炑八韓烤 (金巴利中心) (已結業)

想起食韓燒就會諗起炑八，剛好尖沙咀附近金巴厘道有間，方便又就腳！店內抽風做得幾好唔會好大煙！朋友點左好幾款燒肉，上台時都幾討好！有位靚仔店員見我地雞手鴨腳，於是佢就幫我地燒，非常感激佢既幫手！燒出黎真係非常唔同，好食好多，下次去金巴厘分店見到有大隻仔，佢得閒的話不彷叫佢幫下手，你會體驗到燒肉燒出黎係另一層次，非常讚。厚切五花腩，店員先將 rosemary放底再將五花腩放面，然後用夾壓實，將 rosemary香氣迫出，真係勁香！燒完出黎真係香氣撲鼻，五花腩肉質肥美！肥瘦均稱，還滲出陣陣嘅rosemary氣味，超加分！特級牛肋骨，牛味好突出，唔會太膩，入口質感又夠嫩滑，配埋生菜蒜粒一齊食，更帶出層次感。八爪魚，靚仔店員竟然可以燒到較為煙韌既八爪魚變到好soft好有彈性， 拿捏火候非常重要！彈牙軟綿好好食又帶出魷魚既鮮味。甜辣炸雞，香脆唔油膩！topping既醬汁惹味，雞肉幾juicy, 食完一件再想食第二件！就算半份既份量都幾足料。芒果梳打，成個芒果肉放在杯邊，賣相靚又真材實料，唔會太甜夠香！解暑又解膩！

🇭🇰香港📍尖沙咀📍炑八韓烤 (金巴利中心) 📍尖沙咀金巴利道35號金巴利中心B樓1號鋪🌹 落完單店員就主動送上前菜沙律，爐邊既芝士蛋同泡菜可以無限量添加。店員仲好細心會間中留意下你有咩需要幫手。🦄 特級牛肋骨 $288🦄 評分：8/10超級大條牛肋骨，醃得好入味，牛味濃郁。🦄 原味牛舌 $138🦄 評分：8/10🦄 厚切五花腩 $138🦄 評分：6.5/10油脂滿滿嘅五花肉，鍾意食肥肉嘅人會愛上。配泡菜生菜夾黎食。女仔來講大約食兩舊會開始膩啦。建議多人先叫黎食。🦄 梨汁雞腿肉 $88🦄 評分：8/10酸甜嘅梨汁可以減低油膩感。燒到塊雞皮脆卜卜。🦄 八爪魚 $108🦄 評分：7.5/10彈牙有咬口，不過燒完八爪魚就要換一次個烤盤，建議較後時間先燒黎食。🦄 甜辣炸雞半份$118🦄 評分：7/10呢個炸雞抵食，半份都有7大件左右。上枱熱辣辣，香脆肉嫩多汁。真係食得晒先好叫呀因為炸雞都好飽肚。🦄 冰涼薄荷乳酸梳打 $48🦄 評分：6.5/10偏甜岩哂螞蟻人。🦄 藍天使梳打 $38🦄 評分：6/10#炑八 #炑八韓烤 #Meokbangbbq #먹방 #韓燒 #燒肉 #韓國菜 #韓國餐廳 #韓國

行完美麗華，終於會合剛剛放工既朋友仔一齊食韓燒實在太肚餓，忍唔住叫下肉肉同埋海鮮真係好多野食，而且服務都好周到仲幫我們處理條五花腩換碟都換得好密又細心特級牛肋骨連骨帶肉，成塊布甘長，係幾誇張既用上秘製韓式醬油醃製，因為醃製有一定時間好入味，而且筋腱位已經處理食落去很軟稔，肉質鮮嫩，肉汁在口腔盤旋原味牛舌 牛舌油脂豐富，薄薄一片，夠濃味，食落去好柔軟厚切五花腩 油脂芳香濃厚，肉質結實，肉味香，加上四周都煎封，先鎖住肉汁，再熱一熱就容易剪，配上生菜，堅係正，記得蘸上豆瓣醬，好好食梨汁雞腿肉 雞肉多，而且很嫩滑，香甜梨汁醃漬，非常入味。八爪魚 八爪魚很彈牙，加上秘製辣汁，很惹味又香辣甜辣炸雞半份 辣度都岩我哋食，甜辣醬沾滿炸雞的外皮，既香脆又滋味。叫了藍天使梳打，湛藍的色彩很夢幻，打卡都靚。荔枝梳打係我至愛，因為果香味濃，拌勻後很香甜。

