炑八韓烤 (屯門市廣場2期)

营业中

休息中

以為公眾假期去會好多人，點知唔使排隊就入得… 一坐低就聞到油煙味好重，好熱仲有d焗 因為得兩個人，所以冇叫套餐…叫咗牛肋骨, LA牛扒，仲有豆腐湯同野飲… 兩款牛肉都好韌，熟哂都咬唔斷，要剪粒狀再燒個湯出餐好慢，懷疑漏單，過左20分鐘，一追單就有食咗成餐，最好味既竟然係d配菜 燒芝士粟米，雞蛋…埋單更差，等足15分鐘，睇住張單出左，但個職員掛住喺個位同同事吹水 走果時，佢送左coupon，但肯定唔會有下次……

話說今日想帶個女去市中心晚餐，行咗幾間女女想食既飯店都大排長龍，竟然炑八唔使得位，咁就決定入去食啦😝還記得之前食係要排餐死🙄叫餐前會送沙律，前菜等👍🏻今次我地一家三口都唔肚餓，所以就散叫兩款肉，再加一個炒粉絲牛小排，$190黑毛豬五花肉，$148前菜係任添既，我最愛酸蘿蔔，夠開胃爐兩邊有芝士粟米及泡菜蛋阿女最愛芝士粟米，佢一個人食咗三轉😝牛小排雖然得6塊，但真係好好食，肉汁又多，脂肪平均有和牛既口感👍🏻看似好肥既黑毛豬，燒完之後好香口，完全唔肥，仲要好大塊架雖然叫得三樣食物，但我地一家三口都夠哂飽，因為前菜食多咗😝最失望係老公想飲啤酒，連續叫咗三款都話無貨，只有大枝裝啤酒，但一個人真係飲唔哂😔

今日同朋友因爲太晏都未食中午，好鬼餓，走黎食個超飽既下午茶😸我地餓到等唔切燒肉、叫左個烤牛肉蛋包飯同炸雞🙈每個下午茶飯都有送一碗清湯，食唔錯既😸個飯呢，蛋係滑滑地嘅，不過有少少奇怪嘅味，可能加左其他野落去，牛肉好味，但偏鹹🙈呢個炸雞不得了，個雞超肥，搣佢陳皮入面全部都係油，到最後我同我friend都放咗喺度🙈🙈不過都唔怪佢嘅，因為香港嘅冰鮮雞係肥啲但係下次都唔會來呢度食啦，佢呢度員工嘅態度好奇怪。就算食物質素好都唔會再黎，何況而家甘普通👽

今日姐夫生日，去左炑八韓燒慶生，預早訂位，呢度生日係有炸雞同海帶湯送既！枱都好大張，都算幾好坐！一坐底就放底前菜，泡菜蛋同芝士栗米任加，正！我地叫左3-4人餐，有蝦有八爪魚，蝦就唔太彈牙，但八爪魚就有少少驚喜，仲有鮮味！韓牛都算大塊，燒完都好有牛味！豬心肉就出名既，確實燒完後仲好有肉汁兼有豬豬味；仲海鮮韓式薄餅，呢個都好多野食，都只係$785呢個豬柳都好好食，好淋身，好入味！👏👏👏我地仲叫左2公升啤酒，盡情啤啤！

好耐之前炑八啱啱開係太子果陣食過一次，果陣好抵食，叫個２人set要3個先勉強食得哂。而家開左好多分店，咁啱去開屯市，心血來潮要食heavy野，咁就去左食。因為始終３個女仔去，又３個都唔係食肉獸，基於怕食唔哂，所以都係叫左458蚊個set加個魚糕湯。去到邊都係要食魚糕湯！排得好靚，材料亦都好新鮮。職員會幫手撈涼麵，真係好～望落好多，到食果陣就都發現多到好似食極都食唔完咁，因為仲有個沙律同豬扒。個芝心豬扒好食，好juicy同埋啲芝士就係流流地，加少少檸檬汁就perfect池～屍橫遍野嘅現場，野食新鮮，燒起黎當然好食。職員都好好，fill蛋fill芝士都好快手。因為我地本身食野慢，加上又係咁傾計，又燒得慢，食到變左最後一枱客，職員好好冇催過我地，亦都冇小動作，呢樣野好impressed，所以我地發現左之後，拿拿淋走人，哈哈！

