燦記路邊雞海鮮飯店 (裝修中)

九龍城老字號燦#記路邊雞值唔值得排？確然係雞有雞🐔味，腸有風味😆,炸鮮奶有椰汁味🥥炸大腸真係做得好香脆，送洒真係大滿足🍻🥂豉油粉腸掛汁！好食！其他例如椒鹽豆腐，炸鮮， 川椒魚皮都各有特色燦記路邊雞海鮮飯店 (九龍城)九龍城南角道38-40號地舖🌟食評指數：7/10💁🏻‍♀️人均消費～HKD230🗺️ 地址：燦記路邊雞海鮮飯店 (九龍城)九龍城南角道38-40號地舖

一大班朋友外出晚飯，想要吃風味港式小菜，就選擇了多次光顧的燦記路邊雞海鮮飯店。餐廳環境是傳統的港式餐廳格局，空間不算大，侍應服務是走平民路線，有時未必會照顧周到，但都算親切。路邊雞雞肉嫩滑有雞味，肉質結實不會過肥，配搭蔥油惹味十足。薯仔炒牛柳粒牛柳的火喉剛好，不會過韌，而薯仔炸得香脆，配上蜜糖醬，令人一塊接一塊的吃。乳鴿乳鴿皮脆入味，跟其他酒樓的質素差不多。籠仔蒸蝦飯開邊蝦配上蒜蓉，飯吸收了滿滿的蝦汁，但如果可以多點蝦就更好，因為不太夠一枱人分呢。炸鮮奶已經得少地方可以點炸鮮奶，所以也是每到必點的甜品。鮮奶很香滑，外皮炸衣很酥脆。小炒王花椒鼓油皇炒米

九龍城老店試完後不知所謂！味道唔掂之餘仲要好屎！食碟豉油王鵝腸仲要冇味，唔知師父係咪唔記得咗落鹽。全場待應冇一個記得戴口罩，令我彷彿置身於2018年時！枱上轉盤嘅螞蟻不停爬出，好有大自然既感覺！

今日老公嚟接我收工，一如既往上車嘅第一句佢都係問我:今晚食咩啊老婆？我話今日開始有冬天嘅氣息，聽日都立冬囉～想飲個燉湯食個小炒，兩個人都異口同聲咁講咗句：路邊雞！一入到餐廳已經座無虛席，好彩咁啱有人埋單又有兩個位，唔駛等就係快其實菜式選擇唔多，不過食過好幾次都好出色，今次燉湯都係揀川芎天麻燉豬腦，老公就揀燉響螺，睇一睇原來已經有羊腩煲，不過今日天氣未算最凍，等遲啲再凍嗰幾日先過嚟試佢羊腩煲喇落完order去完個廁所返嚟就即刻有湯飲，熱辣辣好多人都好怕食豬腦，其實計我話你一年食得幾多次啊，咪當俾個quota自己一年飲兩次燉豬腦囉本身想影埋老公個燉響螺湯，點知佢把佛印咀轉眼間已經飲咗半碗仲叫咗個脆奶拼芝心蝦丸，老公話成日叫埋啲小朋友菜，我就話你唔識欣賞啦，點知上枱你咪又係同我爭食脆奶炸到熱辣辣脆卜卜，出面層炸漿又薄，咬落去真係好有滿足感。芝心蝦丸咬落去爆芝士，雖然話要趁熱食，但係都要小心呀仲叫咗個XO醬小炒王，今次就炒得太油太濕啦，唔係好啱食，下次都係叫返普通小炒王。不過成碟菜令我最驚奇嘅就係，上面有一個好大舊嘅檸檬，但碟菜又冇酸味有冇檸檬味，究竟呢個檸檬嘅作用係啲乜嘢呢？雖然係為咗佢個燉

有返晚市堂食，去到九龍城食好西，呢間主打路邊雞既燦記，果然唔會失望。正宗路邊雞：雞肉非常嫩滑，就算食雞胸都輕易咬開，完全唔柴口。招牌鮮雞什：兒時在家就見得多雞什，好耐同好少在飯店見到有雞什食，以雞腎來說，鮮雞腎冇咁咸同比較軟身，口感更佳。籠仔蒸蝦飯 ：蒜蓉開邊蝦鋪在炒飯面上蒸，炒飯吸收晒蝦既鮮味，味道好正。唯一敗北位，飯身太濕，冇左一粒粒飯既爽口口感。#燦記路邊雞海鮮飯店 #晚餐 #gathering #九龍城美食 #九龍城 #正宗路邊雞 #籠仔蒸蝦飯 #招牌鮮雞什 #燉湯

