味丼套餐｜$158海鮮丼有赤身吞拿魚、吞拿魚腩茸、三文魚子同沖繩海葡萄🍇份量唔細，脆脆咸香海苔碎，吞拿魚腩肉質肥美香滑，赤身部位近魚背，油脂不多，較重魚鮮味，Agu豚係沖繩獨有豬肉品種，口感彈牙多汁，點埋芥末醬仲覺得惹味🌟海葡萄｜$38沖繩名產之一，被譽為綠色魚子醬，口感Q彈幾清爽refresh✌🏻🌟水雲醋物｜$38質地柔軟滑溜，醋味夠哂醒胃🌟炸沖繩魷魚｜$58外層炸漿夠薄脆，調味唔會太鹹，食落香酥帶有魷魚嚼勁😍🌟沖繩風昆布炒豬肉｜$48經典鄉土料理，昆布浸發炒軟後原來幾爽口，似食緊木耳咁🤣豬肉肥瘦適中幾可口🌟沖繩冬甩｜+$20同鬆餅有相似，外面硬脆入面鬆化，吉士醬奶黃味極香濃

荃灣廣場開咗好多新餐廳 呢間餐廳路過好多次 今次就去試吓佢哋嘅丼飯 餐牌選擇有好多 有好多丼飯 拉麵 小食 飲品 我地叫左一個豚肉丼 另一個係照燒雞肉丼 兩個丼飯既賣相都好靚 係用托盤上 豚肉丼有好多塊肉 每一塊都係好大塊好薄身 食落好淋身 本身已經有落汁 所以好夠味 飯既份量都幾多 照燒雞肉丼就比較普通 但味道都好味 雞肉都好多 切到一條條方便食 雞皮煎到好香好脆 雞肉好嫩好滑 仲有新鮮沙律菜 飯應該落左啲燒汁甜甜地幾好味飲品叫咗杯香檸蝶豆花梳打 賣相係好靚 但好似飲梗糖水咁 好甜整體嚟講 食物好味 價錢合理 餐牌多選擇 值得一試

炙・宴都有幾多間間分店，主打日式丼飯、拉麵，最近同蠟筆小新做緊聯承，呢度價錢都偏貴，但係個人覺得質素真係值咁上下，特別係佢地既和牛😋   1⃣️蠟筆小新特選和牛飯（$179）（溫泉蛋+$6） 和牛好重牛味，而且油脂感豐富，有八片🤤仲有啲菇、蔥，配上佢地既醬汁，加埋隻溫泉蛋撈飯食一流！  2⃣️宮崎和牛・ABURI-EN豚肉雙拼飯（$169）（溫泉蛋+$6） 呢款除左有和牛之外，仲有佢地另一樣招牌燒豚，豚肉大大片有三片，面頭掃上左醬汁再燒😍  3⃣️炸雞芝士黑咖哩飯（$98） 黑咖哩係第一次見，不過食落其實同普通咖喱差唔多。炸雞有三件，都幾大球，炸得好脆！  4⃣️火炙沖繩香豚豬骨湯拉麵（$98） 湯底味道好濃，仲有啲炸蒜片，豚肉切成一片片帶炙燒風味，拉麵仲有啲木耳👍  5⃣️炸沖繩魷魚（$58） 魷魚彈牙，不過份量偏少。 6⃣️厚炸沖繩島豆腐（$42） 豆腐皮炸得好脆好脆！伴碟有啲海鹽，點少少食都幾唔錯～ 

見到有期間限定小新主題就試吓不埋不埋豚腩丼98元，樣靚味道好晚市升級組合+50元小食炸🐓及飲品一杯不埋不埋豚腩丼肉多唔柴，飯裏有醬汁面又有雞蛋令到整體唔會乾及冇味炸雞夠熱夠脆夠juicy 加埋沙律醬超好食🤤整個晚餐價錢貴但質素份量十足，直得一試