呢排咁多人好評呢間tea set於是抱著試新野心態食下個tea。泡菜豬肉湯跟白飯份量比想像中大好多，一啲都唔孤寒。泡菜豬肉湯味道好韓國classic味，甜甜地，越食越開胃，豬肉並唔係乾柴嗰種，少少脂肪食落口冇咁「瓜」，又適合我瘦骨仙人食😋。要提一提碗湯超滾、啵啵啵～～沸騰著！出面食個幾間餐廳都唔係滾燙嗰種，而且湯喝起來酸辣夠味，但又十分順口，可見得泡菜份量都OKAY!如果大家等到食tea當lunch都可以，因為份量都唔少！

不是我狗噏，它的宣傳口號，都是，一個人吃烤肉。我點左個$128餐，選左牛五花肉，雞肉，豬肉流心蛋飯。好玩之處，湯，飯，爐邊蛋，前菜，任食任叫。但實戰後，食一轉都飽到無朋友。牛五花肉，雞肉最百零蚊，如同戀人去都幾有feel總結:4個大字：ok一試

星期六同朋友係UA睇完猿人爭霸戰，餓餓地係屯市搵野食，見到炑八既下午茶餐幾抵，一時韓癮發作，即刻攞位，唔洗等好耐就有位坐啦！點左個蜂蜜牛油炸雞，雖然佢話係二人用，但我承認我大食，驚唔夠食，所以再點多個鐵板泡菜豬肉粉絲。睇賣相好正，食落都OK，牛油味好香，外面炸到脆卜卜，肉質仲好嫩，仲有甜甜地既蜂蜜味，個醬都好match，搵次得閒再來，點另一款炸雞試試先個鐵板泡菜豬肉粉絲都唔錯，炒得好入味，又唔會太乾身，有少少辣，好開胃，最後食哂飽到上心口，連晚餐都慳返另外仲加左$12叫左杯柚子檸檬Detox Water，第一次飲detox Water，唔知係咪真係咁健康，味道就好Fresh，甜甜地酸酸地，一邊食炸雞一邊飲Detox Water，好消膩！

下午茶時段，叫左份2人芝士炸雞同牛肉蛋包飯，個炸雞真係不得了難食，啲雞好似雪左好耐，有雪櫃味，又有啲［叔］左既味，無肉得啲骨，無下次！個蛋包飯就幾好味，啲蛋夠滑！跟餐叫了3個野飲，奶茶ok個2杯青檸梳打同柚子蜜梳打超級一般，同水差不多～跟餐加8蚊揀左呢個紫菜卷，料係幾多，但好硬唔好食！魚糕都係跟餐加8蚊，都一般！整體來講，不可一不可再！

今日下就同媽咪出去搵好野食，我地都好想食韓國野，見到炑八有個LUNCH SET就俾佢吸引左入去食。我地叫左一個韓牛雪濃湯配飯（$87），另一個就叫左鐵板LA骨牛肉拌飯($68)，兩個set都配埋湯同埋前菜，其實食一個午餐黎講價錢就唔算話好平，但同同媽咪食野就係可以食幾貴都得，哈哈，最緊要好食。個湯我個人就好中意，因為清清地，仲要有好多我好中意既海帶。我果個韓牛雪濃湯配飯，個湯又係清清地，入面啲蘿蔔勁入味又好淋。個韓牛都係煮到好淋，一d都唔un!兩樣野送飯都好岩啊~ 好食到我食哂成碗飯！媽咪叫果個鐵板LA骨牛肉拌飯，同meun張圖一樣，有好多配菜，份量都okay。偷食左d牛仔骨，好好甩骨，又好入味。最尾我地兩個都食到好飽～～