早前去旺角炑八分店俾店員sell左買月餅套票，其中包左一本餐飲passport (禮劵需要喺九月尾之前用晒），所以今日我地又去幫襯，不過揀左尖沙咀分店諗住唔洗次次去同一間有新鮮感啲…點知就中晒伏啦.. 呢間分店係地牢，內裡裝修充滿歲月痕跡，加上近乎冇開冷氣嘅溫度，大熱天時真係好焗，成個lunch過程不斷出汗真係好影響心情…..💦🪑走廊通道比較狹窄，座位以卡位為主，但枱面比較細，適合2 人用餐多啲。Lunch Menu特級芝士泡菜五花肉韓式拌飯 $68lunch跟餐包前菜一碟同蘿蔔湯賣相似pepper lunch 果種用鐵板上，芝士夠晒多，可以做到拉絲效果泡菜同五花肉份量都算多，食肉獸都夠😛敗筆位係個飯好林，見佢都用咗珍珠米，但冇飯香亦冇煙靭口感。辣炒芝士年糕拉麵 $68韓式辣醬帶甜，公仔麵比較林，韓式年糕今次係用片狀，比較有咬口，個人比較鍾意片狀多個條狀🤔🧋凍檸茶 跟餐+$8賣相幾好大大杯又有4-5 片檸檬咁，但極度懷疑佢係用雀巢檸檬茶做底加水而成🤭

上星期閒日同朋友食預祝生日飯，吾想食韓烤放題，最後在網上訂了尖沙咀炑八韓烤，但真是絕對失敗既選擇。某些食材超差，飲品疏打水冇味，環境十分熱冷氣又吾夠，仲系出晒汗，最後同侍應查詢，只給了我們兩把便㩗風扇仔吹下。😑風味牛肉拼盤，HKD258 炑八秘制豬肉拼盤，HK208蒜蓉蜜糖雞腿肉，HKD98蒜蓉牛油金菇，HKD48鰻魚，全份，HKD248（差差差）海鲜煎葱餅，HKD92（全晚最好食系佢）最後點了：人參雞湯半隻，HKD88（好咸😑）到最後唯一可以接受的，限時用餐90分鐘後，因店舖冇乜人可以不用趕住埋單，繼續吹下水咁。

平時呢個免費泡菜蛋至少食3轉。今日1個半小時都唔熟仲有怪味！佢話因為冇用鐵板先會甘！我都好堅持唔都知係呢度甘樣食左N甘多次！佢講講就行開不了了之！Staff 真心唔掂！

有一段時間冇食韓國菜 今日朋友突然訂咗呢間令我又諗翻起燒肉同鍋邊蛋😋😋未去到先流口水🤤我們點了二人餐 +2杯飲品 埋單大概$1100呢個set其實有超多野食🤣🤣仲可以加購餐具不過我開頭掛住傾偈沒影晒全部菜式😂綠綠地色的這個醬超香😋😋幾好食芝士粟米超正refill左2次🐷🐷🐷魚就一般😬牛/豬最好食👍依家寫食評睇返又想食🤭🤭應該很快會再韓燒哈哈哈 不過最近食太多美食應控制下🥺🥺😩

見OpenRice有得book位又有Asia miles 可以賺分，咁就book左去炑八食韓燒🤩我book左6點，炑八當日5:45左右打黎reconfirm booking 😂～仲會問埋要唔要有別order要留定，例如：醬油蟹，鰻魚等等我早左小小未夠6點就到左，我一坐低待應們好有效率咁開爐，再將芝士粟米同埋泡菜蛋漿倒入燒爐邊，一輪衝鋒之後我終於可以睇menu😂。個爐可能火力好大，坐多10分鐘，覺得慶合合 🔥 咁…點完餐之後佢地先會上前菜同沙律菜🥗最後點左：1️⃣韓式豬大腸2️⃣牛肩胛肉3️⃣薄切牛舌4️⃣海鮮煎餅唔多唔小都有d出乎意料嘅驚喜，大腸無臭腸味，件件燒完都好香口；牛肩胛肉都好味但切得太薄; 牛舌就一般水準；最有驚喜都係個海鮮煎餅…唔會太厚同埋脆口得黎仲要足料海鮮，絕無馬虎👍🏻總結：諗住連鎖式經營都會比較hea…炑八食物質素都算有小小驚喜，價錢都合理，所以都會再Encore 🤗