來左呢間路邊雞食左好多次, 但今次有 D 唔同, 其實 D 野都係自己平時食開果 D , 不過今日個賣相真係靚仔左好多, 所以上枱就即時加哂分, 大家都知呢間係做街坊小菜, 味道就當然唔會點差啦, 如果唔係都唔會成日過來食其實屋企唔會成日點煲燉湯的話, 落來呢度飲真係幾方便, 起碼價錢唔貴, $3X 就有一個, 而且好多選擇, 用料又足既燉湯, 飲入口就知道係有料到 ! 另外就係呢度既小炒皇, 非常之惹味, 尤其我最喜歡食既魚干仔, 韮菜, 完全係匹配 ! 雜魚基本上每次來都會叫, 有時會有 3, 4種唔同既魚, 今次就兩種, 佢地呢度既做法係椒鹽, 真係可以話好食到連骨都食埋, 因為今次想食炸大腸, 所以就叫左來食, 熱辣辣又好味, 少少脆, 咬入口果種感覺難以形容, 不過就真係要襯熱食, 凍左就會比較硬身 D !

由黃竹坑去九龍城 ，搭地鐵快，但轉了幾次線，要行，好累出口直行過馬路已到達.，非常方便反而老爺奶奶由紅磡搭巴士來，塞車。6點15分到達，幸好無book位，仍有枱。我見6點已坐滿一半。好耐無食過炸大腸，但呢間唔脆本想食鵝腸，但他們不太喜好內臟，所以我只選炸大腸蜆介鯪魚球，鯪魚球太咸。池記好好味。好耐無食蜆介醬蝦醬通菜，醬不太夠，也太咸唔覺是新鮮雞，幸好不肥，雞皮無太多脂肪，夠滑。肉質唔夠質感。墨魚膠不錯，彈牙，有墨魚味招牌肉，豬扒有點肥只有5人，未能試炸饅頭，椒鹽九肚魚，大良炸鮮奶......

相傳路邊雞的起名有兩個, 一是因為創辦人在九龍城寨的路邊擺檔賣白切雞, 另一個是因為在那裏工作的苦力, 吃飯時候只能在路邊吃其切雞飯, 無論如何, 這家已有70年歷史的燦記, 不如其他在九龍城的出名食肆般高調, 從攤檔變成餐廳, 默默地見證着九龍城的變化. 以其名命的路邊雞其實就是白切雞, 雞味夠, 雞肉肉質嫩滑, 雞皮口感彈牙, 除了從雞肉質素見得出是新鮮雞外, 這裡提供的雞雜也是證明. 薑蓉也比傳統的不同, 以高湯代替油, 味道柔和也較少油膩感.鍋貼小棠菜外皮香脆沒油膉味, 內裡用上魚肉蓉, 口感彈牙, 外表公整, 和餐廳店面的平實外觀相映成趣. 至於豉椒白鱔味道一般, 份量偏小, 而且每件件頭細, 白鱔還有少許泥味, 相對來說就有點失色了.

和4位朋友在九龍城食午餐去幾間cafe都爆棚行過這間老店，冇人排隊，枱大舒適5個人叫餸食飯，份量夠招牌雞好好食，籠仔蒸蝦飯十分入味咕嚕肉吹香湯都好飲傳統老店都值得推介

屋企唔係成日煮飯, 好多時夜晚唔知食咩既時候,  但又想飲下湯, 都會走過來呢度飲下佢地既燉湯, 今次都不例外, 但就忘記左同燉湯影相, 哈哈自從有一次叫左個椒鹽雜魚之後, 依家每次落呢度食飯, 都一定會 order, 因為真係太好味, 即叫即整, 新鮮熱辣出來, 而且每次都有唔同既魚, 魚仔新鮮特別好食好多, 另外就係呢度既小炒皇, 唔會太油味道又岩岩好, 仲有就係炸大腸, 呢個就唔會次次叫, 因為真係幾肥美, 間中食一次就好, 好多時都忍口唔敢叫, 因為一食就唔會停口, 今次試下叫左個肉碎蠔仔粥, 味道一般般, 始終都唔夠打冷既好味, 可以少左方魚係度, 就係覺得差少少味 ! 

聞名已久嘅路邊雞，朋友講到隻雞天上有地下無咁，終於來會一會佢。當晚可能8點多先來，有部份想食嘅菜式都無，只好改點另一些菜式。好彩聞名嘅路邊雞仲有。真係好滑，真正雞有雞味，薑蓉加入雞湯，唔會好咸。叫左燉湯，真材實料，有媽媽味道芝心炸蝦丸同鮮奶就一般貨式椒鹽茄子夠香脆咕嚕肉係好好食嘅，如果肉質更佳就無得頂全晚最失敗係呢個啫啫通菜煲，個煲係凍嘅，D菜擺明係炒好再放落個凍煲度，而且個菜一D都唔香口，失敗之中嘅失敗

