炊公館 (已結業)

第一次來到炊公館，位於銅鑼灣中心地帶新building，見到露台個無敵靚海景，心裏面的感覺得一個字，正！打開drink list, 只得好少選擇，Bartender 這時候剛好出現，親切的問我們鍾意飲乜嘢，佢可以按我地喜歡的口味調俾我地，結果我地點了一杯Mojito，和一杯Bartender特別調製menu上沒有的熱mocktail（唔記得影相），一杯好香花果味的熱飲，入面加左果jam同有玫瑰花碎裝飾，有驚喜！另外點了兩款小食，咸蛋黃薯條，嘩！超好食還有滷水大連鮑魚，這款冷盤整得幾好，鮑魚好入味，都幾彈牙。

之前跟過同事黎呢度Happy Hour，畀呢度個超開揚景觀加埋舒適悠閒氣氛完全迷住，最近知道推出左High Tea Set，供應時間由3pm去到5:30pm，趁星期六收工之後，急不及待拉埋個同事上黎一齊食，好好享受週末時光！入到黎見到差唔多枱枱都放左個下午茶架，氣氛一流，完全hea mood啟動，我地都毫無疑問來一客tea set，兩個人$298加一，有埋餐飲，加$10可以轉Mochaccino、Latte或者Cappuccino。個set包括迷你鮑魚龍蝦漢堡、西班牙火腿粟米餅、橄欖油沙甸魚、西班牙三文治(煙三文魚、雞肉)、精選蛋糕同埋芝士蛋糕。一上枱見到咁精美，自然要比相機食先啦！之後同事試左個迷你鮑魚漢堡，我就試迷你龍蝦漢堡，d龍蝦肉相當澎湃，一咬落去成口都係好豐富，味道亦幾鮮甜，同事比左少少鮑魚我試，鮑魚crossover漢堡又幾有新鮮感喎！之後食西班牙三文治，有兩款餡料，分別係煙三文魚同雞肉，外層鬆脆，入面鹹鹹地，味道唔錯；而西班牙火腿粟米餅炸到脆卜卜，口感好rich，入口帶甜…食晒d無咁濃味嘅，先至食橄欖油沙甸魚，魚肉結實無腥，橄欖油清香提鮮。最後食埋幾件cake，感覺都幾酒

Blue Monday 特別憂鬱星期一，國慶過後，要從歡欣的假期走出來，面對沈重的工作，心情特別糾結。下班後相約好友兩夫婦試試新開的餐館，希望一解心中鬱悶。在OpenRice 簡單搜尋一下 ，我們選擇了這間在銅鑼灣有室外座位的炊公館這間餐館擁有燦爛的維港景緻，令人心情愉悅放鬆了很多。 我們點了四個餐2 x Menu A 2 x 精選生蠔鵝肝牛柳餐左起：香烤帶子、白毛豬野菜卷、西班牙火腿很普通 帶子過熟龍蝦鉗沙律沙律菜像是伴碟的菜，不夠新鮮不夠爽脆蝦鉗是啖啖肉，但用的都是雪藏波士頓龍蝦，對味道不能有大期望，賣相亦凌亂香煎法國鵝肝以水果片如蘋果菠蘿夾着鵝肝來吃，是很好的配搭水果片的酸甜能去除鵝肝的油膩松露野菌湯西班牙鮑魚海鮮飯賣相不錯以大鮑魚殼盛載着西班牙飯，內有一些青口和蜆，味道也是一般開邊烤龍蝦OvercookTiramisu 港式tiramisu 沒有酒味 比較乾脆麻花我很愛吃脆麻花的 雖然比不上中式酒樓做得好但也不錯👍服務方面我們一行四人都認為需要改善侍應們目無表情 甚至面有不悅 絕對影響食客心情其實餐廳的地理環境優越如果在菜式花點心思、改良一下服務相信會有更多食客以後，我想我只會

阿頭約左個熟客喺銅鑼灣一間餐廳傾嘢，話帶埋我出去Happy Hour見識下，咁都幾好喎，早D離開office，感覺好似提早收工咁~上到黎呢間bar，心入面真係忍唔住”嘩！”一聲，因為個view好正，居高臨下超開揚，完全令人心情大好，望住呢個景好唔捨得走，身心同個腦都放鬆晒！阿頭同個客勁好傾，我就負責叫嘢食大家share，見有幾款snack都好似幾有特色，所以就每款都叫黎試下。蜜椒雞中翼($48) 無骨啖啖肉，外皮充滿蜜糖既香甜味，中間放兩條長長鮮蘆筍，好惹味。黃金薯條($42) 特別粗身又特別脆口，熱辣辣勁搶手，幾乎有一半都入左我個胃。咖哩西班牙香腸($86)超多咖哩鋪滿每片西班牙香腸，咖哩夠香又唔會太過嗆喉，西班牙香腸味道重、好有嚼口，濃濃既口味堅夾啤酒。酥炸洋蔥圈($42) 炸到金黃色，食落好鬼死脆卜卜，味道香甜。阿頭同個客都叫左Hoegaarden($58)，我就試左杯Mocktail($55)，呢個價錢好親民，Happy Hour認真happy，最重要係我只負責飲飲食食，好多嘢阿頭自己傾掂，我會唔會太幸福呢？