👯被門口食物海報吸引😋雖然店舖要落地庫,仲以為好細間, 原來有驚喜🤩全部卡座位, 非常舒適闊落通風系統頗佳,兼且沒有油煙味👍點餐後服務員即時送上🥣蘿蔔湯🥗韓式前菜辣泡菜,酸蘿蔔,芽菜仔,海藻青瓜見到都即刻胃口大開😋烤爐兩邊是泡菜蛋 &芝味粟米蛋推介選擇👍特級牛肋骨 $255牛肉味香濃,有嚼口感😋🥬這款生菜,菇菌及一隻大蝦🦐是推介的伴碟😉😆略嫌大蝦肉質不夠彈牙🐂風味牛肉拼盤 $236牛舌,牛小排,牛五花,牛胸肉牛舌薄身快熟,口感爽彈牛五花,油脂分佈均勻牛小排及牛胸肉,均有醬汁醃製過, 放在烤爐上,已經肉香四溢肉味香濃😋🐷特製護心肉 $98肉質鮮嫩,好有嚼口感個人認為不用點任何醬汁沾上少少鹽吃已經好好味😋甕醃韓式豬大腸$76因為已經醃製過,好夠味道烤香後即吃, 外皮煙韌中間軟腍口感層次豐富😍😋🍹冰涼薄荷乳酸梳打 $48🍓皇牌士多啤梨乳酸梳打 $48大大杯, 好睇又好飲果香加乳酸味, 味道清新🥰

好耐無得去韓國😭😭，好掛住韓國野食，有d似思鄉既感覺🤣🤣🤣所以weekend就去左食一餐好既韓國野😋😋😋 友人推介📍#炑八韓烤 既lunch set好高CP，決定去試一試😌😌😌1. 炑八特製三品拼盤⭐️⭐️⭐️這一個set係for貪心既人(即係我😛😛)，佢有齊晒梨汁雞肉、護心肉同牛五花肉for韓燒，另外重有跟湯、飯同伴碟，都係$118咋😳😳梨汁雞肉ok但無咩特別。而護心肉就幾重肉味，我比較鍾意佢。2. 特級蔥蒜牛五花餐⭐️⭐️⭐️⭐️呢一個set嘅牛五花，其實同頭先拼盤既牛五花係同一樣嘢，分別只係單點牛五花嘅份量就多好多，這個牛五花既牛味幾濃，而且燒烤後又唔會變香口膠，好重蒜香又好多汁☺️☺️3. 迷你紫菜流心蛋飯⭐️⭐️⭐️⭐️好食！🥰同牛角紫菜玉子飯係同一類型嘅美食😋😋4. 韓式炸雞⭐️⭐️⭐️Ok既，不過無咩驚喜😇5. 韓式伴碟⭐️⭐️⭐️今日嘅伴碟有4款，有泡菜、豆芽，醃蘿蔔同海帶。特別一讚嘅係個海帶，酸酸甜甜咁好開胃🥰🥰而且可以任refill，我就refill咗三次！😛😛野飲就叫左柚子檸檬梳打同薄荷荔枝梳打，都係個d無咩特別🙈🙈兩個人食左咁多款食物，埋單都只係$251😳😳😳CP好高！🍽 環境 ⭐️⭐️⭐️🤵🏻‍♀️ 服

【釜山海之物套餐】$588 先上前菜 例如芽菜、蘿蔔、泡菜等而爐上面就分別有芝士粟米🌽同泡菜蛋全部無限refill🥰！當中最好食嘅係 泡菜蛋佢唔會整到好乾 係熟與唔熟嘅之間簡直係啱啱好😚主角分別有兩大盤烤肉同八爪魚🐙～兩大盤烤肉 分別有醬油五花肉、雞肉、小牛扒等五花肉 油脂分布平均 食完即融小牛扒 肉質嫩滑香濃 而釜山八爪魚 真係超級彈牙咬口店員仲主動幫我哋 剪開 教我地點煮 好細心😚因為萬聖節嘅緣故 仲上咗兩碟特色小食分別係搞鬼壽司 同南瓜蔬菜🎃全部都整到好得意 好有萬聖節氣氛👻炑八韓烤親子餐廳 (觀塘)觀塘鴻圖道90號2樓