很久沒有吃大牌檔小炒，今天幾位大男人半年沒聚，來到年青時的街邊大牌檔燦記路邊雞（現已入舖），點些高脂下酒菜懷舊下，也預祝中秋節。招牌菜- 正宗路邊雞，加碟雞雜浸雞手藝出色，吃到以前廣東白切雞的做法，新鮮雞，皮爽脆，皮下有啫喱狀脂肪，九剩熟，骨髓帶紅，不柴不起渣，雞肉滑到不得了。配上特別的流質薑蔥醮汁，真是絕配。雞腸爽脆，肝粉嫩，腎甘香。很久很久沒有吃到這樣好吃的雞雜。（要吃雞雜最好預定，供應不多）。炸鮮奶拼芝心蝦丸炸鮮奶，夠香甜外皮脆，不用醮煉奶已十分好吃。芝心蝦丸，外皮有點硬，不過不失。豉汁蒸大白鱔例牌，十件新鮮大鱔片，豉汁調味適中，肉爽滑。炸大腸大腸外觀很吸引，皮脆，腸頭厚的部份有咬口，其他薄的醮糖醋汁也很香脆。蒜香煎雜魚椒鹽九肚魚兩個魚也做得不錯，香脆，我個人便比較喜歡那些帶骨煎的雜魚，用手拿着吃更是知味。蠔仔煎蛋這煎蛋不是坊間的潮式炸蠔餅，只是一大塊雞蛋煎蠔，蛋香味濃，但蠔仔不多。砵酒焗蠔蠔隻不大，有7，8件，但砵酒香氣不夠。鍋貼小棠菜菜上桌很靚，味道可以，但感覺蝦膠拌粉多了點，質地不夠爽。花椒豉油皇炒麵簡單的一個豉油皇炒麵，乾身好味，不過加了花椒油便有些不習慣。點了十一個菜，

好耐都無食過好食嘅小炒了，今次黎到路邊雞，再捨返細細過食開嘅味道。我最中意嘅當然係砵酒焗蠔，好食到爆！用唔到嘅香蒜，紅蔥頭，加上紹興酒整成醬汁，再炸脆生蠔外面，食落簡直係人生一大樂事！另外呢到嘅係其他小炒都相當岀色，啫嘟雞呀，生炒骨呀，都係一絕，尤其係蒸粉絲蝦，每次叫呢個送，我可以食到幾碗飯，唔講得笑嫁。係呢個連鎖店越開越多嘅年代，要食d獨有嘅味道真係越黎越難，所以我自己好珍惜呢d餐廳，有機會一定會幫襯！

與朋友一起慶祝生日，好耐都冇去過九龍城搵食，上網搜尋搵到呢間，預早訂位。飯店格局並唔係食裝修。一枱8人加2位小朋友。點了：沙薑豬肚、薑汁芥蘭、肉鬆蒸水蛋、炒鵝腸、路邊雞、焗蠔、炸鯪魚球、客家小炒、黃金蝦球、鍋貼小棠菜、生炒糯米飯、椒鹽鱔片⋯⋯⋯味道好唔好就好講個人口味，但我覺得真係唔錯，至少feel到尊重食材，絕唔係集團式hea煮。朋友們食到最後才發現有燉湯，下次要再去試吓！

受到推薦，特意前來食雞。平日晚上十點來到，幾枱客人。餐牌以茶樓酒家來說，不大，但睇得出想做專的感覺。雞是必點，半隻。先說擺碟，雞罷得靚仔，發現有一稍有年紀女士處理，更見勵害，斬切齊口無碎骨，比更多男師傅做得好。要麼是老闆要麼是老臣子。脾肉位浸得僅熟，嫩滑，雞味爆出，無疑是鮮雞。皮滑不膩口，選雞靚。以大小推斷未劏淨有三斤，日齡足，味道夠，浸得見功夫。雞胸位細𡟹有汁，無過火，晚上十點光顧仍有水準，相信剛出爐更佳。跟的薑茸有別常見，應該是浸雞水，加薑茸蔥雞油，鮮味，提味。雞已夠味，偶然輕點之則可。墊底娃娃菜也收雞湯精華，不可浪費。碟底無血水，可見熟度掌握得好。鮮蝦荷葉蒸飯。蝦鮮爽，金銀蒜蒸，增味，豉油調得好，略嫌雞粉味精稍過。飯粒爽，加蛋炒過再放籠蒸，手作嘢。遲來的燉湯。胡椒豬肚，湯清甜，無異味，順喉，有胡椒味不嗆喉，胡瓜也是靚貨。杞子圓肉燉雞腳。雞腳夠火喉，湯甜而濃，各類味道有，同時又共冶一爐，和諧出色。整體而言，食物質素上乘，傳統粵菜本如此。餐廳伙計都算有些歲月，和裝修一樣。沒有華麗，某些地方更見殘舊，但人情味濃，斬雞姐姐清潔細心，他的舞台保持得企理，忙完也跟客人吹水，暖心。後場洗手間廚