炑八韓烤 (荃新天地2)

营业中

休息中

世界盃期間，炑八好有心思整左塊佈景板比大家扮下倒掛金鉤打下卡，幾得意。去到坐低叫左個$698全能進攻燒烤套餐之後，例牌奉上五款前菜，包括沙律泡菜芽菜青瓜海帶等等，特別鍾意佢嘅泡菜，爽口味濃。除咗沙律之外，全部都可以無限refill。侍應開爐之後，幫我哋喺爐邊整芝士粟米同泡菜蛋，仲要係無限添加㗎，我哋加咗三次咁多，芝士拉晒絲😍和牛牛肉粒牛肉粒唔靚會好韌，但炑八既牛肉粒脂肪分布平均又夠肉汁，唔會太肥膩之餘又少少咬口。蔥蒜牛五花鍾意重口味人士唔好錯過，蔥蒜好似免費咁， 鋪到成份肉都係，醃得非常入味，用大火燒香，聞到都流晒口水，加上牛五花本身油脂比較多，邪惡之選彥陽牛肉同韓牛前胸肉都唔錯，前者薄切香口，非常易入口，後者較厚有咬口仲有點牛既油脂新鮮鰻魚蒲燒鰻魚就食得多，新鮮鰻魚就無咩點食過。店員非常細心，上菜就同我地講去到最尾燒鰻魚可以搵佢幫手燒。原來燒鰻魚要換塊鐵板，好彩有店員一開始溫馨提示🤣店員問我地使唔使燒得香口啲，我哋當然答好。佢將鰻魚剪成十多塊，反覆將兩邊煎到金黃，睇住佢煎既過程都係一種享受。最後佢提我地最好加小小鹽。食落外皮酥脆且肉質柔嫩，魚油在口中四濺。芝士帶子八爪魚帶子鮮甜多汁，

又到四年一度既盛事!係世界盃呀!⚽️⚽️🥓咁好既氣氛,點可以唔食住韓燒睇波呀!而家Citywalk現場仲會直播世界盃..再配合埋炑八門口既擺設..⚽️⚽️簡直就好似置身係現場睇波一樣呀!慶祝得世界盃,緊係要豪一豪佢啦!我就叫咗..夢幻組合燒烤套餐$895加全份人蔘雞湯$75🥓🥩💁🏻‍♀️套餐有和牛翼板肉、豬梅花肉、和牛牛肉粒、醬油LA骨、醬油五花肉、大蝦、韓國鰻魚、韓牛前胸肉、大王豬扒、海鮮煎蔥餅🥚🧀特別介紹一下,圍住燒肉PAN既蛋同芝士係可以無限添加架🥩和牛翼板肉 - 高級既牛肉，唔需要任何調味料已經好好食🐷豬梅花肉 – 肉質爽口得黎又Juicy🐮和牛牛肉粒 – 濃郁既牛味🥩醬油LA骨 – 自製醬油配上LA骨,個個都爭住食🐖醬油五花肉 – 五花肉一定係韓燒必備，燒到脆卜卜🦐大蝦 – 爆膏既蝦頭，爽口既蝦肉，燒出黎特別有風味🐟韓國鰻魚 – 鰻魚又大條又肥美，沾上特製鰻魚醬汁，有燒焦香味🐄韓牛前胸肉 —　高級韓牛，滿滿既肉汁，肉質緊致🐖大王豬扒 — 肉質淋，配上特製調味，夾生菜食一流🍕海鮮煎蔥餅 — 佈滿海鮮，而薄餅煎得又薄又脆，唔可以錯過🐔人蔘雞湯 — 人蔘雞湯，全雞獻上，裏面釀有糯米、紅棗、人

今天和好友一起去荃灣吃下午茶，看到這間餐廳的優惠就被大大吸引了，款式很多樣，看似也很美味，然後價格也不貴，所以我們就毫不猶豫地點了滑蛋煎雞飯和紫菜牛肉飯。我們下單後不到5分鐘就上菜了，也配上一些小食，感覺實在太豐富了🤤👍滑蛋煎雞飯的炒蛋真的很香滑，也很香蛋味，而烤雞也很嫩口，外皮很香脆，份量也很多，所以真的很滿足！再配上一些沙律菜吃，整件事也變得很健康😝 紫菜牛肉飯也挺豐富的，牛肉很香滑多汁，再配上紫菜吃便很有滋味😋整體而言，整個用餐過程也很好，環境食物也不錯，價格也很抵，所以真的很適合和三五知己在下午茶的時間過來吃🥰❣️