好朋友回港，好想食韓燒，尖沙咀甘多間吾駛唸就話去炑八。入到去環境舒適，卡位多、座位闊落，抽風好食完冇油煙味。 最正係除左沙律外,韓式前菜，泡菜, 芽菜仔, 特別有我最愛的酸蘿蔔, 不斷refill。而爐邊泡菜蛋及芝士栗米都係免費添加, 送飯一流。 霜降牛小排/炑八秘制豬肉拼盤/蔥蒜牛五花/烤豬肋肉，全部醬料醃製鮮味, 吾會似放題質素。 五花肉係必點，今期活動推介，成功完成魷魚遊戲可以免費贈送烤豬五花腩一份，有得食又有得玩，有睇過戲就知點整到出黎，考下自己又做唔做得到入會做會員，積分仲可以換野食，值得長期幫襯 蔥蒜牛五花炑八秘制豬肉拼盤霜降牛小排韓式烤豬肋肉柚子蜜柚子檸檬梳打

相約朋友去食韓國野 ,當然去炑八韓國餐廳, 再去享用一下佢哋嘅下午茶餐等了一下子, 就安排了坐位了, 保持一貫良好服務水平, 我哋好快點餐了六選三嘅下午茶餐 , 另外加點了期間限定的南瓜牛骨煲(萬聖節）, 份量相當豐富了； 當中選了牛排/雞肉和五花肉, 味道保持水準, 醬料醃製美味, 建議不用再點取其他醬汁了, 己可以好好享受韓式燒烤美食, 同時餐廳提供無限次加添雞蛋汁, 又有泡菜, 芽菜仔, 特別有我最愛的酸羅白 ,真係食不停口期間限定的南瓜牛骨煲十分好味, 牛腩烹製得十分柔軟入味, 真係接近入口軟綿綿的口感,整個南瓜份量, 相當飽肚, 好值得推介給大家 .今個下午茶真令人回味, 我哋己約定要好快再來大吃一餐了, Yummy Yummy

上個月食過炑八加咗佢哋個做會員，就因為新會員就送咗個「韓式甜辣炸雞」。就因為個炸雞🍗所以今日又去食炑八。 本來想食韓國豬手，最後決定先食鐡板芝士排骨。味道很好加上軟軟的芝士真係太邪惡了。食完要向上帝禱告。下次唔好食芝士排骨都係食豬手好d，無咁罪過！因為上次食飯有積分所以換咗兩杯特飲，青擰梳打同荔枝梳打。少甜、口感清爽、又吾冼錢當然ok la…. 食完個辣雞吾夠喉仲要多個蜂蜜牛油炸雞🍗，我覺得太甜了，馬馬地！烤肉食咗兩款牛前胸肉太薄同太少件了（4件），貴咗d… 今次又加左d積分，你估下今次又送d乜嘢吸引我再去幫襯呢？

行街行到咁上下，又到晚飯時間，又要諗諗食咩好，咁啱行經過餐廳門見到燈牌，醒起都好耐冇食燒肉，所以就決定食燒肉。入到去環境舒適，座位闊落，抽風系統做得唔錯，冇咩油煙味，枱上面仲放咗一次性圍裙，唔怕整到自己成身都係。座低後即刻叫咗個套餐，落完單就即刻上小菜同埋爐邊嘅泡菜蛋同芝士粟米，小菜有4款，有芽菜、泡菜、海帶、蘿白，4款小菜味道都好好味，酸酸甜甜帶點辣，好開胃，仲可以無限添加。主菜到咗即刻燒嘢食，成個套餐入面最鍾意牛舌、霜降牛小排、大八爪魚，牛舌比較薄，易熟，好快就食得，肉質彈牙，配埋唔同醬汁，各有風味。霜降牛小排，油脂分佈好平均，加上醬汁醃過，燒完就咁食已經好夠味。大八爪魚都有用醬汁醃過，鮮味又爽口，八爪魚比較大隻，建議剪開燒會方便啲。食完再配番杯冰涼飲品，好滿足嘅一餐。