炙・宴 (MOKO新世紀廣場)

营业中

休息中

今晚MOKO睇戲，老公指定睇Slam Dunk前要食呢間牛肉飯其實我之前係荷里活分店食過，對佢印象就係貴格唔飽份量極少（個鍋兩啖冇咗），但既然老公指定咗，我就嘗試撇開偏見比次機會特選宮崎和牛飯👍確係用靚牛，牛有牛味，油份剛好，醬汁入味唔過鹹👍實物同圖冇出入，應該話實物仲靚過圖👎呢兜嘢咁就179，計埋加一後就200蚊，有d肉赤（雖則唔係我比）ABURI-EN豚肉丼👍實物同圖一樣咁大片豬肉👎同和牛相比之下，呢個豚肉頓時失咗色沖繩風炸豬肉芋蓉餅👍芋蓉幾濃厚，冇溝粉👍係全店最平的食物👎豬肉比例多，搶咗芋頭味總結：味道係ok，價錢太貴，只係一人一碗飯加件餅，加一後兩個人就食咗300幾蚊，所以唔捨得係openrice比個笑哈哈佢，比個OK佢啦🙊

今日去咗帝京staycation，喺moko商場搵食，搵食時間around5點，想睇吓邊間餐廳可以用午餐/下午茶優惠食好d，左揀右揀就揀咗炙·宴，佢嘅午餐可以去到5點半，非常好。先介紹兩個主食，分別係沖繩豬軟骨湯麵+飯糰同埋豚肉丼。一嚟到個樣有d失望，好似好齋咁，豬軟骨又少，只有3舊，不過食落有驚喜，湯底有淡淡魚湯味，配襯住煙韌嘅麵條，又幾好食，至於飯糰，中間夾雜紫菜碎，無乜味道。豚肉丼，好惹味，d汁香濃，每塊豚肉都有燒過一次，非常好食。最後套餐加咗18蚊嗌埋個和牛薯餅，好脆，不過牛味唔夠出。埋單總數222，不過不失。

$179和牛拼豚肉一人鍋 牛肉得兩塊 豚肉得三塊加咗個10蚊升級烏冬 烏冬竟然比半個食完係冇感覺 份量少到可憐 成鍋成本都唔知有冇50蚊 哭咗兩個人埋單416蚊連加一 豬骨湯底冇味 壽喜燒湯底好鹹

🌸Aburi-en 豚肉丼 午市套餐（HKD 88）🌟🌟🌟呢間連鎖餐廳用豬仔sss 作為佢既吉祥物，揀豬既餐黎食一定無錯！呢個set 包個main、前菜（沙律）同個味增湯～個豬肉飯真係好夠味！個醬唔錯👍🏻唔知係咪因為無叫豬腩肉，d 肉有小小un ，但整體感覺係唔錯既😀但係lunch set 黎講我覺得其實真係幾抵食～ 我覺得大家lunch 諗唔到食乜都可以試下❤️

阿女上次和同學食完呢間《炙 宴Aburi En》覺得好好味，次次都想拉我去試，但每次都大排長龍！今次早咗少少去，好彩唔算太多人。阿女極力推介《火炙豬腩肉豬骨湯拉麵》，佢好懷念個湯底，好濃郁又有黑蒜味，的確令人越食越想食😋而我就叫咗個《宮崎和牛芝士黑咖喱飯》，仲要係期間限定，加左墨魚汁，第一次食黑色咖喱好特別，日本咖喱辣到啱啱好，宮崎和牛鮮嫩唔再講，仲要配上香脆薯角，加上半溶芝士撈飯真係好好味😝加杯《香檸蝶豆花梳打》味蕾立即變得好清新！- 火炙豬腩肉豬骨湯拉麵- 宮崎和牛芝士黑咖喱飯- 香檸蝶豆花梳打

·芥辣八爪魚HK$38好味指數：8/10 呢度嘅八爪魚🐙唔係切粒，係切片，所以咬落去大大塊啖啖肉，更加好味，芥辣味啱啱好唔會🌶️過辣，加埋平時獨有嗰啲菜粒口感層次分明。其實我好奇怪的，我唔鍾意食芥辣，但係偏偏就非常喜歡芥辣八爪魚。😂厚炸沖繩島豆腐HK$38 好味指數：9/10豆腐🧊炸得好鬆化，面頭脆卜卜，而入邊個心就🫠軟冧冧，相映成趣，沾少少佢提供嘅鹽🧂更加好味，不過我覺得唔使點都OK。ABURI-EN 豚肉丼HK$78 好味指數：9/10次次嚟食都係食🍲壽喜燒，今次終於試咗佢嘅🍱丼飯，每一塊🐷豚肉都大大塊，入口一啲都唔乾，咬落去完全冇冰鮮味，而且本身煎香左，配返雞汁💦再撈埋日本嘅珍珠米🍚。沖繩四季柑汁HK$32 好味指數：8/10見到咁特別所以叫吓，飲落去有好大浸🍊蜜柑味，完全唔似橙汁，酸酸甜甜幾得意，解油膩開胃之選。