world cup 咁係同韓燒最般配啦！呢間韓燒店門口有好大既一個球門倒掛金鉤既backdrop,同埋菜單又真係有射手、進攻套餐哦，幾應景。我地嗌左神級射手套餐，呢個套餐包括各式肉類拼盤（牛翼板、豬扒、雞肉、豬皮、八爪魚）生菜，菌菇，南瓜，種類豐富。仲配有沙拉、韓國泡菜、芽菜、泡蘿蔔，和經典韓式三小碟蘸料。加左一份人參雞湯，會有店員幫手剪開雞肉，原來好有講究，雞肚入面有人參，紅棗，糯米，非常足料。湯入面既雞肉都有脫骨，應該煲左好耐時間，整體味道鮮甜，好適合宜家有小小凍既天氣。佢間既特飲都不錯，我地嗌左菠蘿梳打同柚子梳打，味道都好清爽，同韓燒非常夾味。

餐廳佈置簡約時尚，座位舒適， 配上柔和的燈光， 為咗慶祝四年一次的世界盃， 餐廳入口有一幅大型足球poster ，提供足球迷打卡留念， 仲有一連串的優惠給客人， 詳情記得問店員喇，環境和氣氛相當熱鬧。進入餐廳時， 已經聞到陣陣誘人肉香， 令人垂涎。坐低後 ， 店員殷勤地先送上韓式前菜， 有泡菜、大豆芽、 醃蘿蔔等， 醃得爽脆入味， 是滋味的開端，烤爐邊還有滑溜的泡菜蒸蛋、 惹味芝士粟米粒， 好滋味的餐前小吃 ，仲係無限添食 !厚切五花腩 厚切的五花腩， 一層肥肉一層瘦肉相間， 肥瘦適中， 燒烤時， 肉香十足 ，肥油滴在爐端中，火光更旺盛，燒好後，表面帶微微焦香， 肉質軟嫩，沒有油膩感， 亦可以用生菜加上蒜粒 ，包起五花肉一齊吃， 口感變得更清爽， 讓人喜歡。原味牛舌 薄切牛舌，燒至油光亮澤， 鮮味帶嚼勁， 口感一流。特級牛肋骨超長的特級牛肋骨，賣相吸引，燒烤時， 肉香四溢 ，燒好後，邊沿帶迷人焦香， 入口軟嫩， 因為用梨汁醃製過 ， 每口充滿著梨汁的甜香 ， 加上鮮味的肉汁在口中迴盪， 令人樂在其中。芝士韓式什菌 雜菌加上豐富的蒜蓉、 蔥粒及芝士放在錫紙一起燒， 看著芝士慢慢溶化， 令

炑八燒烤我相信好多人都會聽過，而今次這一個世界盃時段， 佢地亦都有一個event主題， 令我哋更能夠感受到世界盃氣氛。在餐廳門口佢哋有一個backdrop， 相當有趣，我哋可以扮踢足球使出倒掛金鉤。 都幾有創意。入到去裏面我哋揀咗一個世界盃餐， 全能進攻燒烤套餐。 仲可以用優惠價加配人參雞湯。叫完餐後佢哋幫我加芝士同埋蛋喺爐邊， 仲有好多唔同嘅配菜。接著佢哋就上咗人參雞湯 有專人過嚟幫你剪開成隻雞， 雞入面嘅配料好豐富，人參紅棗栗子， 香味撲面。然而主菜當然係燒肉，和牛翼板肉，和牛牛肉粒，彥陽牛肉等等整個套餐份量十足， 和牛真係好正， 絕對唔使驚會趙香口膠， 入口非常鬆嫩同埋啲牛香味好強。 用菜包起來一口放入口， 非常滿足。我最欣賞佢仲有海鮮同埋成條鰻魚第一次自己燒鰻魚， 魚皮燒到脆卜卜， 而且魚肉保留嫩滑，美中不足的是魚骨太長， 間硬吞落肚會有啲吉口。另外仲叫咗兩杯特飲， 拍照打卡一流👍

