影片
开饭介绍
人气韩国烧烤店，招牌为烧韩牛，当中以肩胛肉及护心肉最为推荐。餐厅设有游玩区，适合一家大小共享天伦。
继续阅读
营业时间
今日营业
12:00 - 16:30
17:30 - 22:00
星期一至日
12:00 - 16:30
17:30 - 22:00
以上资料只供参考，请与餐厅确认详情
有关奖赏计划
相关文章
👭🏻难得约到闺蜜去食饭，但对方咁啱又要带住小朋友，想好好倾吓偈，俾我哋揾到餐厅专设儿童乐园，小朋友可以去波波池，厨房家家酒，公仔玩具车车咩都有，大人都想入去玩！仲有小渔夫渔获记贴纸收集卡，小朋友又食又玩仲有贴纸收，大人又可以轻松安心咁食餐饭！餐厅以韩屋设计，有特色仲可以提高私隐度！食物方面，呢度特设四款造型可爱嘅儿童餐。今次就试咗🐸靑蛙蛋卷便当！以天然菠菜汁将蛋卷染色，仲造成可爱青蛙模样，加上粟米、无骨鸡翼及八爪鱼香肠，样样咁吸引，小朋友仲边会偏食。🌊海洋妙妙套餐有原只大鸡髀、辣八爪鱼、严选外群肉、极上半肋条配葸蒜、牛舌，韩式秘制酱油五花肉。外群肉软嫩，肉味浓厚，油花丰富又多汁；韩式秘制酱油五花肉，肉质松软，夹住甘甜弹牙嘅猪皮，入口唔油腻！烧肉套餐有质素！加埋韩式餐前小食，炉边蛋，芝士，真系好满足又丰富，套餐仲包括芋头煎饼及二人份甜品～芋头煎饼🫓睇落平平庸庸嘅煎饼，有惊喜！少少咸配合芋头天然甜味，非常夹！煎饼脆口，唔油腻，外脆内软嘅口感有层次，一口又一口食唔停！🍈蜜瓜沁凉刨冰🍧原个蜜瓜加上牛奶味嘅绵绵冰，蜜瓜爽甜，绵绵冰食落透心凉，仲清走烧肉香浓嘅味道👅。
继续阅读
见到炑八观塘店最近搞咗个海洋主题，真系好有心思！当然嗱嗱声带埋小朋友去玩下啦，一入去就见到波波池，小朋友已经即刻冲埋去，我就舒舒服服休息下饮下野。🍱 可爱又有营养｜企鹅小跑车儿童餐小朋友嘅最爱一定系「企鹅小跑车儿童餐」，用车型食物盘盛载，吸睛度爆灯！里面有企鹅造型紫菜饭，睇落真系好鬼得意，再加埋瑞士汁肋排、粟米、薯条等，营养同口感都有照顾。食完仲有 小渔夫渔获记贴纸收集卡，可以储贴纸换礼物，小朋友食得又玩得！🍖 大人之选｜海洋妙妙餐 SET我哋大人𠮶边就叫咗个「海洋妙妙餐」，真系超澎湃！有原只大鸡髀、辣八爪鱼、牛肋条配葱蒜、牛舌、外群肉、韩式酱油五花肉，款款都好惹味。加埋芋头煎饼，外脆内软，食落满足感爆棚！🍉 解渴之选｜原个西瓜饮饮品方面都有惊喜！原个西瓜饮用个瓜盛住，影相一流；插上水龙头就变身成天然饮品机～入面系鲜榨西瓜汁，红润透亮，一睇就知够晒清甜解暑。🍈 蜜瓜心凉刨冰｜夏日必食甜品食完一餐烧烤大餐，甜品就当然唔可以少啦～炑八呢款「蜜瓜心凉刨冰」真系清新到爆！整个刨冰以蜜瓜为主角，入口即化，果香十足，啖啖蜜瓜肉，每啖都透心凉。加埋啲微甜嘅糖浆，唔会抢味，反而令蜜瓜味更突出。🧸 一边食一边玩｜放电冇烦恼餐厅最正就系有个小朋友劲啱玩嘅玩具天地，有波波池放电，仲有好多唔同嘅玩具同扭蛋机；环境干净舒服，爸妈可以安心叹住烧肉，小朋友玩到唔舍得走！
继续阅读
姨甥女放暑假，有好多时间带佢周围饮饮食食，今次试间梦幻有波波池同滑梯嘅韩烧😍芋头煎饼第一次喺韩国餐厅见到呢样，一定要试吓，上枱必须即食，好脆，满满芋香，推爆👍🏻海洋妙妙餐 入面有原只大鸡髀🍗辣八爪鱼🐙严选外群肉、极上牛肋条配葱蒜、牛舌、韩式秘制酱油五花肉等，五花肉腌得几好，有少少甜味平衡翻，唔会太油，牛舌烧到焦香，食落爽脆，鸡髀超级大只，煮完都仲有成只手咁大，八爪鱼有极长嘅触须，香香辣辣好惹味，牛肋条好软嫩，好香牛脂最开心系有炉边蛋和烧芝士粟米，仲可以添😭依家越来越少餐厅食到！西瓜🍉汁原个椭圆形的西瓜上，可以自己扭开倒新鲜西瓜汁，超疗愈，好有童心，睇到都超开心🥳企鹅小跑车上枱小朋友见到即刻尖叫😍有两只小企鹅坐咗喺跑车度同埋火腿小花🌸一齐，猪肋骨入味软腍，甜酱汁好啱小朋友～蜜瓜沁凉刨冰刨冰好幼细，底下全部都系蜜瓜，不只是冰，好有诚意，小时候回忆的蜜瓜味道🍈
继续阅读
亲子餐厅至爱之一系观塘「炑八韩烤亲子餐厅✨」，餐厅以传统韩国韩屋装修，充满特色，仲可以穿着韩国服装打卡影相，餐厅最大卖点系有playhouse，大人可以专心享受食物，小朋友可以尽情放电，一举两得。餐厅以韩烧为主，仲有不同款式韩国美食，近期夏天餐厅做紧「海洋主题🍀」，有多款以海洋为主题嘅食品供应。佢哋既海洋主题主题儿童餐非常别致，有企鹅小跑车、海豚蘑菇汁饭、青蛙蛋卷便当等等，健康又好味，小朋友一定被吸引坐定定食饭😂「海洋妙妙餐」非常丰富，包括原只大鸡髀、辣八爪鱼、严选外群肉、极上牛肋条配葱蒜、牛舌, 韩式秘制酱油五花肉等等，每款都非常好味。芋头煎饼香脆可口，香甜又好味。最后，要食埋个消暑甜品「蜜瓜沁凉刨冰🍧」，哈密瓜清甜可口，配合绵绵刨冰，啱晒夏天消暑。
继续阅读
发现一亲子餐厅可让孩子放电，也让大人享受美食以韩式烧烤为核心，设波波池游乐区，轻松共享天伦木系韩屋设计营造温馨氛围，孩子玩得不亦乐乎透明玻璃设计让家长边吃边安心看顾，细心周到企鹅小跑车儿童餐，造型可爱，瑞士汁肋排酱汁浓郁海洋妙妙餐份量十足，外群肉和牛肋条酱汁入味，五花肉肥瘦均衡芋头葱饼外脆内糯，芋香浓郁，孩子吃得开心甜品焦糖布甸质地丝滑细腻，入口即化，甜度适中加配原个西瓜饮吸睛夺目，冰凉解渴，适合亲子分享小渔夫渔获记贴纸收集卡让孩子集贴纸换礼物，乐趣无穷
继续阅读