於 7 月 1 日起，全線分店一連三個月聯乘《蠟筆小新》進行「炙燒!不理不理·怒食丼飯大作戰」! 😝有蠟筆小新主題丼飯、小食、特飲。現凡堂食惠顧蠟筆小新系列特飲🍸更可獲贈主題杯墊1塊(全套共3款) 🈹另外任何惠顧都即可以優惠價換購和風手挽袋、留言板磁貼、摺疊晴雨傘、手機帶等蠟筆小新精品，仲唔快啲帶哂佢地番屋企🤣❥蠟筆小新特選和牛飯 ✨特選宮崎和牛飯✨選用連續三屆奪下日本和牛奧運會冠軍「宮崎牛」之稀有部位🐮其特點是紅肉及脂肪的霜降比例均勻經炙燒輕烤，肉質緊緻滑順，油花誘人🤤入口即溶，令人回味無窮！❥不理不理豚腩飯 ✨月見豬腩肉丼伴生蛋黃✨嚴選優質豚腩肉，肉質鮮嫩，肥而不膩🐷配上秘製九州獨家調製醬汁，經炙燒後，帶出馥郁香氣，令豚腩肉增添風味🍳加上呈橙色的日本蛋黃，色澤光亮，蛋香非常濃郁。❥武士豚肉腸 ✨沖繩豬肉腸✨採用沖繩豬肉🐷外皮香脆，内裏多汁，大人細路都鍾意嘅小食，啱哂嗌嚟一齊share🙌🏻❥小新仲夏物語✨原味乳酸梳打✨藍色的原味乳酸梳打，味道清新🩵帶點微酸的口感，飲落清爽解膩❥小新草莓物語✨士多啤梨乳酸梳打✨顔色鮮艷奪目，襯哂可愛又貨靚嘅小葵😍加入新鮮草莓果肉🍓酸酸甜甜，飲落醒胃

之前係荃灣廣場行街既時候已經見到炙係度裝修緊一路等緊佢幾時開! 咁岩行過見到佢開左又諗唔到食咩好 就決定食個快飯揀左佢之前係利東街分店已經試過佢地招牌既豚肉丼所以我地今次就嗌左其他試試我地叫左個火炙宮崎和牛拉麵($138) 同埋 炙燒北海道帶子海鮮丼($148),  貪佢又有三文魚又有帶子!拉麵係和牛拉麵, 牛肉真係有入口即溶既感覺加上火炙既關係, 牛肉既油份出哂黎, 超級香口不過就略嫌唔夠大碗, 食完唔夠飽至於個海鮮丼就反而無咩特別有興趣既話都可以叫黎試下

🔥🐷【 𝘼𝘽𝙐𝙍𝙄-𝙀𝙉 炙・宴 】🐷🔥⋄ —————⧫♟⧫————— ⋄講起日本炙燒丼飯，「ABURI-EN炙•宴」性價比真係極高🥰 唔單止選用北海道十勝地區嘅豚肉丼加以改良，仲選用日本首屈一指嘅黑毛和牛——「宮崎牛」為食材👏🏻最近佢地推出全新Summer Menu☀️ 有「輕燒宮崎和牛月見丼」及新口味乳酸梳打，勁吸引😍🥩輕燒宮崎和牛月見丼🍳宮崎牛鮮嫩柔軟，牛肉同牛脂比例完美😋加埋日本生雞蛋，食起來更加滑口🥚連米都採用日本種植嘅稻米，粒粒飽滿，口感極佳🌾 配合埋自家研發嘅秘製醬汁，絕對係色、香、味俱全💯🐖ABURI-EN豚肉 • 鰻魚雙併飯🐟($148)豚肉係呢度嘅招牌菜，採用豬嘅肉眼部分，肉質柔軟、油份恰當🐷仲用上加入香蕉、蘋果等新鮮水果烹調嘅秘傳燒汁，令醬汁散發天然甜味，甜而不膩👍🏻🦑炸沖繩魷魚($58)魷魚外層炸得酥脆，內裏肉質彈牙，擠點檸檬汁風味更佳💛🥗火炙三文魚沙律🍅 *微辣 ($98)三文魚份量超多，仲要厚切😳 醬汁清新中帶微辣，開胃之選✨🍹荔枝乳酸梳打 ($38)🍏青蘋果乳酸梳打 ($38)新推出嘅夏日特飲用上鮮果口味，仲有大大粒荔枝果肉，消暑解渴，炎炎夏日必點⛱除咗供應