家有食肉獸家有年輕食肉獸家有年輕運動健將食肉獸體壇盛事世界盃期間炑八推出幾款燒烤套餐當然呢件事係由食肉獸話比我知好啦 佢最近表現唔錯就帶佢去啦-炑八推出左三個價位套餐唔洗佢比錢當然一野揀左最貴再三保證佢會食得哂就由佢啦一次半次我自己就額外加左個蔘雞湯～-夢幻組合燒烤套餈大蝦醬油五花肉大王豬扒韓牛前胸肉海鮮煎蔥餅和牛翼板肉最高等級韓國豬梅花肉和牛牛肉粒新鮮鰻魚-擺盤十分靚🫶🏻係誠意之作食燒烤 除左餐廳提供比你嘅配料 道具之外基本上就係燒嘅時候定生死炑八爐邊蛋 粟米芝士同小菜都可以添～網可以隨時換 雞湯會係你面前蔘埋台面夾同剪刀都齊備哂～-大部分肉都唔洗額外添醬料就咁食 / 包生菜 加小菜包埋食已經好好食最仲意用豬梅花肉夾泡菜荳芽用生菜包埋食生菜清爽岩岩好中和肉嘅油香再加埋泡菜嘅辣第一次燒鰻 估唔到又幾好食當然唔排除係我燒得好燒好嘅鰻魚魚皮脆身 魚肉爽口煙靭魚皮向下成片燒 燒到卷邊反轉燒魚肉然後剪開細細件燒埋兩邊 完成！另外佢嘅蔘雞湯真係好好飲 唔味精唔假 雞肉多有雞味值得加！！-商場中間有部大電視識識吓飯嘅時候聽到樓下有人歡呼就估到應該係有人入球啦樓下同埋商場一樓欄杆旁邊都有好多人關注世

四年一度嘅世界足球盛事話咁快就到啦，梗係要約埋三五知己一 齊睇波啦！ 見到荃灣炑八門口都為世界杯打做咗個足球佈景位，方便球迷打卡，yeah !仲特登打了球迷燒烤套餐👇🎉《神級射手》$498🎉🎉《全能進攻》$698🎉🎉🎉 《夢幻組合》$$895我哋叫哋《全能進攻燒烤套餐》，包括高級和牛翼板肉、香濃和牛牛肉粒、惹味彥陽牛肉、超香蔥蒜牛五花、新鮮鰻魚、韓牛前胸肉同理香濃芝士帶子八爪魚，咁難得，大家一定要慶祝吓啦！環境十分舒服，地方寬敞。除了salad & 菜， 其他配料可以任加， 包括泡菜，蒸蛋和芝士烤粟米等等。 牛肉油脂分佈好平均， 好靚雪花紋，入口鬆化， 仲好juicy，肉味香濃，牛味豐富。以全隻嘅《人蔘雞湯》，將糯米、紅棗、蒜和人蔘等讓入腹中，之後燉煮製成的，雞湯又好味，又補身，正！ 烤鮮鰻魚，鰻魚大大條，十分厚肉， 味道鮮甜，配上醬汁，好惹味，超正。 芝士帶子八爪魚，帶子鮮甜可口，八爪魚超彈牙，配上香濃芝士，好夾！ 薄荷荔枝梳打& 藍夭使梳打荔枝啖啖果香，食韓烤配上梳打飲品，好爽， 好解膩，必叫呀！

世界盃開鑼，家中大細路話要去商場睇波咁啱荃新天地有波睇，當然要食飽先睇波啦！我就揀左食炑八韓烤門口有個大嘅影相位，等大家可以打卡一齊感受世界盃氣氛佢地亦推出咗炑八足球⚽️狂熱套餐神級射手燒烤套餐 $498 覺得好抵食和牛翼板肉、最高等級韓國豬梅花肉、大八爪魚🐙・梨汁雞肉・醤油五花肉、秘製豬皮豬皮彈滑，入口溶化，必點！大八爪魚，爽口彈牙，一定要encore落雨凍凍地就好想飲湯叫餐加$75就有全份人參雞湯，天氣凍，飲湯就舒服上菜時職員會幫忙剪雞雞肉仍然滑嫩，雞肚仲有栗子🌰 糯米、人蔘、紅棗，雞湯鮮味十足！食飽一岀去就可以睇波😂方便

