火鍋頭 (已搬遷) 新店位置

花膠雞湯底鍋超正，可先飲湯，沒有味精，飲完都不感覺口渴。食物新鮮，環境舒服，服務一流！波士頓龍蝦非常新鮮，好好味！少至兩個人都可以吃得，多人又可以試多一些食物，必吃推介

今晚同老公食火鍋，一入去服務店員服務友善。本來想諗住叫豆腐魚湯底，但原來要兩日前打去定，最後叫咗花膠雞湯底。食物方面叫左手切牛、牛丸、芝士丸、魚卜、牛柏葉、支竹，飲品叫左酸梅汁。當阿靚姐俾支酸梅湯汁我地時，佢話得返半咋，當送俾我哋（好好人）。飲完之後諗住叫竹庶茅根，阿姐從我同先生傾計口中知我懷孕，仲好心叫我唔好食乜飲乜，最後只飲水，個刻覺得阿姐做生意有良心。講返嘢食，花膠雞湯底真係好正，手切牛亦不錯！最後食到超飽，埋單亦不算太貴，會再來

凍冰冰打邊爐最好，所以搵下九龍城有乜火鍋好食，見呢間幾多好評就試下啦。當然叫佢最出名既花膠雞湯底，飲左幾碗，發覺佢個湯底比較清，得兩粒花膠。好喇，開始打邊爐，我地兩個人叫左雙拼丸(墨丸同梅菜豬肉丸)，龍蝦，刀貝同竹蔗茅根飲品。d丸好細粒，味道一般啦。海鮮因爲店有魚缸養住，所以係新鮮撈上來，新鮮海鮮係好食既。竹蔗茅根飲品都幾大渣，兩個人飲左好多杯。總括就係...一般啦。不過環境算好坐，職員都好友善，會介紹餐廳食物，地方都算整潔。

今晚一行8人試九龍城火鍋頭火鍋慶祝朋友生日，細細間店有一間包房，我哋8人坐大廳，兩張4人方枱合併一齊坐。先叫左碟鴨舌和蝦丸油炸鬼，火鍋食物很神鮮，店員介紹手打丸和餃子每日新鮮做的，還有新鮮牛栢葉好爽脆，手切牛都可以，黑毛豚肉片好味，牛肉粒煮完都仲彈牙，整體各樣食物都好味，店員姐姐口材一流服務很好，還免了我們生日切餅費，實在太好了。

火鍋篇］天氣凍，人人都想打邊爐九龍城係其中一個揸車嘅好選擇呢間火鍋頭食評非常正面見到仲有清酒飲一於就揀呢間啦餐廳唔係好大間但感覺好舒服枱與枱之間唔會太迫我地兩個人坐左張四人枱因為我想飲清酒有專人介紹佢地嘅清酒選擇並非一般的大路貨色仲有辯天飲但今晚唔飲咁貴揀左枝平靚正嘅久美蒲***************湯底揀左花膠冬瓜雞煲呢個湯底好有驚喜市面上有太多花膠雞煲通常賣點係湯底有好多膠質但呢間係好清甜嘅味道因為有半個冬瓜感覺就好似飲緊媽咪煲嘅湯個湯上左枱，侍應會剪雞同剪湯料個湯底咁正，所以好期待黎緊嘅火鍋食材***************肥牛叫左 頂級本地手切牛肉，呢個有啲失望，因為望落似係機切多過手切***************海鮮有 生猛海中蝦，花甲，兩款都好新鮮，花甲好甜又大隻***************丸類有 手打芝心蝦丸，手打牛丸。不過不失***************小食有 墨魚油炸鬼，秘製冰鎮花螺。超有創意墨魚油炸鬼，仲要好好食呀，正！***************仲叫左一啲蔬菜菇類。整體黎講，價錢不便宜，但食材新鮮，仲有清酒飲，坐得舒服。值得再返黎

朋友推荐，今天晚上和家人过来试试。点了老板推荐的鸡肉冬瓜锅底，然后点了海鲜拼盘（南非鲍鱼、波司登龙虾，蛤蜊？虾子？不知道名字），牛肉，西班牙黑猪肉。食材非常新鲜，鸡肉滑嫩，海鲜鲜甜，味道超好。吃完还喝了一点汤，特别香。我们点了娃娃菜，老板说锅底有建议我们取消，特别贴心。还送了我们特别的自制饮料。老板非常非常热情❤️，服务非常好！物超所值！朋友还说他们的龙胆超级好吃，不过我们这次点得挺多了，没试，下次一定再来吃～～～

友人想喝雞湯，四處收風，轉折經朋友推介到了火鍋頭。在每人面前擺放著的餐具整齊潔亮，感覺很乾淨。來這裡，為的就是這鍋招牌花膠冬瓜濃雞湯雞湯。雞上有數條蟲草花，最引人入勝之處乃冬瓜並不是切件的，而是原原本本整個座在雞的下面、湯的正中央，要用匙羹挖出來吃。先說雞湯，十分之濃十分之甜，喝到雞的精華。因為有花膠，更有些膠質擱在口中。雞肉煲了湯之後仍保持嫩滑細膩，好功夫。小人認為這個鍋的湯是用來飲的，打邊爐有點浪費，因此只點了一碟牛肉來涮。意想不到的是本地手切肥牛的質數可以媲美外地牛肉，嫩口有脂位，灼過之後肉汁和脂肪緊鎖在肉片裡，確實肥美，跟濃雞湯是好朋友。友人甚是滿意，還說下次會同介紹的朋友一起再來！