看到他們的半自助午餐，海景座，非常吸引，新開張於是去打卡，頭盤吧好簡陋，有菜有豆，兩三樣甜品，自助非茶。其實銅鑼灣供應半自助餐的有幾家餐廳，價錢比他們平，如名店坊的Mr. Steak, 但人家的頭盤和甜品bar比你他們大四倍，有蝦和青口，King Ludwig的頭盤也比他們大三倍，另外Wildfire和UCC的沙律吧也比他們好，所以我吃了一次沒回頭了，但他們的海景是最好的，讚！

野食非常唔好食！又鹹又細碟！意大利飯又酸又鹹垃圾中垃圾！一定唔會再光顧服務都差！隻碟全部骨都唔換！落單又唔耐煩，西西地面！唔怪得無客啦！環境可以！只能飲酒傾計的地方

昨日同朋友再食E間銅鑼灣的新餐廳，個海景view超正唔在講，裝潢氣氛又好有格調，想同朋友靜靜地傾下野，可以舒服咁感受下眼前一切，確是一絕！點左OPENING SPECIAL Menu的SET，無論味道、賣相都一流，SET A包龍蝦鉗沙律, 香煎法國鵝肝配意大利香醋, 松露野菌, 烤開邊龍蝦, 紅酒牛尾, 西班牙鮑魚海鮮飯, 氣氛加埋咁好的食物，真心超值！不過E家就無10月剛開時咁著數，只係有75折姐！ 

同兩個同事今日可以話係忙到甩碌，真係食啖飯都要9秒9完成，算！長命功夫長命做，去個Happy Hour鬆下好過，既然個腦實晒都再諗唔到野，真係要去抖返啖氣。同事話公司附近開左間幾好嘅餐廳，環境好適合Happy Hour減下壓，所以三個人就一齊出發去叉叉電。上到黎呢度，唔好話我誇，可以講係一秒即減壓，因為望住個咁開揚既view，心情馬上變好，公司d麻煩野都立刻通通拋開，搵個outdoor位坐低開波吹水飲野。三個人都叫左唔同既野飲，整體上價錢都好合理，喺呢種環境下呢個價錢仲想點？之後叫左兩款小食大家share下，話晒今日lunch食得咁hea，真係好想食返d有少少質素既野balance返下。首先係西班牙火腿($128)，有幾款mix埋一碟，望落色澤好靚仔，咬落口感好細膩，鹹度適中等，可以話佐酒一流。另外個同事想食烤意大利火腿pizza ($148)，一上枱就聞到濃濃既芝士香，薄薄批底極香脆，舖滿芝士好香口，拉絲芝士好幼滑，成塊都好滋味。抖夠之後，又要返去繼續受罪，不過心情就由谷底上升返幾級喇！

收到同事比張$50優惠劵，就同男朋友去這間新開嘅餐廳試吓，午市佢哋做半自助餐，有我至愛羅宋湯，羅宋湯不算濃郁但都唔油，可以接受。其他自助沙律、甜品、茶咖啡無限任添，好嘢！主菜我哋叫了龍蝦加A3和牛同BBQ Baby Ribs, 龍蝦同和牛簡直是人間美食，先嚐嚐龍蝦的鮮甜，再吃吃和牛的濃郁，超正。BBQ Ribs應該是生燒的，有肉味，最窩心就係比埋BBQ sauce點薯條。原來這裡的Happy Hour由12:00到21:00 我哋當然唔執輸叫埋嘢飲，一邊欣賞維港景色，一邊嘆凍飲，每杯都是$58好開心呀！

之前喺佢地尖沙咀iSQUARE分店同同事食過semi lunch buffet，勁鍾意佢個開揚維港景，同埋食物有水準，所以印象幾深。今晚同兩個舊同事喺CWB想搵地方Happy Hour，大家都諗起炊公館，可惜而家大家都轉左喺港島區返工，實在唔太願意過返海食飯，唯有上網search下CWB有咩新餐廳，點知畀我地睇到原來炊公館啱啱開左新分店，就喺世貿附近，既然咁有緣，一於揀呢度Happy Friday！新店位處25樓，同TST店一樣，一入去就有居高臨下feel，完完全全被眼前180度維港景迷住，呢度可以望返過去尖沙咀果邊，朋友好搞笑話兩間分店嘅食客會唔會可以望到對方呢？hahahaha……景觀一樣咁正，但裝潢氣氛就有d唔同，呢度design走型格時尚路線，可能因為餐廳名多左個”bar”字，bar檯位置自然成為焦點，好適合盡情飲野傾計~見到露台仲有位，實在好感動，可以對住個咁靚嘅景，我地立即啟動喪影mode~呢度嘅Happy Hour由12noon去到9pm，期間仲可以順便睇埋幻彩詠香港，絕對係bonus。Happy hour期間，大大杯啤晒只需$58，搞到平時好少飲酒既朋友都忍唔住叫左杯，