老公早幾日係荃灣返工佢話荃新天地有大屏幕睇波好啦。好啦。食完野先睇波啦去到一樓見到炑八有個好有趣的背景板影完相就入去食野特級牛肋骨連骨帶肉，一條過好長好長用上秘製韓式醬油醃製，好入味，食落去很軟稔，肉質鮮嫩，肉汁在口腔盤旋仲有大蝦可以燒，肉質結實原味牛舌 牛舌油脂豐富，薄薄一片，夠濃味，食起來真係好嫩嫩的厚切五花腩 油脂芳香濃厚，肉質結實，肉味香，加上四周都煎封，先鎖住肉汁，再熱一熱就容易剪，配上生菜，蘸上豆瓣醬，我會加埋泡菜食，辣辣地又香味芝士韓式什菌擺得好整齊，菇類有不同，金菇，冬菇等等，估唔到芝士甘香濃，菇類索曬芝士汁，很香濃又柔滑芝士炸雞半份炸雞份量多，外脆內軟，雞肉嫩滑又多肉汁，連埋拉絲既芝士，勁邪惡韓式豬皮配炒芝麻豬皮很Q彈，富蛋白膠原，食起來似啫喱糖質感，仲要食到甜甜地的醬油食左甘多肉點少得叫返杯梳打荔枝果香味濃，仲有荔枝，柑橘果肉菠蘿梳打很香甜，仲有菠蘿肉添

正值世界盃很多商場都有直播看球賽，我們去到荃新天地也是如此，如果球賽開到三點商場就會直播到三點。.我們去了一樓的炑八韓燒先享用晚餐，再直落慢慢長夜看比賽。餐廳也10分有創意推出了三款迎合世界盃主題的燒烤套餐。我們就選擇了夢幻組合燒烤套餐Dream Team BBQ Set $895，這一個套餐其實夠三到四個人食，有牛有豬有海鮮也有熟食，而且更加有免費添加的前菜及沙律等等，好似自己去了一次旅行般開心！牛肉類的代表：和牛翼板肉、和牛牛肉粒：和牛真心好正，見到有明顯的雪花紋，肥瘦均勻而且鮮紅色一件就知十分新鮮。放上烤爐燒一陣陣牛肉的香味撲鼻而來，牛味濃郁不得了呀！醬油LA骨、韓牛前胸肉也十分不錯，片片厚切，超級正。.豬肉類的代表也不甘示弱，有最高等級韓國豬梅花肉、大王猪扒、醬油五花肉，有肥有瘦，任君選擇。而且真心好大方，一大片一大片的豬扒，幸好我們有男生在這裏，幫手吃吃吃否則的話真的太飽了。我比較喜歡醬油五花肉，燒完之後感覺有點似日式叉燒，甜甜地非常入味。.烤肉時要先以較強的火力烘烤鎖住肉汁，香氣十足而不膩口，好吸引呢！.海鮮類的代表更加是王者中的王者，有2隻大蝦、及新鮮鰻魚。食物質素而言真

在荃新天地炑八韓烤的門口，見到這個足球佈景，除了打卡應景，還掀起朋友的足球狂熱，先來一個神級射手$498燒烤套餐，加全份人參雞湯$75，吃飽後去大堂看足球，十分有氣氛呢！肉類拼盤包括有和牛翼板、韓國最高級豬梅肉、大八爪魚、豬皮、梨汁雞肉、醬油五花肉，每款兩篇二人份量已足夠因為有很多配料可以任添，包括泡菜、燒烤板旁邊的蒸水蛋和烤粟米芝士，我們都很喜歡吃這些配料，添了兩次呢！最喜歡將醬油五花肉，脂肪和肉層層分明，烤完爽口有彈性，包上生菜和醬汁一起吃，非常香口惹味。豬皮看似肥膩，其實燒烤完口感又滑又有彈性，像吃骨膠原一樣。大八爪魚也不錯，味道不算濃，但煙韌口感，燒完特別香，邊吃邊看足球真的很過癮。燒烤板旁邊的蒸水蛋和烤粟米芝士，是估不到的好吃。蒸水蛋口感超滑有口感，粟米粒粒香甜，配芝士拉絲又煙韌，烤到微微燒焦最好吃。人蔘雞湯，估不到全隻雞是這麼大，裏面釀有糯米、紅棗、人參等中藥材，喝下有香濃雞湯味，鮮甜之餘，又有中藥材香，轉秋冬天氣，滋補一下也不錯。加配梳打飲品水準也不錯的菠蘿梳打就像喝菠蘿沙冰一樣菠蘿味香甜。荔枝梳打顏色非常漂亮，紫色漸層配有荔枝和杏桃果肉，有氣的感覺很爽，又解渴，配燒烤一