最近炙・宴做緊一個「沖繩祭」😎將沖繩特色美食帶咗嚟香港😝等未飛得嘅朋友都可以置身於沖繩一樣🇯🇵沖繩豬軟骨湯麵套餐🐷$118呢個套餐十分豐富同抵食😝可以一次過試晒三款特色食品😚沖繩豬軟骨湯麵，豬軟骨煮得好軟腍😛原來係用咗黑糖燉煮製作而成😋配合爽滑彈牙嘅沖繩麵，確實滋味無窮👌套餐亦會跟沖繩四季柑汁同雜炊飯團🍙四季柑汁清涼解渴，鮮甜清新😀雜炊飯團加入羊棲菜同豬肉，口感煙韌😚沖繩豬肉煎餃(5件)🥟$48 餃子即叫即煎，外皮煎到金黃色😄豬肉味濃厚，味道都唔錯👌炸沖繩魷魚鬚🦑$68香脆可口，外脆內軟😚配上獨特嘅醬汁同蛋黃醬👍真係食到停唔到口🤤沖繩風椒鹽炸蔥頭🧅$38第一次咁樣食炸蔥頭😬呢款小食都幾特別🤓用嚟送啤酒一流🍺Aburi-En豚肉丼🐽$88豚肉丼賣相十分吸引🤩肉質嫩滑，香而不膩😜融合埋秘製嘅醬汁，味道更加豐富香甜😛完全帶出豚肉嘅鮮香味🥰果然係店內嘅招牌丼飯🥳火炙豬腩肉辣味噌豬骨湯拉麵🍜$88豬骨湯湯底味道濃郁，拉麵口感啱啱好👌腩肉肥瘦適中，軟腍入味，入口即溶😚炙・宴 (MOKO新世紀廣場) (旺角)旺角太子道西193號MOKO新世紀廣場1樓156號舖

呢間連鎖日式丼飯，成日經過啲分店都見好多人排隊，咁啱嗰日經過見人少少，就入去試吓佢啦🥰特上日本豚肉飯🐷 $112一共有五大塊豚肉，都燒得幾靚仔，每塊肉片都大大塊，一啖真係會食唔哂🤣 醬汁就偏咸，比較適合重口味人士😆月見豬腩肉丼(拌生蛋黃) $82呢款就肉質軟熟，唔會燒到好乾😋 豬味都有嘅，醬汁偏甜，蛋味就唔算好食到啦😗火炙牛舌👅 $58牛舌偏薄身，但燒得唔錯，調味都適中，爽口，牛味都幾濃，值得一叫👍🏻厚炸沖繩島豆腐 $42炸到脆卜卜，外層炸到好乾身，一啲都唔油膩，豆腐軟滑，豆味又唔算好重，鍾意食豆腐嘅可以一試😋食物質素同價錢成正比，行開商場想食日本菜但又唔想成日食啲生勾勾嘅，佢都係另一個選擇嚟😗5粒為滿分味道 ⭐️⭐️⭐️性價比 ⭐️⭐️⭐️餐廳地點 ⭐️⭐️⭐️餐廳舒適度 ⭐️⭐️⭐️翻喫指數⭐️⭐️⭐️

今日去開Moko行街，一行5人正煩惱在那裏lunch好，阿女🙍‍♀️突然話見到前面嗰火焰🔥好吸引，原來係之前我一直好想試嘅炙·宴😋，剛剛好又無人排隊😳，好就咁決定。12點15分入到去，原來好彩只剩返一張大枱😙，一坐下，大家馬上急不及待拿起menu，最後各自選擇了不同嘅食物。ABURI-EN䐁肉丼 $88被譽為人氣no.1之一👍嘅招牌食物，果然不負眾望，豚肉🐖炙燒後非常香口😋，好食，另外豬肉非常大塊，竟然有6塊之多😳，十分飽肚🤤。月見豬腩肉丼(伴生蛋黄) $98豬腩肉🐖炙燒後一樣非常可口😋，嫩滑唔乾柴，桔穿生蛋黄🥚，蛋汁流入豬肉和白飯之中，不但可以中和油膩而且可以增加食慾，正👍。宮崎和牛·ABURI-EN豚肉雙併飯 $169基本上同ABURI-EN䐁肉丼一樣，只不過是將3塊豚肉🐖變成了宮崎和牛🐂，價錢貴了80蚊😅，值唔值？我就覺得超值，炙燒後嘅和牛，滲透着一陣陣油脂香味，加上入口即溶🤤，超級好食😋。櫻花蝦叉燒拉麵 $98店長推薦果然無錯，櫻花蝦🦐毫不吝嗇，放得非常之多，令到湯底味道非常濃郁😋，半隻糖心蛋，又夠流心，又夠蛋香，叉燒就普通咗啲😶，有少少乾柴，拉麵🍜就軟硬適中👍。宫崎和牛拼特上日