已經第二次黎食！！今次4個人臨時book枱黎食晚餐！！Book左枱基本上唔洗點等位就可以入座。今次我地點左麻辣併蕃茄薯仔牛尾，前者香辣，後者幾清甜，係清湯以外既選擇！！黎到必點脆皮午餐肉(會食唔停口)，墨魚油炸鬼，手打蝦膠，酸梅湯！！麻辣建議可以加多份豬紅，本身湯底都有少少，另加蜂巢豆腐，炸響鈴好吸味！！頂級手切肥牛值得試！！呢道環境幾好，唔太嘈可以三五知己傾下計，而且地方都好干淨！！今晚大概每人三百左右

呢間九龍城火鍋，真係堅好味👍🏻👍🏻👍🏻去完一次又一次，個雞湯底真係勁好味勁好味！服務好，多選擇，食物新鮮！就係呢個雞湯底，隻雞真係超好味呀！真係樣樣嘢食都好新鮮好味，如果一定要批評一樣嘢食我就會揀牛肉啦，牛肉比較遜色，不過我已經戒左牛肉啦，所以對我來講都冇影響，同埋佢呢度有好多日本酒選擇，個BB象拔蚌又抵食又好食，食滿唔知幾多錢仲有將牛肉卷送，下次可以用，所以打邊爐我嘅選擇一定會來九龍城呢間！

從未試過服務態度咁好嘅食市， 佢地係站喺客人角度去為客人服務， 座位舒適， 又唔迫， 另外最欣賞係水晶粉， 佢地特別為客人提供筲箕， 方便客人， 實在太體貼喇， 依家喺香港， 真係好難搵到一間咁有 heart 嘅食市，如果要比分數， 一定係滿分呀，另外豬粉腸，梅菜王豬肉丸必食推介， 重有雙併只需要按照價錢較高者， 另加10至20蚊， 就可以試多一款食物, 實在為我地呢 d 想試多款菜式客人而設， 岩岩試完一次， 已經好想再番去打多次邊爐喇， 平時我好少寫食評， 但今次真係感動到我

今日去咗九龍城臨時想打邊爐，無訂位注定碰釘。靠彩數打電話詢問，火鍋頭原本都話滿座，之後打翻比我話有人取消訂位，我5分鐘速到！非常欣賞這位與我聯絡的女士，當我到達店子時，謝謝她的安排，她反過來說多謝給她機會，嘗試這裏的食物。另外，有一台麻煩的客人，投訴未有奉上熱水，態度非常討厭，這位女士仍然心平氣和與她解釋不是每位客人需要熱水，但只要要求就會提供。旁邊的我，也看到火都嚟！😡講返食物先，我選擇了番茄牛腩湯底湯底，番茄份量很多，立立雜雜也有多款蔬菜，牛腩非常韌，就像吃着華X牛肉乾，一舊也吃不下。混醬呢part非常重要，基本材料都叫做有！竹蔗水入面相信係道具。響鈴都唔係外邊來貨嗰啲行嘢，一試無妨。40多元的蔬菜份量我覺得可以多一點！頂級本地手切，尚且有牛肉味，但並不嫩滑，非常普通。值得一讚的是這裏的手打墨魚丸，味道明顯而且很有咬口。最後叫的是烏冬及另一款菜，烏冬放上枱時還以為是一開二的份量，望真一點，這是完整的一餅烏冬，確實非常小！彈牙及滑的程度是OK滿意的！這裡有多款海鮮可以選擇，我本來想食糕蟹，但今日沒有提供，只叫了蝦，插着竹籤上枱，但仍然郁郁下，新鮮但總覺得殘忍可怕！盡快送他們上絕路，很

火煱頭的環境舒服，食物非常新鮮，花膠湯底甜而不膩，下次必定要再試豬肺湯底😋😋招牌手打芝土蝦丸，涮涮煱必備響玲，小食鴨舌，實在不得不說一個“讚”字💯💯😎😎店內每位員工都敬业樂业，偶爾傳來一陣妙語生花的生動笑話，為今個冬天的正式拉起了序幕

秋風起 , 吃火鍋的熱潮又來了當天我們三兄弟到了這家吃火鍋 ~醬料款式齊全 , 應有盡有 ~招牌花膠冬瓜濃雞湯煲湯頭頗鮮甜 , 味道具住家湯的味 , 湯帶少許油脂 , 不過喝過一小碗卻感受到湯的清甜也帶幾分雞肉的馥郁 , 花膠的份量亦算是合理 ~雞肉鮮味 , 但肉質是否夠嫩滑就確自己控制火候了 ~ 吃完雞煲之後 , 便入單打邊爐 ....頂級本地手切肥牛 ( 大 ) 肉質新鮮軟嫩 , 入口啖啖牛肉香 , 薄切最適宜灼兩灼就食得 ~ 蟶子皇、南非鮑魚 海鮮只要用料新鮮 , 根本不存在有不好吃的可能 .... 當然 , 也要控制火候 !手打瀨尿蝦牛丸、手打芝心蝦丸一吃便知是是手打貨 , 瀨尿蝦牛丸爽口彈牙 , 芝心蝦丸味道十分鮮口味美 ~ 本篇完 ~

Openrice 揾食見到之前尖咀食過嘅冬瓜雞火鍋，就過來食。其實, 只係個冬瓜雞火鍋兩個人食已經份量不少了, 而且個湯底也好好飲.只點了一件竹笙及一隻鮑魚, 新鮮也算大隻, 都唔錯.竹庶水店員說是店自已煲的, 都幾好飲, 不會太甜也夠味道.湯最後也飲光了, 哈哈!

看到好評如潮，慕名而來！膽粗粗無食過都帶一大班人朋友來食！三個亮點:1.把口朗過油的老闆娘，2.雞湯鍋味真材實料，食材出色不靠味精 3.食材相當新鮮不hea做湊數 ！絕對會再來，尤推薦雞湯鍋底