呢排開始左世界盃，我已經懶得煮飯諗住食完就出去睇世界盃趁今日朋友可以收早陪我我決定食韓燒上到去心大心細都唔知食咩好最後揀咗荃新天地依間韓燒餐廳超級闊落整體都係卡位偏多環境都幾乾淨，服務員又幾有禮貌首先上左d前菜芝士炸雞半份雖然寫住半份，但份量都吾惹少雞肉外脆內軟，雞肉多汁一啲都唔輸蝕加埋芝士好邪惡又正特級牛肋骨 牛肋骨已經調味，肉質細嫩，而且肉味濃郁，但油香味依然充足，原味牛舌牛舌我燒至粉嫩色，口感非常Q彈，亦吃得出牛舌的鮮甜厚切豬五花黎得韓燒除咗食牛肉之外，好似五花肉亦都係必點之選，肥瘦相間豬皮燒完既豬皮，口感略為軟嫩入口QQ似軟滑似啫喱，滿滿骨膠原口感芝士韓式什菌又是芝士🤤叫我點樣抗拒Wor食韓燒梗係要嗌番杯梳打菠蘿梳打、荔枝梳打絕對係我哋嘅首選菠蘿清新怡人，而荔枝香甜解渴

四年一度世界盃⚽️又嚟啦😀😀 今年賽事時間好好呀，下午六點開始就有得睇，最啱就係出街食飽飽返屋企繼續睇😎 好多餐廳都做緊世界盃優惠， 一齊慶祝呢個盛事。 今日就去咗荃新天地二期嘅炑八韓式燒烤， 餐廳做緊優惠之餘仲有一個倒掛金鉤backdrop，較啱位置， 你就有一幅倒掛金鉤射門嘅相啦，幾過癮🤣餐廳裝修好靚，有幾個區域，而我就最鍾意卡位啦。 首先想講下服務，呢度啲職員態度好親切，好用心咁講解，值得一讚👍 餐廳嘅食物選擇都好多👍👍🌟首先嚟咗前菜， 除咗泡菜，芽菜之外仲有沙律， 佢啲菜非常新鮮， 而且佢仲有生菜，蒜片，辣椒俾你包肉食，減少油膩感👍 韓式烤爐兩邊分別有 泡菜蛋🥚同芝士粟米🌽 靜雞雞話你聽，無限添加㗎😆🌟特級牛肋肉牛肋肉已經醃製咗，好大條，要分兩次燒， 肉質好嫰， 有少少甜味，好快已經燒到香味出嚟， 流曬口水， 仲有隻大蝦俾你燒添，都好新鮮㗎👍🌟韓式烤腹脅肉肉質有咬口，肉味濃， 最適合係用生菜加韓式辣醬加蒜片辣椒一齊食，好好味😋🌟芝士韓式雜菌唔好睇少呢一兜雜菌，連埋芝士，特製蒜蓉醬一齊燒，估唔到咁正，煮嗰時記住加少少水呀😆🌟韓式豬皮配炒芝麻燒豬皮第一次食， 其實已經熟咗㗎，仲用醬汁

| 大滿足韓烤夜 @ 炑八韓烤 (荃新天地)  | 講女美食團 =  =  =  =  =  =  =  =  =  =  =  =  =  = 💬 總括: 餐廳環境寬敞，坐得舒服。韓國直送食材，係香港都食到韓國感覺，各款肉類質素高，分量十足環境：★★★★★ | 味道：★★★★★ 服務：★★★★★ | 抵食：★★★★☆————————————————去開荃灣做野，想食烤肉，於是同親愛的去咗炑八韓烤 成間炑八店面大，環境寬敞，就算人多都唔會太嘈太迫同親愛的邊傾邊烤肉，坐得好舒服 - ▼ 任食項目 勁鍾意食泡菜爐邊蛋、芝士粟米，仲可以無限添加。泡菜同生菜都係免費任食項目，食完可以再加。-▼ 芝士炸雞半份 韓國菜除了烤肉，炸雞都唔少得 點咗半份芝士炸雞都好大份 炸雞口感外脆內軟 無骨食落啖啖肉好JUICY 香濃芝士仲可以拉絲炸雞配芝士食又另有一番風味- ▼ 韓式豬皮配炒芝麻 雞皮食得多，烤豬皮第一次食 厚切豬皮以梨汁醃製過，烤過豬皮充滿膠質 入口QQ，口感爽彈 - ▼ 特級牛肋骨 長長一卷原條牛肋骨勁大條，燒之前打開影張打卡相 牛肉油脂分佈好靚雪花紋 燒完不用蘸任何醬料都已經好有味 食落肉