之前食過炑八的午市定食 當時因為太飽無食甜品 呢日同朋友食完lunch 發現屯門市廣場有分店 一於來幫襯返裝潢都幾有懷舊冰室feel我哋叫咗兩款share首先先綠茶紅豆迷你冰沫估唔到有埋mochi！好煙韌！咬一啖可以搣到好長～～抹茶粉茶味濃郁 唔係得個甜字另外係Oreo朱古力迷你冰沫眼見有四五塊完整orea 撩開舊cream原來仲有冰沫沫得好細粒 加上面有cream 同冰沫撈埋特別幼滑 口感一流每客$42 仲全日免收加一 正

今日放假 同frd食餐好 佢帶我來試炑八 呢間主打韓燒 lunch time和tea time各有定時套餐 齋睇menu都幾吸引烤五花肉流心蛋飯大大碗只係$52 有埋泡菜前菜五花肉微辣 一般人都handle到 肉同飯之間係好fresh嘅生菜絲 減去成碗飯嘅油膩感... 吉穿流心蛋後 蛋漿包煮啲肉 令肉質水潤香滑加$68有半隻蜂蜜咖啡炸雞 啲皮好脆 入面啲肉就超滑！炸雞下面原來有埋薯條！食完熱氣嘢 加$12要返杯排毒養顏的士多啤梨藍莓Detox Water 入面真係有鮮果粒 仲有薄荷葉 清甜可口！呢餐lunch實在太滿足！

有日下就同男朋友行街，經過炑八，見到有下午茶set(14:30-17:00)幾抵食就入去試下。我就叫左個烤五花肉蓋飯 ($48)，同圖一樣有隻生蛋係上面，Waiter同我地講話係撈暈佢先食，生蛋撈飯真係一流啊！同埋真係估唔到會有咁多豬肉，撈埋d生菜食真係好夾，勁好味！份量岩岩好。我男朋友就叫左烤牛肉蛋包飯($48)。雖然話係下午茶，一上台就覺得真係好大碟，如果女仔唔係好肚餓都真係未必食得哂。蛋包飯隻蛋仲係好有蛋汁，啲牛肉既汁都好好味。同仲有一樣好鍾意既野就係Ｄ沙律菜都好新鮮。同男朋友share完依個下午茶真係超級飽，同埋有好多菜感覺好健康。下次遲起身可以黎依到食BRUNCH !

I'd a lonely but satisfied tea time myself yesterday afternoon at MeokBang Korean BBQ & Bar because Kris was in business trip. They had a decent range in terms of a menu and the staffs are very friendly. The rice omelet with chicken is just perfect for me! The split style is most popular kind of dish recently. Great serving size and the toasted chicken with BBQ sauce mixing with the rice omelet. The food was very well made and tasteful. If they mix with some ketchup flavoured that will be perfec

較早前同朋友試炑八午餐，我們一共點了兩個餐，先有前菜同湯，再來大大份主食，最後再加個韓式冰沬甜品，好滿足。主食1~ 烤五花腩流心蛋飯 五花腩肉份量多，將流心蛋同生菜絲拌勻一齊食，口感一流，大大減低了五花腩的肥膩感，下次可以再encore。主食2~ 鐵板LA骨牛油拌飯LA骨肉質算嫩，拌飯帶有勁香牛油味，因鐵板夠熱好易有飯蕉，如不想吃過硬飯蕉，記得耐唔耐就攪拌一下。韓式甜品~ Oreo朱古力迷你冰沬 & 綠茶紅豆迷你冰沬，兩款冰都鋪上大量粉沬，朱古力同綠茶粉都夠濃味，配上軟綿綿冰好好味。