呢到簡直就係食肉獸嘅天堂 啲肉真係好高質🥹最近仲新出左一系列嘅沖繩美食添😍.📌特上日本豚肉鍋 $149店員介紹呢到提供三款豚肉 分別係呢款鍋嘅日本肉眼豚肉🇯🇵美國肉眼豚肉🇺🇸丹麥嘅豬腩肉🇩🇰湯底有壽喜燒/豬骨湯底 最鍾意就係清甜嘅壽喜燒湯底❤️豚肉份量都唔少 肉質勁軟嫩又Juicy 仲好有豬肉香味🐷再沾埋日本生雞蛋 食落更加滑溜🥚野菜都幾豐富 有金菇, 冬菇, 芋絲, 娃娃菜, 豆腐, 唐蒿 全部吸收晒湯底嘅精華🥬🍄🥕忍唔住再嗌多一份時令野菜嚟食 +$48🥰個飯係宮城縣嘅一見鍾情米🌾外表飽滿 入口軟糯煙韌 味道甘甜香味濃郁 好正呀🍚.📌宮崎和牛·鰻魚 $179嚟到當然要試埋個牛同鰻魚😝炙燒鰻魚好厚肉 肥美嫩滑 索晒香甜惹味嘅鰻魚醬汁 一啖鰻魚一啖飯 超正🐟和牛用左九州宮崎出品 喺日本和牛比賽拎到冠軍架🥇和牛油脂豐厚 入口即融🐮牛肉同牛脂比例啱啱好 充滿牛脂香味 肉味都好濃郁🤤另外可以+$15要套餐組合 會配一個味噌湯同迷你沙律🥗.📌厚炸沖繩島豆腐 $42呢個好推介💕島豆腐直接放入油鑊 用高溫油炸 食完餐飯再食都仲係好香脆🤩sls食食吓覺得個味好熟悉 終於比我諗到 食落好似厚版小老闆紫菜🤣

今日下午去moko行街，大約4點左右，我同朋友都肚餓，想搵間好味既餐廳，就上openrice 睇下邊間食評好，我選擇左櫻花蝦叉燒拉麵，而朋友就擇左宮崎和牛芝士黑咖哩飯，仲有3樣小食（水雲醋物，沖繩豬肉煎餃子，和牛炸薯餅）水雲醋物-好小，但同係日本食差不多味道沖繩豬肉煎餃-來到即食係凍又淋哂，肯定我屋企自己煎仲好味和牛炸薯餅-好一段來到重點:櫻花蝦叉燒拉麵-係店舖推介，唸住唔會難食得去邊，點知麵質好似食緊蝦子麵，完全唔似拉麵，叉燒有7成係肥膏，難食宮崎和牛芝士黑咖哩飯-都係店鋪推介，牛肉食落去十足似茶餐廳牛肉，無咩咖哩味，難食難食唔緊要，但服務差係一個問題我地食完唔夠2分鐘，就即刻過來執枱，一位女店員唔小心倒瀉杯水，我朋友就有禮貌叫佢唔駛急，可以慢慢執，跟住佢態度超差話:我都係唔小心ja,對唔住lo,係發脾氣語氣，我聽到就好嬲，點解可以態度差到咁，我地又無話佢到比錢,收銀個個係著西裝男人，我估係經理，我地比信用卡，do唔到佢就搶左我將卡大大力拍係卡機到，超無禮貌，點解我想搵間舒服既餐廳食野，可以有咁既態度一句講哂食物難食，服務態度超差我會叫身邊所有朋友都唔會再幫襯e間

✨月見豚肉丼呢間餐廳就係出名做火炙嘅便當，呢一份豬腩肉火炙丼真係整得非常出色。不愧係呢間鋪其中一個招牌。每一件豬腩肉都係比火槍燒過，每每一件都係沾上左秘製醬汁甜甜地，份量都唔錯，對得住佢嘅價錢😋😋

今次去咗moko 開會，冇食早餐又overrun...餓到儍咗。 比我揾到呢間店。 今次點咗食呢度排介嘅 宮崎和牛飯，飯粒分明，和牛質地ok, ，冇醬汁跟的，味道一般。整體其實都ok. 下次會再黎試食豬。

呢間嘢完全啱我哋呢啲健身人食，夠哂足料，啲肉大大塊，飯量又啱啱好，對我嚟講牛同豬肉都算滑，無覺得un，至於照燒雞肉，皮係脆脆既。以個價錢嚟講，算係性價比高，我覺得算抵食。

前段時間去Moko行街, 見到呢間新開嘅炙•燒好吸引但係嗰時實在大排長龍, 就冇入去食呢日朋友提早攞位順便同大食妹慶祝生日<月見豬腩肉丼>晏晝有午市套餐, 朋友力推月見豬腩肉丼豬腩肉炙燒之後油脂噴發, 超級好食吉開上面嘅雞蛋黃, 蛋汁流係豬腩肉同日本米飯度, 望落就好有食慾另外, 份量亦好足, 絕對夠飽套餐仲有沙律、麵豉湯同野飲, 好豐盛<炸和牛薯餅>唔夠喉仲可以以優惠價加配小食, 炸和牛薯餅認真用和牛碎做嘅, 油脂感十足